أسئلة بيزنطية ؟؟ الجـزء الثـاني!!

[مشاعر انثى]

هلا بالغاليه منى
جيتك يامنى جيتك
منى وش تخافين منه { طبعاً من حيوانات او طيور } اي شيئ
الناس هلحين البعض منهم يقول انا صريح وهذاك يقول انا صريح طيب ليش صار كل شي فيه خدع 0هذا يكذب وهذا ينصب رغم انهم يتصفون بالصراحه؟
الواحد إذ اخطأ ليش يبقى أثر خطيئته عند الناس وماترحمه 0 ونسى ان الله يغفر وهوغفور رحيم ؟ }
احسن طبخه تجيدها المنى؟
ليش الحبيب نادر مايضحي 0 نجد المرأه هي اللي تضحي ؟ برأيك شنو السبب ؟ هل عشان المرأه ضعيفه وحساسه او00 ؟
عطلة نهاية السنه مابقالها شي 0 وين ناويه المنى تسافر ؟
البركان اللي نسمع عنه هالأيام وتأخر الطائرات 0هل تتوقعين راح يجينا من دخانه0 او اانا بعيدين عنه ؟ رغم انه جاللمغرب ؟
شنو يوقف الحروب برأيك ؟



المنى اعذريني على هالاسئله لأنها جت على هالظهريه وعلى الغداء الدسم0
بالمناسبه منى
{ شنو احلى آكله بحريه تحبينها }00
وبسسسسسسسسس
ترييني ان شاء الله لي عودات 0

[الــمُــنـــى]

[ALIGN=CENTER][TABLETEXT="width0%;"][CELL="filter:;"][ALIGN=center]

المشاركة الأصلية كتبت بواسطة خالد العبدالله

السلام عليكم

المشاركة الأصلية كتبت بواسطة خالد العبدالله

أخوي حسين الشمري



أولا" ماتحس إن توته إختفت !!
شكلنا جلدناها .. أحسن عشان ماتتحرش بدولتنا مره ثانيه
( يعني إسمه يا اللي بعدوووووووووووه )
ثانيا" .. الأخت منى ما أقدر أقول لها شي
لذلك أنا أعلن من هنا إنسحابي ( التكتيكي ) من الهجوم
لكن






آخر يومين إزهلها .. أبنشف ريقها
كالعاده طبعا" .. تكون الضربه القاضيه مني
ههههههههههههههههههههههههههههههه



بس والله عاد غاليه المنى .. والكل يدري
فصعب إني أروح و ما أسألها .. لازم نكرم ضيافتها



1


وش جاب جبنة المراعي بالإمارات !!
ماعندكم جبن يعني غير جبننا ؟؟





2

أكواب الماء .. بعضها وردي .. أزرق .. أبيض
وش الفرق !!





3

أحس ( أو قرأت ) أنك ممن يحتفظون بالأشياء القديمه ..
هل هو تعبير عن حنينك للماضي دائما" ..








4

ماهي مخالفات ( السياقه ) عن المنى !!






5

وش صار على شجرة الببسي .. للحين تسقينها !
ههههههههههههههههههههههههههه















خ.ألـد

أولا" ماتحس إن توته إختفت !!
شكلنا جلدناها .. أحسن عشان ماتتحرش بدولتنا مره ثانيه
( يعني إسمه يا اللي بعدوووووووووووه )

والله ما ألوم البنت لو غابت أسبوع أو شهر خاصة أنها كتبت يمكن 51 أو 50 رد :eek:
مفاصل أصابعى تعورني من كثر ما أطقطق على الكيبورد / العلة إني مراقبة :( يعني وراي أقسام أدبية يبالها ردود محترمة ( ما نقول لجل عين تكرم مدينة ) .
..
ثانيا" .. الأخت منى ما أقدر أقول لها شي لذلك أنا أعلن من هنا إنسحابي ( التكتيكي ) من الهجوم
لكن آخر يومين إزهلها .. أبنشف ريقها كالعاده طبعا" .. تكون الضربه القاضيه مني
ههههههههههههههههههههههههههههههه
بس والله عاد غاليه المنى .. والكل يدري فصعب إني أروح و ما أسألها .. لازم نكرم ضيافتها

