أسئلة بيزنطية ؟؟

[خالد العبدالله]

السلام عليكم

أختي المنـى

عليكم السلام .. ورحمة الله وبركاته
والله يسعد كل أيامك .. بما فيها يوم موتك

وحياك الله إنتي و أسئلتك .. ولو ترجعين كل يوم 13 مره ماعندي مشكله .. بالعكس يزود غلاك

وللمعلوميه .. توي قريت سؤالك حق ( الكيبورديه )
يشهد الله كتبت أول بيت .. وأقام الصلاه رحت صليت العشاء ورجعت كملت البيت الثاني
عاد انتظري لين يجي دور سؤال الكيبورديه

:rolleyes:

أولا / ما مدى صحة هذه المقولة : ( كل قصير فتنه وكل طويل هبيل ) .. ؟

أنا سمعت ( اتق شر الأقربون إلى الأرض )
وهذي صدق .. أحس فيهم خباثه خخخخ

أما كل طويل هبيل .. هم كذا يفهمونها الناس .. ويبونها
لكن الصدق أن المنظر ليس كل شي .. يعني الطول حلو
لكن مسألة الهباله جاءت من باب ( اللي مايطول العنب )
:p






ثانيا / هل مسألة الطول الزائد تسبب لكم مشاكل وما نوع تلك المشاكل إن وجدت ؟؟
وما جدوى الطول للأخ خالد العبدالله .. وهل أستفدت منه فعلا للخروج من مازق معين ؟؟

مشاكل لي .. لا ولله الحمد
لكني أجد ( تحرش ) من بعض القصار هداهم الله خخخخخ

أما الإستفاده منه .. أتذكر بالحج الله يعيدنا عليه من السالمين
مع الزحمه أضيع اخوياي .. لكني بسرعه ألقاهم بمجرد إلقاء نظره فوق رؤوس الحجيج
ههههههههههههههههههههههههههههه

ثالثا / أذكر موقف حدث لكم وتمنيت فيه لو كنت قصيرا ..؟؟

ما أتذكر .. وإن شاء الله ماراح يصير
لأني أحمد الله ألف مره على طولي





رابعا / شخص يُعاني من قصر ( قامته / ها ) برائكم هل التمارين الرياضية تساعد في القضاء على هذه المشكلة وكما هو مشاع ..؟؟


والله يا المنى أنا أسمع بـ ( تمارين الإطاله )
لكن ما أظنها تطيل العظم .. تطيل العضله بس
والعضله مالها دخل بطول الشخص وقصره
وسمعت إن فيه حبوب تطول .. لكن وش الله حادكم على الطول !!
الجو بارد فوق .. خلوكم تحت أدفى
:p
















خ.ألـد

[خالد العبدالله]

السلام عليكم

أختي المنـى

عليكم السلام ورحمة الله وبركاته

في أحدى مداخلات الأخ خالد العبدالله بموضوع / أشياء تغيظ قال :
أنه لا يُستفز بسهولة ( بمعنى آخر أعصابه بارده ) ..
تُرى ما هو الشيء الذي يمكن أن يستفز الأخ خالد ويطلعه عن طوره ..؟؟!!


ماهو شئ محدد يا المنـى
لكن تقدرين تقولين .. الأشياء اللي تمس رجولتي
أما الكرامه فكلنا نخرج عن اطوارنا إذا استهين بها
أيضا" أنثـاي .. لا أحب أن يمسها أحد
وأظن المساس بها هو مساس برجولتي






أيضا من خلال ردود قديمة جدا للأخ خالد العبدالله
أدرك أنه مولع بمادة الرياضيات أين هو من ذاك الولع الآن ..؟؟


ماشاء الله عليك .. شكلك وارثه شي من البيزنطيين .. للحين تتذكرين !
لا زلت مولعا" بها .. ولا زلت احاول حل الأسئله الرياضيه بدون الاستعانه بحاسبه






