محـآل أنت تحبني ..!

[مــنــــــآل]

//

\

//

\

جيت أقول لك
لا تقول أنك تحبني
لأنك ماتحبني
الحب كله تضحية و صبر
مايجي الحب بالقطاعة والهجر
أنتهى فيك الوصل
وضآع فيني العمر

والقلب منك يون ويشتكي
تعـآل هآك أنـــآ

ضمني

شوفني
كيف أحبك
كيف أوصلك
كيف أغنيك
كيف أبكيك
كيف أسهرك
لاتقول أنك تحبني
وأنت كلك غياب
أنت مات فيك الوفا
جيتني كلك دفا
ورحت كلك عذآب

لا تقول أنك تحبني
خلاص طلعتني أنت من عالمك
وحطيتني

في هامشكـ

والحب في قلبي يحتضر
وين لهفتك..!!

ليه قسوتك..!!
كل أعذارك ماتنصفك

تعال .. شوفني
كيف أضمها جروحك وأنام
كيف أكتبها حروفك و أبتسم
ليه بس أنا أصبرك .؟!
و أتحملك و أشتاق لك ..؟؟!
ليه هو قلبي
بس اللي يحس..!!
و اللي يحب ..!!
وأنت يعني قلبك صخر؟!
لا تقول أنك تحبني
و الحب عنك بعيد

تحبني ...؟
طيب أشرح لي كيف ..؟
يا أبرد من برد الشتاء
يا أحر من شمس صيف

تحبني ...؟
طيب بسألك ..
هو اللي يحب ليه يبتعد..!!
ليه يكسر مجاديف الأمــــل ..!

تحبني ..؟
طيب هذا أنا
ليه ماتجي..!!!

ونقطع أسباب الغياب
و نلتقي ,,..؟

أنت ماتدري
أني أبني أيام عمري
على حلمي معك
ولا أنتهي
إلا على صوت دمعتي
أشره عليك

كيف قدرت عني تبتعد..!!
عقب ذاك الوعد !!
عقب ذاك الهيام..

وأنا كلي بين أيديك ..!!

تحبني ..؟
طيب ليه تستكثر
على قلبي العطــــآ .؟!!!
ليه تحجب أحساسك
وتخفي عني ملامح أشواقك !!

محـــآل .. أنت تحبني
أنت كنت تحبني
واليوم نسيتني

وصرت أنا مع الملل ..
أشبع أحتياجي في بقايا صور

و رسايل
مكتوبة من أيام الغلا
أتنفسك جرح

وأحيا بك ندم
أموتك ألم
وأنتظرك أمل ..

تحبني ...؟

بالله كيف تحبني ..!!

وأنت مــفارق

وأنآ أنتظر

ولايجيني منك

غير الكثير من الوجـع

لو كنت تحبني صحيح

كآن خفت

من رحيلي

عنك بلا رجوع

و على وصلي تظمى وتجوع

لكن للأسف ..

مايفرق عندك

حضوري والغياب

كله يشبه بعض مايختلف

تحبني .. ؟
لا حشا ماتحب
ترى الحب كــله عمى
كله مشاعر تحترق
كله سهر
وشوق موجع

وحنين مايستكين

الحب ماهو سهر

على قصيد وغزل

الحب أحساس غريب

يخليك تحس

بلذة بـ العذآب

وتخــآف

من طــآري الغياب

لا تعتذر ..
أنت قلبك تجرد

من أصدق شعور
وباقي أنا ..
أنسآك و أتجردك
وأقسى على باقي المشاعر

وأهجــــركـ
وأنزع من روحي حبك

و الشقا

أنـــآ أعترف ..
أني معك

أضعف من الطير السجين
وأعترف
أني أحبك

رغم جرحك و الرحيل
لكن
السنين بتفك قيود

هالحب الحزين
وباكر

بينجلي الغيم

وكل الأمور بتزين

مسألة وقت
وأنسى

وأرتوي وأنتعش
بس الحين

الحب فيني يرتعش
ولازلت أشتآق

وأرتجف

وأبكي وأحـن

وأعترف
أني أضعف عند
طاريك

و كلي آهات و سهر
وأنت لآهي
وكلك

" غيآب و غرور و هجر " ..!

/

/

أرتجالية ..

الأربعآء 17/ 12/ 2014م

 

[نسيان]

الله الله يا زين لسان الصدق لين كتب مشاعر النار اللي تستعر
ايه كيف تحبني وانا كلي انتظار و انت تتلهى عني باختصار انت ما تعرف الحب ولا تعرف قوانينه هذي احوالي اخطاها لك باليمن و اصرخ بها بصوتي الحزين
وانت
ايه انت تسمع و تقرا وكان الحكي ما يعني له ولا يخصك ولا لك به طرف من الحنين


مناااال يا زين الارتجالية لين كتبت النقاء والروعة و الطهر و الجمااال
لا فض فوك
من جمالها تمنيت ما يقف القلم عن كل اوراق الكون خل يخط الجمال والابداع عليها وما تنضب
من روعتها تمنيت اني ما اصل للسطر الاخير يااااه لجمالك وروعة انينك
تسلمين لا خلا و لا عدم

[سحر]

الله حسيبه
وجدي على اللي كل ماحل طاري
صديت بعيون الشقا ثم بكيته
حطيت قلبي ياملا بكف يمناه
والظاهر انه ماانتبه وش عطيته

منال يالجمال..
مبدعة بمعنى الكلمة
صح لسانك وقلبك وكلك..

[كاريزما]

تعـآل هآك أنـــآ
ضمني
شوفني
كيف أحبك
كيف أوصلك
كيف أغنيك
كيف أبكيك
كيف أسهرك

والله يا منال معاد أعرف أيش أكتب من اللى قرأته
شيء جميل ولكن عتب مؤلم والله

[مشاعر انثى]

ياعيني
ياعيني يامنال
كلمات رائعه بالفعل...
لكِ الود .

[متاهة الأحزان]

هو الحب عذاب

كله قصة غياب

وقلب بالاشواق ذاب

/

منال

/

نصك باذخ

تعجز عن مجاراته المحابر

جميلة انت في كل الحالات

فكيف بك هنا

لقلبك جنائن الياسمين

وكل الحب