أسئلة بيزنطيه ؟؟ الجزء الثالث!!!

[شادي الثريا]

[align=center][tabletext="width0%;"][cell="filter:;"][align=center]
اللي قاهرني ياحسين انها مسجونه تنفخ وتهدد
أجل كيف لو اطلقنا صراحها
هذي بتمثل خطر على شعب بيزنطه
يمكن تاذي احد برئ مثلي لو طلعت ..؟؟


حسين انا احملك كافة المسؤليه لو جرى لي شي عقب تطلع الوردة
طبعاً ياحبيبي العمر مو لعبه وهذي تهدد من الحين وناويتني وبتستخدم
معي اسلحة محرمة دولياً بيولوجية وانشطارية ومثلك خابر

::

ورده

على طاري الأسلحة البيولوجيه برأيك ليه كان العرب هم اوائل الناس التي تستخدم عليم هذه الأسلحه..؟
وهل خالد اخوك او احد من اخوانك عنده رشاش او شوزن ..؟؟
واذا عنده هل لديه تصريح بأستخدام السلاح ولا مثلنا هباقين ومع الخيل ياشقرا ..؟؟

::

ماذا تعنيلك الأشياء التاليه

أله حاسبه //

قصاصة اظافر //

ركزي على الظاء على شان موكل شوي تنقزين وتعدلين

فنجان قهوة //

زعفران //

ضمان اجتماعي //

امان وظيفي //


حذاء احمر مقاس 36 // وانتي بكرامه


152 سم //


عكَة سمن //


قربه //


فاقوش //


الدربسي //


::

طيب ياورده

برايك هاذولي اللي يهايطون مثل بعض النايس وش مشكلتهم مع الهياط ..؟؟
وعلى طاري الهياط لماذا اغلب الخطب الرأيسيه للقاده العرب مابها الا الهياط ..؟؟


برجعلك ان شاء الله
[/align][/cell][/tabletext][/align]

[شادي الثريا]

[align=center][tabletext="width0%;"][cell="filter:;"][align=center]
ايوااااااااه ياورده


عيرتني بالشيب وهو وقارٌ ... ليتها عيرتني بما هو عارٌ
ان تكن شابت الذوائب مني ..... فالليالي تزينها الأقمار

من قائل هذين البيتين ياورده ..؟؟
خلي اللغة العربية تنفك ..؟؟

::

على طاري الشيب وبما اني شايبكم فقد وجب عليكِ تقديم طقوس الطاعة ..؟؟
برايك ياورده ليش الشيب يطلع في الذقن قبل الراس وهل تعتقدين انني شايب ..؟؟
وكم شايب ينسدح في ورقة البلوت ..؟؟ واذا جا اربع شياب في سري كم يكون عدد هذا السرى ..

::

ورده ماذا تعرفين عن الثورة البلشفيه ..؟؟
ولو اني داري جوابك كيف بيكون وادري انك بتقولين

بلش // يعني بدأ
فيه // يعني فيني
بلش فيه بلغة الشوام

لكن علشان اقطع دابر الخاقا باقا

::

اعترفي بالتالي

كم عدد اخوانك //

كم شخص يسكن معكم في نفس البيت //

كم رصيدك في البنك .. اشوفك بتشترين كرايزلر مانتي بسيطه //

كم يبلغ عدد ابناء اخوتك //


تحسي اني شغال في التعداد السكاني

ماعلينا

::

برجعلك
[/align][/cell][/tabletext][/align]

[الوردة الظامية]

المشاركة الأصلية كتبت بواسطة حسين الشمري

ماريا إذا شفتوا السجين مو متجاوب معكم نمدد له
عادي مو على كيفه يتهرب كلنا ملاحظين هالشيء
على الورده بس أقول يمكن تعقل بس أشوفها تعاند
الظاهر تبي تجني على نفسها

وعلى طاري تجني على نفسها ، من هي براغش
اللي جنت على نفسها ؟؟

اخبرهم يقولون - الله يعزك والمارين- انها كلبه نبحت وقتلوها

بس أنا الحمد لله اتكلم ماانبح يعني مابجني على نفسي

[الوردة الظامية]

المشاركة الأصلية كتبت بواسطة شادي الثريا

[align=center][tabletext="width0%;"][cell="filter:;"][align=center]
اللي قاهرني ياحسين انها مسجونه تنفخ وتهدد >>حزنت عليك
أجل كيف لو اطلقنا صراحها
هذي بتمثل خطر على شعب بيزنطه
يمكن تاذي احد برئ مثلي لو طلعت ..؟؟
إذا أنت برئ من المجرم ؟


حسين انا احملك كافة المسؤليه لو جرى لي شي عقب تطلع الوردة
طبعاً ياحبيبي العمر مو لعبه وهذي تهدد من الحين وناويتني وبتستخدم
معي اسلحة محرمة دولياً بيولوجية وانشطارية ومثلك خابر
والله بلاك أخاف يكون ذنبك فرقبتي

::