صدقني يا أخوي .. كلامك أو كلام كل من سبقوك ما عندي شيء يوفيكم جِميلكم ، كل اللي أقدر أقوله يا أخوي لك ولغيرك اللي سبقوك / ربي يعزكم ويعّلي من شأنكم مثل ما تعزوني وتغلوني وهذا يدل على طِيب أصلكم يا أخوي .
أما بخصوص حرصك على التواجد في هالموضوع رغم ان سفرك قرب وما بقى عليه إلا ساعات
شيء فرحني وايد ( ربي يسعدك مثل ما أسعدتني بهالحضور وأسعدت غيري أيضا )






1 / وش جاب جبنة المراعي بالإمارات !! ماعندكم جبن يعني غير جبننا ؟؟
:p / ما كنت أظنك بخيل ..!! بعدين يأ أخوي ما سمعت المثل اللي يقول
( من حب ناس نحب ناس ) في مثل شراته ومقتبس منه المثل اللي يقول
( من حُب ناس نحب جبنهم وخبزهم وأكلهم وديرتهم وكل شيء ) هذا من جهة .
من جهة ثانية ما سمعت أغنية كانت من زمان تنذاع دوم بأفتتاح دورات الخليج العربي تقول ( خليجنا واحد ) :D
يعني بأختصار مالنا مالكم ، ومالكم مالنا ، بعدين يا أبني مو أحنا جيران ، والجار لازم يذوق جاره من أكله صح أو لا ..؟؟ وأحنا يا دوب أكلنا ( جبن المراعي ) :rolleyes:

2 / أكواب الماء .. بعضها وردي .. أزرق .. أبيض وش الفرق !!

أمممممممممممممم / أعتقد الامر يعود لشئين :
معنوي / يعني حسب نفسية الصانع ودرجة خياله .. مرة يشوفها بلون البحر ( أزرق ) ومرة بلون الزهر ( وردي ) ، ومرة بلون قلبه اللي يحب ( أبيض ) ومرة بلون نكد زوجته ( أسود ) وقس على ذلك بقية الألوان ...
والأمر الثاني مادي / يعني هم يعرفون أن الناس أجناس وأذواق ويعرفون إنا شعوب مهوسة بالألوان وإنا محبطين لحد النخاع فيحاولون بطريقتهم يرفعون معنوياتنا ( وهذا كل ما في الأمر )




3 / أحس ( أو قرأت ) أنك ممن يحتفظون بالأشياء القديمه ..هل هو تعبير عن حنينك للماضي دائما" ..
ومن يا أخوي ما يحن للماضي ، أو ما تذرف عينه على الماضي ، أشياء وايده خذاها منا الوقت والعمر وطعمها تغير بحلوقنا ، وفعلا مثل ما قلت ( أحتفظ بالأسياء القديمة ) عندي ثلاث علب كرتونية من الحجم المتوسط أحتفظ بداخلها بمئات من قصاصات الأوراق من زميلاتي بأيام المدرسة والجامعة ومن طلابتي أيام ما كنت مدرسة ، وعندي ثوب اهدتني ياه مديرتي بأيام الإعدادي يمكن كجائزة على طلوعي ( الأولى ) وكتيب عن المسابقات المدرسية
( كنت مشتركة بمسابقة لحفظ القران وقتها ) وحصلت فيها على المركز الثاني على مستوى منطقة أبوظبي وطبعا كاتبين بهالكتيب اسماءنا واسماء مدارسنا وفي أشياء ثانية اعتز بيها وااااااااااااااااااايد ومستحيل بيوم أرميها أو اتخلص منها .
الشيء يمكن اللي تتفأجا بيه ( إني كاتبة وصيتي ومن زمان ) وخاشتنها بين الأوراق بهالصناديق
ومن ضمن الأشياء اللي كتبتها بالوصية أن كل محتويات هالصناديق تحرق بدون ما تقرأ .

