شذرات شعريه

[مشاعر انثى]

،؛، .. ســـولفـــــوا .. ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي000
محمد بن فطيس المريّ

[مشاعر انثى]

إذا المراجل لبسة شماغ وعقال

قل للعذارى يلبسنّ العمايم

ما عاد يفرق زول حرمه ورجال

دام الفعايل تشبه البعض دايم

المرجله ما هيب كلمه وتنقال

وتروح ما راحت هبوب النسايم

وإلا خشونة صوت أو رفع الأثقال

أو رزة صدور وفعل الزلايم

ولا هي بعد مفتاح موتر وجوال

وإلا ردى لسانٍ حديثه شتايم

المرجله شيمه عن القيل والقال

رفيع نفسٍ حر بالجو حايم

المرجله عقلٍ وزن وزنه جبال

ودون العقل وش فرقنا والبهايم

يا مسندي لو مايل الوقت بي مال

يا ولد أبويه يا عظيم العزايم

يا معرب الجدين من العم والخال

يا نخوة المفزوع وقت الهزايم

المرجله يا خوي هي طولة البال

هي العزم هي الصبر فالظلايم

فيها الكرم عزه دله وفنجال

فيها الكرامه عن ردى الطبع شايم

والدين لامنه خذا القلب منزال

مشى طريق الحق وابليس نايم

ومن لا عرف ربه في طيب الحال

لابد وقت الضيق بالهم هايم

حتى صلاتك مع جماعات ورجال

في خيرها يا خوي نعم الغنايم

ولامن نصف ليلك قم صفي البال

يا عظم أجرك بين ساجد وقايم

ولا من رفع ربي له كل الأعمال

حسن الذكر لا قالو فلان صايم

وخلك شريف القصد يا طيب الفال

سوء المقاصد فالبيوت الهدايم

واحذر تبيع النفس في دب الأنذال

وتتبع خوي إبليس راع النمايم

النفس خيل لك إذا كنت خيّال

ومن لا قوى نفسه قوته الهزايم

ولا صرت ما تدري لو يش أنت رجال

والله خسارة فيك ذبح التمايم

نوف شطيط العتيبي0

[الصوت المسموع]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

أحس بك شوق ٍ يداعب فؤادي = يهمس لقلبي كل صبح وعشيّه
يارب بلغني لغاية مرادي = من قبل لا تقضي عليّ المنيه
[/poem]

[الصوت المسموع]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
غابت نجومك والقمر غاب يالليل =وجاتك سحايب حزن من كل الاقطار

وانا أشهد أني ضايق الصدر بالحيل =ولا تسألوني ويش بك اليوم محتار؟
[/poem]

[مشاعر انثى]

ليــه..؟؟!!
هذا هو اللي تبيه..اني ارحل من حياتك..
واشعل عيوني بـ ليه..!
بس خلاص..!!
هذا هو اللي قدرته وقدرك ربي عليه...؟
بذمتك هذا كلام ..؟
اني ارجع من جديد ..
ارجع افرش كل تعب عمري وانام..
زين لحظه.. لسألوني الناس وينك..؟
وان دروا ضحكه عيونك عن عيوني فارقت..
سافرت ردت لعينك.. بذمتك وش اقول..!!
قول..قول..
قول قول الله يخرب بيت بيتك.!
توني يادوبي بديت ..بعت عمري واشتريتك..
خطوه ..خطوه...واشتريتك
توني باطراف البدايه!
مدري وشلون انتهيت..
ياأخي حسّ ..والله عيب إللي تبيه..
إني ارحل من حياتك وأشعل عيوني بـ ليه..
لا جبينك شمس واحساسك مطر..
لاعيونك شوق وشعورك دفا..
جبت لك بإيدي ابتسامات العمر ..
ليه تكسرها على اطراف الشفا...
شوف.. شوف بعثرني احتياجي بالنظر..
شوف وجهي إمتلا منك بـ أفا ..!!
ما تجي منك ولكن يابشر:
منت اول من طعني بالجفا..
إبركتهن كل جروحي بالسهر..
ولا افكر من ورا قلبك شفا..
ولّ ياقلبك ما يجيب الا القهر ..
ولّ ياعمرك ماعرف طعم الوفا..
وإلا انا مثل النهر ابقى نهر..
من تحوسه ..ترجع تشوفه صفا..
فيني والله احساس لامنه ظهر..
يشعل ضلوعك اذا قلبك طغا..
هذا هو اللي تبيه ..؟ وهذا هو اللي قدرته؟؟
وقدرك ربي عليه ..بذمتك هذا كلام ..؟
اني ارجع من جديد..
ارجع افرش كل تعب عمري وانام..!!
وين اروح....؟!
شلون اجيب لقلبي المجروح روح !
هذا هو اللي تبيه.