ورده

على طاري الأسلحة البيولوجيه برأيك ليه كان العرب هم اوائل الناس التي تستخدم عليم هذه الأسلحه..؟
ايه مو أنت عربي وأنا بستخدمها عليك
وهل خالد اخوك او احد من اخوانك عنده رشاش او شوزن ..؟؟
عنده فالدوام بس مره طاح منه ف... وعطوه انذار يااااويلي منه
واذا عنده هل لديه تصريح بأستخدام السلاح ولا مثلنا هباقين ومع الخيل ياشقرا ..؟؟
آها يعني ماعندك تصريح >>> اشهدوا

::

ماذا تعنيلك الأشياء التاليه

أله حاسبه // مااعرف استخدمها

قصاصة اظافر // تعورني اسناني لاسمعت صوتها

ركزي على الظاء على شان موكل شوي تنقزين وتعدلين >>> لا تحسب انك فالح بس أنت لو أعد بغلط من كثرها وحسين أحب انشب له

فنجان قهوة // السهر

زعفران // يخلي المندي اصفر

ضمان اجتماعي // الله يعز الحكومه

امان وظيفي // الأمان عند الله


حذاء احمر مقاس 36 // وانتي بكرامه >>>> آخر حذاء شريته


152 سم // طول أحد


عكَة سمن // جدتي الله يرحمها


قربه // مويه بارده فيها طعم دبااااغ>>> ترجم للعرب مالي شغل


فاقوش // شكله شاكوش عندنا بس حنا عندنا الفقش بالحجروفالرأس


الدربسي // والله مااعرفه اعرف الدرباس الاقرع


::

طيب ياورده

برايك هاذولي اللي يهايطون مثل بعض النايس وش مشكلتهم مع الهياط ..؟؟
مشكلتهم مالقوا اللي يوقفهم عند حدهم
وعلى طاري الهياط لماذا اغلب الخطب الرأيسيه للقاده العرب مابها الا الهياط ..؟؟
ضروره لكسب الشعب


برجعلك ان شاء الله
[/align][/cell][/tabletext][/align]

حياني الله

[حسين الشمري]

لازالت الأجواء الجميلة مستمرة بصحبتها وبتعذيبها
مستمتعين معك الوردة وودنا تطولين بس شكلك
راح تخلصين محكوميتك بوقتها ، وياويله اللي بعدك
عموماً الثلاثاء قريب وتطلعين ، لا تعطينهم مجال يصيدون عليك
زله أو خطأ ...

عنيده أحد قالك أنك عنيده الورده ؟؟
بس روحك جميله أحد قالك بعد هالشيء ؟؟
وعلى فكره إجاباتك بيزنطيه من العيار الثقيل بس فيها بعض الإختصار
يمكن عشانك تعبتي ، لكن ما عليه واللي بتحطينه بعدك يتنتقمين منه أكيد
وعلى طاري الإنتقام ، هل تودين أن تنتقمين من أحد بالمنتدى ؟؟ وبالحياة
بصراحه فيه أحد ودك تنتقمين منه حتى لو ما راح تسوينها يعني ودك ؟؟

طيب الورده العصافير ليه ما تسهر ؟؟ عمرك شفتي حمامه سهرانه ؟؟
تعرفين القنفذ والجربوع ليش إذا جاهم ليت السياره يوقفون ؟؟
الورده تدرين إن الضب لا بغو يذكونه يذبحونه يحط إيديه على نحره حلقه
طيب ليش يسوي كذا وهو حيوان مو يقولون الحيوان ما يفهم طيب هذا وش دراه؟؟
وتدرين بعد إن بعد ما يقطعون راسه يمشي شوي وعيونه ترمش ، سبحان الله طيب
وش لون لهم نفس ياكلونه ؟؟
تعرفين الشبث ، إذا تعرفينه وش وظيفته ؟؟
طيب قولي لي وش يعجبك في قطرات بصراحه ؟؟ ووشو اللي ما يعجبك فيها ؟؟
طيب وش إكتشفتي من خلال تواجدك بالسجن البيزنطي ؟؟ ووش إستفدتي ؟؟
وليش حنا نفهم لهجة ماريا وهي ما تفهم علينا ؟؟ ليش حنّا نتكلم بنغالي ؟؟

بحفظ الرحمن

[شادي الثريا]

أفااااااااااااا بدت الأنقلابات العسكرية ..؟؟
والله ياحسين ما هقيتها منك وانا اللي جبيت للورده الصمرقع هنيا
هين ياكبير بيزنطه اثر مالك عزيز

ورده // ماراح اسئلك خلاص بعقد معك هدنه




::




بس على طارى الهدنه ويش هي بالضبط يعني وش معناها ..؟؟

عندي سؤال مادري كيف ابسأله لكن ابسأله ..؟؟

برأيك من هو اللي انا ابي اسأله .. وهل كانت اسئلة التوجيهي صعبه على عهدك ..؟؟
طيب ليه انا يوم اني في سادس ابتدائي كانت تجينا الأسئله من الوزارة
وكذالك وانا في ثالث متوسط ..ليه الأجيال اللي بعدي تساهلوا معهم ..؟؟
هل تعتقدين ان فوق روسهم ريشه ..؟؟

::

على طاري الريشه

كم نوع يوجد للريش وهل ذيل الحصني يعتبر من الذيول الريشيه ..؟؟

::

جمي كارتر من هو برأيك ..؟؟
وايش وجه الشبه بينة وبيني ..؟؟



وبرجعلك على شان اطمئن على صحتك بس ..

