( كــلآمـ نـوآعــمـ ..!)

[نـــجـــلاء]

مثل راي مريم القص حلو والتسريحه حلوه ان كان زواج قريب جدا لكم وبالنسبه للمكياج احس ان السموك اي الظل الاسود مع تدخيل لون اخر معه وتكثيف الكحل والعدسات والروج يكون فاتح بيج او وردي بس هالمكياج مناسب للعيون الواسعه يعني اذا عيونك صغيره ميناسبك ياسمين الكوافيره ان كانت شاطره مؤكد هي راح تعرف طريقت المكياج والالوان المناسبه لوجهك ، الله يتمم عليك الفرح ، منال بصراحه موضعك تووووحفه رب يسعدكم بنات

[نـــجـــلاء]

بالله افيدوني انا طولي 160 ووزني 40 وزواجي ممكن بعد سته او سبعه اشهر ابغى حاجه تخليني مليانه احس انو راح اختفي على الاقل وجهي ابغى وجهي يكون مليان شويات مدري فيه حبوب او اكل او اي حاجه تنصحني

[مــنــــــآل]

أهلين نجـلاء ..
كثري أكل يعني اكلي وجبات بين الوجبات
وعندك الحلبة تمتن وتعطي صحة للجسم ونظارة وحيوية
بس الله يعينك على ريحتها .. قوية مرة
أغليها واشربيها زي الشاي واطحنيها واضيفيها بالشوربة
وتقدرين بعد تسوينها زي العجينة
تطحنينها وتخلينها ناعمة مرة وتعجنينها بموية الورد مع شوية عسل
وتضعينها على وجهك وتكررينها 3 مرات كل مانشفت تغسلينها وتحطينها من جديد
3 مرات بالأسبوع ..

وبعدين ليش تبين تصيرين متينة ..!!؟
اهم شي مايكون ضعفك فيه هزل وشحوب واصفرار بالوجه
يعني لاتفكرين بمسألة البدانة فكري بس بنضارة الوجـة
وانتعاش بشرتك وحيوية جسمك .. فهذا هو المهم
وعليك بالتغذية المفيدة والاكثار من أكل التفاح مع الحليب البارد قبل النوم
لانه يجمل .. يعطي الوجـة نظرة جمال
والف مبروك على الزواج مقدما
ومنه المال ومنك العيال يالغلا ..!

[مــنــــــآل]

المشاركة الأصلية كتبت بواسطة يـاسـمـيـن

يابنات لو تسمحو لي ابغى اسألكم سئوال انا بعد اسبوعين او اكثر بيكون عندنا زواج ولون فستاني اسود ماهو الون المناسب للمكياج وهل تنصحوني اني اقص شعري هاليومين وبالواج اعمل سشوار بس او اخليه واعمل له بالزواج تسريحه ؟ انا محتاره وابغى اعمل تغير شوي زمان ماقصيت شعري واخواتي يقولوا لا خليه وسوي تسريحه عند الكوافير

قصي شعرك ياسمين بس مو تقصرينه مرة
القص حلو وخصوصا اذا كنت من زمان ماقصيته
وبالنسبة للتسريحة أنا ما أحب التساريح
إذا كان الشعر ناعم وحلو مايحتاج له شي
بس اضبطي القصة وسوي له خلطه تعطه لمعة وحيوية وانتهينا
وبالمكياج مثل ماقالوا لك البنات الفستان الاسود كل الوان المكياج تجي معه حلوة
لكن انا احب معه الروج الأحمر مع تكثيف الكحلة السوداء
وانتي على حسب راحتك ..
وياهلا بك ..

[مــنــــــآل]

[ALIGN=CENTER][TABLETEXT="width0%;background-color:black;"][CELL="filter:;"][ALIGN=center]
[ALIGN=CENTER][TABLETEXT="width0%;background-color:black;"][CELL="filter:;"][ALIGN=center]
مناكير رائعة اتمنى انها تناسب ميولكم وتنال اعجابكم


























[/ALIGN][/CELL][/TABLETEXT][/ALIGN]
[/ALIGN][/CELL][/TABLETEXT][/ALIGN]

[نايف الشمري]

احم احم



جذبني العنوان وحبيت ادخل

إلا الموضوع خاص للمرأه بس

ماقريت شي ابد ابد

من عرفت انه للمرأه طلعت
بس قبل اطلع قلت برد لان اسمي راح يبين اني تواجدت هنا ..

مع عبدالرحمن وسالم

ودام الموضوع يخص المرأه ماراح ادخل انا ..

انا اتكلم عن نفسي لكن بعض الناس مالي دخل فيهم

وهذا انا بطلع

واعيد اني ماقريت شي ابد ابد .. ولا رد من ردود الهوانم ..

لاني من عرفت انه خاص للمرأه استحيت اكمل القراءه

وعلى فكره دام اني دخلت مبروك زواجكم ياسمين وربي يوفقهم



عبدالرحمن وسالم ..