/
/
/
سالم سيّار { رغم انها طويله بس راااااائعه }

[حسين الشمري]

كانك زعلت إشرب للبحر والجال .. وكانك رضيت الدرب لازم تدله

مشكلتي ألقط أبيات بس ما ادري منهوله

[مشاعر انثى]

يابوي هو صحيح ان الحب للبنت عيب..
وأنه إجرام وعار للي ماعرف يربيها.

يابوي هو صحيح ان البنت مثل علبة الطيب..
لاطاحت وانكسرت محد يشريها.

يابوي طيب لاصار قلبها مالكه حبيب ..
ومشغل حياتها وشوقها داااااااايم يكويها.

يابوي سمعت حبها عذري ولافيه ريب..
ولافيه يغضب الرحمن ولافيه يجازيها.

يابوي طيب.. هي حبته وابتلت بها القليب
اللي تعلق به وكل يوم يناجيها..
يابوي طيب.. وش تسوي لاكان عشقها مثل الذيب
بليلها تسهر به وطيفه يواسيها..

يابوي لعنبو حالن كأن شقة الجيب
وغيرت لون الحياه ومجاريها..

علمني يابوي وش الصح وش العيب
وش اللي تملكه البنت وتمسكه بيدها..
يااااااااااويلي يابوي لوعرفت حب البنت كان ماقلت عيب...
/
/

{ مما راق لي }.

[غاده]

توك تجي
وش عندنا لك ترتجي
لا نا أنا
ولا الزمان هو زماني
ولا المكان هو مكاني
ولا القلوب ذيك القلوب
اللي توقد لك شبوب
تقدر تعود
ترجع تولع أو تذوب
توك تجي
فوق الغيوم غابت نجوم
تركت على عمري رسوم
تحكي لطلاب الهوى
قصة نوى
قصة كتبناها سوا
أنت بجفا وأنا بعذاب
توك تجي !
***
توك تجي
لا..لا تجي
خلك شذا
من غير زهور
موجه على ظلمة بحور
خلك على مر الزمان
لحن وشجن
عشته معاك
ساعة هواك
أحسن تروح عني بعيد
أخاف تجيني وأجرحك
لا... لا تجي
الشاعر الأمير خالد الفيصل

[مشاعر انثى]

قم قهوني .. قبـل آصلـك واتقهـواك
......................واوزنك هيل .. ويرتبـك زعفرانـك
فاحت معاميلي علـى جمـرة شفـاك
....................قدام لا أركد .. صبني لك / عشانـك
ما أهـز فنجالـك .. ولا أرد يمنـاك
.......................أشربك كلـك .. و احتفيـك بمكانـك
قبل أتحلوى لـك .. بديـت آتحـلاك
.......................أقدع حـلاك .. ومحتوينـي حنانـك
وبعدك عليك أشكيك من خوف ما ألقاك
........................أو تقصر دلالـك .. ويومي بنانك
أدمنت ب(عيونك) ل(خدك) على(فاك)
......................لل(عاتـق) ل(ماشدنـي لأحتضانـك)
أدمنت بك (كلك) من أقصاك لأدنـاك
......................شف لهفتي وتعـرف قـدرك وشانـك
وهبلت بي والعقـل لـو راح يفـداك
..........................مـدام كـل العمـر فـدوة زمـانـك
لالا تقهوينـي .. أنــا بآتقـهـواك
....................واوزنك هيل .. ويرتبـك زعفرانـك
الشاعر
سلطان العنزي

[غاده]

وش تسوي لوعشقت إنسان ماهو من نصيبك

لا لك بها الوضع يدولا له بهالوضع سبه

وش هوذنبك لو غدىمن بين خلق الله حبيبك

تعرف إن قربه محــــال وقلبك
مصمم يــحـــبــه
***

لا أعلم لمن ...لكنها
راقت لي