أسئلة بيزنطيه ؟؟ الجزء الثالث!!!

[الوردة الظامية]

[QUOTE=مشاعر انثى;29100]مرحبا اختي

ماشاء الله شفتي كيف الكل يحبك هنا { دليل على كذا انهم جوك للسجن وماتركوك وحيده وجابولك كود من الاسئله }
وأنا أحبكم بس مابتعبكم وأكلف عليكم ..
وهاذي انا جيتك ومعي كيس مليان اسئله
بس جيبي معك كيس حلاوة وليز بالملح والخل وعصير تفاح ..
خوذي:


وش معنى رمضان وليش هالاسم بالتحديد ؟
أكيد على أسم جده أبو أبوه ..:qtrat (8):

من عاداتكم اول يوم من رمضان وين يكون فطوركم وسحوركم؟
فطورنا فبيتنا بس تتجمع العايلة عندنا أخواتي وأخواني الكبار << بس المشكلة غسيل المواعين بعد الفطور>>


وهل اكلكم دفعه وحده المغرب ؟ او بعد الصلاه تمدون السفره ؟
دفعه وحده قبل المغرب ..


نخرج من موضوع رمضان...

طيب بس خلني ألبس العباية قبل أخرج


ونروح للبحر والبر
جهزي عدة الطلعة أنا مسجونه

هل فيه فرق بين البر والبحر من حيث المسمى ؟

أيه البحر فيه حرف حاء والبر لا مافيه
..
لنفرض انتي جالسه على البحر وجالسه تتأملين البحر والسماء وتلك الأمواج وفجأه جاك عقرب وش تسوين هذيك الساعه { هل تنحاشين , او تضربينه , او تخلينه يروح من غير إنفعال منك } { خوش اسئله صح ههههههههه }
أموت فمكاني

باكستان. افغانستان . طاغستان. وش يقربون لبعض ؟ انا اقول من قرايب صح ؟

أخوات من أبو اللي هو ستان .. بس أمهاتهم غير لأن أبوهم عنده 3 حريم كل وحده من أم..

ليش إذا الواحد مقهور من كلام خويه او يحس انه يتريّق عليه يقوله { ليش شايفني هندي ماافهم ؟ } برأيك هل الهنود مايفهون مثلا .

وليش ماقالوا صيني . او يوناني .

هذا ياقلبي لأن الهندي مايفهم لهجتنا بس اليوناني والصيني حنا مانفهمهم ولا ندري نهم وش يقولون ..




\
/

وسلامتك
سلمك الله
سأكتفي بهذه الاسئله .
ولي رجعه:qtrat (15):

بس جيبي اللي وصيتك ..

[الوردة الظامية]

[QUOTE=حسين الشمري;29103]بالخير يابنت وشلونك مستانسه تفضلي



ما الذي تحب وتكره الوردة في كل من الآتي

الصيف أحب فيه الإجازه - الشتاء كله على بعضه حلو - البحر - أحب صوت أمواجه بس أخاف منه البرأحبه بس ماأحب المرتفعات فيه والطعوس ..

ماذا تعرفين عن الشخصيات التاليه :
- نابليون بونابرت سبب نهضة الأدب فمصر .. أخبر قريتها مره فالأدب بس مدري صح ولا كذب .. وأخبره فالتاريخ سوى حملة شينه بس نسيتها .
- جيفارا
ماأعرفها بس سلم لي عليها ..
- عبسي
صديق لينا
- بيكاسيو
رسااام
- الوجيه
مدير قطرات ..
- سكروب عكف
ترجم وأجاوب ..
- المهاتا غاندي
واحد هندي

ما الفرق بين كل من التالي من وجهة نظرك البيزنطية البحته :
- الحظر و الحضر وحده بالظاء ووحده بالضاء ..
- التحضر و الحاضره التحضر يعني أتحضر والحاضرة يعني المدينة ..<< ماعندك أحد >>
- حضر و الحاضر الحاضر اسم فاعل .. حضر فعل ماضي ..

