أسئلة بيزنطيه ؟؟ الجزء الثالث!!!

[حسين الشمري]

الورده أرجعي مو على كيفك جاوبي على سؤال
ما الفرق بين الهذيان والهلوسه والهذرولوجيا ؟؟
الظاهر بديتي تفوتين

وعلى طاري تفوتين فيه مصطلحات يتداولها الشباب خاصه بهم
ودي تذكرين لنا كم مصطلح بناتي نسائي على ذوقك ؟؟

وتتوقعين خالد للحين يسبح ؟؟ شكله ما سبح من يوم راح لباكستان قبل ست شهور ؟؟ << قال أسبح وأجي وللحين ما جا

[الوردة الظامية]

المشاركة الأصلية كتبت بواسطة حسين الشمري

طيب رجعنا لك أصلاً ما رحنا عشان نرجع لا تستانسين

ما ورانا شيء توني جاي الإستراحه ومروق
اسدح طلباتك وأنا بعد مرووووووووووقه ومتونسه


- طيب نبي شوي نرجعك لماضيك ، أي لون يغلب على ماضيك اللون الأسود أم الأبيض ؟؟
لحظه أعشّق السياره قبل الريوس >> (الرجوع للخلف ) ترجمه
أبيض لأن كل البكل والشرياط كانت بيضاء فالمدرسه و السوداء ممنوعه
وما هو (أبيخ ) موقف إحراج تعرضتي له ؟؟
مره كنت في مطار جده واخوي راح يصلي وأنا واقفه انتظره جاء رجال بالغلط يحسبني اخته و... ومالك بالنهايه >>>> بلا احراج
وما هو أطرف موقف ؟؟
أيام الكليه شفت شجرة ريحان مزروعه جديده وأنا أحب الريحان وجيت بآخذ منها وسحبتها بقوه وطلعت الشجرة كلها فيدي بس والله كانت صغيره ماتجي نص متر طولها وماهي مزروعه زين وحسيت الكل يومها يقول الله يقطع البدو بس
وقبل أن تنام الورده
ما هو التمرين الذهني الذي تقوم به ؟؟
مااتمرن عشان مايطير النوم
وما هي أحلامك بالعاده ؟؟
كثير أحلم ببيتنا القديم وأبوي الله يرحمه
وما هو آخر حلم حلمتيه ؟؟
إني أقرأ سورة التوبة لشخص وهو يحاول يغلطني وكملتها غصب
وهل تتعرضين لكوابيس ؟؟
نادراً الحمد لله
وما آخر كابوس ؟؟
مااذكر والله
وما رأيك بشاي أبو كبوس ؟؟ << ذبحني فيه نايف
اعرف كبوس عند الاندونيسين يعني مساج بس

- المربع والمثلث والمستطيل أشكال مرت علينا كثيراً بالإبتدائيه أي الأشكال ما تحبينها ؟؟ مااحب المثلث أحسه حاااد
وأيها اللي تحبينها ؟؟ المربع لأن اركانه متساويه وعادل
وليش ولماذا ووشوله تحبين وتكرهين ؟؟ ولا هالشيء طبيعي وفطري ؟؟
أم هو مكتسب ؟؟
فطري لأن كل الناس تكره الرياضيات بس مو قدي
وما الفرق بين الفطري والمكتسب ؟؟
فطري يعني خلقة ربنا
مكتسب يعني قلودي من أحد
وممكن مثال ثوضيحي ؟؟ لا مو ممكن وش عندك ؟

وأي ألوان
النياق تحبين الوضح ولا الصفر ولا المجاهيم ؟؟
مااحب النياق كلها والله

طيب الورده كلنا صار لنا موقف وحنا صغار بالمدرسه يعني قليل منّا ما بكى بالمدرسه لأي
سبب ، اذكري لنا كم (بتسوه)<<< بكاء من بكائك بالمدرسه مع ذكر السبب ؟؟
بكيت يوم مجلس الأمهات لأني لبست حذياني ( وانتم بكرامه ) وحده حقتي ووحده حقت اختي الكبيره اللي مو معاي فالمدرسه وكل وحده شكل
واللي يقهر إني أقدم الحفل بـ فرده وفريّده

الخارجون عن القانون وش وجه الشبه بينهم وبين الخارجون بالشارع ؟؟
كلهم خرجوا بس واحد من الباب وواحد من الدوله

بما أنك شاعره سؤال ودي أحد يجاوبني عليه ، ليه قليل يكتب عن هموم الأمه عن الدين
عن العادات والتقاليد عن الأم عن ... الكثير الكثير كل ما يكتب غزل مع أن الغزل لون
جميل من ألوان الشعر ولكن لما التركيز عليه ؟؟
لأن العشق هو اللي يهيض المشاعر والمشاعر هي اللي تجيب القصيدة والقصيدة تنكتب وأنتم تقرونها
وبالنسبه للألوان وش تتخيلين لون
الجن معقوله أبيض ولا أسود ؟؟ وعلى طاري الجن أكيد حصل لك سابق معرفه أو لقاء
أو موقف معهم ، سولفقي لنا عنه ؟؟

لااااااااااا الله يرحم أبوك بسوي نفسي ماقريت السؤال عشان مااشوف الكوابيس الليلة



سلام وبرجع

الله يسلمني

[الوردة الظامية]

المشاركة الأصلية كتبت بواسطة حسين الشمري

الورده أرجعي مو على كيفك جاوبي على سؤال
ما الفرق بين الهذيان والهلوسه والهذرولوجيا ؟؟

