__________ أنا ( حُرّ ) ؛( مَاْ بِيْ )!!
__________ أنا ( حُرّ ) ؛( مَاْ بِيْ )!!
( حاله طواري )
بِ حاجه لِ إنعاشٍ رذاذي :
( إبره لهاتي ) ب ( قميص الحلق ) تغرزني
__________ وتعبث إيدين الذبول ب كبد ريحانه!!
يا لوعه الجدب !! لا من شح بي مزني !!
__________ أشحذ غمام الأُفق : لله يا إحسانه !!
ولا انسل سيف العطش وأقبل يبارزني
__________ يسوق ( حشد الرواء ) ل صوب أكفانه
خاب الرجا في زمانٍ زادني حزني !!
__________ أقبلت عطشى وبرحل عنه عطشانه !!
فَتّشتْ ب جيوب الحكايا / مالقيت إلا الفقر !!
__________صمتٍ يزمجرني صخب ، وهدوء مثل الثرثره !!
أبذر عيون الغرس ( دفء) وما حصادي غير / قر
__________وأرتب (رفوف النسيم ) و (إيد نُودي ) ..تنثره !!
وأحكي ل تفاصيل الشتاء / عن ثلج في لون السقر!!
__________عن ضحكه سنون ( الخريف ) ب وجه طيحات / إثمره !!
عن لون يشرب من شحوب و (في تقاسيمي استقر)
__________عن ذنب وقتٍ كم كفر بي ؟! و ما بخلت المغفره !!
عن صرخه الضيق ل كلامٍِ ضجِّ يزقرني زقر !!
__________وما لقى غير السكوت اللي وأدني ف ( حُنجره )
سمعت (نقر النحس) ..يوم إنه على بابي نقر
__________يا دحرجه نحسي على ملعب حظوظي ك الكُره
جاني (سفير أحزاني القشراء ).. تعاطى ثم عقر
__________يغرز ب نبضات الرجا المُمحل / منايا خنجره !!
وتذوي ( رؤى زهري ) على سود الضفاف وتُحتقر
__________ و [عصفورتي] تلمح [غراب] يلوح عكس المنظره !!
(مستنسرٍ ) يا حزني اللي للشهامه / تفتقر !!
__________ وتمشي وسط قلبي بمشيه غَلَّفتَّها / البختره !!
ويشيب في رأسي /صبا .. ولسان حالي له وقر
__________وأرقّع النزف بخيوطٍ من أسى .. وأستّره
ونظراتي اللي دُوزنت بين ( الحمامه والصقر )
__________ترسل {شُعاع الغيم} ل أجواء إشتعالٍ ممطره
ياليل : (نجمي ساطع) ولو كان لك نيه حقر !!
__________بإن الظلام بيرتكب فجري وبرجع اسهره !!
أما أنت ياوجه الليالي السُمر !! يا وجه الفقر !!
__________إن ما صبغتك بالبياض .. أنشهدٍ ماني ( مَره ) !!
واخترت (نحرك يالسماء) .. أبغى لسلسالي مقر
__________ما دام (صدر الأرض) ضوضاءه تضيق بمنبره !!
إستفاقه ح ـلم :
وأترجم ( نشوه الفرحه ) / ب زغروطه !!
__________ وأرفرف في سماء الأنغام .. ب ألحاني
وأتمتم للمساء : ( قصه و خربوطه )
__________ وأفزز بسمتي وأضحك على أحزاني
وأحرر داخلي ( فرحات ) مربوطه
__________ وأمرجح بالهواء .. يالله ما أحلاني !!
ويطلم ( واقعي) / أوجان مبسوطه !!
__________ وألاقي ( الملح ) لطّخ حُمره أوجاني !!
إستغراق :
ليــــه ؟؟
لا دق الندم بابي !!
وأربكت أهدابي !!
من بين كل الأصابع ...
عضيت ( إبهامي )
يمكن لأنه زماني ....
مُوغل ب الإبهامِ !!!!!!
ندى القحطاني
شرواي ح ـلم ..
"
"