أسئلة بيزنطية ؟؟

[حسين الشمري]

ما أسعدني بكم أيها الإخوة والأخوات الأكارم ، بمثلكم يفخر المرؤ

لكم أنا سعيد وربما البعض لا يعلم مقدارها لأن أمثال توته واللمياء والصوت

وخالد والمنى والوجيه ورونق وولد أبوي ومن مر من هنا وعبر ...

وبتواجد مثل هذه المشاركات الأخيره بهذا المتصفح مدعاة للفخر والإعتزاز

والسرور ، إخواني كما سعدنا جميعاً بإستقبال خالد هنا نودعه على أمل اللقاء

به أيضاً هنا من خلال محاورة شخصية جميلة أخرى .

لكم من قلب أخ محب للجميع كل حب وتقدير .

[النيــــزك]

السلام عليكم




لحظه لحظه أخوي القرار أرجوك لا تقفل الموضوع قبل ما أشارك فيه


أولا لأنه موضوعك وانت تدري شكثر إعجابي بإطروحاتك

ثانيا لأنه موضوع رااااايق ورائع وحلو وجذاب << حشا ما بقى إلا تقول وسيم بعد ههههه



ثالثا لأن الضيف مو حي الله


هذا العزيز الغالي أبو خلود الله يحفظه


عشان كذا لازم تقبل مشاركتي والا اقول عليك للوالده ترى ههههههه



ومع ذلك ما راح اكثّر ولا أثقّل بالأسئله ..
سؤال والا سؤالين بس لضيفك العزيز



واقول أبو الوليد مساك الله اله بالخير والمسرات

شلونك طال عمرك ؟


عندي سؤالين بس مو أكثر لأني أدري إن الربع أتعبوك بكثر أسألتهم عشان كذا ما راح أكثّر الأسئله




أولا


بما إنك وراك سفره لباكستان فهل فكرت إنك تستغل فرصة وجودك هناك واتعرف لك على كم خياط وتستقدمهم وتفتح معهم مصنع ملابس جاهزه في حايل مثلا ؟
يقولون إن هالشغله تكسب ذهب هههههه




والسؤال الثاني

عاد هذا بيزنطي شوي


لو خيّرت بتعيينك على رتبة جندي عادي طول عمرك في حائل

وبين ملحق عسكري برتبة فريق في السفاره السعوديه في باكستان اللي انت بتروح لها الان بشرط أن تقيم طول عمرك هناك ولا يسمح لك بزيارة حائل أبدا فأيهما تختار ؟



ابو خلود ترى الفرق كبير بين رتبة فريق ورتبة جندي

فكر زين وانا اخوك قبل لا تجاوب هههههه




يعطيكم العافيه أنت وأخوي القرار وكل من شارك أو مر على الموضوع






تحياتي للجميع

[حسين الشمري]

والله ما أنت هين يالنيزك أتريك بيزنطي صميم ، حسافه فلت منك

خالد ، مع أنه خلص بس أبي أتوسط لك عند أبو الوليد عاد خالد لا تفشلن

وبما أنك عزيز أيضاً علي يالنزيك نبي نطلب خالد خايف لا تعلم أمه ههههههه

النيزك أخوي سعدت وتشرفت بتواجدك بمتصفحي وأكيد خالد إنه يمخمخ

له على واحد يبي يختاره ، ما أوصيك أنت والربع عليه .

أخوي تقبل جل تقديري وإعتزازي بك .

[خالد العبدالله]

السلام عليكم

أختي اللميـاء

عليك من الله سلام ورحمه وبركات .. لا تنتهي


لحرفك لذة خاااااصه ..
وماشاء الله عليك .. عسى الله يثبتك على هالطريق

مثل ماقلتي .. المشكله انهم لايظنون أننا تغيرنا
كنت اتوقع في مجتمعي ( الحائلي ) فقط هذه النظره .. لكن اظنها دوليه أيضا" !!

