محدثات الصقاؤه

[بندر سعد الروقي]

محدثات الصقاره

يــابــو فهــد اســمـع كلامــي لتـاليه
والــكــل مــنا مقتــنع فــي قراره

الله مـــن حــر" تـــشــدك مــواريه
ولاجــا الــهداد يفــشــلك باستداره
عين" على التنده وعين" على يديه
شــفه وهــوى قلبه يجي فالغماره
ودك لــيا جيــته تــحــول وتــرميه
شي" يعيــف من صـقر بالصقاره
والله مــن جــير" تحــقره وتـــزريه
لـه مـاقـف"طيــب ويــقدح شـراره
اللـــي غفــل عنه مـعد صار يمديه
يــشوف فــعله بالــهدد وانتصاره
اسبق من ارصاص المـشوق تعليه
يجيب راس الخرب سبق وشطاره
طيــر الفــعل قطع الجدل والمشاريه
واللــي يــضمه يــشتهر بــاحتكاره
يحـــقله يــمدح بــطــيـــره ويـــغليه
دامــه حــوا زيــن"وسبق وجساره
الله مــن شــيخ" تــداحــم بــــلاويه
تــعبــت يــمينه عقــب اتعب يساره
بــلاه فــرخ"اجتـــهد فيـــه يــــدعيه
ووقت المــصامد اقــتنع بالخساره
تــاق وتنفض والتفت صوب راعيه
كنــه يــقول الــموت قـرب مزاره
وبـــلاه قرنــاس"يحـــسبه بينـــجيه
اطــلـب وهــده وانـــتهاء بانكساره
خـــرب"تــعلا بالسـماء ثم لعب فيه
عطــاه درس"بــالسبــق والبطاره
الله يعيـــنه انصـــدم بالمــــــشاريه
وقــام يــتوحى وقــتنع بــاستشاره
بانصــحك ياعود"هوى الطير مشقيه
عليــك بــالجــير المــروع طياره
اسبق من وحوش الهوى في تمثنيه
واشجع واجمل محدثات الصقاره

وسلامتكم

[نسيان]

وسلامتك و صح لسانك
و الله يعين
ما اروع هالطير اللي يعطي دروس ومعاني ومغزى
السبق وكيف يكون راعي المهاره

يالله بندر انت رااائع وفعلا سجلني من المعجبات بكلماتك واقصايدك

[بندر سعد الروقي]

المشاركة الأصلية كتبت بواسطة نسيان

وسلامتك و صح لسانك
و الله يعين
ما اروع هالطير اللي يعطي دروس ومعاني ومغزى
السبق وكيف يكون راعي المهاره

يالله بندر انت رااائع وفعلا سجلني من المعجبات بكلماتك واقصايدك

صح قلبك
سعيد جدا" بمرورك
ومتابعتك وسام
كل الحب والاحترام
لروحك

[مزاحم الشريدة]

عزيزي بندر
رائع سلمت ولك ودي .