4 / ماهي مخالفات ( السياقه ) عن المنى !!
آخر مخالفة مرورية كانت أمس / ظهرت أنا وأمي وأثناء سيرنا إلا سيارة شخصية بس عليها ( مصابيح ملونة ) تلاحقنا / اشوي اشوف امي تقول وقفي ، طبعا اختك مصرة اتكمل لانها كانت سيارة شخصية مثل ما قلت ، أضطريت وقتها أوقف على اليمين أشوي واحد يطلب الليسن والملكية ( والله ما انكر أني خفت / بس الحمد لله إن الوالدة معاي ) قلت بخاطري يمكن شاكين بالسيارة لا سمح الله سالته الوالدة عن الامر ، فقال مخالفة لتجاوز السرعة المحددة ( المسموح 100 وأختك تسوق 112 ) والله .طبعا اللي فهمته أن في العاصمة في رادارت متحركة وبسيارات شخصية اسمها ( القناص ) وهي خدمة مرورية جديدة ومستحدثة بالإمارات للحد من السرعة ومنتشرة بكافة طرق الإمارات / فلا تتعجب لو مرة ييت الإمارات ووقفك واحد وقالك ( القناص ) معاك :D

5 / وش صار على شجرة الببسي .. للحين تسقينها !
ههههههههههههههههههههههههههه

ما شاء الله عليك للحين تذكر / اللي صار يا أخوي ما صار ولا أستوى تصاهرت
شجرة البيبيسي مع شجرة الفازلين وطلعو منتج يديد اسمه بايسن والبركة بخيالنا اللي يودي بداهية :D ..



أسفرت وأنورتْ الصفحة بيك يا أخوي وبأسالتك ..













[/ALIGN][/CELL][/TABLETEXT][/ALIGN]

[الــمُــنـــى]

[ALIGN=CENTER][TABLETEXT="width0%;"][CELL="filter:;"][ALIGN=center]

المشاركة الأصلية كتبت بواسطة حسين الشمري

أبـو خلود أعلنها وبصراحة من هنا ستفقدك بيزنطه بأكملها
أيها القائد المحنك الصلب القوي الضرغام ولا أعلم من بعدك
كيف سيكون شكل الدولة ، وعلى طاري ضرغام المنى وش معنى
ضرغام ، وليش أول يتكلمون فصحى والحين لا ، وبرأيك وش المانع
من أننا نتكلمها على الأقل أمثالنا ممن يتكلمون عن ضياعها وينادون
بها ، ولا هو كلام جرايد وعلى طاري الجرايد هل كل ما نكتبه يمثلنا حقيقة
وهل نطبق ما نقول وهل هذا عيب وغلط أن لا نطبق ما نقول ونكتب وونادي به
أنا أقصد يامنى أحياناً أنصح أحدهم مثلاً بعدم التدخين وأنا أدخن (أبشرك بطلت تدخين ) <<< وش دخلنا فيك
المهم وش جاب طاري هالسوالف كله منك خالد ، وتوته الله يذكرها بالخير راح نشتاق لها لأنها كما سمعت ما راح تدخل إلا بعد سنه بسبت الجلد ههههه ، وعلى طاري توته منى
عمرك تشوفين توت بري وهل فيه باذنجان بري .
المنى تمنياتي لك بقضاء أسعد الأوقات .

/
\


السلام عليكم والرحمه / ومساء الخيرات عليك وعلى الجميع يا رب

بصراحة أسئلة فيها وما يِجيبها إلا بيزنطي جدا عن أب

بخصوص ما قلته بحق خالد / فأن أشهد له أيضا كيف لا وهو نائب المدير هنا ..!!
المهم( انيي = نأتي بس بالإماراتي ) للأسئلة :

وش معنى ضرغام ..؟؟
شو هالسؤال الصعب وانا اختك .. بس أعتقد أنه ذاك اللي يسمونه ملك الغابة
( يبت الذئب من ذيله / صح ..؟؟ ) :D

وليش أول يتكلمون فصحى والحين لا ..؟؟

بصراحة يمكن السبب لأن لغة القران كانت سائدة بذلك الوقت ولأن العرب بذلك الوقت كانوا سادة الأرض فتسيدت لغتهم على باقيى اللغات .

