أسئلة بيزنطيه ؟؟ الجزء الثالث!!!

[نايف الشمري]

المشاركة الأصلية كتبت بواسطة حسين الشمري

نايف أبيك تعطيني نبذه تعريفيه موجزه عن شخصك؟؟

هلا ابو غلا ..

انا نايف الشمري .. من مواليد حايل ..في صغري كنت احب صيد الوحوش والسباع وذلك لان حايل فيها جبال كبيره شاهقه .. لذلك تراهم اخذين فكرة الفلم الكرتوني ماوكلي مني انا ..

والحين لازلت انا نايف الشمري ولكن تركت هواية الصيد وبدأت اعيش مثل باقي البشر ..

احب السفر حتى انهم لقبوني بأبن بطوطه خخخخخ
واحب الركض في البراد بين الزهور

هذي نبذه مختصره عني

[نايف الشمري]

المشاركة الأصلية كتبت بواسطة حسين الشمري

متى يقول نايف أوووووووف ؟؟ ومتى يقول هيّااااااااا؟؟
ومتى يقول لحوووول؟؟ ومتى يقول أخخخخخ؟؟ ومتى يقول
أفتيييييييييييييييييييييييييييه؟؟

اقول اوووووف يوم كنت صغير واحاول ان اصفر خخخخ
هيااااا بعد يوم انا صغير واقمز ( اقفز )
لحوووول اذا بنشرت السيارة
اخخخخخخ عندما اجي بشب النار واسوي القهوه ولا الاقي ولاعه او كبريت
افتيييييه عندما اجنز عمل خاصه في مراجعه الدوائر الحكوميه

[نايف الشمري]

المشاركة الأصلية كتبت بواسطة حسين الشمري

نايف الشمري أسم أشهر من نار على علم في قريته
ووسط جماعته ، كيف كونت هذه الشعبية الجارفه
وكيف حافظة على هذه الشعبية كل هذه السنين؟؟

هذه الشعبيه يبي لها جهد يابو غلا

فأنا اصحى قبل ان تزقزق العصافير واشب النار واسوي القهوه والشاهي واطلع اللوحه واحطها على الشارع العام ..اللوحه مكتوب فيها (( الله حيهم تقهوو ))
وكنت اروح في القريه امشي واصحيهم على الدوامات والصلاة واشغل سيارتهم لجل يسخنن واللي مافيها بانزين اروح اعبيها له وارجعها ..
يعني مطنوخ
والحين بداء ياسر يحذوا حذوي

[نايف الشمري]

المشاركة الأصلية كتبت بواسطة حسين الشمري

أبو ياسر ماذا تعني لك الأسماء التاليه:

- سلطان الخالد
- حبيب
- نوح أبو نواف
- إسماعيل
- أبو بدر ناصر
- سليم

سلطان خالد ..
رابع الثلاثه .. بمعنى اذا تبي تلعب ورقه وانتم ثلاثه اتصلوا فيه ويجيكم حتى لو كان نايم ماعنده مشكله

حبيب ..
عامل بنقلادشي جاب الشيب براس حسين

نوح ابو نواف ..
الصياد الصغير رامي

إسماعيل ..
يذكرني بـ بابا فرحان

سليم ..
يامن شراء له من حلاله عله خخخخ

[نايف الشمري]

المشاركة الأصلية كتبت بواسطة حسين الشمري

نايف نرجع شوي للأعضاء فلا بد أن يكون لهم نصيب
ولا عندك إعتراض ما تقدر ...

بما تصف كل من الأعضاء التالية أسماؤهم:
- عبدالرحمن منصور ابو اياد
- ماريا
- منال
- المنى
- الهيام
- مريم
- خالد الله يذكره بالخير
- شادي طيب الذكر
- سالم
- توته
- نسيان

اكيد يابو غلا ماعندي اعتراض ..

ابشروا انا بالخدمه ..

عبدالرحمن ابو اياد ..
الجندي المجهول وبنفس الوقت الكسول
شخصية هاديه ومحبوبه .. وبنفس الوقت شرس ومتوحش

ماريا ..
نشيطه ولكن بعض كلامنا ماتعرف معناه واحيان ودي اجيب سبوره واشرح لها جميع الكلمات


منال ..
تصلح عريفة فصل .. تحب النظام لو بكيفي سجلتها في الشرطه وتحطها بتفتيش .. مكافحها مثل نحول


المنى ..
احس انها شخصية رياضية اذا قامت تسوي تمارين الصباح .. وتهرول .. وتصف العائلة وتسوي لهم تمارين ..


