تعال ومتعنا معااااك؟

[مشاعر انثى]

أحبتي أبناااااااااااء قطرآآآآآآآآت

تحيه من القلب أحيكم

حبيت إننا نتشارك بما هو مفيد وشيّق في نفس الوقت
خلونا أحبتي نتشارك بما يوجد لدينا من نكت 0قصص مضحكه0 وصور معبره فكاهيه000
لتبهج الخاطر وكل ماهو مسلي ومفيد

كل ماعليك سوى ان { تسدحه وتطرحه هنا }
وذالك من باب الترفيه :D

وكل مالقيت نفسك عندك شي لتلطيش اسدحه لنا:p

ولكم التحيه مره اخرى 00

 

[مشاعر انثى]

محشش يروي قصة لابنته كي تنام

فقال لها

مره تيس شاف عصفور فقال الاسد هاتوا لي الارنب

فطاحت البقرة من فوق العمارة و لقت الام ولدها فرجع

الشرطي من القسم و طلقها حبيبها و قال انتي طالق

طالق طالق طالع وجهك انت من حلات وجهك فسوى حادث

و صابه شلل فغرق بالبحر و نامت السمسومة بين الصخر

وقال النسر لازم نتعاون و صادو الحوت و خلص البصل و قال

لها انا احبك و يوم سافر للدراسه ضاع دفتر الدرجات و قالت

الزوجة انا بروح بيت اهلي و نام الفيل و سبحنا في نهر النيل

و بعدين يوم قال بسبس يومها عرفت ليش الكلب يقول ميو ميو

بعدها طاحت الطيارة في البيت واستوى الشاهي والقهوه
وجاو المعازيم وانتي نمتي يالخبله هههههههه

ظنكم البنت نامت

لوووووووول





{ عجبتكم او لأ }

[مشاعر انثى]

نكته لاتفوتكم جدا جدا رااااااااااااائعه {بس طويله عآآآآي تحملوا}

***

اتترككم مع القصة اللي صارت بين الطلااااب والمدرسين العرب

7
7
7
7
7
7


إجتماع المدرسين

المدير: شوفوا لكم حل بثالث جيم, فشلونا سمعتهم واصله اخر الدنيـا وجانا كم إنذار من وزارة

التربية والتعليم كله بسببهم.وبكرة بيجينا مـوجه مخصوص علشانهم.

الاستاذ فاروق الفستئاني (الفستقاني): (بلهجة سورية) شوووف استااااز تالت جييم مابيجي من

ورا راسون إلا المشاكيــل ,انا بأتريـح (اقترح) توزعون على المداريـس التانية, كل مدرسه ارمي عليها شي

اتنين تلاتي وريح راساك أخـــي.

رائد الفصل (حسـنى شـمعة) ( لا شعوريا)(بلهجة المصرية): نفصلهم !!!!وأبطل دروس خصوصية يعني

وإلا إيـه!!!..أصـدي أنا عندي فكرة هايلة حتحسن صورتهوم أودام الموجـه وحخليه يئول إن

كل الكلام اللي سمعه عنهم إشاعات

المدير: بس شوف ياحسني هذي اخر مرة لك انت وياهم والا فصلتهم كلهم واولهم انت.

بشوف وش تسوي فيهم, وإلا هم وش بيسوون فيك


طابـور الصبـاح


مشهد طابور المدرسة الصباحي الطلاب صافين والمدرسين والمديرمع الموجة .

حسني شمعه ماسك ميكرفون الاذاعة المدرسية : والان الإزاعة المدرسيه لهزا اليوم مع ...تالت جيــــم.

المدير مستغرب للاستاذ فاروق: والله اللي فشلنا

فاروق فسـئاني باستغراب:" تالت جيــــم, العمــي" ويروح للاذاعة بسرعة

طلاب الطابورضحك واستغراب يلتفتون على بعض وهم يقولون ثالث جيم... ثالث جيم. !!بيجيبون العيد

حسني الشمعة يعطي الميكرفون لعلي الدب . ويقول لهم ياولاد زي مااتفقنا, وروهم انكو أد المسئولية
.


