" اليوم العالمي للسرقه " !! - الصفحة 2

خالد العبدالله · 05-04-10, 05:58 PM

السلام عليكم

أخواني .. اليوم أعطوني إجازه بليز .. والله متخدر وطااااااااافي
نمت امس 12 ساعه يوم وصلت لحايل .. وللحين متخدر !!

عموما" .. الليله أو بكرا الصبح بحول الله أبجي وأرد علي كل واحد منكم
لكن اللي يبي هديه صدق .. يحط لي أكثر من 10 إجابات .. يعني يرسل لعشره و أكثر
والـ ( أفضل ) إنكم تكتبون منهم اللي ارسلوا لكم .. اخو .. أبو .. زوج .. صديق عمل ) يعني كذا

لكن والله اسعدتوني هههههههههههههههههههههههههههههههه

،

رونق .. وش بك على البنت !

خ.ألـد

مشاعر انثى · 05-04-10, 06:11 PM

روعتيني ياااارونق

اشوى هذولي عاد بنات اخت زوجي { يعني اشوى متطمنه انا 00 ينقال عني بهدّي الموضوع ^_* }
عاد كيفهم خليهم يسرقون شماغه ههههههه بالعافيه عليهم0

وانت ياخالد ننتظرك على خير والف سلامه لك

الصوت المسموع · 05-04-10, 10:31 PM

السلام عليكم , أستاذنا الكبير :خالد العبد الله

بالنسبة لموضوعك والله حلو , وفكره ممتازه

لكن أعذرني وانا اخوك خذها من قاصرها (ماعندي شي ينسرق )

ودي أرسل بس كسلان :rolleyes:

الصوت المسموع · 05-04-10, 11:06 PM

جاتك عاد راعية الكفشات

انتي لو يشغلونك في دوريات المرور كان ما احد يعدي من عندك هههه

مشاعر انثى · 06-04-10, 01:02 AM

هلابكم
صح كلام رونق الواحد لازم ياخذ احتياطه الدنيا تخوف ^_^
بس اشوى اللي يبي يسرق شماغ زوجي مضمونه قريبه لنا0 لو مو قريبه كان وريتها نجوووم الليل وعفاريت الظهر { يعني نجوم القايله يعني انا سنعه عكست المثل هههه }
المهم بكمل مشواري مع الرسايل
وين وصلت لحظه خلوني اشووووف كم رساله وصلت امممم { ايه رقم خمسه}
يلله ابدي00
6_ صديقتي ابي قلبك000 والباقي ماني مكملته كيفي عاد ^_^
7_ صديقتي طيبتك وعفويتك
8_ بنت جارتنا هدوءك
9_ بنت اخت زوجي حاولت ادور شي اسرقه منك مالقييييت إلا ولدك الصغير 00
10_ ؟ ولاشي
11_ ولد بنت اختي بسرق البلاك بيري {امه رافضه تعطيه البيبي لانه توه صغير عشان كذا حاسدني ههههه }
تراني مطوله السالفه طويله لكل اللي عندي ارسلت لهم يلله برسل الله يعينكم على المغثه
12- عاد هذا اخوي { مافي ولاشي اسرقه منك روحي الله يستر عليكِ { عاد هنا طاح وجهي من الفشيله }00 كله منك ياخالد احسب راح احصل كلام حلو طلع خرطي00
13- اخوي اللي اكبر مني بسنه عاد هذا وش حليله رفع معنوياتي شوي ارسل وقالي{ كسرتي خاطري ماني سارق منك ولاشي انا ابيك تسرقين مني بعطيك كرت شحن عشان تعبين رصيدك بدال ماترسلين { ببلاك بيري ورصيدك فاضي } والله كفوا اخوي صرت انا اللي اسرق الله كشخه والله من قدي00
14_ جارة امي الله يحفظها اسرق طيبتك { ماصارت طيبتي شكلهم يجاملوني }
15_ عاد هذا شيخنا ولد اختي لبه قلبه اسرق هدوءك 00 وبس
هذا ياخالد فضيت كل اللي بجوالي من سرقات ومسروقات وبسسسسسس
عاد هنا شطبت وتعبت من كثر ماارسل الله يعطيني العافيه ويعطيك العافيه اخوي خالد00
وسلاااااااااااامتكم
{ سويت تعديلات ياخالد مثل ماقلت صراحتي كلها طلعت }