وبرأيك وش المانع من أننا نتكلمها على الأقل أمثالنا ممن يتكلمون عن ضياعها وينادونبها ، ولا هو كلام جرايد ..؟؟
والله يا أخوي بالنسبة لي سواء في مجال عملي أو حتى مع ربيعاتي / ما احاول اتكلم اللغة العامية ولا أحاول أدخل كلمات غريبة محد يقدر يفهمها ، أحاول بقدر الإمكان أن تكون لغتي قريبة من الفصحى وكلماتها واضحة سواء للسورية أو المصرية أو الخليجية أو أي جنسية عربية أخرى أحتك وأتعامل معاها .
وعلى طاري الجرايد هل كل ما نكتبه يمثلنا حقيقة ..؟؟
لو كان يمثلنا كان ما سمعت هالعبارة تتردد بين الناس ( كلام جرايد ) أعتقد هناك تلبيس للحقائق في مجتمعاتنا العربية على وجه العموم لأسباب معروفة لدى الجميع . فصحافتنا العربية والخليجية تطمس الحقائق ونسوا أننا اليوم نعيش في عالم الإتصالات اللامحدودة ونستطيع أن نحصل على المعلومة الحقيقية من مصدر أخر وأكثر ثقة من صحافاتنا العربية .:confused:

وهل نطبق ما نقول ..؟؟ وهل هذا عيب وغلط أن لا نطبق ما نقول ونكتب وونادي به ..؟؟
أنا أقصد يامنى أحياناً أنصح أحدهم مثلاً بعدم التدخين وأنا أدخن (أبشرك بطلت تدخين ) <<< وش دخلنا فيك ؟ المهم وش جاب طاري هالسوالف كله منك خالد ، وتوته الله يذكرها بالخير
راح نشتاق لها لأنها كما سمعت ما راح تدخل إلا بعد سنه بسبت الجلد ههههه ؟

أولا .. ألف مبروك لترك التدخين وتستاهل حفلة من الأهل على هالشيء والله . وتستاهل يخلونه يوم عيد لك ولهم .
ثانيا .. أكيد غلط نقول مالا نفعل / بس الأكيد بعد النفس أمارة بالسوء ومحد معصوم من الخطأ يا أخوي / والنفس البشرية تضعف أحيانا لأسباب كثيرة والأكيد أيضا أن خير الخطائين التوابين .
ثالثا .. أبشر توتة تدخل والدليل ردها هنا .. بعدين هو احد يعرف هالوجوه السمحة ويقدر يترك المنتدى أو يقدر يفارقه يا أخوي :confused: والله صعب

وعلى طاري توته منى عمرك تشوفين توت بري وهل فيه باذنجان بري ؟؟
شفنا نجوم الليل بعز القايلة ( الظهر ) وعايشين بزمن العجائب وتبيني ما اشوف
باذنجان بري ؟؟ شفته وأنا أختك ولو تبيني أوصفه لك بوصفه .. :D


شكرا من الأعماق على ها الألق و ( الهاء عائدة على الأسئلة ):p







[/ALIGN][/CELL][/TABLETEXT][/ALIGN]

[مشاعر انثى]

اسئله دسمه
وأجوبه زي العسل
ماشاء الله يامنى
متابعه 00

[الــمُــنـــى]

[ALIGN=CENTER][TABLETEXT="width0%;"][CELL="filter:;"][ALIGN=center]

المشاركة الأصلية كتبت بواسطة خالد العبدالله

السلام عليكم

المشاركة الأصلية كتبت بواسطة خالد العبدالله

أخوي حسين الشمري

عفوا" .. أقصد قائدي حسين الشمري
لاتخاف على بيزنطه .. فهي بإذن الله ستبقى برجالها
أما نساءها .. فيبدوا أن ( ماعندك أحد ) هههههههههههههههههههههه

( حسين .. ترى توته تتابع ألحين .. شفتها بالدربيل قاعده تقرأ )

المهم .. على طاري الدخان

1

المنى .. ليه فيه بنات يدخنون !!

وعلى طاري الجرايد ..

2

الجرايد نفس الأخبار .. طيب ليه مايقطون كلهم بجريده وحده بدل مايخسرون !!

وعلى طاري اللغه الفصحى ..

3

ليه ماتكون اللغه العربي هي الأم بدل الإنجليزي !

وعلى طاري التوت و البيدجان

4

دايم نضحك على بعض الأسماء من بعض المدن
مثلا" حنا نقول للنافذه ( دريشه ) .. بعض الناس يضحكون علينا
طيب ليه يضحكون منى !!

خ.ألـد

/
\


عليكم السلام والرحمة يا أخوي / ومساء الأنوار والأنشراح وراحة البال
لك ولكل المارين من هنا ..

