( تـاكسـي عمـّي ) !!

[الــمُــنـــى]

/
\

يٌقال ..

الملح هو سر المذاق لأي وجبة طعام
وأقول ..
العفوية والبساطة والرقة هو ملح الحاضرين .
.

أخي الذي لم تلده أمي / خالد
أستطعت ببساطة حرفك أن تفتح
أبواباً لربما غُلقت مذ أمد ..
فهنا وبصدق
كان " الملح " هو سر مذاق الحروف جميعها ..
فهنئيا لك ولقطرات هذا المتصفح
وتلك الفرحة التي رسمتها علينا
ونحن نتابع ما كتب هنا
حرفا حرفا ..
.
.

باقة ريحان وتحية
لكم ولجميع العابرين
دمتم بحفظ الله ورعايته

[لمسة وفاء]

سلام اللهــ عليكم جميعًا..

:o تذكروا ما شاء اللهــ مواقف حلوة..

كُنت هنا فقط متابعة..

^^ بعدني ما ذكرت شي أستحي منهــ..

هو أكيد في شي.. بس ما يحضرني.. :rolleyes:

\
/
\
/

لمسة وفاء

تقبلوا مروري

وسـ أبقى متابعة

[مشاعر انثى]

جيبوا القهوه والقدوع



يالله حيهم


هلابكم كلكم

وهلابك اخوي خالد صراحه موضوعك مرررره ممتع وظريف


خليتنا نكشف اقنعتنا منذ الطفوله

وموضوعك امتعني ايضا انني ارى هنا من امهات مثل رونق { ام عبدالرحمن } توقعت اني هنا الوحيده من الامهااات { هههههه }


