عبر عن مزاجك ببيت شِعر على مزاجك ..

[الصوت المسموع]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
وجهي وتفاصيل التعب في دنيتي ولفح السموم = صدرك لها الظل البراد وموردي وقت الظما
[/poem]

[الوردة الظامية]

-


انا ذاك البعيد اللي يموت..! ولايعيش اقصاه
واناهذا القريب اللي مبعثر بينه وبينه


انا (صوت السكون) اللي سمع غنج الصدى واغواه
بكى حتى بكى .. حتى بكى من حسرته عينه


عسى صبح الوضوح ليا سرى ليل الغموض وتاه
يجي مثل الضرير اللي يمد الشوف.. بيدينه..!!

-

[سالم]

دام السوالف أجدبت وانتهى الهرج
خـل الـتـناهيد البـريئهـ ختامــي


الصدر من كثر الملل والتعب ضج
ماعاد تستهوي ضلوعي عظامي

[شادي الثريا]

---

ياااااازينها ضحكة عيونك على الريـق
................افطر عليهـا ، وآتناسـى همومـي!
تآخذني بـ( معزل ) عن الحزن والضيق
................ياااااااااليتهـا دايـم بدايـه ليومـي!

[الوردة الظامية]

-

مسافر والحـزن شنطـة زهابـي والجروح ثيـاب
وكثـير عيـون تسـألنـي لـ حالـك .. وين أحبابك

أضيعنـي مابيـن الناس والقـاني على الابـواب
أنـادي يـاوطـن مشتـاق حتى لـ ضمّـة تـرابـك



عبدالعزيـز محمـد

[نيفين عبدالله]

مايحس ببرد قلبك غير من يسكن شغافه

كل ماخيم عليك البرد جابته الثواني

الدفا..ماهو بفرو تلبسه وإلا لفافه

الدفا..روحك تضمه من غلا في روح ثاني

[الوردة الظامية]

[ALIGN=CENTER][TABLETEXT="width0%;background-color:black;"][CELL="filter:;"][ALIGN=center]



على ذاك الجدار اللي على حد البيوت الطين


وقفت وهاجس الذكرى نفض في قلبي غباره




وقفت أطلق مدى شوفي وأناظر مفرق الدربين



و أشوف الدار وعيوني تضم الدرب وجداره




أجل هذا الجدار اللي سهر يوم العرب غافين



أجل هذا الصديق اللي ذكرته وأذكر أسراره





حجر لكن أحس انه يحس بفرحة القلبين



أحس انه نفس لكن غدى جامد من أقداره




حجر يوم العرب تنسى إذا مرت عليها سنين



حجر يوم العرب تنسى حبيب مبعده داره




ولكن الجدار اللي تركته من هذاك الحين



عرفني يوم قابلته وبلل دمعي أحجاره




جلست وهاجت الذكرى وقلت بخاطري مسكين



ثمان سنين في وحشة ولا احد بيننا زاره




وف ذاك المكان اثبت بأن الآدمي من طين



تخيل يوم لامسته تنهد من شقا ناره




سألني قال أنا أذكركم تجوني أنتم الإ ثنين



بكيت وقلت صدقني رحل وانقطعت أخباره !


-
[/ALIGN][/CELL][/TABLETEXT][/ALIGN]

[وشم الرحيل]

.
.



هذي خطاويها يوم ابتدت تطلع
ريحه عطر ينساب.. ومفتاحها في الباب
صوته ولا اروع
موسيقى نصف الليل..!
خلف الجدار يرن الهاتف وتفزع
نسمه ويصحى ورد
وامد لي اصبع
المس زرار النور
يغمر فراشي برد
وتدخلني رعشه شوق
والهاتف المذعور يرن ويرن ويرن
وشفيها ماتسمع؟
اشواق نصف الليل..؟!
فندق بدون نجوم
وحنا بعد اغراب
عيا الزمن يجمع مابيننا لحظه
لحظة نهار او ليل
ماصادفت مره القاها في الصاله
على الدرج مقسوم ان القمر جاري
ويظهر توالي الليل..!
صحيت بدري اليوم
ولي في السفر طاري
على الجريده خبز
وحروف من مطلع
قصيدةٍ لـ الليل
رميت في الشنطه.. همومي وافكاري
ونزلت للبواب
وسألت عن جاري..؟!
جاري اللي مايرجع الا توالي الليل
قال بفتور ادفع :
اجرة ثلاث أيام
وريال للاحلام..

.. البدر ..

[سالم]

ما يتعب البرد من شب الـ صـ بـح ضوه !
وما يلحق الشك من جاب العذر وافي ..
البرد برد العواطف بالحشا جوه ..
اللي يدوج المحاني .. والجسد دافي !

[سالم]

مدري وش الي صابني يوم اناديك .........
.............. كني ثلاث سنين ماشفت زولك
مدري عشاني بالغلا ميتً فيك .........
.............. تغيب .. وتلقاني اذا غبت .. حولك