مافيه فرق كلها تبدأ بالهاء
الظاهر بديتي تفوتين
لا لا مصحصحه شربت بايسون
وعلى طاري تفوتين فيه مصطلحات يتداولها الشباب خاصه بهم
ودي تذكرين لنا كم مصطلح بناتي نسائي على ذوقك ؟؟
حركتاااااات بس هذي اللي اقولها

وتتوقعين خالد للحين يسبح ؟؟ شكله ما سبح من يوم راح لباكستان قبل ست شهور ؟؟ << قال أسبح وأجي وللحين ما جا

هههههه يااخوي الله لايلومه أكيد المويه للحين ماوصلت كتوفه باقي على الرقبه

>>> شكلها هذي ترويشة الجمعه يبدأ فيها من الليل والظهر بكره يخلص ويروح يصلي

[شادي الثريا]

هههههههههههههههههه

لا لا لا لا ماهي بسيطة المسجونه






عموماً اصبري حتى يجي براد الشاهي واجيك
عندي لك اليوم مفاجئه

[نايف الشمري]

السلام عليكم
عندي كم سؤال ..
كيف حالك ؟

ومالفرق بين كيف حالك و وش علومك ؟

ومساء الخير من هو اول من قالها ؟ وكيف جمع ووفق بين المساء والخير ؟ وهل تتوقعين انه هو نفسه من قال صباح الخير او واحد سرق فكرته وحطها بالصباح ؟

بما انك شخصية لامعة ومرموقه ومحبوبة ماهو مشروبك المفضل في الليل ؟ وماهو مشروبك في الصباح ؟ وفي الساعة 1 ظهرا ً ماهو الاحساس والشعور الذي ينتابك ؟

سؤال على الطاير .. كيف يتسلل الملل لنا ؟ ولماذا سمي ملل ؟ وما فرقه عن الطفش ؟ وكم عمر ابن بطوطه ؟ وما أسم امه ؟ ويوم هو صغير هل أكل شابورة ؟

اغمضي عيناك يالوردة .. وتخيلي ان في المنتدى سوبرماركت .. وحلاق .. وخياط .. وبوفيه .. ومشغل نسائي .. بودي ان تضعين لكل شغله واحد من الاعضاء ومن هو الزبون الدائم له .

كم مره ترمشين في اليوم ؟ وكم كيلو تقريبا تقطعينه يوميا ً ؟ وكم لتر تستهلكين في شربه باليوم ؟ ولماذا ارتفع سعر الذهب ؟ وكم معدل فاتورة الكهرباء عندكم شهريا ؟

بما اننا في احداث مصر .. لو كنتي انتي الان رئيسة جمهورية مصر وهذه المظاهرات ضدك .. ماذا ستفعلين ؟ ولو كانت توته نائبتك .. وقررتي الهروب خفيه .. هل ستأخذينها معك ؟

وهذا اللي عندي اليوم من اسئلة

[الوردة الظامية]

المشاركة الأصلية كتبت بواسطة قطرة أدب

المتألقه الوردة الضامية

اولاً ارحب فيك في ايام الغرابيل وحبيت ازورك وسلم عليك
وبما اني اطلت الوقوف امام هذا الموضوع وليس لدي فكرة
عنه . على ان لدي كم استفسار عن الوردة .
ولكن اتركك ترتاحين وتحلين الاسئلة البيزنطية رغم اني
دمقراطي وليس لدي اي حزب !!!
دمتي بخير ..

ياالله حيه هلا بك يااخوي قطرة أدب
الزيارة مفتوحه متى مابتجي حيااااك بس جيب حق الضيافه معك

مرتاااااااااااااااااااااااااااااااااااااااااااااحه بس ريحوا زعيمكم

[شادي الثريا]

برأيك ياوردة .. حسني مبارك .. وش نوع الغرا اللي يستعمله ..؟؟
لو كنتي مكان الشعب المصري وش بتسوين اكثر من اللي سووه ..؟؟


وردة ناقصك شي تبين شي ادري ان السجن شين لا يردك الا مفتاح السجن

[الوردة الظامية]

المشاركة الأصلية كتبت بواسطة شادي الثريا

هههههههههههههههههه

لا لا لا لا ماهي بسيطة المسجونه






عموماً اصبري حتى يجي براد الشاهي واجيك
عندي لك اليوم مفاجئه

هلا والله يالشايب >> عفواً الشادي بس لوحة مفاتيحي مخبصه

صابره ومحتسبه بس نشوف من اللي خارت قوااااااه

[حسين الشمري]

أقول دبل تسبدي هالحصني
الورده تتوقعين أدري ما تفهمين بالسياسه بس توقع
تتوقعين حسني أهبل ولا يستهبل ولا عديم إحساس؟؟
ولا وش قصة أهلوووووووووو ؟؟ ووش تتوقعين نهايتووه؟؟؟
وهل جنى على نفسه بهذا الفعل وهذا التطنيش وكأن ما فيه شيء
وهذا البرود والبلاده في التعامل مع الشعب ؟؟
الورده بجد تعرفين الحدث يفرض علينا نواكبه ، وهذا يغث الله
يعين شعبووه عليه ، وش تتوقعين بكرى الله يستر ؟؟

[نايف الشمري]

بمناسبة تعليق جهازي ورفضه ان انزل اسئلتي السابقة بسهوله ورغم اني عدت وعدت ويالله نزلت

سؤالي هل انتي داعيه على جهازي او اتصالي ؟