المهم .. على طاري الدخان / المنى .. ليه فيه بنات يدخنون !!

لأول مرة والله في حياتي العملية كلها أقابل طالبة " تدخن " وللأسف الشديد ما أنكر إني كنت أسمع عن هالشيء ، أو أشوفه بالتلفزيون ، لكن إني أعيشه كواقع فوالله إن الأمر كان قوي علي وايد .. يوم قعدت مع هالطالبة وسألتها عرفت إن عندها مشاكل أسرية كثيرة جدا ، وطبعا هي تعتبر هالأمر بمثابة تنفيس وتفريغ للقهر والضيق اللي تعيشه ..أو على قولتها علشان انسى همي
طبعا هالأسباب غير مقنعة ، وهالأسباب موجودة سواء عند الذكور أو حاليا صرنا نشوفها عند البنات ، بس ما نقول غير ( ربي يعين كل مُبتلي ) :(

وعلى طاري الجرايد ..2 / الجرايد نفس الأخبار .. طيب ليه مايقطون كلهم بجريده وحده بدل مايخسرون !!

رح اتكلم عن نفسي وأعتقد البعض مثلي يفكر .. ممكن مثل ما قلت مجموعة من الأشخاص يشترون جريدة وحده ويتبادلونها بينهم .. ( توفير للمادة ) وساعات اسويها مع بيت عمي او خالي .. بس احيانا تكون البداية عندي وتوصل للبيت الثاني او الثالث متأخر وانا بصراحة ما تحلالي مخمخة الجرايد وقرأتها إلا بالليل والجو هادي ورائق ( هذا أمر ) ، غير هذا أنا عندي هواية تجميع وقص المواضيع اللي فعلا تعجبني والأحتفاظ بيها وهالشيء أفتقدة وما أقدر أسويه لو كانت الجريدة مشتركة بيني وبين غيري ، واحيانا اتي مع الجرايد ملاحق خاصة ثقافية او صحية وأيضا أحب أحتفظ بيها لوجود مادة دسمة ومفيدة جدا بين طياتها ، هالأسباب هي اللي اتخليني أحب أشتري الجرايد وما أشترك ما أحد فيها .

وعلى طاري اللغه الفصحى ..3/ ليه ماتكون اللغه العربية هي الأم بدل الإنجليزي !!
يا أبني .. في مثل يقول ( الغلبة للأقوى ) وللأسف الشديد جدا بتنا ضعفاء بالنسبة للأقوام الأخرى في كل شيء ، ضعفاء حتى في أوطاننا ..
فهل برأئك ستسود لغتنا الأم وسط الأجواء التي نعيشها والتغيرات الكبيرة التي تشهدها مناهجنا ومجتمعاتنا وعلى كافة الأصعدة ..؟؟
الأمر يحتاج لمعجزة ولعزيمة الرجال لا أشباه الرجال ( والعذر منكم ) :(

وعلى طاري التوت و البيدجان 4 / دايم نضحك على بعض الأسماء من بعض المدن مثلا" حنا نقول للنافذه ( دريشه ) .. بعض الناس يضحكون علينا
طيب ليه يضحكون منى !!
سؤال عيبني وايد ( ) لأنه سؤال أعتبره من زمن جميل وكلمات جميلة كنا نسمعها وقل تواجدها كثيرا الان :
على سبيل المثال ..
( سمعت حِسه ) يعني صوته ، كرخانة ( مكينة الخياطة ) ، ملبق ( علبة الكبريت ) ، طوي ( البيئر ) ، الحوي ( الحوش ) ، دريشة ( نافذة ) ..
وغيرها وغيرها من هالكلمات اللي فعلا لها طعم أول ولا زال والله بحلوقنا ..
اللي يضحكون يا أخوي إما ..
* ضحك غباء وجهل لهالمعاني .( يعني يضحكون على أعمارهم )
* تعجب ( على أعتبار أنهم يشوفون التطور معناه تخلي عن الجذور ) .
* أو قلة حياء ( الضحك بدون سبب من قلة الأدب ) :D
* عليك وعلى من هو شراتنا للحين ( لأنهم يعتبرونا ناس جهلة بحسب أعرافهم ) :eek:.
* ترويج لـ معجون الأسنان ( اللي يستعملونه ) أو إعلان عن سن الذهب اللي ركبوه ، او لعمليات التجميل والتبيض اللي مسوينها لأسنانهم . ;)