قام الأخ خالد بإعادة نشر عدة مواضيع قديمة منها ( رمادا / الملك خالد )
هل توافق نبضكم هنا مع أول نشر للموضوعين السابقين هناك ..؟؟


الشعر سيدتي .. لا يتوافق أبدا" مع السابق
لكنها مجرد خربشات .. أردت بها إظهار الإخوان هنا على بعض مما أملك
فأنا أعتبرني واحدا" من ممتلكاتهم .. لهم الحق بمعرفة كل خباياي العامه

والشعر بدأت نفسي تعاف ترتيبه و صياغته و تأليفه .. ربما لأني وصلت إلى من كسرت الشعر بتواجدها
:rolleyes:


أما المواضيع العامه ( الملك خالد ) .. وربما قريبا" ( صبآح الخير يا شمس )
فإني لا أزال أحب أن أطرحها و أقرأ الردود عليها
لأني كتبتها في لحظة تآلف مع الماضي ..
وأحب أن أستعيد ذلك الماضي بين فترة و أخرى .. فقط






تقديرك و إحترامك وصلا .. وعودي متى أردتي .. فالعين أوسع لكم من المكان









خ.ألـد

[خالد العبدالله]

السلام عليكم

أختي المنـى


عليك السلام ورحمة الله وبركاته

وصلى الله على نبينا محمد .. وآله .. وصحبه أجمعين





عيده عجيان الجهني شاعرة سعودية أستطاعت وبجدارة عاليه وبما تمتلك من موهبة شعرية فذة وعاليه
أن تكون من ضمن الـ ( 48 ) شاعر المتأهلين في شاعر المليون .. وبتصويت الجمهور ولجنة التحكيم
أستطاعت أن تصل للمرحلة ( 24 ) ..
هل تويدون مشاركة المرأة في مثل هذه المحافل الأدبية أم لا ..؟؟



أني أؤيـد .. لا
وخليهم يتهموني بالـ ( تحجر ) ماعلي منهم

لكن لو رجعنا لـ ( عيده ) .. ومع احترامي لكل المتسابقات من أولهن لآخرهن
أنا أشوف ثنتين بس اللي يستحقون الإحترام .. عيده و أمل عبدالله
عيده مبين انها متستره .. وخاصة أنها كبيره شوي بالعمر
لكن أمل عبدالله ( أتوقع إسمها كذا )
هذي اماراتيه .. جت بالنسخه الأولى من شاعر المليون .. وكانت متستره بالكامل
والغريب إن عمرها تقريبا" مايتعدى الـ 24 إن ماكنت مضيع
يعني لو وحده ثانيه بعمرها يمكن لو تجرأت وشاركت بالمليون يمكن تحاول تتميع أو أو أو .. لكنها متستره عسى الله يستر عليها وعلى بناتنا

والله من كثر ما أغليت هذيك البنت .. للحين أردد نفس طبقة صوتها بأحد الأبيات .. نسيت البيت بالكامل لكن طبقة الصوت للحين تتردد علي

وسمعت إن فيه حريم متغطيات بالنسخه هذي .. لكن لأني ماتابعتهم ما أقدر أحكم عليهم

معليش شطحت شوي .. لكن ما أؤيد أبد
مهما كانت الشاعره شاعره وتستحق ..
وللمعلوميه .. أظن من سياسة البرنامج تأهيل كل من له بريق جذاب
يعني أتوقع حتى الحريم المتغطيات ألحين بالنسخه هذي .. اتوقع بيتأهلون إذا مو بالتصويت فهو بالتحكيم .. كله عشان الجذب

يعني هالمتغطيه هذي .. حتى لو تسترت فأنا أظنها أصبحت مجرد دعايه رخيصه لتتابع العيون البرنامج .. وانا لن أسمح لأي أحد بأن يرخص وحده من الإناث اللي أتشرف بأني أنتمي لهن أو ينتمين لي






لو قدر لخالد العبدالله أن يكتب الآن أبيات كيبوردية أرتجالية سريعة
فلمن ستكون وما هي ..؟؟!!