الهيام ..
شخصيه هادئه .. وخجوله .. مع هذا احس فيها كسل ماهي بعيده عن ابو اياد خخخخخ


مريم ..
احس انها تموت بالشوكلاته هي شخصيه محبوبه ولكن احس انها ماتعرف تنقز .. كذا احساس بكيفي ههههه


خالد ..
خخخخخخ شخصية قوية وهو من جنبها .. خخخخ .. يحب الفلسفه وهو جيد فيها بس احيان يطولها عاد تعرف لانه طويل فلازم فلسفته تكون طويله


شادي ..
يااخي احس انه يحب الكاتشب مدري ليش .. المهم هو شخصيه دقيقه حيل ولكن مايدقق حيل .. تناقض هاه ههههه


سالم ..
احس انه يتابع كل شي .. واذا جاء بيرد على موضوع ياخذ قسط من الراحه مع شهيق وزفير


توته ..
تحب اللجه وحركتها كثير الله يعين طالبتها على كثر طلباتها خخخخخ


نسيان ..
يااخي مدري ليش احس انها تدخل وتطلع من المنتدى بهدووووء تام .. حتى مشاركاتها هاديه ..
احس انها الى الحين ماتعودت علينا ويبي لها اننا نسجنها هنا ..خخخخخخخخ

[نايف الشمري]

المشاركة الأصلية كتبت بواسطة حسين الشمري

أخ لو يرجعون الشله تسان علوم
تسان يا ماريا يعني كان

تدري نايف أبيك تترجم هالكلمات للشعب البيزنطي :

- تسذوب
- شفايه
- يمال العجره
- وش نوحك
- يمال البلش
- وشربوو
- يمال الغاضور
- شنقك
- إنزح
- قوه
- يمرش
- أروج
- شين
- تسربه
- بيز
- أأ ها

خخخخخخخخخخخخ
من هالحين تقول ااخ يابو غلا وتتوجد على الشله خخخخخخ
وحنا تو بدينا ..
وهذه من علامات انكم تأتون هنا بروح الهزيمه ..

ارجع للاسئلة وبجاوب ..
تسذوب ..
معناها كذوب اي كاذب

شفايه ..
حب استطلاع وحكه في الصدر لمعرفة شيء حاصل ومخفي عنه

يامال العجره ..
يعني عصاء مخصصة للضرب تقع عليك بقوه من يد نشيط


وش نوحك ..
هذي لها عدة مصطلحات مثل وش بلاك .. وش قومك .. وش بك
يعني وش فيك وماذا دهاك وماذا حصل .. يعني ماهو السبب اللي خلاك تفعل هذا الشي

يامال البلش ..
يعني انت برحه اي ماعندك احد .. يعني على بلاطه انت دلخ

وشربوو ..
هذا ماادري اول مره اسمعها يمكن انت ماكتبتها زين لكن يمكن انك تقصد وش اشربوه يعني بماذا اشرب

يامال الغاضوور ..
هذي لما الواحد وهو صغير يسوي شي اكبر منه يقولون له يامال الغاضور والغاضور هذا مثل الغضروف لكن هو ماهو مثل بس يقرب له


شنقك ..
لها عدة معاني .. إذا انت تاكل وقالوا لك كل من شنقك .. يعني كل من ركنك والمكان القريب منك اذا مديت يدك وخليتها تجول في الصحن
اما اذا انت جالس وقالوا لك اجلس على شنقك الثاني .. يعني اجلس على نصفك الثاني
اما اذا قالوا نبي نشنقك اي يلفون حبل حول رقبة الواحد ويعلقونه برقبته يعني جط رجلك وانحش


إنزح ..
يعني ابعد . وخر .. ابتعد عني قليلا


قوه ..
يعني هيا بنا .. او يالله مشينا


يمرش ..
يعني برحه .. اي ماعندك احد .. اي السالفه او الشخص لاتصدقه


اروج ..
يعني بسرعه .. هلم بنا .. اركض


شين ..
يعني عكس حلو وهذي معروفه


تسربه ..
مأخوذه من التسريب .. يعني السر لازم تبوح به وتسولفه ..


بيز ..
هذا قطعة قماش مربعه بحنكه وحرافه حتى نمسك بها الاشياء الحاره


ااها ..
يعني فهمت .. وغالبا ماتقال هذه الكلمه اذا انت مافهمت شي وعجزت لاتفهم وتبي تسكت اللي يكلمك
خخخخخخخخ

[نايف الشمري]

المشاركة الأصلية كتبت بواسطة حسين الشمري

يلا شباب وبنات شدو الهمه

نايف ما ودي أخلي رد بدون سؤال

أبيك تكتب لي تعبير مفهوم وواضح من خمس
كلمات تعبر لي فيها عن قطرات أدبيه ...

