أسئلة بيزنطيه ؟؟ الجزء الثالث!!!

[نايف الشمري]

المشاركة الأصلية كتبت بواسطة حسين الشمري

يا أخي كل ما تذكرت أسئلتك لي يوم تنشف ريقي والخيال الواسع حقك أرجع لك

أبو ياسر ليش دخان النار يروح فوق ليه ؟
لان الجاذبيه ماتشوفه

السمكه بالبحر ما تغمض عيونها دايم مفتحه ، طيب متى تنام وإذا نامت تغمض ، وشلون تنجضع ؟
تلبس عدسات .. اول ماتجيبها امها تلبسها عدسات .. هي تنام بس العدسات تخلي عيونها مفتوحه .. تنجضع على ظهرها واحيان على بطنها

الحب يولد من لا شيء ويموت بأي شيء ، وش يبي قائل هالجمله ، ممكن تشرحلي وتفهمني ؟
هذا ياطويل العمر مايبي شي .. ولو تسأله وش تبي يوم تقول هالجمله يقول لك ماادري .. تخبر الواحد اذا صار فاضي يقوم يخربط ..

لا وجه المرأة ولا لسان الرجل يدلان على الحقيقه ، ما رأيك بذلك ، ولماذا قيل ؟
يمكن ويمكن لا .. على العموم ماهو بكل الاحوال .. وقيل ذلك يوم ان رجال اعرس ويوم دخل على زوجته الا وش هالبياض اللي يلق وقام يمدحها وانا ا وانتي اجمل ماشفت بالدنيا وانتي حلوه حبك ومن هالكلام المهم انه نام هاك الليله ويوم قام الصبح راح يجيب فطور ويوم شاف زوجته الا ماهي هي اللي البارح .. الا والحوسه يعني طلعت على حقيقتها قال انتي مزيفه .. قالت انت ماانت مثل كلامك البارح .. لجل كذا قيل هذا القول



إحمد ربك جاني شغل وطالع ولا كان علمتك الشغل ، كنت ناويك بسرد يحبه قلبك .

والله حتى انا عندي شغل بعد

[توته]

ما شالله .. ما شالله .. على الإجابات المدمرة .. ياشيخ .:qtrat (35):. مدير صح ..

أقول يا الطيب .. أزهلها بس .. وجاوب على الأسئلة .. برواقتن مثل رواقتك اليوم الصبح ..


السلام ..عليكم

حيالله امدير كبير .

والله البيزنطية خيو علمتني من خلال بعض جنودها البواسل وتفننوا بي وبغير .أني أخلي أسئلتي تساعية

واحد أسمه خان كان يقول عشرية .. أنا عاد بسوي فيها تميز .. وخلي أثنا عشرية .. كيفي تعرف نحب التميز
ومن التميز إلك هالأسئلة ..

1- باعتقادك ليش التميز هم كثير من الناس .. ولا تقول بس عندكم يا الحريم لانه صار هوس عندكم يا الرجال أكثر منا .. الرقم مميز .. و سيارة مميزة ولا لوحة مميزة (الحمد لله والشكر ) وأسعارها صارت خيالية. وحتى النوق صار فيها تميز .. يعني هستيريا التميز
2- على طاري النوق .. مقتنع .. بأسعارها وترا أنها تستحق .. مئات الألف ولا تصل للملايين .. وليه بس الجمال ليه مثلا ما نسمع تيس بمئة ألف (الله يستر عز الله متنا جوع )..

3- الحين النساء ليش عطورهم أحيانا أغلى من عطور الرجال ..

4- وتفضل العود ولا العطر .. أبي أسمه لو سمحت وبالانجليزي والعربي اكتبه ..
5- خان .. غلام .. ليه الأسماء لما نسمعها نعرف أنها للباكستانين ولما نسمع محمود وشكري نعتقد انه شامي ولا مصري .. وضيددان ونايف .. وصقر .. أنه سعودي وخليجي .. ( مايذكرك السؤال ذا بأحد يحب الفلسفة )

6- لما سميت حائل بها الاسم .. وجبالكم آجا وسلمى من هم ؟ ولو ولد شمر ما ترجع لقوقل وتكون معلومة مورثة عندكم . ولا تستعين بحسين لانه جغرافي ..

7-لما سجلت بمسماك المعروف نايف .. ولم يكن لك معرف متخفي كالقرار مثلا وتوته ورونق وقطرات

8- قطرات .. مشع أحمر يعني مديركبير ثاني بس ماله أي حس .. >> عادي الفقاضة أحيانا تأسرني ..

9- رونق تقول هناك شخصيات بنكهات مختلفة .. أنت من أي النكهات ترا نفسك ..