والآن إليك هذه الأسئلة البيزنطية تحلين فيها من النوع اللي نقدمه للخاصين :qtrat (2)::

1- هناك النظام البراغماتي القائم على حل المشكلات بطريقة ووسائل علميه بعيدة عن العاطفة والدين وهذا ما تنتهجه أغلب الدول المتقدمه وعلى رأسها أمريكا ، من خلال ذلك ما هي سياسة ( الوردة الظامية ) في المنزل وحياتها عموماً ؟
سياستي عاطفية بحته قلبي قبل عقلي ..

2- خطوط الطول ودوائر العرض تحدد الزمان والمكان والمناخ ، على اي درجة عرض وخط طول تقف الوردة وما هو جوها غالباً ؟
على ساحل البحر الأحمر وجوي دايم مكيف يخفف الرطوبه اللي ذبحتنا ..

3- تلاطم الأمواج وهدير البحر يفسره البعض بغضب البحر حين تكون الوردة جالسة على الشاطئ أيهما تفضل شوي الدجاج على الفحم أم اللحم ،
ماأحب الدجاج :qtrat (8):
ومن له علاقة بثورة البحر وغضبه الدجاج أم اللحم بإعتقادك ومن وجهة نظرك الخاصة ؟
البحر حزين عليهم وثار يناصرهم ويخفف عنهم ..

4- تحدث علماء الإجتماع كثيراً عن المدينة الفاضله وحاولوا إيجادها وعملوا التجارب من أجلها سابقاً ، من خلال رؤيتك للجيل القادم هل من الممكن إقامتها في دولة عربية مستقبلاً ؟
المدينة الفاضلة فهالزمن ماعندك أحد ..

5- عند غروب الشمس وصعود القمر تلك اللحظة أين تكونين ؟
أكون فبيتنا ..

6- الوردة كثيراً ما تحيرني مسميات الأشياء ، فلماذا سمي الشاي شاي والقهوة قهوة ، ولماذا لم يسمى الشاي قهوة ، والقهوة شاي ؟
الشاي مشتق من الشوي لأنه يصير أسود مثله ..

والقهوة عشان الشيبان لاقلت لهم قهوه يقولون يكفيك شر الدعوه .. لازم مناسبة الوزن .. << ثقافتي الخاصة وخبراتي >> حقوق محفوظه ..


خبر خاص
شكراً لكل البيزنطين:hurt[1]: على كل ما قدموه وبذلوه وستكون رواتب شهر
رمضان دبل :m36::qtrat (3):

ليتني معهم .. بس لي نسبه لأني السبب ..

[الوردة الظامية]

[QUOTE=حسين الشمري;29105]-
أيهما أشد قسوة الغربة في بلاد الغربة أم الغربة في الوطن ؟ كلها الغربة قاسية
وهل هناك غربة في الوطن ؟ إذا كانت إجابتك نعم كيف ذلك ؟ وإذا كانت لا بكيفك هههه ؟ لا بكيفي
- في خضم التداعيات السياسية وسيطرة أمريكا على العالم وخصوصاً الشرق الأوسط ، وظهور بوادر لقوى عظمى جديده كالصين والإتحاد السوفيتي هل تعتقدين أنه آن الأوان لنزع عباءة أمريكا عن كاهلنا وأن الفرصة مواتية لعدم الإعتماد عليها كلياً وخصوصاً أن تلك الدول معارضة لأمريكا وتفرح بتخلينا عنها ؟
نزع عباءة أعجبتني ههههه << يعنني مثقف >>
أيه الله كريم والنصر للإسلام طال الزمن ولا قصر ..