واحد من عيال عمي .. عزيز جدا" ( اخو هيا )
كنا نسولف عن الملتزمين بشكل عام .. وهو غير ملتزم لكني أتأمل فيه خير
المهم .. يقول ( يا خالد انت مشكلتك انك من أول عمرك وأنت حبوب .. ولا انت راعي خراب او سفرات وروحات وجيات .. من الله خلقك وانت طيب .. عشان كذا بيتعبون معك أهل الحكي ماراح يلقون عليك شي )

لأن ألحين الواحد إذا كان خربان .. أو طلع من سجن مثلا" .. والتزم
تبدأ الناس تحط عليه ويقولون ( طول عمرك خربان جيت الحين تسوي ملتزم )
وفعلا" هذي ألاحظها كثير .. لكن انا ما صادوا علي شي الحمد لله ( حسب كلام ولد عمي )

وكثير من الملتزمين يتضايق من كلام الناس اللي حوله .. ويتأثر
أنا أول ما التزمت جاء نفس الشخص اللي قال لي ( حافظ لك كم آيه ) .. اول ما التزمت وقصرت ثوبي جاء في مجلس عام وقال لي
( الدين بالقلب ياخالد ماهو بقصر الثوب )
ولأنها أول المواجهات .. تلعثمت ولا عرفت أرد
خاصة وأني احترمه جدا" .. ولأنه من الناس اللي يحب يتكلم زي كذا في المجالس العامه .. انتظرته طويلا" وفعلها مره ثانيه .. فبادرته بـ
( الحمد لله .. أنا اللي بقلبي أطلعه للناس لأني اتشرف به .. ماعمري خبيت اللي بقلبي عن أحد )


محمد صلى الله عليه وسلم وهو نبي .. تعرض لأشد من هذا و أقسى
فما بالك بنا نحن البشـر !!


صدقيني اللمياء أنا حليم .. وقلما أغضب
حتى ان واحد من الشباب جاني بعد نقاشي مع الأخ السابق ذكره ( عسى الله يهديه ) .. قال ياخالد لاتناقش هذا .. الناس كلها تدري إنه كثير سوالف
قلت له ( أنا يوم ناقشته ماهو عشانه .. أنا ابي الناس اللي حوله تفهم وتعرف .. وتقتنع إني ما أرضى أحد يمس التزامي بشي )


ربما طال الحديث .. وهو خارج عن الموضوع الأصلي
لكنها مجرد خواطر أحببت إيضاحها احتراما" لردك الـ / طويل غفر الله لك

وعلى ذكر الرسائل بالمجموعه اللي حولي .. انا ولله الحمد لازلت أرسل رسائل وعظيه سواء بالجوال أو حتى بالإيميل
وأكثر ما أرسل لهم بنات .. لأني مقتنع ( جدا" ) إنهن أكثر تأثرا" وأقرب تقبلا" للنصح من الرجال
لذلك أجدني مائلا" كثيرا" لـ ( دعوة ) النساء عن طريق رسائلي ..


شكرا" اللمياء على تواجدك .. والشكر موصول للجميع أيضا"













خ.ألـد

[خالد العبدالله]

السلام عليكم


أخوي الصوت المسموع


أسأل الله لي ولك الثبات

لأنه وصلني أنك أيضا" من الملتزمين .. أتمنى فعلا" أن تكون كذلك
لأني أحبك جدا" يا المسموع
أيضا" نفسك تروق لي داااااااااااااائما"


ولردك الأخير جمال عجيب .. وإسمح لي سأستعير ماكتبت وأحفظه
خاصة في الأسطر الأخيره .. فقد راقت لي












خ.ألـد

[خالد العبدالله]

السلام عليكم

أخوي النيـزك


عليك السلام ورحمة الله وبركاته
و
مساك الله بالنـور

أنا بخير وعافيه


يمون أبو غلا دامه توسط لك .. اول كنت أبرفض طلبك لكن دامه أبو غلا خلاص جاك
<<---- يضبط ابو غلا .. لأنه يبي منه شي

يعني فوتها لي هالمره النيزك خخخخخ


بعدين الموضوع ماراح يتقفل .. بيستمركذا .. كل الأعضاء اللي نختارهم نكمل بهم هنا بنفس الصفحه