هذي الكيبورديه اللي قلت لك بالرد الأول إني كتبت أول بيت قبل الصلاه .. والثاني بعدها


هيـا .. هيـا راحت ولا عاد به شي / من بعدهـا .. يستـاهل أزعل عشانـه !

أبنتظر ( هيـا الصغيـره ) تجـي لي / يمكن تشيـل من الألـم 1000 خانـه










ولك من تحية أهل الجنه .. 10 يا المنى
وعودي متى أردتي











خ.ألـد

[خالد العبدالله]

السلام عليكم


أخوي الوجيـه



حكمه و فطنه مره وحده .. خف علي شوي لا أصدق

:p




من خرم طبقة الأوزون ..؟ خالد أعترف .. خصوصا إنك طويل
وكيف يمكن رقعها ..؟



الوجيـه .. قسم بالله مالي دخل
:(


من خرمها .. ياخي أنا أشك بالـ ( فليت ) .. هذاك مبيد الحشرات الله يكرمكم .. عرفتوه !
لو تقرؤونه مكتوب ( لايثقب طبقة الأوزون )
طيب من قال إنه يثقب .. من اتهمكم بهالشي !!

ومن مبدأ ( اللي على راسه بطحا يحسس عليها ) .. أحس إنهم هم اللي ثقبوه



؛



اما كيف نرقعها .. والله ما أدري
أنا أيام السياكل .. ماعمري رقعت كفر السيكل أبد .. ما أعرف
تبيني ألحين أرقع طبقة الأوزون .. !

إذا حولكم رقعه .. يمكن أوصل للطبقه و اركب الرقعه بحكم الطول
أما إني أدور الرقعه .. اسمح لي الوجيـه




مرورك هنا .. طيـّب خاطري الوجيـه
شكرا" بحجم ثقب الأوزون











خ.ألـد

[خالد العبدالله]

السلام عليكم

أختي المنـى

كلما أكثرتي التواجد و التساؤل .. كلما زاد غلاك
;)








عندي قناعة شديدة أن كل ما نكتبه .. نرسمه .. نقوله .. نختاره
يُعبر بطريقة أو بأخرى عن الحالة النفسية التي نمر بها
أو عن شعور لربما عابر نمر به سواء لأسباب
معروفة أو مجهولة لربما أحيانا ..
ومن ضمن تلك الأشياء ..
الصور الرمزية والتعريفية المستخدمه من قِبلنا ..
.<<<<< ------- ( كتلك ) /التي أخترتموها ووضعتها بردي ..
هل هي منتقاة بدقة ؟؟ أم هي رمية من غير رامي ( بدون قصد حقيقي ) ..؟؟



هي منتقاة بعناية فائقة جدا" أوي
تم ترشيح حوالي 3 صور من قبل خالد ..
وبعد التمحيص .. قرر التصويت لأفضلها .. وبعد
تنافس حميم بين الـ ( شيبان ) .. انتصر هذا الشايب الموجود بالصوره










خ.ألـد

[خالد العبدالله]

السلام عليكم

أخوي ولد أبـوي

عليكم السلام ورحمة الله وبركاته


من كلامك .. الظاهر إن العرق البيزنطي متفشي فيك خخخ

بس عندي سؤال للاخ خالد العبدالله منو ابراهيم اللي ذكرته اكيد انه شخص عزيز عليك واكيد انه حلو مثلي



عزيز .. جدا"
أما حلو .. بدري عليه














خ.ألـد

[خالد العبدالله]

السلام عليكم

أخوي القـرار

أولا" .. شكرا" لأنك أعدتني لي

ثانيا" .. من أمس وانت تهدد بأسئله .. ماشفت شي يعقدني للحين لا إنت ولا غيرك

:cool:







ما الذي يجعل الشيبان مروقين على هالصبح وحنا متعكر مزاجمنا ؟

أول كنت أنام متأخر .. يعني على الـ 2 الفجر وأقوم لهم على صلاة الفجر
أقوم ونفسي براس خشمي .. لاشبعت نوم ولا شي
وهم يجون مصحصحين لأنهم من الساعه 11 بالليل ينامون .. والصبح يجون شبعانين نوم
ألحين صرت مثلهم .. إذا صارت الشبـّه عند أبوي أنام بدري
بكرا الأحد يعني الشبه عندنا .. وهذا أنا أبطقطق بالنت شوي وأقوم أنام .. عشان اقوم الصبح مروق هم
;)




اما سؤالي الآخر فهو سؤال بيزنطي ...