ومن تعتقدين القوة القادمة العظمى يعد أن تسقط أمريكا كما سقطت قبلها إمبراطوريات كبريطانيا والإتحاد السوفيتي ؟
ماأحد دايم غير الله الدايم ..
- بإعتقادك ومن وجهة نظرك كمرأه عند خسوف الشمس هل تتأثر الملابس المغسوله عند نشرها على حبل الغسيل وما أثر ذلك على من لديه ملابس في الغسيل كيف تنشف ؟ وهل ذلك سيتسبب بالمشاكل العائليه ؟
لا ماببتأثر لأن الحرارة موجوده واللي يخسف الضوء بس ..
- هناك فرضيتان متضادتان وهما الثوابت والمتغيرات أين أنتي من تلك الفرضيتين؟
أنا ثابته في وجه البيزنطيين ومابيضرني شئ ..
- بما أنك بالسجن ولحالك أريد منك تحليلاً لواقعنا من فلسفتك الخاصة الواقع العربي والإسلامي من جميع النواحي وخاصة النواحي الإقتصادية والإجتماعية والسياسية والنفسية واللوجستية ؟
أنا فالسجن يعني معزوله عن العالم ولاعندي وسايل أتصال مدري عن العالم


راجع راجع لك
حياك الله :qtrat (3):

[الوردة الظامية]

[QUOTE=حسين الشمري;29108]بما أني فاضي الحين ممكن تسوين لي برنامج أمشي عليه من الساعه عشر الحين بالليل إلى صلاة الفجر الساعه أربع الفجر ؟؟
أرقد أحسن لك وراك مشاوير بكره وشكل الكتابة تعبتك ..
ولأني أنتظر نايف يصحى من النوم وطفشان صارلي ساعه صاحي أنتظره برأيك وش أسوي وأنا بشقه عزوبي لحالي الحين ؟؟
جهز الشاهي والقهوة للمدير << تمصلح >> وسو العشاء
طيب عندك طريقة تصلح لشخص متعب ومنهك ونائم أستطيع من خلالها أن أصحيه ( لا تقولين أكب عليه ماء :qtrat (8): << يبي ينكبك عند المدير كبير ؟؟
لا دامه منهك خله ينام أريح من مقابلك بكثير ..:qtrat (8):

طيب الوردة بعد بكرى نبي نسافر ممكن تعطيني برنامج الغد حق التمشي ( حنا بجده حركاات :qtrat (2): ) أبي جدول حلو ومرتب ؟؟
أنصحك تأخذ راحه من النت وتروح البحر وتشوي وتزين الأكل للمدير ..


طيب خوذي هالسؤال يمكن أدخل ويمكن ما أدخل بس شكلي أبي أدخل لأننا ناوين البحر ليلاً عموماً عشان إذا ما دخلت تذكريني بالخير
أكيد بس أهم شئ تستانس وتبعد عن النت ..:qtrat (8):
وخصوصاً أن آخر يوم لك بكرى ، وبعدها نبي نقفل السجن للصيانة وما راح يكون هناك مساجين برمضان ، وش رايك بهالخطوه ؟؟
أيه قفلوه لأني بكون مشغوله ومابفضى أخذ حقي من المساجين ..
أما سؤال هو :
هل كيف :qtrat (1): لماذا يعترينا التشاؤم كلما تقدمنا بالعمر ، وما تأثير ذلك على فسيولوجيتنا من الناحية السيكولوجية خصوصاً بعد أخذ قيلولة بعد عمل شاق من الصباح الباكر وكان هذا الشخص مكثر فطور ومعطيها بصل مما يستعدي شربه للماء بشكل مستمر ومتواصل وبالتالي إحساسه بحرقان مستمر في معدته ؟
الله لايلومه غصب يتشائم
بس أنصحه يشرب لبن أكتيفيا .. يخفف الحرقان والثقل ويجيب النوم ..


إلى لقاء قريب :qtrat (35):

أسمع نصيحتي وخلك على الجدول اللي قلت لك >> خبره <<

[حسين الشمري]

الوردة ضبطت له الشاي والقهوه وسمحلي أدخل أشيك شوي
حنا على البحر شبينا نار ونزلنا العزبه وعلومنا زينه بس شكلنا غلط
دلال وشبت نار على البحر حتى بدون منقل ، مشكله البدو هههه

المهم وش أحسن وقت للجلسه على البحر ؟
وأبحثي لي بقوقل عن أسماء أسواق جده الزينه ثلاث أسواق ؟
وأحسن ثلاث مطاعم مأكولات بحريه ؟
ووش رايك وش نتغدى بكرى ؟