أولا


بما إنك وراك سفره لباكستان فهل فكرت إنك تستغل فرصة وجودك هناك واتعرف لك على كم خياط وتستقدمهم وتفتح معهم مصنع ملابس جاهزه في حايل مثلا ؟
يقولون إن هالشغله تكسب ذهب هههههه


تبي الصدق .. لا
لأني عسكري يعني ما أقدر أفتح لي محلات أو أستقدم عمال خخخخ
بعدين الشي اللي فكرت به .. إني أجيب لي غرفة نوم من هناك
أرخص .. و أحسن خشب

اللي يبيني أجيب لك مستعد والله .. بس لازم عموله شوي كح كح






والسؤال الثاني

عاد هذا بيزنطي شوي


لو خيّرت بتعيينك على رتبة جندي عادي طول عمرك في حائل

وبين ملحق عسكري برتبة فريق في السفاره السعوديه في باكستان اللي انت بتروح لها الان بشرط أن تقيم طول عمرك هناك ولا يسمح لك بزيارة حائل أبدا فأيهما تختار ؟



النيزك .. ليش عاد رتبة فريق !!

ياخي ألحين لو يقولون لي نحطك بحايل بس بشرط تتنازل عن رتبتك وترجع جندي .. وافقت
لأن حايل مافيها بحر .. يعني مستحيل أصير بحايل .. وهذا اللي قاهرني
لكن وش نسوي .. النصيب .. عسى الله يكتب اللي فيه الخيره














خ.ألـد

[خالد العبدالله]

السلام عليكم

أنا إخترت لكم عضو محبب جدا" إلى نفسي ..
رغم أنه أحيانا" ( يجيب الضغط ) لكن مشكلته أني أحبه لحد الـ ( فديه )
أبرز ملامحه .. أنه شمالي بحت ( يعني صدره وسيه تفحط فيه تريله )
لكن مشكلته .. يدخـن

لو يترك هالعاده .. كان زوجته بنتي هيـا

<---- تو الناس


هو معكم من هنا .. للجمعـه







خوذوا سلطـان الشمري .. كله لكم













خ.الـد

[مشاعر انثى]

السلام عليكم والرحمه0
اسعد الله اوقاتكم جميعا
تراي تو داخله المنتدى الا واشوف البيزنطييييه قدام
وش السالفه؟
المهم ابي اشوف من الصفحات الاولى وش القصه وارجعلكم
بس اعتقد ان المحاورات جدا طيبه من قلوب طيبه
ولي عوةده بإذنه تعالى0

[حسين الشمري]

أهلاً بالأخت التي أتوقع بأنها بينزطية من العيار الثقيل مشاعر يالله حيوا

ونعم الإختيار سلطان ما يحتاج يابنات وياشباب أنا بعد أعطيكم معلومه

عن هاللي يبي يسوي نفسه بيزنطي سلطان تروه ما يكل ولا يمل ماشاء الله

عليه ، إن بغيتوا ورقه ( هند ولا بلوت ) أو بليستيشن ياحبي له ما يمل

المهم هذي معلومات بيزنطيه عنه ....

أبـو شوق يالله حيو ياهلا ومرحبا بك ، وياويلك نبي نجلدك جلد تولم .

[سلطان الشمري]

السلام عليكم ورحمة الله وبركاته

اسعد الله اوقاتكم بكل خير


أولاً

كلمة أوجهها لشعلة المنتدى

الأخ الغالي أبو غ ــــلا

لا أعلم ماأقوله لك تجاه هذه الجهود المميزة في سبيل رقي هذا الصرح لما هو أفضل وأفضل .
فـ (الشكر) يقف أمام قلمك مطأطأ الرأس متذللاً لكرمه وماقدمه لنا من إبداعات في شتى المجالات .
أبو غ ــلا شكراً من قـلبٍ محـب .


ثانياً

أتمنى من الله أن يوفقني لما هو خير في وجودي هنا والإجابة على الأسئلة جميعها .
وأتمنى من الإخوة والأخوات أن تكون الأسئلة خفيفة سلسة يسهل الإجابة عليها وبعيدة عن جو الفلسفة التي تسبب لي صداع كيبوردي ;) .




وشكراً