منزل سكانه محبوبين وطيبين وغالين

[نايف الشمري]

المشاركة الأصلية كتبت بواسطة الوردة الظامية

-

السلام عليكم




لنا عودة دسمه هنا وعلى رواق إن أراد ربي

الحين بس ألقي نظرة ومااتشمت



-

وعليكم السلام

لك عوده هلا لكن دسمه احس ان قلبي نغزني من قريتها خخخخخ
الجو بارد والدسم يضر بالبرد خليها من غير دسم

[نايف الشمري]

المشاركة الأصلية كتبت بواسطة حسين الشمري

إي والله نسيتها فطنتيني يالورده الله يفطنك للشهاده
الحين أجيبها له ...
وها هي باسلة من بواسل بيزنطه ومن المحاربين القدامى
تعود لساحة المعركة فالويل والثبور لأعداء بيزنطه
والعذاب لمن يقع بسجنها ...

نايف على طاري الورده وبما أنها مثلي ومثلك من المغبرين
بالمنتدى من تفقد بالمنتدى ؟؟
وما هو السؤال الذي مر عليك
سواء أنت السجين أو غيرك ولم تنساه ؟؟

هلا ابو غلا ..
انت مثابر ومجتهد ومع ذلك تحمل اذيال الهزيمه في كلامك
المهم
افقد كثير خواطر محروم
والنيزك
وخالد
ووووووو


الحين يابو غلا انا هنا طاوي كل الصفحات القديمه وحاط تركيزي كله هنا
ومامر علي سؤال او ماني قادر اتذكر لاني فرمتت ذاكرتي استعداد لكم

خخخخخخخ

[نايف الشمري]

المشاركة الأصلية كتبت بواسطة الــمُــنـــى

[align=center][tabletext="width0%;background-color:black;borderpx inset teal;"][cell="filter:;"][align=center]
/
\


حمستوني للذي مضى ..
الله يعينك كل شيء ولا الطقطقة على الكيبورد ..
بجد العملية مرهقة

::

الجو جو شتاء ويحلو السمر عند الكثيرين بهالفصل دون غيره ..
نبي نعرف
نايف الشمري وين يسمر بالعاده ..؟؟!! ومع منو ..؟؟!!
وشو هي عوايدك بالسمر ..؟؟!!
وشو الأكلة التي تحب تأكلها لو طلعت للبر ..؟؟!!
وهل يفرق السمر بالصيف عنه بالشتاء ..؟؟!!
أبيك تتخيل أنك يالسه بالبر الحين
أبي منك بيت شعر كيبوردي عن حائل ( طازه مو قديم ) ..
بعدين كم درجة الحرارة عندكم بحايل اليوم ..؟؟!!
وهل هي أقل أو اكثر من أمس ..؟؟!!
يقولون حسب الروايات الشعبية اللي عندنا بالإمارات
أن البرد بهالايام يسمونه برد العيوز ( العجوز ) تتوقع
شو سبب التسمية ..؟؟!! وليش ما قالوا برد الكهل أو الشيخ ..؟؟!!

وأكيد برجع لو لي عمر

فاصل ونواصل

[/align][/cell][/tabletext][/align]

اهلا المنى ..
ماعليك عندي مناعه .. مااتعب من الكيبورد خخخخخخخخخ قولوا ماشاءالله خخخ

اسمر في بيت الشعر .. جلسه وشبت نار وتعلله .. مع ابو خالد وابو فارس وابو محمد وابو علي وابو سعد
مالي عاده .. اجي بالليل واسري على الـ 12
اما الاكل في البر .. فأنا احب اكل الحم خاصه التيوس لاني يوم انا صغير مثل ماذكرت لكم اول احب الصيد واستانس اذا شفت الدم خخخخخخخخخ

اكيد يفرق السمر في الشتاء عن الصيف .. الشتاء ليله طويل وبرد وتحلو فيه شبت النار .. لكن الصيف لا الليل قصير والنار ماتصلح فيه

هذا انا غمضت ( سكرت ) عيوني وتخيلت .. اقول
اي والله احب حايل يابعد حيي
دار لكرم والجود واهلي وجداني

درجة الحراره اليوم في الليل 5 وفي النهار 13
لا امس كانت اقل كانت 3 في الليل وبالنهار 12

اما برد العجوز وتسميته بهذا .. حسب خبرتي في الحياة ومعاصرتي لعدة اجيال .. فالعجوز تخشى من البرد وتلاقينها بس جالسه عند الدفايه ولاهي مخليه شي من ملابسها الا ولابسته .. ومع هذا تحس بالبرد وتعطس وتنزكم ..
اما ليش ماسمي ببرد الكهل او الشيخ .. لان الكهل والشيخ يطلعون برا البيت فشي طبيعي انهم يحسون بالبرد


حياك المنى وخذي راحتك وكثري من الفواصل فهي تعطي نشاط وحيويه