الورده تمشينا وتعشينا وتقهوينا وقعدنا على البحر ، الحين وش نسوي ؟

[الوردة الظامية]

[QUOTE=حسين الشمري;29158]الوردة ضبطت له الشاي والقهوه وسمحلي أدخل أشيك شوي
لو دريت أنك بتسويها على البحر قلت ضبط له الكابتشينو والفشار والفصفص أما شاي وقهوه على البحر وفجده :qtrat (3): ماتجي ..
حنا على البحر شبينا نار ونزلنا العزبه وعلومنا زينه بس شكلنا غلط
دلال وشبت نار على البحر حتى بدون منقل ، مشكله البدو هههه
لو أنا فجده سويت يوتيوب بدو على البحر .. هههههههه الله لايفضحنا
لايكون لابسين أشمغه وعقل كمان ؟؟

المهم وش أحسن وقت للجلسه على البحر ؟
الفجر يعني خلك هناك ولاتدخل المنتدى استمتع بالبحر ..
وأبحثي لي بقوقل عن أسماء أسواق جده الزينه ثلاث أسواق ؟

مدري وش تبي أسواق
أسواق ملابس ولاخضره ولا تبي مقاضي رمضان ..
وأحسن ثلاث مطاعم مأكولات بحريه ؟
أكل المطاعم مو زين والبركه فيك أطبخ للمدير وش عندك عن الطقطقه على الجهاز ..

ووش رايك وش نتغدى بكرى ؟
على حسب المكان أخاف تشب النار على البحر ولاودي أقول مرقوق ولاقرص على الجمر مدري تعرفه ولا لا ..


الورده تمشينا وتعشينا وتقهوينا وقعدنا على البحر ، الحين وش نسوي ؟

السهر مو زين أرقد أحسن لك ..[/]

[حسين الشمري]

- الوردة الظامية تصدقين عاد فيه شيء توني أكتشفه
كنت كل ما ينسجن واحد أضع له الأسئلة التساعية
وكانت مرقمه من 1 إلى 9 وكان الرقم ثمانية غير
موجود ولكن لم ينتبه أحد ، لماذا لم ينتبه أحد هل
من الخوف والإرتباك ، بماذا تفسرين ذلك طبعاً
هالأمر مر على أغلب الأعضاء لأن أغلب الأعضاء
مروا على المعتقل وسجنوا هنا ترى ما السبب ؟؟

- طيب فيه شيء طرى علي قبل شوي وأنا على البحر
ليه ما نستقل البحر ونوصل منه للبيوت ماء على طول للطبخ
وبذلك نوفر ماء وملح حتى لو مالح زيادة ونبي نخفف الملوحة
نزود عليه ماء عذب ؟؟ وتعرفين البرزخ اللي بالبحر وشو ؟؟
وقبل شوي صار لي موقف أنا و نايف مسوين فيها راعين بحر واقفين
قريب على الشاطيء فوق الصخور وكان الموج عالي طشر علينا وسبحنا
على هالطاري أكيد صار لك موقف بحري أذكريه ، وإذا ما صار أذكري لي
أي موقف مر عليك ؟؟ وعلى طاري المواقف ، وش تفضلين المواقف تكون بفلوس ولا ببلاش بالسعودية ولماذا مع العلم ان الموقف بفلوس فيه خدمات ؟؟

لمن تقولين كل بيت من الأبيات التالية :
- تعبت ليما قلت بس حالي تكدر وإنتكس .
- إن قلت لك مرتاح والله أنا كذاب .. وإن كان روحي سرها البعد كذابه .
- ياليتني رسام أرسمك وأمحيك .. وأرسمك مره ثانية وأحتفظ فيك .