الإذاعـة المـدرسـية


على الدب يجرب الميكرفون: الو الو ..اخوه سعد المعصقل من وراه "حول حول"

علي الدب :" مدير المدرسة الفاضل, أبائي المدرسين, إخواني العيال: سعد ابوعصاقيل

سليمان العربجي, وممدوح القرد وابو ريحه .. الاستاذ فاروق يضرب علي الدب على علباه طااااخ ,إحكي ولاه


على الدب: السلام عليكم ورحمة الله وبركاته , أسـعد الله صباحكم باليـمن والبركات,

خير ما نستهل به اذاعتنا لهذا اليوم ايات عطرة من القران الكريم يتلوها على مسامعكم الطالب : حمود المطوع.


يجى حمود المطوع (لحية و ثوب قصير) ويقرا سورة قصيرة بصوت رخيم.

علي الدب: اما الان مع فقرة هل تعلم للطالب حميدان أبو ريحة

حميدان بصوت عالي: هل تدري.

هل تدري إن للذبابة ستة أعين.

هل تدري وإلا ماتدري إن الفار يصيب بمرض الطاعون.

هل تدري وإلا ماتدري أن اذا قطعت شوارب الصرصور يقعد يخبط في الجدران

هل تدري وإلا ماتدري أن لكل قطو برميل زبالة مخصص يسكن فيه وشكـرا.

علي الدب : هل تدري ان بيت حميدان جنب البلدية, أما الان مع حكمة اليوم والطالب سلوم المفهي

سلوم المفهي يقرب.. يمسك الميكرفون بيد واليد الثانية في مخباه تحوس يدور الورقة اللي فيها حكمة اليوم.

يطلع الورقه ويقول: "حكمة اليوم " ويفتح الورقة ويقرا بصوت عالي " البضاعة المباعة لاترد ولاتسبدل"

يسكت شوي ويناظر الورقة ويكمل " شماغ , طاقيتين, شراب العايلة , ثلاث فنايل علاق, , سروال سنة, زبيرية .."

وهو جالس يقرا ألا وذاك الكف على علباه من الاستاذ فاروق وهو يقول" العمى شو حمااار...

ولاه طلع الورأه (الورقه) ياللي فيها حكمة اليوم مو فاتورة ملابســاك" سلوم المفهي, طيب

طيب يدخل فاتورة ملابسة بمخباه


بعددها تكملة انتظروني
---------------------------------

علي الدب :"الاَن مع موضوع الصباح للطالب:" أخوي سعد أبوعصاقيل"

سعد يفتح ملف أخضر علاق ويقرا,

"اعزائي المشاهدين , موضوع حلقة اليوم العطلة الصيفية (مـدمن فضائيات)

"لقد رحنا في العطلة الصيفية أنا وأهلي إلي بلدي الثاني لبنان"

علي الدب: تراه تسـذوب, بالعـطلة رحنا لخـوالي بشـقراء.

سعد يلتفت إلى علي الدب بزعل ويكمل" ولكن علي الدب لم يكن معنا" ويطلع لسانه لعلي الدب

رحنا بالطيارة و كانت امي خايفه جدا جدا لانها اول مرة تركب طيارة , بس انا اصلا دايما اركبها,

وفي الطيارة جت شغالة الطيارة وجابت لنا القهوه والشاي ثم جت وقالت اقلطوا على العشاء ,

وقلطنا في المقلط مع العفش, وكان الطيار واقف على روسنا ماسك اللبن وقال

سموا على عشاكم,يالله إن تحييكم, وكان مفطحا شهيا. وخلصنا وغسلنا,

وكان ومساعد الطيار ماسكن الفوطة والطيب وأعواد الاسنان.

وعندما وصلنا لمـطار المـلك خـالد حقهم, ذهبت انا لتختيم الجوازات والرخصة والاستمارة وذهبت امي للتطبيق ,

وكنت اتحدث لغتهم بطفاقة لاني امي وابي مامعهم لغة. وقال لي العسكري : جواز مين هيدا ؟.. فقلت له" بييَ

(ابوي باللبناني) , وقال: "وهيدا؟" قلت: مييَ (أمي) . وهيدا ؟ قلت" خييَ (أخوي " ) وقال " وهيدا؟" قلت : نييَ (أنا) "

وكان جوازي
وقال لي ابوي ماشاالله عليك ياوليدي إنك بلبل سداح في اللغة اللبنانية الفصحى,

التفت عليه وقلته, أي لا كــان , ثم التفت للبـنـانـي وقلت له تـرى أنا سـعودي مانيب زيكم,

. وشكله كان مستغرب يحسبني لبناني.