10- كنا من متابعي نيييلز وفلونة وماوكلي فتى الأدغال .. وقبلهم سنشيرو وفارس الشجاع الي ما كنت أشووف أشجع منه .. وقرانديزر (مادري صح كذا ولا لاء ) وهايدي وبيتر أيهم كان يستهويك وليه ؟

11- من خلال سؤال حسين . شيخ البيزنطية .. يقول أنك من عشاق مطاردة الضبان .. والجرابيع ( أيهما أسرع .. وأيهما ألذ طعما (ياارب ديييم النعمة )

12- سمعت من أختي تقول عمر الفرا .... تعرفه .. أسدح لي تعريف عنه إذا سمحت ..

وبس للحين ..

بعاود الكرة .. صدقني :qtrat (15):

[متاهة الأحزان]

تحيه يفوح منها شذى الياسمين والطهر

\

مرورٌ سريع

فقط لأرحب بالأخ الرائع

نــايــف الــشــمري

ولأحتفل بعودة البيزنطية بقيادة المغوار

حـسـيــن الـشـمـري

\

الرائع حـسـين

عدت لنا بصيد دسم

سأمكث هنا أستمتع بخفة الروح والمعلومة الجميلة كيفما وجدت

\
/

حتما سأعود

فالصيد هنا يغريني بالثرثره


لكم من القلب أرق تحية

وكل الود

[نايف الشمري]

ياهلا وغلا ..

ومراحب بالاخت متاهة

كم انا سعيد وسعادتي كبيره بهذا الحضور

واعرف ان متاهة صاحبة القلب الكبير

لو قالت بأنها ستفعل وستثرثر الا ان قلبها وضميرها لن يسمح لها


<<== يحاول احراجها خخخخخخخخخ


حياك بكل وقت ..

وكم انا بشوق لأسئلتك التي اتوقع انها ستكون سؤال او اثنين وذلك لان ضميرك مايسمح بأكثر خخخخخخخخخخخ

[توته]

ماشالله .. أنت متى جييت .. ما عليه ما عليه .. تروح وتعوّد بالسلامة .. الاثنا عشر .. ناطرة .. وأنت طيب ..

تقول :

خخخخخخخخخخخخخخخ يذكرني بأطول رجل بالعالم .. خالد العبدالله .. ياليته موجود معنا هنا هذه الايام ابي اتوبه من الاسئله البيزنطيه

صدقني ما أخليها بنفسك .. هذي بس مقتطفة من التعذيب البيزنطي .. كود أن عندك إجابة أحسن .. مني .. لأن ولد خان الله يذكره بالخير يقول ان إجاباتي ماااش ما اعجبته .. ودامه الطيب يتابعنا .. فربما يجد الفحوى عندك

ب
سم الله والله أكبر

<--- توجه للقبله

:d




1


لغة العيون .. هنا يتغنى بها الكثير من الشعراء
و
باص عيون .. يتفنن به طارق التايب
طيب .. وش دخل الكوره بالشعر !!







2

اذكر يوم حنا صغار .. جدتي شمعه الله يرحمها تقول
( لا أحد يعد النجوم .. عشان مايطلع به نفر )
ما مدى صحة تلك الجمله .. وهل مرت عليك !




3

الغيوم مصدرها من البحر ..
طيب ليه حايل أمطرت أكثر من الدمام !!

و

ليه مايجي مطر بالصيف مادام مصدره البحر !





4


بحكم بعد المسافات بين مدن المملكه ..
ماحاولتي تقترحين على وزير التعليم إنه يسوي على الإسفلت ( سير كهربائي ) !
بحيث إن السواق ينااااااااااااام لين يقرب للمكان اللي يبي .. ويقوم يعدل كفراته ويلف عن الطريق !!





5

في باكستان .. أبدرس أول 4 شهور بجامعه .. ويقولون فيها إختلاط حسب موقعهم على النت
طيب عطيني أحل أصرف نفسي .. بما أنك مدرسه





6


مصبآح علاء الدين ظهر لك
وخلال 17 ثانيه فكري بشيئين .. بسررررررررررررعه قولي قبل تخلص الـ 17





8


لقبي نفسك بـ / لقب !!




9


ليه الناس تختلف لغاتهم .. ولهجاتهم ؟؟




10

على طاري اللهجات .. ليه حقين حايل غير حقين المدينه مع إنهم قريبين لبعض 350 كيلو
حتى القصيم 340 كيلو عن الرياض .. لكن تختلف اللهجه
يعني يفهمون بعض .. بس يختلف النطق و المد .. ليه ؟






خ.ألـد (شف حتى بتوقيعه .... حتى ما يتهمني أني سرووق )

[نايف الشمري]

المشاركة الأصلية كتبت بواسطة توته

ماشالله .. أنت متى جييت .. ما عليه ما عليه .. تروح وتعوّد بالسلامة .. الاثنا عشر .. ناطرة .. وأنت طيب ..