- طيب البيت الأخير ليه يقول أرسمك وأمحيك وأرسمك مره ثانيه ليه يمحيه ويرسمه
مره ثانيه وش الفايده ؟؟

- طيب لو قلت لك أكتبي لي بيت شعري الحين يصف حالتك بالسجن وش تكتبين ، عادي
لا تصدقين وتدورين وزن وقافيه أي شيء ؟؟

- للوردة الظامية قصيدة لم تكتمل ما هي ؟؟
- قصيدة تود إعدامها ما هي أو مطلعها على الأقل ؟؟
- شخص لم تستطيعي الكتابة عنه ؟؟
- شخص تتمنين أن تكتبي قصيدة به ؟؟

هذا ما جاد به الخاطر على الطاير <<< صارت فطاير هههههه مستمتع بتواجدك :qtrat (8):.

[كاريزما]

والله جوكم هنا جنان .................... تدرون عاد الوردة الظامية
شاعرتنا ............لازم نراعيها شوي
وأنا أبي استفيد من علمها مقابل خروجها من بيزنطا

الوردة خلك معي وفتحي عينك وطرطقي وذانك
البحر جميل أعرف تبين تقولين أيه لكن هذا مو السؤال
انت ببيزنطا ......... خل عنك يا غير نستخرج منك المعلومه غصب

هل الرسول عليه الصلاة والسلام مر على بحر ما أو بمعنى اخر هل شاهد بحر
وابي طال عمرك دليل على جوابك

سؤال سهل؟ لا تستعجلين ...........جاك الموت يا تارك الصلاة

كم عمرك يا وردة .......... اعتقد هنا حشر بيزنطي رهيب أنا صح

هل السيدة وردة تعادي السامية؟

عرفي الماشوزية و الساديه و البـارانـويـا
مع ذكر نبذه ميسره عن كل مصطلح
احلو الجو ............ والخير جاي هتان وسيول

يوم كنتي صغيره بصراحه كنتي تتضاربين مع العيال
وايش كان لون بكلتك ويوم كنتي تلعبين
اكيد يحطونك حارس مرمى

أو اقلك هل عمرك حلقتي راسك على الصفر يعني زي ما يقولون يقرع
هههههههههههههههههههه عزقه صح لسع لسع أنا رهييييييييب

بأيش تذكرك اغنية
ازرع وحرث أرض بلادك بكره تلقى الخير لعيالك
طبعا اغنية كانت تجي في الراديو
\
حنيت فيك أخر سؤال ............ عرفي كلمة منطق تعريف منطقي
ولك حرية الامتناع ............. طبعا في هذا السؤال فقط

تدرين بطلت أبي سؤال ثاني
أنا أحب التونه ايش رايك تعطيني طريقة لطبخها
بس تكون شهيه ........... انت ببيزنطا يا خوك لازم نستفيد


سؤال من أخوي جنبي أمتحني

يقول السؤال ليش المرأة تفتح فمها يوم تجي تتكحل؟ والله سؤال جميل حتى انا ملاحظ هذا الشي يفغرون فميهم ليش؟

[الوردة الظامية]

[QUOTE=حسين الشمري;29211]- الوردة الظامية تصدقين عاد فيه شيء توني أكتشفه
كنت كل ما ينسجن واحد أضع له الأسئلة التساعية
وكانت مرقمه من 1 إلى 9 وكان الرقم ثمانية غير
موجود ولكن لم ينتبه أحد ، لماذا لم ينتبه أحد هل
من الخوف والإرتباك ، بماذا تفسرين ذلك طبعاً
هالأمر مر على أغلب الأعضاء لأن أغلب الأعضاء
مروا على المعتقل وسجنوا هنا ترى ما السبب ؟؟
السبب ياطويل العمر لأن الكل يدري أنك فاشل فالرياضيات بس ماأحد يتجرأ ويقولها يعني ينحرجون منك بس بحكم أني صريحه فعادي لو قلتها وصارحتك بالحقيقة المره وماعليك واحد من الورعان اللي حولك يعلمك الارقام بسيطه ..

