ظبي كحلان.....
آه ياقلبي
على موقف حصل
هز إحساسي بنظرات خطوفه
حين لاقاني على سفح الجبل
ظبي بكر..
يقطف المغرس يلوفه
ظبي من كحلان معشوق القبل
تسكرالأحلام من نشوة رشوفه
ياحلاه الغصن في كفه ثمل
وياحلات القات من لمسة قطوفه
وجنته خمره
وشفاته عسل
وغرته..
قمرة هلال في نصوفه
وطلعته..
شمس يداعبها خجل
عن مداها سهيل
قد أعلن عزوفه
سرت كالمجنون بعده لم أزل
في الهوى رسمي مسجل في كشوفه
وكيف أعقل كيف ياقل الحيل
خافقي مصيود والمهجه نزوفه
ومن قديم الناس قالوا في المثل
الهوى فتاك ماتخطي سيوفه
لاتلوموا اللي على دربه نزل
عاشق معذور لوطول وقوفه
يسأل النظرات أخبار وزجل
تسبك المعنى تصورها حروفه
في هوى فتان مامثله مثل
شدني حسنه وأعيتني وصوفه
حتى حرف الشعر..
وقف و انذهل
ماقدر يوصف جمال اللي يشوفه
راوي الأعطاف بالرقه كمل
رابي الأرداف أفديها ردوفه
والجنى قد طاب فوح واكتمل
فوق غصن..
مال في قامه هنوفه
والشعر ليل تحدر وانهمل
فوق متن الصبح يغشاه ويطوفه
ذوب السوسن مع..
نرجس و فل
وصبها كاسات وجنات شغوفه
وقالي :
اشرب بعينك لا تمل
وكيف أقنع..
كيف يرويني وهل..
تروي النظرات أشجاني اللهوفه
ليت والله ليت يعطيني أمل
ليلة بالوعد يتحدى ضروفه
صدفة كالغيم بارقها هطل
لوسقاها الدمع ..
تستاهل ذروفه
سار وخلاني على كف الأجل
بين ليل وريح وامواج عصوفه
الندى والغيم وازهار النفل
والهبوب اللي تعطر..
من هفوفه
كلها تشكي وتشرح ماحصل
في الهوى مابين
أشواقي وخوفه
يابياض السحر..
في سود المقل
وياسواد النقش من..
أبيض كفوفه
شفت بدرالناس لويكسف أفل
بس هذا البدر..
زينه في كسوفه .
***
الشاعر منصر فلاح
صنعاء.me5-001.jpg
18-07-14, 08:24 AM
ظبي كحلان
(عرض الكل)
الاعضاء اللذين قامو بقراءة الموضوع : 4