تقول :

خخخخخخخخخخخخخخخ يذكرني بأطول رجل بالعالم .. خالد العبدالله .. ياليته موجود معنا هنا هذه الايام ابي اتوبه من الاسئله البيزنطيه

صدقني ما أخليها بنفسك .. هذي بس مقتطفة من التعذيب البيزنطي .. كود أن عندك إجابة أحسن .. مني .. لأن ولد خان الله يذكره بالخير يقول ان إجاباتي ماااش ما اعجبته .. ودامه الطيب يتابعنا .. فربما يجد الفحوى عندك
خخخخخخخخخخخخ توته هههههههههههههههههههه لا لا ماعندي ماعند جدتي وخليها لغيري الله يخليك خخخخخخخخخخخخخخ

ب
سم الله والله أكبر

<--- توجه للقبله

:d




1


لغة العيون .. هنا يتغنى بها الكثير من الشعراء
و
باص عيون .. يتفنن به طارق التايب
طيب .. وش دخل الكوره بالشعر !!
العيون والكوره كلهم دائريه والشعر والشعراء دائما يشبهون من يحبون بالقمر وهذا القمر هو ابو الكوره والعيون مستديره والكوره مستديره والعيون مستديره والكوره مستديره والعيون .................الخ






2

اذكر يوم حنا صغار .. جدتي شمعه الله يرحمها تقول
( لا أحد يعد النجوم .. عشان مايطلع به نفر )
ما مدى صحة تلك الجمله .. وهل مرت عليك !
الله يرحمها .. هي مرت علي .. وكنت احاول اني اعدهم لاني يوم انا صغير كنت احب الخوض المخاطر والتجارب لذلك كنت اعدهم وانام وانا ماعديتهم كلهم .. واتوقع انه يستحيل انه فيه احد عدهم الا اكيد مافيه احد عدهم ..



3

الغيوم مصدرها من البحر ..
طيب ليه حايل أمطرت أكثر من الدمام !!
و

ليه مايجي مطر بالصيف مادام مصدره البحر !
هذا شي بامر الله

والمطر مايجي بالصيف .. لان الصيف حار فـا مايتكون الغيم لان البخار تحرقه اشعة الشمس الحاره




4


بحكم بعد المسافات بين مدن المملكه ..
ماحاولتي تقترحين على وزير التعليم إنه يسوي على الإسفلت ( سير كهربائي ) !
بحيث إن السواق ينااااااااااااام لين يقرب للمكان اللي يبي .. ويقوم يعدل كفراته ويلف عن الطريق !!
حلوه حاولتي تقترحين خخخخخخخخخخخخخخ لذلك انا اشك ان هذا السؤال ماهو موجه لي خخخخخخخخخخخخخ يبي الفكه خخخخخخخخخخخخ ويدور الزله :qtrat (2):




5

في باكستان .. أبدرس أول 4 شهور بجامعه .. ويقولون فيها إختلاط حسب موقعهم على النت
طيب عطيني أحل أصرف نفسي .. بما أنك مدرسه
برضوه هذا السؤال ماهو موجه لي لاني ماني مدرسه خخخخخخخخخخخخخخخخ




6


مصبآح علاء الدين ظهر لك
وخلال 17 ثانيه فكري بشيئين .. بسررررررررررررعه قولي قبل تخلص الـ 17
راح اجاوب لو ان السؤال فيه تأنيث خخخخخخخخخ ولان الاسأله من توته ام القلب الطيب والكبير والرحوم الله يخليها
ابي راحة البال .. ورضى الله




8


لقبي نفسك بـ / لقب !!
ابو ياسر اللي يحب كل اللي مايكثرون الاسئله عليه خخخخخخخخ



9


ليه الناس تختلف لغاتهم .. ولهجاتهم ؟؟
لان وجيههم تختلف ومسمياتهم تختلف والارض كبيره وفيها بحار وجبال وانهار وحيوانات .. والحمدلله امن وامان



10

على طاري اللهجات .. ليه حقين حايل غير حقين المدينه مع إنهم قريبين لبعض 350 كيلو
حتى القصيم 340 كيلو عن الرياض .. لكن تختلف اللهجه
يعني يفهمون بعض .. بس يختلف النطق و المد .. ليه ؟
لان حقين حايل مولودين بحايل وحقين المدينه مولودين بالمدينه وحقين القصيم مولودين بالقصيم .. ويوم كبرت الدنيا وصارت الوضايف قالوا لازم حنا نغير ونمد بلغتنا لجل اذا توضفنا برا ديرتنا نعرف اللي من ديرتنا من كلامهم .. وقاموا يمدون ويقصرون في الكلام وهذي السالفه كلها .