- طيب فيه شيء طرى علي قبل شوي وأنا على البحر
ليه ما نستقل البحر ونوصل منه للبيوت ماء على طول للطبخ
وبذلك نوفر ماء وملح حتى لو مالح زيادة ونبي نخفف الملوحة
نزود عليه ماء عذب ؟؟
حنا أهل الساحل لما أحد يزعل مننا وماعلينا فيه نقول بالطقاق يشرب بحر
ولو استخدمنا ماء البحر فالأكل يصير الموضوع عادي كل الناس تشرب
بحر والزعلان وش يسوي وقتها ؟؟


وتعرفين البرزخ اللي بالبحر وشو ؟؟
البرزخ الحد الفاصل بين النهر والبحر بس ماعندنا نهر يعني ماهنا برزخ .
وقبل شوي صار لي موقف أنا و نايف مسوين فيها راعين بحر واقفين
قريب على الشاطيء فوق الصخور وكان الموج عالي طشر علينا وسبحنا
على هالطاري أكيد صار لك موقف بحري أذكريه ، وإذا ما صار أذكري لي
أي موقف مر عليك ؟؟
أحسن مواقف مواقف بنده ..<< تصريفه >>
أصعب موقف أني أناأحب أناظر البحر بس ماالمسه أخاف منه ومره كنت عند البحر جاء أخوي شالني ورماني فيه والله بغيت أموت فجعه مو غرق قعدت ساعتين أعيييييط ..( طشر ) أعجبتني ..:qtrat (8):
وعلى طاري المواقف ، وش تفضلين المواقف تكون بفلوس ولا ببلاش بالسعودية ولماذا مع العلم ان الموقف بفلوس فيه خدمات ؟؟
ماأحب المواقف عشان دايم تكون ياإما مرتفعه ولا نازله وأنا مااحب الاماكن المرتفعه..

لمن تقولين كل بيت من الأبيات التالية :
- تعبت ليما قلت بس حالي تكدر وإنتكس . لقلبي ..
- إن قلت لك مرتاح والله أنا كذاب .. وإن كان روحي سرها البعد كذابه . للي على بالي
- ياليتني رسام أرسمك وأمحيك .. وأرسمك مره ثانية وأحتفظ فيك .
لصديقتي حنين ..بس المشكله مااعرف ارسم

- طيب البيت الأخير ليه يقول أرسمك وأمحيك وأرسمك مره ثانيه ليه يمحيه ويرسمه
عشان أكيد مثلي مايعرف الرسم ولو أنا أمسحها مية مره من شين رسمي
مره ثانيه وش الفايده ؟؟

- طيب لو قلت لك أكتبي لي بيت شعري الحين يصف حالتك بالسجن وش تكتبين ، عادي
لا تصدقين وتدورين وزن وقافيه أي شيء ؟؟
ياشعب بيزنطه ..
هذا أنا الوردة ..
السجن يفخر بي ..
ويقول من قده .. ( وااااثقه ))
حنا شعب واحد
وقلوبنا وحده ..




- للوردة الظامية قصيدة لم تكتمل ما هي ؟؟
قصايدي اللي مااكتملت كثييير بس آخرها .
الوردة الظامية تشكي من الفرقى ..
فرقى حبيبٍ غدا لأشواقها مرسى ..
- قصيدة تود إعدامها ما هي أو مطلعها على الأقل ؟؟
لا لا كل قصايدي غاليه علي ..
- شخص لم تستطيعي الكتابة عنه ؟؟
من زمان كنت أتمنى أقدر قصيده فأبوي الله يرحمه بس ماقدرت
لأن الخواطر أكتبها بسرعه بس القصايد تغلبني الدمعه قبلها
بس أخيراً قدرت وكتبت قصيده فصحى إن شالله أنزلها قريب ..
- شخص تتمنين أن تكتبي قصيدة به ؟؟
والله أنا كتبت له وخلاص ماصارت أمنيه ..

هذا ما جاد به الخاطر على الطاير <<< صارت فطاير هههههه مستمتع بتواجدك :qtrat (8):
مير الله يسلمك ماقصرت .. بس أبي فطاير ..

[نايف الشمري]

يسعد مسائكم

عندي كم سؤال سفري ..