وفي لبنان سكننا في مدينة بيروت مشيط وكانت مدينة جميله فيها مـزارع بكل مكان,

ولم اشوف عندهم تـراب, علشان كـذا مافيهم الاشـهب,ورأيت دولا كثـيرا, وشفت

دولة وماعرفتها, يوم دققت مكتوب عليها, بورسعيـد, وشفت اللمملكة العربية

السـعودية الشـقيـقة (وش عنده اللبناني).
ثم ذهبنا الي الاهرامات وكل واحد مننا ركب له على واحد, انا ركبت على الخنـصر ,

وأخـواني واحـد ركـب على البنصـر, وعلي الدب ركب على الوسـطى,

يلتفت لعليان اجل ا رحنا لخوالي هـا.

" اما ابوي فركب على أبو الـهول لأنه يشبهه. وكانت رحلة سعيدة,

ورجعنا بالسيارة ومررنا على تونس الخضراء, في الـطريق عبينا بنزين بعشرة لاننا فلسنا, وكملنا الـطريق الي أن وصلنا بالرفـاء والبنيـن.

وإلي اللقـاء في حـلقـة القـادمـة.

علي الدب " أما الان .." صوت جوال يدق من مخبا علي الدب ويطلع الجوال

والميكرفون بيده وطبعا صوت المتصل واضح لان قريب من الميكرفون وكل الطابور يسمعونه

صوت حرمه: " ألو .."

علي الدب: " هـلا بهـالصـوت , ممكن نتعرف

الحرمة: " وجع يمصع ضلوعك .. أنا أمك حصيصة!!"

عليان بصوت مرتبك " يمــه"

طلاب ثالث جيم اللي وراه" اسم امه حصيصة ...اسم امه حصيصه ( بما فيهم اخوه سعيد ابوعصاقيل)

علي الدب: يمـه شغلى الرادو, بتشوفينا انا وابوعصاقيل على قناة المدرسة إف إم.

حصيصة: الرادو مايشتغل, إنت ناسي إن دشنا خربان,علي, وراك سارقن جوال ابوووك,

أنا زاهمتن عليه وطلعت لي إنت"

علي الدب: "مهوب أنا, أنا أصلا صار لي اسبوع ماشفت جوال ابوي"


حصيصة: اجل اللي تكلم منه وشو ؟؟!!" هـذا مهوب أنا, أنا أخـوي سعـد,

حصيصة: اشـوى احسبه إنت.

علي الدب يلتفت على سعد المعصقل : " إنت معلم إمي أن الجـوال مـعي يالحروش"

سعد يحاول يكلم امه في الجوال:" يمه يمه, حنا الحين في الاذاعة وإنتي على الهوا

..عندك مداخلة والا طبخة؟"

علي الدب , والان مع الشيـفة (الطباخة) أمي.

حصـيصـة: ماشيفة الا إنتم وابوكم , وتسـكر الخـط"

الاستاذ فاروق يسمك راس علي الدب وسعد المعصقل ويصكهم ببعض .

طرااخ وياخذ الجوال.كمـل ولاه فورت لي دمـي.

علي الدب:" اما االان مع نشيدة الصباح وسليمان العربجي بعنوان "عصـفوري الصغير"

علي :سليمان وش عندك لابس بدلـة حمرا.

سليمان: لأني أول مرة بمسك ميكرفون قدام الجماهير.

سليمان ياخذ المكرفون ويقول " أحـلي تحية لشباب ثالث جيم اللي على البيست, و أحلـى تحيـة للموجه والمدير

وأحلى تحية للوكيل بغيابـه, وياشباب اللي يبغى إغنية يكتبها على منديل ويعطيها المدرسين يوصلونها لي..

سليمان العربجي:"أويــــــــلي, أويلـي , أويـلي أويـللللي "

" سـود العيــووووووون إكبـــــــــار ....,والشــامــة حـلــوووووة

" شـــــــايل جـمــال الكـووووون ...وباليــني بــلـوى "

يحط الميكرفون تحت ابـطة , ويقول" يلا كلنا سـوى.. ياثالث جيم"

هالعيون شلون املــــها سحر ذوبني بغزلهــا (يلتفت لصف أول) بوسه من عندك حبيبي تسوى عندي الدنيا كلها "

طلاب المدرسـة كلهم يرددون وراه ويغنون وتنقلب المدرسة مرقص وهيصة.