وصراحه البركه بالكل


~~~~

ذكرتني هنا رونق بموقف


ان احدى ابنائي في اول ابتدائي { اني احاول جاهده لاعرف سلوكه داخل المدرسه ويكون هذا عبر الاتصال الشبه مستمر للاداره للسؤال عنه

لانشغال الاب عن الولد بسبب العمل}

جاء الخبر لابني وقد جاء يومه من المدرسه وهو معصب { يما } لازم هالكلمه عندنا هههههه


يما انتي كلمتي الاستاذ عني ؟ قتله ليش ؟ رد علي{ يما ليش كذا فشلتيني عند اصدقائي وقام يعدلي اسامي اصدقاءه { المفلوق }0 { ابو خشم}

ههههههههه

قتله ليش عادي قال لا يما ~~~~ خاصه ابو خشم قام يعيب علي ويقول امك فشلتك ههههه انت بزر مو رجال لو رجال ماسالت عنك


عاد انا من زود القهر عصبت عليه وقتله 0 قول لابو خشم انت محد يسال عنك لا امك ولا ابوك 0


راح الا ومن بكرى جاني فرحان تدرون ليش؟هههههههه راح ولدي وقاله امي تقول لك يابو خشم

مااحس العصر الا والولد جاي وابوه معه جايين يخانقون ليش نقول على ولدهم ابو خشم

صارت السالفه من التلفون الى ابو خشم

ويوم كبر حس ان اللي سويته من صالحه واهتمامي فيه { وابو خشم اللي هو محمد صار محب كثير لولدي


00000000000

طولتها معكم على سوالفي بس عن جد سوالف جميله


وجملها اخونا خالد مع التكسي

[خالد العبدالله]

السلام عليكم


أختي المنى


الملح .. إن زاد بالطبخ تخرب الأكله
لكن الفرق .. إن ملح الأخوان هنا زاااااايد .. ومع هذا لازلنا نأكل
الله لايحرمهم أجر سعادتي بهم





باقة الريحان .. والتحيـه / وصلا
وكنت على علم بمتابعتك .. حتى لو لم تردي
خاصة وأنك من مؤسسي هذا الموضوع .. إن لم تخني الذاكره
عذرا" إن كنت اكيل لك المديح .. لكني أنتظر الزله عليك لـ ( أجلدك )
فقط لئلا يظن أحدهم أن لي مآرب أخرى










خ.ألـد

[خالد العبدالله]

السلام عليكم


أختي لمسـة وفـاء

عليكِ السلام .. ورحمة الله وبركاته




تابعي كما تريدين .. وسأظل على أمل بأن تصلي هنا .. متى ماتذكرتي
فقط حاولي التذكر .. لأضمن وصولك إلينا
شكرا" لمتابعتك .. يا لمسة وفاء










خ.ألـد

[خالد العبدالله]

السلام عليكم


أختي أم نايـف

هلا بك أكثر .. والحمدلله إن موضوعي سوى لكم شي حلو
وصدقيني .. ياااااااااحلو كلمة ( يمـّه )




×




أما سالفة أبو خشم .. و المفلوق
هههههههههههههههههههههههههههههههههههههههههه



بعدين من يدري .. يمكن ولدك لاكبر ينزل القصه زيي بموضوع له .. كل شي جايز !!



ومن ناحية إن أبو خشم صار من أعز أخويا ولدك .. فهذا شي مو جديد
أغلب الصداقات المتينه .. بدايتها هوشـه

وأنا أعرف ناس كانوا يكرهوني جدا" .. ولا يطيقوني
لكن مع الأيام صرت أقرب لهم من أنفسهم يمكن
وعند ( نايف ) الخبر اليقين ..




لاطولتيها ولاشي .. أقسم بالله استمتعت جدا" أوي بردك
والله يجمل حالك يا أم نايـف








خ.ألـد

[مشاعر انثى]

يعطيك العافيه اخوي



وصراحه ردك الطيب هو من زود طيبتك


تحيه من القلب لك

[خالد العبدالله]

السلام عليكم



أختي أم نايـف


هلا برجعتك مره ثانيـه ..

طيـّب الله حالـك ..

والتحيه وصلت .. وعسى ماهي آخر تحاياك

لك من الـ ورد .. ما يستحقـك













خ.ألـد

[أوتار الحزن]

صباحكم\مساءكم طهر ووو(سكر)

موقف استحيت منه يله بعد ما شغلت الذاكره وصلت للتالي

من صغري بعمر 7 سنوات أحب أتحجب..بس بالشيله (مادري شو تسمونها بالسعوديه)ولما صرت بصف 5 ابتدائي لزمت أمي الا اتحجب وبدبوس بعد(قلتلها لالالا البنات يضحكون عليه) وهي الله يهديها راسها وألف سيف أتحجب بدبوس زين ما تذبحتي بهذاك الحجاب..أقولها والله يا أمي ما اطلع شعري ليه الدبوس.؟؟
تقول أدري بس لازم دبوس(وهقه)
وكنت أروح المدرسه ويضحكون عليه البنات وأرجع كل يوم البيت وأتهاوش مع أمي على سالفة الحجاب والدبوس...بلاه يا أمي بلاه الله يخليج والله وماشي فايده غير الدبوس مافيه
والبنات كل يوم يضحكون عليه محد يتحجب بدبوس مثل ما أوتار مسويه
الله يعيني عليج يا أمي(هههه)
واستمر لين 6 ابتدائي
الحمدلله من طلعت للإعدادي سيطرت على الوضع ولبست الشيله
قلتلها بعد لو أموت ما أروح المدرسه بحجاب ودبوس

\
/

موقف رونق كلنا كنا نعاني منه
أقوله أمي أبغي فلوس ما أبغي سندويج وعصير بالشنطه
والله يهديها ما تعطيني حتى درهم واحد يا تاكلينه يا موتي يوووع
والله ما كنت اكله وارميه بأول مكان أشوفه
وأتم بيوعي لين آخر الدوام وأزعل منها بس ماشي فاااايده
ربي لا يحرمنا منهم
كنت استحي البنات ياكلون ويسألوني ليه أوتار ما تاكلين
وقولهم بغصه مب يوعاااانه
وأنا بطني بيموت يوع ويسمعون أصوات من يوعي

\
/

موقف بعد

الله يهديها امي ما ترضى أروح المدرسه الا بضفيرتين...بنات الامارات (عقصين)
يا أمي ارحمينا حرام عليج
حجاب وضفيرتين فشلتينا
وهيهات أوتار مالها حكم ولا راي يمشي
وكل ما أجي المدرسه يضحكون
يقولون أوتار بلالاج من العصر الحجري يااايه
واااا فضيحتي
وشعري كان طويل ويطلع من الحجاب يا امي ليش اتبهدلين فيني
شسويت لج
ما ترضى
ههههه بعد لها طلعات غريبه هالوالده ربي يحفظها

وين الحين الاطفال الشور شووورهم والراي رااايهم

الفاضل:خالد

هنا ثمة شيء يجبرنا على المكوث

خاالد

دمت بألق حضورك

وننتظر صورة التااكسي(حمستنا)

[الحُلـم]

جميل حد الارتقاء ..

الفاضل \ خالد العبد الله

بجدارة إستطعت أن تكسب القلوب بطرحك ..

لي عودة أكيدة بأمر الله .. مازال لدي الكثير فأسمح لي ..