[حسين الشمري]

لفيت بالمنتدى وخذيت جوله ورجعت لك
وقبل ما أسألك ودي توضحين لماريا وش معنى خوش ؟؟

وهذي اسئلتي على الطاير

لو طلب منك تعبير بكلمات قليله عن حياتك إلى الآن وش راح تقولين ؟

الصديق وقت الضيق هل تؤمنين بهذه المقوله ، وهل جربتيها ؟؟

هل تعتقدين أن حظك سيئ؟

هل هزمك حزنك في يوم من الأيام؟وكم كانت النتيجه ؟؟

(( اللي راح راح وماتفيد كلمة ياريت ))
إذا أردت أن توجهي هذه العباره لنفسك, فماذا تقصدين بها ؟

متى اخر مره بكيت؟وعلى طاري البكاء سمعت مره أحدهم يقول
دموع حاره ، يعني فيه دموع حاره وبارده ؟؟ شلون فهميني ؟؟

اذا تم تعيينك ملكه لجميع البلاد العربيه فما اول قرار ستتخذينه ؟

هل تكرهين شخص بشده في حياتك ؟


ما هو اقتراحك الذي تتمنى ان يحدث في هذا المنتدى ولم يحدث الى الآن ؟

هل تؤيدين قول كل ما يعجبك وإلبس ما يعجب الناس ؟؟مع ذكر السبب ؟؟

يقولون ما بعد العداوه إلاّ الصداقه ، كثير ما نمر بمواقف تنطبق على هالكلام
مريتي بالمنتدى بموقف ينطبق عليه هالكلام ووش لون ومع منو ؟؟

عاده تفعلينها دائما وتتمنين أن تتركيها ؟

ماهو أجمل اسم لولد واجمل اسم لبنت عندك ؟؟ووش رايك باللي يسمي
إسم ولده على إسم أبوه أو أمه ؟؟ وخاصة لو كان أبوه يستاهل أو أمه ؟؟ حتى لو الإسم
يعني ما عليه زوين لاهو زين ولا شين يعني عادي ، بس عشان أبوه سماه أو أمه؟؟
ولا الولد وش دخله فيه وفي أبوه أو أمه هههههههه؟؟اتحداك تعرفين وش ضحكني بهالسؤال ؟؟

ماذا تفعلين أول شيء إذا ربحت مليون ؟؟

هل أنت ممن لديهم رغبة حب التملك وإذا تملكت الشيء أصابك الملل منه ؟

اعتذار من هنا لمن تريد الوردة أن تقدمه بالمنتدى؟وخارجه ؟

طيب وش تقولين لأخوك خالد بيت شعر ؟؟

وللوالده ؟؟

ولقطرات ؟؟


هل هناك شخص لا ترفضين له طلباً ؟؟

من هو العضو اللي تعتقدين إنه محبوب بين الأعضاء ؟



على حسب المزاج ، ربما سأعود ، تحيتي لك .

[حسين الشمري]

شادي ما عليك بس لأني شفت
السجينه غيرت من سلوكها ، وبدت
تترك العناد ، ولأني بيني وبينك
الصراحه خفت أنها تنتحر لأننا
شبينا عليها وتعرف الحين مو زي أول
حقوق الإنسان أزعجونا ...

حبيبي شادي والله إنك ما قصرت وراح تحصل
على وسام بيزنطه من الدرجة الأولى ...

[شادي الثريا]

المشاركة الأصلية كتبت بواسطة حسين الشمري

شادي ما عليك بس لأني شفت
السجينه غيرت من سلوكها ، وبدت
تترك العناد ، ولأني بيني وبينك
الصراحه خفت أنها تنتحر لأننا
شبينا عليها وتعرف الحين مو زي أول
حقوق الإنسان أزعجونا ...

حبيبي شادي والله إنك ما قصرت وراح تحصل
على وسام بيزنطه من الدرجة الأولى ...

هههههههههههههههههههههههههههههه
اعجبتني هذا اللي شبينا عليها وحقوق الأنسان ما بتسكت








ذبحتني من الضحك

[حسين الشمري]

شادي دوم هالضحكه

طيب الورده ليه دايم نقول ذبحتني من الضحك بطني آه يا بطني ؟؟
ليه من نقول ظهري ولا خشمي ؟؟ وش دخل البطن ؟؟
طيب الورده بما انك خبيرة أعشاب وطب شعبي بقطرات ، أبي وصفه
شعبيه بيزنطيه ولا أحد يصدقها ويسويها تخلي الواحد على طول مستانس ويضحك ؟؟