--------------------------

السـعودة


المدير بعصبية:" ماني قايلكم.. فشلتونا كله منك يا حصني (يقصد حسني) خلاص ضف وجهك انت وطلابك, مالقيت

تحطهم في الاذاعة الا يوم جا الموجة, والله مايندرا وش بيصيرفينا

ويدخل عليهم شاب سعودي في مقتبل العمر تظهر عليه علامات النشاط والحيوية (جنتلمان)

"أنا المشرف الطلابي الجديد" جايكم من ادراة التعليم لحل مشاكل بعض الطلاب اللي عندكم"

المدير: "بس وهذي هي ,اقصد.. مدير المنطقه التعليمية ماأصدر معك قرار

..يعني نقل ..فصل ..سجن..تعزير"

المشرف بإبتسامة: "لا ..وليه كل هذا, المسألة ومافيها ان الطلاب عندكم

عندهم امكانيات وطاقة مهدره ماعرفنا كيف نستغلها في صالحهم, انا متابع موضوع ثالث

جيم عندكم من بداية السنة واعرف ان عندهم طاقات جباره بس يبغي لها تتوجة التوجيه

الصحيح, بس يحتاجون بعض الاهتمام والوقت, ماعندهم مواهب أو هوايات معينة؟

الاستاذ فاروق: " أيه بلا, عندن مواهب في اللعانة والاجرام"

المشرف: "لا, انا ابغى الاشياء المميزه فيهم ماحاولتوا تستغلونها في صالحهم وصالح المدرسة

ومجتمعهم ووطنهم"

حسني شمعة: دول أبالسة

لمشرف: "كل أنسان فينا لازم يكون مبدع في شي مهما كان,بس يبغي مين

يكتشف هالعملاق اللي في داخله ويصقله, حتى لو ماكان ماهو مميز اكيد بيكون عنده هوايه

لشي بتفيده وتفيد مجتمعه وتشغل وقته اذا عرفنا نستغلها"

المدير يرد وشكله تأثر بكلام المشرف:" كلامك منطقي

الهروب الكبير

المشرف مع الاستاذ حسني يراقبون طلاب ثالث جيم وهم يهربون من المدرسة ,

علي الدب, ياخذ الشناط والكتب , ويحذفهامن الدريشة ويوصلها لبرى المدرسة من قوة الحذفة.

سعد ابوعصاقيل يركض وينط على السور المرتفع ويجمع الكتب, ويقرب السيارة لهم. سلوم المفهي,

هرب وجلس يرسم على الجدران صوركاريكاتيرية للمدير والمدرسين وعياراتهم.

حسني للموجة: زي مانت شايف سعاتك...حئولك إيه وإلا ايـه دول مجرمين محترفين.

المشرف: ماشاءالله ابـداع, قمة في المهارات.


شباب المستـقبل


وبـعـد كـم سنة وبعـد أن اصبح المشرف السـعودي مسـئولا عنهم. .

صار سعد ابوعصاقيل اللي ينط السـور بـطل المملكة في الوثب العالي.

الدب اللي يحذف الكتب من الدرايش بطـل اسيا في رمي الجلة,

وسلوم اللي يرسم على الجدران اخذ جائزة المركز الأول في الفن التشكيلي على مستوى الخليج.





تحيــاتي00

[مشاعر انثى]

شوفوا قمة المذاكره لوووووووول00

[مشاعر انثى]

لافكره عمليه بعدماشاء الله عليكِ

[مشاعر انثى]

ودي اشوف اللي يشوفونه !!

[النيــــزك]

السلام عليكم




صباح الخيرات والمسرات أختي مشاعر والجميع


أعجبني موضوعك اللطيف هذا


فحبيت أن اعبر عن إعجابي بهالمشاركه اللي اتمنى تعجبك وتعجب الجميع وترسم البسمه على وجوهكم

وهي قصه طفله

بس ترفع الضغط من جد هههه

/

التلفون يرن ...

الطفله : الوووو

المرأه : الووو مرحبا

الطفله : اهلين

المرأه : وين الوالده ؟

الطفله : ما في عندنا وحدة والده

المرأه :لا لا عيب لا سمح الله .. الله يخليلكم اياها

الطفله : وشو لا سمح الله ما لا سمح الله اقولك ما في عندنا والده

المرأه : كم عمرك يا شاطره؟؟

الطفله : وشلون عرفتي اني شاطره

المرأه : تضحك وتقول مبين عليك خفيفة دم

الطفله : انتي الي خفيفة دم لا تقولين عني هيك

المرأه : مبين عليك صغيره؟

الطفلة : انا اطول منك..