لاتشوفكم عيني هنا خخخخخخخ




يالله سلام

[الصوت المسموع]

بصراحه ..


أنا أذكى واحد فيكم


لي ثلاثة أيام أدخل متخفي واقرأ كل شي

بس حبيت أعلمكم وسجلت أسمي ودخلت

/

/

على فكرة

فيه وحده منهم ذوقها حلو جداااا في المكياج

شكرا هههههه

[نسيان]

بصراحه هناك اطعمة تسبب السمنه و بنفس الوقت صحية و مفيده

الافوكادو :

فوائده انه غني بالدهون الاحادية غير المشبعه مفيد لصحة القلب (( اللي هاجر شخص يعز عليه )) يكثر منه
غني بفيتامين e و الالياف
فالحصة المطلوب ان ناخذها هي كوب شاي مقطع
فسنحصل على 240 سعره حرارية من هذا الكوب و 22 غرام من الدهون

زبدة الفول و زبدة اللوز :
يمكن ان يخفف من خطر الاصابة بالنوع الثاني من السكري
ويحسن حساسية الجسم للانسولين
اللي ما يحب اللحوم تعتبر مصدر جيد للبروتين
يجعلنا نشعر بالشبع
الحصة ملعقتا طعام
نحصل على 188 وحده حررية و 16 دهون

زيت الزيتون :

يكافح انواع كثيره من السرطان لانه يحتوي على حمض الاوليك
احادي الدهون غير مشبع
مضاد للاكسده " رائع للبنات فوق الثلاثين "
جيد للقلب " اللي منكسره قلوبهم و خواطرهم "
الحصة هي ملعقتا طعام
نحصل على 240 وحده حرارية و 28 غرام دهون

اللـــــــــــــــــــــــــــوز :

يخفض الكوليسترول
يساعد بتخفيف الوزن " اللي يبقون يزيدون يزيدون بعدد الحصص ,
غني بالدهون الاحادية
يوجد به الماغنسيوم و فيتامين e
وبه نسبه جيده من الكالسيوم
الحصة : 32 حبه نحصل على 164 وحده حرارية و 14 غرام دهون

الشوكولاته السوداء : عذابي

تعتبر مضاد للاكسده قوي يسمون فلافونويدز
تحمي شرايين القلب
الحصة هي 52 غرام
نحصل على 136 وحده حرارية و 9 غرامات دهون

اعتقد اللي تبي تزيد وزنها تزيد بعدد الحصص
و الشباب ايضا اللي داخلين غلط رونج سايد
ممكن تتبرقون و تدشون رحنا وطي من منااااال
بس هذي المشاركه بعد مو حلو شاب و يطير مع النسمه

[ماااريا]

المشاركة الأصلية كتبت بواسطة نـــجـــلاء

بالله افيدوني انا طولي 160 ووزني 40 وزواجي ممكن بعد سته او سبعه اشهر ابغى حاجه تخليني مليانه احس انو راح اختفي على الاقل وجهي ابغى وجهي يكون مليان شويات مدري فيه حبوب او اكل او اي حاجه تنصحني

ألف مبروووك يا نجلاء الفرح ,,

بس استغربت وزنك 40 كتير ضعيفة

بس وصفات منال خطيرة والله , باينها خبيرة تغذية

عندي وصفة مرة وصفها لالي دكتور وانا صغيرة

حكي لماما تحط لالي كرسي على باب الثلاجة ,,وتربطني هونيك ,,
استعملي هالوصفة وكمان عليكي بالشكولا تات يا خيتي , ما عندك وقت بستة شهور ماراح تلحقي ابدا ,


ابدأي من هون ,,
عمايل ايدية ...طيب اسالي ماما ,



وكمان هاي شيش طاووق




التشيز كيك هاي وصفة مميزة للنصاحة ,, يعني السمن ,, بس انا ما بحبها دسمة كتير ,,ما بقدر بتنفس بعدها




وهاي كمان عصير ,,



ازا خلصتيهم راح تصيري اسمن وحدة بالمملكة ,,

ههه

يارب يعجبوكي مس نجلاء ,, بالهنا يارب

[مــريـــم]

يانجلاء إذا تقدري تزيدي من 1إلى 4 كيلو حلو
وإذا ما قدرت خصوصا فترة الملكة البنات في الغالب ينحفون
ماأبغى أحطمك بس هذا اللي أسمع فيه
وشوي شوي بعد الزواج وبعد ما ترتاحي في بيتك
بيصير وزنك يزيد من نفسه فخليه الحين ناقص
لأنك يمكن تندمي على كل كيلو يزيد الحين لما تصيري كذا

ههههههههههههههههههههههه
إلا بتصيري أحلى عروسة إن شاء الله

ألف ألف مبروك يانجلاء تتهني يارب وتسعدي
في حياتك الجديدة