هذا والله أعلم وأنا اختك :rolleyes:

وكل حضور و مطلع أسئلة وأنت بخير يا رب

[/ALIGN][/CELL][/TABLETEXT][/ALIGN]

[الــمُــنـــى]

[ALIGN=CENTER][TABLETEXT="width0%;"][CELL="filter:;"][ALIGN=center]

المشاركة الأصلية كتبت بواسطة مشاعر انثى

اسئله دسمه
وأجوبه زي العسل
ماشاء الله يامنى
متابعه 00

/
\

ربي يسعدج يا الغالية .. ترى وجودج يرفع معنوياتي :D
أحاول بقدر الإمكان أجاوب على أكبر قدر من الواجب الدسم اليوم
ما احب ( تسويف الأعمال وتأجيلها لبكرة ) بس دعواتج لنا ..
لو لأحظتي .. نقزت ( نطيت ) لمشاركتج وأتمنى ما يزعلون الأخوان اللي قبلج مني
بس حبيت أريح شوي :p واعطي عمري أحساس إن الباقي ( قليل ) :rolleyes:

لكِ مني خالص الود وجزيل الشكر .. يا رائعة








[/ALIGN][/CELL][/TABLETEXT][/ALIGN]

[الــمُــنـــى]

[ALIGN=CENTER][TABLETEXT="width0%;"][CELL="filter:;"][ALIGN=center]

المشاركة الأصلية كتبت بواسطة الصوت المسموع

بعد التحية

هل منى أنقيادية أم ثورية ؟!!( أذا أحتجت ِ لشرح خبريني )

وهذا السؤال يقودنا الى سؤال أخر .. ماذا تعرفين عن كاستروا ؟!!


الكيمياء , هل من تدريسها فائدة للتلاميذ ؟ ماذا قدمت لنا الكيمياء؟!!

وربما لي عودة

/
\


وعليكم السلام والرحمه / ومساءك خير

هل منى أنقيادية أم ثورية ؟!!( أذا أحتجت ِ لشرح خبريني )..؟؟!!

( من قال لا أعلم فقد أفتى ) وبكل صراحة كمفردات سامعة فيها لكن شو المقصود فيها لا عِلم لي فيا ليت تشرح لي وللسادة والسيدات المتابعين ( ومنكم نستفيد )


وهذا السؤال يقودنا الى سؤال أخر .. ماذا تعرفين عن كاستروا ؟!!
انزين كاسبروا هذا شو اسم أبوه لجل أقدر أجاوبك ..
في مليون كاسبروا على سطح الكرة الأرضية .. شو دراني منو تقصد فيهم ..؟؟



الكيمياء , هل من تدريسها فائدة للتلاميذ ؟ ماذا قدمت لناا الكيمياء؟!!
وليش لا يا أخوي ..
هو في علم بدون فائدة ، بعدين الكون بكل ما فيه من كائنات هو عبارة عن ذرات شكلت الأشياء اللي تشوفها عينك ..حتى جسمك هو عبارة عن مجموعة من التفاعلات ( كيمياء ) الملابس اللي تلبسها ( كيمياء ) ، عملية الشهيق والزفير ( كيمياء ) ، الأكل اللي تأكله ( كيمياء) ، المشروبات اللي تتناولها ( كيمياء ) ، حتى نومتك ، أرقك ، زيادة وزنك ، نقصان وزنك ، العطر ، معجون الأسنان اللي تستعمله .، الأدوية ......... الخ .
( كل شيء يخطر على بالك أو ما يخطر ) بأختصار هو هو مجموعة من التفاعلات البسيطة والمعقدة ( يعني كيمياء ) .

بأنتظار شرحكم للسؤال الأول
ولكم منا خالص المنى والتقدير





[/ALIGN][/CELL][/TABLETEXT][/ALIGN]

[حسين الشمري]

المنى معليش على اللقافه يالصوت أعتقد يقصد فيدل كاسترو
وأترك لك البقيه توضيح هو زعيم دولة .....

