أسئلة بيزنطية ؟؟ - الصفحة 27

النيــــزك · 12-03-10, 11:23 PM

السلام عليكم

أخوي القـرار

أنا أطاااااااالب .. وبـ / عنف
تمديد النيزك يوم أو يومين
لأني بكرا أبسافر للأحساء .. نبي نتمشى انا وضيوفي
يمكن نجي آخر الليل
يعني بكرا ما أقدر أدخل للمنتدى

بس بي حره .. أبجلد بعض الناس .. تكفى القرار
:(

الله يستر

أقول أخوي القرار تكفى خذ عليه تعهد ما يطق حيل إذا جاا يجلد

خ.ألـد

حسين الشمري · 13-03-10, 01:14 AM

النيزك مسوي ذهين ما يجاوب بسرعه

لكن ياشباب ويابنات عليه ترى ما بقاله إلا بكرى .

أشكر جميع من مر من هنا ، وتحياتي القلبيه لكم جميعاً .

خالد العبدالله · 13-03-10, 01:23 AM

السلام عليكم

أخوي النيـزك

1

أحب البنيوات جدا" أوي .. حب غير طبيعي
تتوقع ليه !!

2

أطفال مصر ماشاء الله عليهم .. تسولف معهم تستحي
تحس إنهم اكبار من أعمارهم ..
ليه !!

3

نمت الظهر .. تبي تقييله
يوم قمت إلا الساعه 7 .. يووووووه المغرب ؟
اول ماتطلع من غرفتك تلقاك وقت الفجر .. يعني نمت اكثر من نص يوم
وش احساسك وقتها !!

4

فيه ناس إذا ناموا الظهر .. يقومون لو بعد نص ساعه
انا اذا نمت صعب أصحى إلا بالـ ( دف )
هل للطول علاقه بهالشي !!

5

شنطه .. بتسافر بها طبعا"
حددوا لك خمس أشياء تشيلها معك .. وش بتآخذ
لاتقول ( سروال وفنيله ) .. لأن السرال والفنيله محسوبين اثنين مو واحد
:p

إن عطاني ربي عمر لبكرا .. بأجيك وأصبح عليك هنا

خ.ألـد

مشاعر انثى · 13-03-10, 01:24 AM

يالله حيوووووووووه
يالله حي اخونا النيزك
صايدينك صايدينك ^_^ ماكو فكه { يعطيه العافيه اخونا القرار مدد الاجازه 0اقصد الوقت معك }
ماقال كذا الا ولقى المتعه والكلام الجميل والمفيد معاك { ربي يحرسك}
ممكن اسأل ؟
امممممم وش اقول
ايه { اذا عندك النت معلق كل ربع ساعه وش تسوي بصراحه 00{ الأخت مقهوره من النت حقها خخخخ } عشان اشوف وش تسوي عشان اقلدك ؟}
دائما نسمع ونشوف اذا انت من متابعين القنوات الخليجيه { درب الزلق } وش معناته { ودي اعرفه } لاني من زمان ابي اعرف هذا الأسم؟
النيزك وش ناوي يسوي هاليومين من طرح مواضيع في قطرات { وحده تبي تجسس عليك الله يعينك عليها }00
وبس هذا اللي موجود عندي { والله معك ويسعدك يااااارب}0

مشاعر انثى · 13-03-10, 02:31 AM

هلابك اخوي النيزك ااااااسفه تو اشوف ردك الطيب لأسألتي

_ فرضنا احدى خواتك جت وتشتكي من موضوع هام وخاص فيها
وتتفاجأ بان لها علاقه حب 0 بهذا وش تكون ردة فعلك 0 هل تنفعل وتغضب 000 ام 00؟