مشاعر انثى · 06-04-10, 02:59 AM

جتني رساله هلحين وتقول
{ بنت عمي بما ان اليوم العالمي للسرق وش رايك نسرقك انتي بكبرك } ههههه والله خوش سرقه
وبس هذي الرساله توها طازجه عشان كذا ارسلتها لكم

خالد العبدالله · 06-04-10, 09:27 AM

السلام عليكم

أختي توتـه

عليك السلام .. ورحمة الله وبركاته

فخر .. ماسقتيه لي من حروف
و
ليس أسلوب خاص بي .. بقدر ماهو خالد بنفسه جاء فكتب
فقط

بإنتظار عودتك .. قبل الجمعه .. اما بعدها فلا يحق لك المطالبه بالهديه
وياليت تكتبين جنب كل رساله .. من هو صاحبها ( يعني وش يقرب لك )

خ.ألـد

خالد العبدالله · 06-04-10, 09:30 AM

السلام عليكم

نايف الشمـري

جميل هو تفاعلك مع الموضوع .. و الأجمل أني ( سرقت ) مشاركتك هنا
هههههههههههههههههههههههههههههههه

توقعت أن تصلني منك رساله بالسؤال نفسه
:(

عموما" .. ياليت ( تكثـّر ) المرسل إليهم .. وتجيب على الأقل 10 أجوبه
والأفضل إنك تذكر منهم أصحاب الأجوبه ( السارقين )
<---- يبيك بالغصب ترسل له خخخخخ

خ.ألـد

خالد العبدالله · 06-04-10, 09:32 AM

السلام عليكم

أختي المنـى

عليكم السلام ورحمة الله وبركاته

أهلا" بالـ ( أكثر تفاعلا" بالموضوع )
أجوبتك الـ ( كثيره ) .. و ( سارقوك ) الكثر
هم من سيجعلونك الـ ( أكبر ) هديه بين الجميع
وتذكري هذه عندما يتم توزيع الهدايا
فقط ليعلموا أنه ( على كثر ماتعطي .. على كثر ماتآخذ )

وإن أردتي أن تكبر هديتك أكثر .. فأخبريني منهم أصحاب تلك السرقات !!

خ.ألـد

خالد العبدالله · 06-04-10, 09:37 AM

السلام عليكم

أختي مشاعر أنثـى

أشوى إن رونق علمتك أجل ..
وسعيد بتفاعلك .. خاصة و أن الـ ( بي بي ) عمل عمايله
ههههههههههههههههههههههههههههههههههههههههه

وأتمنى فعلا" أنك تكتبين منهم اللي سرقوك !!
يعني اللي بغت تسرق شماغ زوجك .. حتى انا استغربت هالجرأه
لكن بعد ماعرفنا إن زوجك يصير خالها .. هدينا وهدأ بالنا
عشان هالشي أنا أقول ياليت كل واحد يكتب الشخص اللي يبي يسرق منه جنب كل اجابه

وانتي بعد .. هديتك كبيره وقريبه من هدية منى
:cool:

خ.ألـد

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
" مساحات للتفكير حول ما نحن عليه وما نريد أن نصير إليه "	عبدالرحمن منصور	قسم الحـــوار الجـــاد بقضايــــا الفرد والمجتمـع	43	21-08-18 07:41 AM
حوار ادبي حول رواية "موت صغير" الفائزة بالبوكر لمحمد علوان	ايوب صابر	القسم الـعـام للمواضيع التي لاتنحصر تحت صنف معين	28	29-04-17 05:23 PM
تنويه بسيط عن نوفيلا القاص فرج ياسين " ذهاب الجعل إلى بيته "	مهند التكريتي	القسم الـعـام للمواضيع التي لاتنحصر تحت صنف معين	2	09-02-17 11:03 PM
""" المـســاجلة الشعرية"""	أنيس	القسم الـعـام للمواضيع التي لاتنحصر تحت صنف معين	30	17-09-10 12:23 AM
المدارس الشعرية في الأدب العربي الحديث " 2 " (المدرسة الرومانسية )	عبدالرحمن منصور	قـطــرات المـقـالـة الأدبيـــة	2	18-02-10 12:19 PM

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق