أسئلة بيزنطيه ؟؟ الجزء الثالث!!!

[الوردة الظامية]

المشاركة الأصلية كتبت بواسطة شادي الثريا

ورده طرى لي سؤال اقدر اسأل ولا خلاص ..؟؟

الظاهر اليومين اللي فاتت جاك هبوط ضغط وتبي ترفعه بسؤالك

بس أبشر تفضل أسأل وتحمّل النتايج ..

[شادي الثريا]

ابد يالورده هو مو سؤال بقدر ماهو فضول


لو حصلتي مصباح علاء الدين وانتي في صحراء وذابحك الجوع والعطش والمرض
ولك ثلاث امنيات ياتري وش بتكون امنياتك في هالحاله ..؟؟

[الوردة الظامية]

المشاركة الأصلية كتبت بواسطة إحساس صادق

مرحبا

اشكركم اخواني الاعزاء على دعمكم لسؤال السعابيل اللي كان بيني وبين الوردة ان شاء الله اني ابيض وجيهكم


أقول ياا وردتنا الغالية متى يتطلعين من هنا من غير شر نبي نحتفل فيك ونقولك كفاره
هانت يالغاليه إن شاء الله افتر تومورو

والله أني طفشانه وما عندي سالفة

وفكرت وفكرت وش تسألين يااا احساس ماش أساله مافي

على طاري طفشانه تتوقعين من أول من قال هذه الكلمة ؟؟
أول مره اسمعها يعني أكيد أنتي أشوفك تكثرين منها

وكم مرة مسموح للفرد باستخدامها يوميا ؟؟
عندنا فالبيت مو مسموح أبد لأنك لو قلتيها عند أمي عندها الحل مباشره ضيعي الطفش فمسح الجدران مدري وين الوناسه فيها

بعدين هل الطفش يقرب للقلق ولا لا؟؟
لا بس بينهم رضاعه لأن أم الطفش توفت وهو صغير ورضعته أم القلق .

تعرفين من أساس القلق أساس القلق عندنا عيال أخواني

مثلا يجيك واحد منهم وأنتي في عز نومك ينطط على السرير

ويوم تقومين تلحقينه تكتشفين أن ما فيك حيل تجرين وش بتسوين في هذي الحالة كيف ستتعاملين مع الموقف ؟؟
نامي على الأرض ولو نطوا الين بكره اضمن لك ماتتحركين

أنا مفكره اشتري نبيطه وأعلمهم شغل الله


شوي وبرجع اليوم ما عندي شغل

راحت عليك مير جهزي اسئلة الشادي من اليوم لا اوصيك

[شادي الثريا]

عندي مشكله في الجهاز الأقتباس يظهر عندي كنه كلام بنقالي وش السواة

[الوردة الظامية]

المشاركة الأصلية كتبت بواسطة نايف الشمري

السلام عليكم ..

اهنيك اختي الوردة على سرعة تجاوبك ..

لذا ..

نايف , فيصل , ماجد , عبداللطيف , عبد المجيد , منصور ..... ألخ
أسماء كثيره ومعروفه ومتدارجه ..
لكن أين هي هذه الاسماء في زمن الرسول وماقبله ؟


أيعقل أنهم لم يعروفنها ؟
فيصل وماجد أخواني صغار يعني مالحقوا ذاك الزمن وكمان منصور ولد خالي بس أنت والله مدري يمكن لحقت لأني مدري كم عمرك
بس عبد اللطيف وعبدالمجيد كيف يسمونها وهم كانوا كفار يعني مايعرفون اسماء الله الحسنى ؟




الانسان رجلاه او ساقاه طويلتان .. وهذا يعطيه نوع من السرعه في الجري والركض والطرد ..
بينما الجربوع .. له ساقان صغيرتان جدا ً .. إلا أنه أسرع من الانسان .. لماذا ..
لأنه ينقز نقز مايحتاج سيقان

وهل سبق وأن طردتي جربوع ؟
أصلاً ماعمري شفته فحياتي ولا لاعرف شكله والله


وبما أننا في ذكر وطاري الجربوع ..
هل ترى الوردة أن الطاقه الشمسيه قد تغني عن النفط ؟
لا لأن الشمس تغيب والبترول موجود ليل ونهار

ومارأيك في الرسائل التي تصل للجوال او الموبايل لتدعوا للإشتراك في الاخبار او النغمات او من هذا النوع من الدعايات ؟
والله أنهم ادوشوا أمي برسايل الألعاب ياليت تخبرهم إني أمي ماتحب تلعب

وهل تجني خلف هذه الدعايات التي قد نراها فاشله وغير مجديه ؟
لا والله فيه خبلان ياكثرهم يصدقون

وإن كانوا يفشلون .. فلما لم تتوقف مثل هذه الدعايات ؟
مايفشلون دام الخبلان موجودين

وهل تتوقعي أن هناك من يقوم بالاشتراك فيها ؟
كثييير

وهل عددهم يستحق لأن تتواصل مثل هذه الدعايات ؟
رزق الهُبل على المجانين على قول عمتي






هناك نوع من الحيوانات والطيور ينام في الليل .. منها مثلا الحمام والدجاج والعصافير .. طيب لو أخذت عصفور وحطيته في قفص ونزلته عند الاولاد .. كذا لن ينام حتى ينام الاولاد .. ولما ناموا الاولاد جبت العصفور عندي وجلست ازعجه ومااخليه ينام الى الصباح .. طيب ليش مايتعب من السهر مثلا ونلاقيه مايقدر يطير او نشوف فيه خمول وتعب وارهاق .. او ليش ماتصير عيونه حمر من قل النوم .. ( حلوه عيونه حمر )
ويقول ولدي مزعج
خلاص مايبي له عرفنا السبب بس الله يعين العصفور وغصب من الفجعه مابيرقد



وبحسب خبرتك في الحياة هل للمكيف تأثير على الانسان بحيث انه اذا جلس عنده يجيه النوم
لا حنا ماننام وحنا جالسين أبد

وهل البحر غدار مثل مايقال عنه ؟
لا البحر اللي عندنا اسمه البحر الأحمر يعني ماهو ولد غدار

وكيف يستطيع الغريب أن لايفكر في غربته ؟
لو مافكر بيصيرغريب وقتها

وأين تجد الوردة نفسها اكثر في الخاطره ام الحوار ام الشعر ؟

ولماذا ؟
الخاطرة لأني الخيال فيها اوسع والألفاظ غير مقيده


ومارأيك بالاعلام المرئي والمقروء بشكل عام ؟
مااتابع كثير وصار كله يجيب الهم


وهل تعتقدين ان للعيد فرحه مثل فرحة ايام زمان ؟
العيد ماتغير حنا اللي تغيرنا



ولو أنقطع البترول وعدنا لما كان فيه ابائنا واجدادنا في الماضي من بيوت شعر وبداوه ماذا ستفعل الوردة ؟
عادي جدي للحين يسكن خيمه وبيوت شعر واروح عاااادي


وهل تستطيع ان تتعايش في هذه الاجواء ؟
ايه أقدر بس ماانام أواصل لين ارجع


وماذا تعتقدين ان تبدعين فيه في ذلك الوقت ؟
خض اللبن واسرح فالغنم أكيد ماغيرها ابداع هناك




نعرف ان الغبار هو عباره عن حبات صغيره من التراب تحركه الرياح . طيب دائم نشاهد الغبار ولكن في جو ساكن فلما لا تجذبه الجاذبيه الى الارض ؟
لأنه يطير وحتى الطيور ماتجذبها الجاذبيه


وكم تتوقعين يصل ارتفاعه الى أعلى ؟
أجل دامه يطير بيوصل الاعلى وحتى فوق السطوح عندنا فيه غبار

وهل جاكم غبار هاليومين ؟
يجينا يومياً فينبع

وماذا تفعلين في وقت الغبار ؟
أعطس وأقول الحمد لله



النامس حشره صغيره ولكن لها لدغه تسبب انتفاخ في مكان اللدغه ومانعرفه انها حين تلدغ فهي تمتص الدم فلما تصاب المنطقه الملدوغه بالانتفاخ ؟
مكان الدم اللي راح صار فاضي وطلع على برا

ولما يكون معها حكه ؟
عشان تحرك اصابع يدك وتحك

وهل تتوقعين انها تفرز شي داخل الجسم ؟
لا هي تأخذ ماتعطي

وماهي فوائد النامس ؟
ينشط اليد للحك



جده عروس البحر الاحمر لما سميت بجده ؟
عشان كثر احفادها

وهل سبق ان زرتيها ؟
سكنتها لسنوات


ولما زرتيها ؟
دراسه

وهل تعرفين فيها احد ؟
كثيييييييير

وكم عدد الذين تعرفنهم ؟
خمسين طعش وثلاثة انفار وورعه

وهل تودين ان تزورينها ؟
قريب ان شاء الله

وكيف يكون جوها وحالة الطقس في الصيف والشتاء ؟
حر في كل الفصلين



عندما يبكي الانسان ينزل منه دموع .. فأين يكون مستقر هذه الدموع قبل البكاء ؟
فالعين تحت الجفن مباشره

ولما لا تنتفخ العيون عندما لانبكي لمده طويله ؟
قول ليش تنتفخ لابكينا ؟

وكيف تتكون ؟ واين ؟
مويه وملح تحت الجفن



هل تنامين وانت مشغله النور او مطفيه الانوار ؟
مطفيته

وكم لمبه في غرفتك ؟
2

وماهو لون اللمبه المفضل عندك ؟
ابيض بس

وهل تفكرين عند النوم ؟
ايه

وبماذا تفكرين ؟
فكل الاحداث اللي مرت علي طول اليوم

ولماذا تفكرين ؟
محاسبة للنفس

وماهو شعورك اول ماتقومين من النوم ؟
رايقه

وهل تحبين النوم ؟
لا عادي ماادور عليه

وكم ساعه تستغرقين في النوم ؟
اكثر شيء 4 ساعات ونادرا توصل 5



وعلى طاري النوم
هل تحبين الثوم ؟
لا مااحبه لأنه يهبط الضغط



وسلامتك

الله يسلمك ويحييني

[الوردة الظامية]

المشاركة الأصلية كتبت بواسطة شادي الثريا

عندي مشكله في الجهاز الأقتباس يظهر عندي كنه كلام بنقالي وش السواة

جيب لك بنقالي يترجم وبس هذا الحل

[الوردة الظامية]

المشاركة الأصلية كتبت بواسطة شادي الثريا

[ALIGN=CENTER][TABLETEXT="width0%;"][CELL="filter:;"][ALIGN=center]
صباح الخير ياو

عندي سؤال محيرني

1- ليه حنا نخاف من الحيوانات المفترسة وهي ماتخاف منا
بل على العكس حنا نشكل لها فرسة وغذاء محتمل ..؟؟
جوابك فسؤالك نخاف لأنها بتفترسنا وهي ماتخاف لأنها لقيت لها أكل ورزق جاهز

2- هل سمعت قبل ذاك عن ذيب افترس انسان وبرأيك ايش الدافع وراء هذا الأفتراس
سمعت كثير والدافع الجوع طبعاً
3- ايش تستنتجي من أسئلتي ..؟؟
إنك عبيط


::

الو


1- متى تتوقعين اني اكون مكانك في السجن ..؟؟
يوم الجمعه إن شاء الله
وهل ستحضرين لي عيش وحلاوه برغم اني ما احب الحلاوة ..؟؟
هين بتشوف كيف حلاوتي قريب إن شاء الله

2- لماذا برأيك نظرة المجتمع لا ترحم السجين ..؟؟
مثلك

3- وبما انك من السوابق بماذا تنصحيني ان افعل كي اتجاوز محنة السجن ..؟؟

::توكل على الله ويجيك الخير إن شاء الله عاد أنا ماعمري سألت أحد وعندي اسئلة كثيييييييييره محيرتني ومافيه غيرك يجاوب

صباحك كباتشينو

[/ALIGN][/CELL][/TABLETEXT][/ALIGN]

حنا فالليل الحين سلامات

[الوردة الظامية]

المشاركة الأصلية كتبت بواسطة إحساس صادق

صباحك أنا والهنا ياوردتنا الغالية

توني كنت جالسة معي نتحاور وجاني سؤال عجيب

ليش الناس تقوم من النوم وجهها مورم ؟؟
لأننا لما ننام نحلم إحنا طحنا وهذا الورم أثر الطيحه بس

وهل قد ارعبك تورم وجه احدهم من قبل ؟؟
تورم ضرب ايه ارعبني وجه احد بس نوم لا

بعدين اللي يقوم من النوم ويقعد يبربر وهو ما غسل وجهه وش يحس فية ؟؟
يحس بالكسل مافيه يغسل وجهه

بعدين تتوقعين ليش البزارين اللي مثلي يفطرون كورن فلكس ؟؟

وهل الكورن فلكس ماده حية تدعم انتاج الحليب ؟؟
ليتك عند أمي دايم أمنيتها تعرف هالقراقيش ألقى فيها

وكم بقرة تنتج الحليب عندنا في السعودية ؟؟
وانتي مصدقه انه حليب بقر ؟
بلاك ثلاث ارباعه مويه


اخر سؤال وش احساكس من ناحيتي بصراحة اذا تحبيني اعترفي وانا ماراح اعلم احد

إن شاء الله بعد الشادي أنتي السجينة وأنا كنت بختارك قبلي بس الحياء منعني بس زين خلك بعد الشادي وتطلع العلوم اللي عندي

[الوردة الظامية]

المشاركة الأصلية كتبت بواسطة شادي الثريا

طيب اجيب معي حلاوات وشبوس وسنكرز ولا فيه عندكم مقصف في السجن

فيه قصف مو مقصف والأكل على حسب كرم الزوار بتلاقيه

[الوردة الظامية]

المشاركة الأصلية كتبت بواسطة ماريا

راح نفتقدك يا وردة

كنت مونسانا واسجن راح يفضى علينا


المهم اتزكرينا


ومتنسيناش

اللى لقاء قريب

حياك ماريا

لا ماعليك كلها يومين وتتونسين أكثر مع السجين الجديد بس سوي الاحماء من الحين واستعدي

تحياتي