* ليش الحين إذا جيتي تأخذي من المطعم يقول سفري او محلي ؟ شمعنى كلمة سفري .. ليش مايقول خارجي ؟

* والحين الناس تكره الظلام .. طيب ليش إذا جينا ننام لازم نسكر النور ؟ وبعد ليش الواحد مايسمع شخيره ؟

* من الأماكن اللي تجعل البعض يضحك هي الجنب وأسفل القدم والإبطين .. يعني لو بغينا نضحك شخص ندغدغه مع المناطق هذه ويضحك .. طيب ليش إذا الواحد دغدغ نفسه مايضحك ؟

* على حسب تخيلك لبعض الأعضاء وإشكالهم ..
أوصفي لي كل من ..

/ رونق ..
/ الصوت المسموع
/ حسين
/ توته
/ الوجيه
/ مشاعر
/ المنى
/ الكنز
/ أنيس
/ أنا



* بما انك شاعره فـا لابد أن يكون لكي أبيات يتيمة بودي أن تعطينا بعضهم ..


* ماذا تعرفين عن الأكلات الشعبية التالية :
/ الجمرية ..
/ المرقوق ..
/ المطازيز ..
/ الثريده ..
/ مريسه ..
/ الرغيف ..




* كيف أهدك للمقادير وأنتي راس مال ... راس مال ومال والمال مايعطى السفيه
هذا بيت من قصيده ياوجودي لضيدان القضعان .. ومعجبني مره .. ودي تشرحي لي هالبيت


* ماهي فوائد كل من :
/ المره
/ العنزروت
/ الزاجه
/ الشيح



* ماهو الحل السليم الذي ترينه في المواقف التالية :

/ عازمة وحده على عشاء في مطعم وبعد ماخلصتوا من العشاء رحتي بتحاسبي وتذكرتي انك ناسيه فلوسك ؟

/ كنتي معزومة على حفلة زواج في قصر .. ورحتي ونزلتي ودخلتي القصر وجلستي وبعدين طلع الزواج لناس ماتعرفينهم وان الزواج المعزومة له بقصر ثاني ؟

/ كنتي بالسوق ومعك أكياس وبأحد الأكياس عصيرات .. وكنتي نازله من الدرج وطحتي وطاحت الأكياس والعصيرات راح كل واحد بصوب ؟


/ أنتي معزومه على عشاء .. وكنتي جيعانه .. وبعد ماحطوا العشاء وجيتي بتتعشي تفاجأتي ان الكل يأكل بشوكه وملعقه وسكين وانتي ماسبق لك ان اكلتي بهذه الادوات ؟


/ كنتي تأكلي علك وبفراشك وفجأة نمتي ولما صحيتي كان العلك لازق في شعرك ؟



/ كنتي جايه من العمل .. تعبانه وداايخه مره والبارح مانمتي عدل .. وأنتي في الطريق من التعب كنت تغفي وتقومي .. وأول ماوصلتي البيت وكنتي تمشي بخطوات سريعة لجل تنامي .. إلا فيه عندكم عزومه وفيه صاحباتك جايين من خارج المنطقة ؟





* ماهو سبب تسمية الريال ريال ؟ والدينار دينار ؟ والليرة ليره ؟ والجنيه جنيه ؟ والدرهم درهم ؟


* في بعض الطرق يكتبون أمامك منعطف خطر .. طيب دام انه خطر ليش يسوونه منعطف ؟




* هل للعيون لغة ؟ وهل لها سهام تصيب ؟ وهل تبكي القلوب ؟

* اكتبي لي عن ( حلم وأمنيه أن تلتقي بشخص يستحيل لقائه )


وأخيرا ً أرجو ان تكون أسئلتي خفيفة وسهله

على طاري خفيفة وسهله .. بعض المدرسين والمدرسات يختار اسئله صعبه وتعجيزيه للاختبارات النهائية للطلاب .. وآخر شي يكتب تمنياتي لكم بالتوفيق .. طيب ليش يصعبها وبالأخير يقول تمنياتي لكم بالتوفيق ؟

وسلامتك