المرأه : طيب يلا اعطيني ماما.

الطفله : ليش هي امك عندنا ؟

المرأه : خلاص نادي امك.

الطفله : أمي ما عندها نادي.

المرأه : الله يصبرني.

الطفله : يصبرك مع شوك ولا بدون شوك؟

المرأه : تصرخ " اعطيني حدا كبير"

الطفله : كبير , بالحجم ولا بالطول ولا بالعمر.

المرأه : اعطيني واحد برميل اتكلم معااه.

الطفله : استغفر الله العظيم تبين تتكلمين مع برميل. بس البرميل جماد.

المرأه : الحين باجي عندكم. اعطيني احد كبير

الطفله :لا تجي عندي لان صديقاتي عندي لما يروحون تعالي.

المرأه : طيب بس لو اشوفك لا أسوي منك بطاطا

الطفله : بطاطا مسلوقة ولا مشوية بالفرن ؟

المرأه : احسنلك اسكتي لانك زعلتيني.

الطفله : مين اللي زعل الثاني اصلا

المرأه :خلاص زودتيها عاد

الطفله : وين عاد اللي ابّيته ؟ والا عاد والا ثمود كخخخ هذي مرره حلوه

المرأه :عاد اللي ابّيته

الطفله : الصراحة مب مستانسه.. في شي مزعلني

المرأه : خليه يزعلك يمكن تنفجرين مثل البالون

الطفله : شو لون البالون الي بنفجر مثله ؟

المرأه : تصرخ باعلى صوتها .. وين الوااالــــــده ؟..

فتاخذ الأم التلفون من الطفله .

وتقول الووووو. مين معي.

المرأه : ول علينا . شنو هالبنت هاي طلّعت لي قرن براسي.

الأم : قرن وشو , قرن الغزال والا قرن موز ؟

المرأه : زي دايما رايقه وبتحبي تمزحي . لا طلعتلي قرن ثور

الأم : شو حجمه الثور؟

المرأه تغلق السماعة.وتذهب الى بيت صديقتها.. ترن الجرس

فتقول الأم للطفله : قومي شوفي مين على الباب ؟

تركض الطفله نحو الباب , تجلب كرسي وتصعد عليه ثم تنظر إلى أعلى الباب وتقول ما في حدا على الباب في وحدة وراه

فتقول الأم : خلص خليها ترن على الجرس كثر ما تبي

الطفله : اي جرس ؟ جرس المدرسه ؟ والا جرس البيت

الأم : لا جرس البيت

الطفله : جرس بيتنا هذا ولا البيت الجديد اللي بنبنيه

الأم : لا جرس بيت الجيران.<<<<< العايله كلها ترفع الضغط

وبعد ربع ساعه حصلوا المرأه ماتت عند باب منزل صديقتها بسبب ارتفاع حاد بضغط الدم والسكر وانفجار بالمراره وتمزق بالمصران الأعور

هههههههه

[أوتار الحزن]

عاد البنات هاليومين غير شكل
من صباح الله خير تحط بهالمكياج تقولون رايحه حفله مب جامعه ولا على الدوام
أما لا قالولها حفلة عرس وبالمسا قالت لالالا لازم أكون(natural)

وبس

تحياتي لكم

ولصاحبة الموضوع الجميل..مشاعر أنثى

دمتم بود

[مشاعر انثى]

هلابك اخوي النيزك
انت تبي ترفع ضغطنا معاااك
عن جد النكته رووووووووعه وتسلم
بس موتبخل علينا من التجدد
ودمت بحفظ الله

[مشاعر انثى]

الغاليه اوتار الحزن
اولا الحمد لله على سلامتك وين الغيبه عسى خير ان شاء الله
وفعلا اختي الصوره التي انتي طرحتيها هنا
تقريبا موجوده للأسف من ناحية اللي تبي تروح للجامعه لها اسلوب غير
واللي رايحه للزواج لها اسلوب غير
بس عن جد ممتعه
ماأقول الله يمتعك بالصحه والعافيه ولاتغيببن علينا مره ثانيا
وجودك له اهميه 00 والله يحفظكِ