خ.ألـد (شف حتى بتوقيعه .... حتى ما يتهمني أني سرووق )

الله يذكره بالخير .. وانتي بعد طيبه وحبيبه ورحومه وقلبك كبير
خلاص عاد لاتعودين لها خخخخخخخخخخخخخ

[توته]

نايف .. يافالح ألعب غيرها .. وأبي الإجابة على الأسئلة الاثا عشر يا أستاذ .. لا تقعد تسوي مدير .. وتهددني بالفصل من المنتدى .. انت هنا أسييير .. يعني ماراح تقدر على شي ..

انتظر الإجابة .. على الأسئلة وبالتحديد الرد رقم 37

أرجع الله لا يهنك ... ورد .. ما هي علينا الحركات .. ولا عشان مدير .. بتفتك .. وتسوي واااسطات

[حسين الشمري]

حلووووو حلوووووو حماس توته ورونق ومتاهه
ياسلام عاد لا روقت متاهه لا يغشك نايف
خليك مثل توته ما تفوت عليها الحركات
وبعدين نايف خل عنك الحركات متخفي يعني على بالك تخدعنا
رونق شكلها للحين تسخن أقول بس إنتبهي لا تحترقين .

أبو الليد عندي لك كم سؤال على الطاير ...

حينما يعانق القمر جوف السماء ويبزغ (حلوه يبزغ ) نوره ويضيء وجهه
ويسطع بريقه هل كيف هو شعورك لماذا ليه وشوله تكون بتلك الحاله ؟

كل ما تذكرت أسئلتك وخيالك الواسع طرى علي أسألك سؤال من نمونة
اسئلتك ( أول علمن وش معنى نمونه وما اصل هذه الكلمه ) وبعدين قلي
ليه إسم التفاح تفاح والبرتقال برتقال ليه مو العكس ومنهو سماها بهالأسماء ؟

نايف نعود للخيال تخيل إن الحيوانات تتكلم وتصادق الإنسان ، أي الحيوانات
تتوقع يكون صديق لك ولماذا ؟

أبو ياسر حظك عندي شله بالإستراحه مزعجين ما خلوني أروق لك
لكن هذا اللي طلع معي وسط هاللجه .

[الصوت المسموع]

قبل شهرين كنت راجع انا و(خواطر محروم ) من سفر , وحنا فالطريق أخذنا نتكلم في قطرات واعضاء قطرات

(الله يسامحنا )

المهم

قلت انا (نايف الشمري ) الظاهر لو قابلناه على الطبيعه كل شوي بنتهاوش معه ههه

أنا وانا أكلمه فالماسنجر خايف منه فما بالك على الطبيعه هههه

المهم قال ( خالد الحربي ) انا احس لوقابلته أنه من الناس اللي انطلق معهم فالكلام وما أسكت ( تكثر ثرثرتي ) , أحب أسولف مع النوعيات هذي ..


السؤال /

أي واحد منّا صح كلامه ؟!!

والا كلنا فالصو؟ يعني خرطي

[حسين الشمري]

مرحبا يالحبيب ما ودك ندردش شوي ، أبو ياسر وش رايك بالآتي :

* الغربه أو بالأحرى الغريب ومن يعيش فتره لا بأس بها بعيد عن ديرته وأهله ، هل تتأثر شخصيته
أم أن الأمر عادي وليس للغربة تأثير أو أثر بذلك ؟؟؟؟

* ما رأيك بما يطرح ويتداول ما بين الحين والآخر حول المرأة وخاصة السعوديه وتحررها ، في بعض القنوات ؟؟؟؟

* هناك من يحكم على بعض الأشخاص من شكله ومظهره ، مثلاً الرجل المرتب والذي يهتم ببشرته وشعره بعضهم ينتقده من الوهلة الأولى والبعض الآخر ينتظر فعله ، وهناك على الطرف الآخر بعض الرجال يهتم بأمور يعتقد انها رمز للرجوله كالشنب الطويل والإلتزام بالشماغ والعقال وعدم ترتيب نفسه وغيرها من الامور أعتقد انك فاهم قصدي ، كما اني أعتقد أن لك وجهة نظر بهذا الخصوص وقصيده إن لم يخب ضني بهذا الامر ودنا تسدحها مع ردك على ما سبق ؟؟؟؟

* البعض يعطي كاش أي ما يجامل ما رأيك بمن يستخدم هذا الأسلوب ؟؟؟؟

* هل تؤيد نظام ساهر المطبق بالرياض والذي سيطبق بجميع أنحاء المملكه (نظام ساهر المروري) لا تصرف أدري إنك تعرفه هو اللي يرصد المخالفات عن طريق الكامرات ؟؟؟


أبــــو يـــــاسر ســــأعود لك .