عند تعامد الشمس على مدار السرطان يتساوى طول الليل والنهار وهذا يحدث

مرتين في العام هل تستغل ذلك اليوم بالنوم ليلاً ، وما تأثير ذلك على خلايا مخك ؟


أنا من الناس اللي ماتحترم النوم .. ولو له لسان يمكن امداه قطعني بالحش والسب
ما أحبه .. يعني مالي شفقه عليه .. عشان كذا يمكن ماركزت على مدار السرطان حقك
لكن أذكر أخذناه بالجغرافيا بالمتوسط يمكن .. واظنه بتاريخ 22 بس اي شهر والله مادري

أما تأثيره هالتعامد على خلايا مخي .. تختلف
إذا كنت بالدوام بأكون لابس الخوذه .. وإذا كنت برا الدوام أبكون بالشقه ما أطلع
الإختلاف بطريقة الحمايه من هالتعامد .. لكن النتيجه وحده .. لا تأثير











خ.ألـد

[حسين الشمري]

يبدو أني أما رجل بيزنطي من العيار الثقيل ، إجابات بيزنطيه مدهشه

وغير متوقعه وبها من الفكر والفلسفة والظرف الكثير ...

إسمح بسؤالك مرة أخرى ...

كثيراً ما نسمع هذه الجملة ما بين المطرقة والسندان ، ماذا تعني لك هذه

المقوله ، وهل تواجدت بينهما ذات يوم ؟

[خالد العبدالله]

السلام عليكم

أخوي القرار

خلك تصير مكاني .. ان شاء الله اول سؤال اسألك ( وش معنى رجل بيزنطي ) خخخخ




إسمح بسؤالك مرة أخرى ...

كثيراً ما نسمع هذه الجملة ما بين المطرقة والسندان ، ماذا تعني لك هذه

المقوله ، وهل تواجدت بينهما ذات يوم ؟


تدري القرار .. مشكلتي أي سؤال أحاول أشغل مخي وأسترجع الماضي
أو إني اجاوب على طول .. لأني صدق ما أحب مخي يكون عاطل عن العمل

عشان كذا إن ماخاب ظني .. فإن المطرقه والسندان أظنها تبعه للأذن .. أو مكانها حول الأذن
وتعني لي إن بينهم مكان ضيق جدا" .. لا يسع لنمله ربما !

تخيل عاد أكون بينهم !!










خ.ألـد

[حسين الشمري]

للكل فلسفته وفلسفتك جميلة حول ما يطرح عليك من أسئلة وهذا ما

قصدته من كل هالموضوع ، وأكثر ما يعجبني بالأشخاص وخاصة بالمنتديات

الردود التلقائيه مثل ردودك أخوي خالد ...

الآن سأعرج إلى بعض الأسئلة البيزنطية الرومانسية العاطفيه التي لا تخلو

من الخيال ، ترى البيزنطيين ماهم خليين من رومانسيه وخيالهم واسع ...


لتتخيل معي تواجدك في كوكب الأرض لوحدك ووجدت بينتين على قدر عال

من الجمال والخلق واحدة مسلمة والأخرى غير مسلمه وطلبت منك البنتان

الزواج بإحداهما شرط أن لا تتزوج الأخرى فمن تختار ؟ ولماذا ؟

وأتى أبوك وأمك وقالولك تختار منو بيننا لترحل معه إلى الجانب الآخر من

الكرة الأرضيه من تختار لتهاجر معه ؟

لو كان خاطرك وسط وين تروح عشان ترتاح ؟