طيب أنا ودي أنتي تحطين نفسك بمكاني وتجيبين على هالسؤال .. شرايك ؟

وش راح تكون ردة فعلك ؟:confused:
بجاوبك اخوي والمفروض السؤال موجه لك بس بجاوب
وبما ان الموضوع حساس شوي
{ لنفرض ان اختي قالتلي الموضع هذا 0 او انا أم ولنفرض جتني بنتي وقالتلي الموضع نفسه { صراحه اكون معها هادئه ومن غير تعصب 0 اشوف وش اللي تبي تقوله وخايفه منه؟ احسن تقولي ولاتروح لغيري0 اتفهام معها بعقل مو بإنفعال وعقاااااااااب لاا0 بالعكس انصحها واشوف وش السبب اللي خلاها تقبل على كذا 0 وبهذي الطريقه اخلي المجال مفتوح لهاللحوار 0لأن اذا انفعلت وضغطت عليها ماني مستفيده بشيئ لا من صراحتها ولاراح تتعدل 0 انا انصحها بإن اللي تسويه غلط ولايتكرر واذا تكرر يكون لها طريقة العقاب اللي يحسسها انها فعلا مذنبه0 وكل ماضغطنا كلما ساءت الأمور{ طبعا هذا رأيي}
{ والله يهدي بناتنا وخواتنا وشبابنا واخوانا { اللهم امين}
واسفه اخوي طولت عليك بس لاني فعلا حبيت اشوف ردة فعل الأخ لأخته من هذا الموضوع او الوالدين00
ودمت سالم

النيــــزك · 13-03-10, 03:04 AM

اقتباس:

المشاركة الأصلية كتبت بواسطة الــوجـــــــيه

أخي النيزك
السلام عليك ورحمة الله وبركاته
وطابت أوقاتك وأوقات الجميع هنا بكل خير وعافية

صديقي العزيز هو سؤال لا أكثر
سؤال بكل مصداقية دائما ما أساله نفسي أو أساله غيري حين يتطلب الموقف ذلك.
هل نحن نؤمن بكل ما نقول ..؟؟
وهل نحن نعمل بما نؤمن به ونقوله ..؟؟
ففي كثير من الأحيان أجد نفسي وأرى في غيري
بأن أفعالنا تنافي أقوالنا وتنقضها كليةً أو جزئية فنكون مجرد منظرين لا أكثر
مجال القول لدينا أوسع بكثير من مجال الفعل لدينا ...!!
ما نقوله في أقصى اليمين وما نفعله في أقصى الشمال
فما السبب في ذلك ..؟؟
هذا هو سؤالي تحديداً يا سيدي الكريم ..،

ولك خالص التحية

وعليكم السلام ورحمة الله وبركاته

أهلا وسهلا بأخي الغالي والعزيز / الوجيــــه

وبهذا الحضور الجميل والسؤال الرائع كروعة صاحبه

والذي أشاطرك الرأي وأوافقك عليه تماما

كما إني كثيرا ما خطر في بالي مثل هذا التسائل

فأجدني أميل إلى أن هذا التناقض بين الفعل والقول عند كثير من الناس إنما مرده لأربعة أسباب

فإما بسبب المجاملة أو بسبب اليأس والإحباط أو بسبب خارج عن إرادة الشخص

أو بسبب تضارب الأقوال مع المصالح فيضرب بكل ما كان يؤمن به وينظر له عرض الحائط من أجل تحقيق تلك المصالح

ولكن .. وفي كل الأحوال تبقى تلك الصفة وأعني التناقض بين الأقوال والأفعال دليل على عدم المصداقية أو القناعة فيما يقول ويدّعي

والحديث هنا يطول لو أردنا تناوله بشيء من الشرح والتحليل وإعطاء الأمثله حول تلك الظاهره

ولكن أكتفي بهذا القدر وأرجوا أن أكون قد أجبت ولو بالقليل , ولم أغرد خارج السرب

أخي المبجل / الوجيه

سعيد جدا بهذا المرور العاطر وبهذه المداخلة الراقيه

فشكرا لك وألف شكر

ومعها ألف ألف تحيه

النيــــزك · 13-03-10, 02:24 PM

السلام عليكم
وعليكم السلام ورحمة الله وبركاته
هلا وغلا

أخوي النيـزك
آمر طال عمرك

1

أحب البنيوات جدا" أوي .. حب غير طبيعي

تتوقع ليه !!