[الــمُــنـــى]

[ALIGN=CENTER][TABLETEXT="width0%;"][CELL="filter:;"][ALIGN=center]

المشاركة الأصلية كتبت بواسطة حسين الشمري

المنى معليش على اللقافه يالصوت أعتقد يقصد فيدل كاسترو
وأترك لك البقيه توضيح هو زعيم دولة .....

/
\

أي الحين أستوعبت السؤال الأول .. بس بعد ما أجاوب عن (من هو كاستروا ) ..:D




فيدل أليخاندرو كاسترو (13 أغسطس 1926 -)، رئيس كوبا منذ العام 1959 عندما أطاح بحكومة فولغينسيو باتيستا بثورة عسكرية ليصبح رئيس الوزراء إلى عام 2008 عند اعلانه عدم ترشحه لولاية جديدة وانتخاب أخيه راؤول كاسترو مكانه. وكان كاسترو في 1965 أمين الحزب الشيوعي في كوبا وقاد تحويل البلاد إلى النظام الشيوعي ونظام حكم الحزب الوحيد. وأصبح في 1976 رئيس مجلس الدولة ومجلس الوزراء. وكان أعلى قائد عسكري. بعد جراحة معوية في 31 يوليو 2006 سلم مهامه لأخيه الصغير ونائب الرئيس الأول راؤول كاسترو. في 19 فبراير 2008 وقبل 5 أيام من انتهاء مدة الحكم أعلن أنه لن يرغب في مدة جديدة كرئيس أو رئيس أركان. ( الله يخلي النت ) :rolleyes: ويزاك الله خير على هالمعلومة لاني فعلا ما عرفته إلا بعد قراءة سريعة من النت عنه وعن تاريخه السياسي .

نرجع الحين لسؤالك الأول :

هل منى أنقيادية أم ثورية ؟!!( أذا أحتجت ِ لشرح خبريني )..؟؟!!

والله يا أخوي .. لو كنت ولد فثق بأني رح أكون ثورية ، لأني مقهورة أكثر مما تتصور من واقعنا كعرب وكمسلمين . خنوع في كل شيء وعايشين عيشة ذل في ظل الممارسات التي تعاني منها
دولنا الإسلامية العربية عموما . بس لأني منى ولا حول لي ولا قوة كسائر بنات أمتي فمضطرة وغصبا عني لازم أكون أنقيادية .. :(

وما نقول في ظل الوضع الراهن غير / صبرٌ جميل والله المستعان
وإنا لله وإنا إليه راجعون ( واجب العزاء لأمتنا ) :mad:

يزاك الله خير يا أخوي / حسين الشمري على التوضيح
وللصوت المسموع أقول شكرا .. على هالمعلومة اللي قدمها لي على طبق من ذهب
ويزاه الله خير عني وعن الجميع

وأتمنى فعلا .. يعطينا نبذة مختصرة عن المفهومين ( انقيادي / ثوري )
حتى تعم الفائدة على جميع من يتابع هذا المتصفح

دمتم والجميع بخير








[/ALIGN][/CELL][/TABLETEXT][/ALIGN]

[الصوت المسموع]

المشاركة الأصلية كتبت بواسطة الــمُــنـــى

[align=center][tabletext="width0%;"][cell="filter:;"][align=center]



وأتمنى فعلا .. يعطينا نبذة مختصرة عن المفهومين ( انقيادي / ثوري )
حتى تعم الفائدة على جميع من يتابع هذا المتصفح

دمتم والجميع بخير








[/align][/cell][/tabletext][/align]

راح بالك للسياسه يامنى هههه

أنا أقصد في جميع المجالات

في العمل , في النت . الخ

بل أحيانا ً يكون الأنسان ثائرا على نفسه ...!!

يبدو اني سأستطرد واجيب بدلا ّ عنك

الشخصية الثورية متعبه جدا َ في أدارتها وربما تكون لها مزايا وحسنات أذا كانت في وجه الظلم

الشخصية الأنقياديه , شخصية رائعه وادعه ولكن يعيبها أذا كانت توافق في كل شئ , في الصح والخطأ , بل تتعدى ذلك الى التملق الى مرؤسيها ومن هنا تخرج من التبعية السوية الى النفاق والتملق

وصلت المعلومة ؟!!


على فكرة .
/

/


يوم قلتي جسمك يتكون من كيمياء قعدت اطالع في جسمي

يعني في اي لحظة ممكن أنفجر يامنى ؟!!