حروف من ذهب...

[وجد ابوي]

السلام عليكم ورحمة الله وبركاته..

بحكم حبي للشـعر وقراءة المزيد من الأشعار..

فــ أردت ان انزل موضوع أكتب كل مايعجبني به من الاشعار التي قرأتها
و أود تشريفكم ووضع مايعجبكم أنتم..

...
أعتقد ان بحكم حبي لقصائد مهندس الكلمة..فــ سيكون غالب وجوده هُنا

أتمتى ان ينال إعجابكم..
;)

لوتس

[وجد ابوي]

آه لو تجي ..
تسقيني الحب الغزير
وأخذها بيديها وأطير ..
مدري لوين !؟
لكن أطير ..
ومتى ماينهكنا الهوى
أذوب وتذوب .. وتمرنا أسراب الغيوم
وأصير أنا غيمه
وتصير هي غيمه
وأسيل أنا فـ وادي
وتسيل في وادي
وأقول للمفرق :
محدٍ سأل عني أو مر من حولك
ويقول لي المفرق :
أسمع سراب أصوات فيها من هطولك
وأظنها كانت
لـ أهل ٍ ينادولك
وأصيح به : تكفى
يامفرق الوادي
أنا هنا مليت
مادلني أصحاب
ولا دلّني غادي
قبل انطفي وأجف
(خذني على بلادي)

الشاعر/فهد المساعد

[وجد ابوي]

نامت الشمس واستيقظ عناي
حال دون الكرى طيفن ضوى
ساعه اقبل نطحته من عماي
وصحت: ياسيدي طال النوى
احسب إنك معي.. ليتك معاي
يوم ضميت بيديني الهوى!!

مهندس الكلمة/بدر بن عبدالمحسن

[وجد ابوي]

وايضاً /للبدر
اعذلوني فيك عشاق النصيحه
وانشدوني عنك طرفين الحكيه
إن شكيت من الهوى قالوا فضيحه
وإن سكت استنقظوا جرحي عليه
كيف بخفي الحب وجروحي صريحه؟
كيف أحجب الشمس ياخلي بيديه؟
من عذلني بالهوى الله يبيحه
ومن عذرني ماحصل مني خطيه

[وجد ابوي]

يا قديم الغوص في بحر الهوى
وش لقيت بغبة البحر الغزير
علم الي جس شطه وارتوى
ما بعد جرب طويله والقصير
قالوا انه من جميع امر حوى
فيه سر وفيه شر وفيه خير
واسمع انه من ركب موجه دوى
من فعل موجه غريقه يستجير
واسمع انه من لمس شطه غوى
ما يفرق بين بحره والغدير
واسمع انه من على تركه نوى
يجذبه سحره ويرجع له كسير
لو تجرح فيه قلبه واكتوى
ما يتوب ولا يريح ويستخير
وش جمع حلوه على مره سوا
هي حلاة الحب في الكأس المرير
رغبوني لين قلبي له هوى
وانذروني لين صدقت النذير
خوفوني منه والقلب التوى
راغب ومعيف والخايف يجير
هو صحيح ان الهوى ماله دوا
خبر الي جاك عاني يستشير

الأميـر/ خالد الفيصل

[وجد ابوي]

أروع ما في حبنا أنه
ليس له عقل ولا منطق
أجمل ما في حبنا أنه
يمشي على الماء ولا يغرق

نزار قباني

[وجد ابوي]

من الرواااائع..لخالد الفيصل..

لا تقول ان الليالي فرقتنا
لا تقول ظروفنا عيّت علينا
الليالي يوم ودك جمعتّنا
يوم ودّك كل شي في يدينا
يا سقى الله ليله بك عرّفتنا
في شعيب شهار عن غيرك سلينا
من مغيب الشمس حتى طالعتنا
عن هل الدنيا نزعنا واعتلينا
ليلة العشاق والله وردتنا
مارد ذقناه كن ما ارتوينا
ليتها يا ليتها ما ودّعتنا
ليت ذاك الليل ما راح وسرينا
يوم هملنّا الليالي هملتنا
كيف تعطينا وحنّا ما عطينا
الليالي عن هوانا ما نهتنا
البلا حنّا على البعد انتهينا

[وجد ابوي]

اشـتـكيته لـلرفوف ولـلبراويز الـهزيله .......وانذعرت من النياح اللي سمعته في صورها
رحت اسولف للجبال الصم عن قصة رحيله .....مـاتركت متونها الا ينحت الدمع بصخرها

الشاعر/حامد زيد

[الصوت المسموع]

أختيارات رائعه

سلمت وجد ابوها على الأختيار

[وجد ابوي]

ويسلم مرورك العاطــر..
انت شاعر واعجابك بذوقي بالشعر اعتز بها..
دمت كما تود

لوتس