وشرحك سرا

أما ليه ؟

لأن هن اللي يحببن الواحد فيهن غصب

خصوصا اللي أعمارهن من االأربع و لخمس سنين وحولها

عندي بنت أختي عمرها أربع سنين أموووووووت فيها

أحبها لدرجه ما تتخيلها

تخيل من كثر ما فيها من خفافة طينه وملح وكلام ياخذ العقل ما شاء الله عليها

أحيانا أضرب مشوار من بيتنا لبيتهم بس عشان اشوفها وأسمع سوالفها

2

أطفال مصر ماشاء الله عليهم .. تسولف معهم تستحي
تحس إنهم اكبار من أعمارهم ..
ليه !!

عز الله صدقت

ياخوي الظاهر من أكل الفول

أو من مية النيل على قولهم

لا لا عاد الصراحه هذا دليل حسن التربيه وزرع الثقه بأنفسهم من قبل الأهل والمدرسه

حنا نقول على اللي كذا وللل عليه مبلبط

3

نمت الظهر .. تبي تقييله
يوم قمت إلا الساعه 7 .. يووووووه المغرب ؟
اول ماتطلع من غرفتك تلقاك وقت الفجر .. يعني نمت اكثر من نص يوم
وش احساسك وقتها !!

إحساس مواطن ما كل هوا عزك الله ومن سمع
ههههههههه

4

فيه ناس إذا ناموا الظهر .. يقومون لو بعد نص ساعه
انا اذا نمت صعب أصحى إلا بالـ ( دف )
هل للطول علاقه بهالشي !!

والله الظاهر فيه علاقه أي نعم

لأن هذا يعتمد على طول سريرك طال عمرك

هل هو على قد طولك والا قصير عليك ؟

فإذا كان قصير عليك فمالك ألا تفصل لك سرير تفصيل

لأن كل اللي في السوق أنا متأكد إنهن قصار عليك

بعدها راح تشوف إن نومك صار من وزن الريشه .. خفيف يعني

5

شنطه .. بتسافر بها طبعا"
حددوا لك خمس أشياء تشيلها معك .. وش بتآخذ
لاتقول ( سروال وفنيله ) .. لأن السرال والفنيله محسوبين اثنين مو واحد

:p

اول شي الفوطه ... لأني ما أحب استخدام فوط الفنادق أبد أبد ...

لأن الحين صار كل شي يخوف

أمراض وإيدز وانفلونزا خنازير مدري قطاوه وبلاوي وانا مالي خلقها أبد

وثاني شي بدله سنعه سكب فيها إذا وجهت لي دعوه والا عزيمه والا لقاء عمل

وثالث شي العطر لزوم الأناقه

ورابع شي بطاريه إضافيه مشحونه وجاهزه للجوال أخاف ما ألقى فيش يركب عليه الشاحن حقي بالغرفه

وخامس شي آلة الحلاقه وفرشة الشعر

تخيّل شنطه شكبرها ما فيها ملابس وفيها بس هالأشياء ويفتحها مفتش الجمارك شبيقووول؟

هههههههههههههه

إن عطاني ربي عمر لبكرا .. بأجيك وأصبح عليك هنا

الله يحييييك

أتشرف بجيتك وربي

بس عاد لا تكثر اسئله ترى ما فيه وقت هههه

خ.ألـد

النيــــزك · 13-03-10, 03:17 PM

يالله حيوووووووووه

ياهلا واللااااااه .. حيا الله من جاااااانا
القههههوه .....القهوه ياولد

يالله حي اخونا النيزك

الله يحييييييك ويطول بعمرك ... هلا وغلا

صايدينك صايدينك ^_^ ماكو فكه { يعطيه العافيه اخونا القرار مدد الاجازه 0اقصد الوقت معك }

بلا والله من قرد حظي ههههه ... خلاني أربع أيام
وانا أطقق بذا الحروف إلين تخدرت أصابعي هههه أمزززح
ماقال كذا الا ولقى المتعه والكلام الجميل والمفيد معاك
يمكن هههههه
{ ربي يحرسك}

ويحرسك ويطول في عمرك

ممكن اسأل ؟
تفضلي طال عمرك .. كلي عيون قارئه

امممممم وش اقول .. أي شي هههه

ايه { اذا عندك النت معلق كل ربع ساعه وش تسوي
أروح أفرش اسناني وأنام شسوي بعد ؟

00{ الأخت مقهوره من النت حقها خخخخ } عشان اشوف وش تسوي عشان اقلدك ؟}
قلت لك شسوي

دائما نسمع ونشوف اذا انت من متابعين القنوات الخليجيه { درب الزلق } وش معناته { ودي اعرفه } لاني من زمان ابي اعرف هذا الأسم؟
هذا سلمك الله ومن قرا
المقصود منه طريق اللعب واللهو
واتباع هوى النفس في الأموراللي تودي للمهالك

فلذلك سموه درب الزلق ( أي درب السقوط بالعربيه الفصحى )

النيزك وش ناوي يسوي هاليومين من طرح مواضيع في قطرات { وحده تبي تجسس عليك الله يعينك عليها }00
بس أقرر أقولك هههههه

وبس هذا اللي موجود عندي
أفااااا ليييه ؟ هههه
{ والله معك ويسعدك يااااارب}

ويسعدك ويرضالي عليك آمين يارب

وألف ألف شكر على كرم حضورك وتفاعلك
لا عدمتك

متاهة الأحزان · 13-03-10, 05:55 PM

القرار

\

مررت من هنا كثيرا ورأيت الجمال يتدفق كجدولٍ عذب

من الأقلام الرائعه التي أبت إلا الحضور الفخم كما إعتدنا منها

\
/

ولأني قليلة الفضول كنت أمر بصمت

ولكن

للرائع النيزك

ثمة سؤال ...

ما هو السبب الذي قد يدفعك أخي لترك قطرات والرحيل عنه ....؟؟؟

\

من واقع التجربة

أيهما أفضل صديق تعرفه وتلمس وجوده

أم صديق عبر الإنتر نيت ...؟؟؟

وهل ترى بصداقة الإنتر نيت علاقه حقيقية متينه أم أنها هشه تزول بمجرد غياب أصحابها ...؟؟؟

لك جل الإحترام والتقدير

أرق وأطيب الأمنيات

ودي

حسين الشمري · 13-03-10, 11:26 PM

الجميع تحيه ملؤها الود والتقدير والإحترام ...

بإنتظار الحبيب النيزك ليجيب على بقية الأسئلة وليتحفنا بمن بعده ، الضيف

البيزنطي الجديد ، لنستمر معه على مدى ثلاثة أيام جديده نتعرف عليه

من عدة جوانب أخرى على الطريقة البيزنطيه ، النيزك كل البيزنطيين

بإنتظار ما تعلن عنه لنا .

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صفحة الإجابات على أسئلة الصور ..!	مــنــــــآل	القسم الـعـام للمواضيع التي لاتنحصر تحت صنف معين	26	03-06-12 12:51 PM
أسئلة بيزنطيه ؟؟ الجزء الثالث!!!	حسين الشمري	القسم الـعـام للمواضيع التي لاتنحصر تحت صنف معين	1284	02-03-12 09:34 PM
أسئلة بيزنطية ؟؟ الجـزء الثـاني!!	حسين الشمري	القسم الـعـام للمواضيع التي لاتنحصر تحت صنف معين	427	06-06-10 11:07 PM

الذين يشاهدون محتوى الموضوع الآن : 1 ( الأعضاء 0 والزوار 1)