سلطان خالد الشمري

[سلطان الشمري]

سم العقارب لو اجرب اذوقه
ظني يتعكر من جروح(ن) عطايب

ليت الجروح الي احتوتني رفوقه
وليت السبب معروف وتبطل عجايب

طعنة زماني .. لو بغيري تعوقه
ان كان ماهلّوا عليه الترايب

اضحك لمن حولي وأخَفّي حروقه
قلب(ن) تكوى من المصايب لهايب

نفسي كذا .. للطيب ياهي شفوقه
ورث(ن) من اللي سيرته طيب غايب




خامست حظ(ن) لكن ابطى شروقه
وفي قومته .. لابد يجني نشايب

الشعر جيته مابي احفظ حقوقه
همي الاقي من يلبي النحايب

لو هو عصاني غصب عنه اسوقه
حتى الدفاتر تنفتح لي زهايب

دامي احس الدم يجري بعروقه
انا وقصيدي كل يوم(ن) طلايب




الحزن وثّق في فؤادي وثوقه
حتى لمحت الروح بارض النصايب

ليلي سهرته مع نجوم(ن) تفوقه
فوق السحاب مودع(ن) للمصايب

شارد بفكر(ن) خوفي اني اعوقه
ودي مع الأحلام أبقى هبايب

مادام قلبي للفرح .. باح شوقه
يالله ولو اوهام .. ياحلم خايب

راحت حياتي بالتمني شفوقه
تنبض ولكن ..! انتهت دون صايب

ياحروف اسمي شفتي انك عقوقه
حتى المعاني تنزف الدم ذايب







وسلامتكم


أخوكم


أبوشوق

[سلطان الشمري]

صح بدنك يالغالي


ولاهنت على كرم مرورك



دمت بحب



أخوك

[غربه]

نفسي كذا .. للطيب ياهي شفوقه
ورث(ن) من اللي سيرته طيب غايب


و انت فعلا كذلك ..

صح لسانك .. يا سلطان .. عودنا على ما انت عليه ( فناااان )
دمت بخير ..

غربه

[الــمُــنـــى]

/
/

لحضورك حضور الشمس
نور وضياء ..

أخي القدير / سلطان الشمري
رائع كعادتك
دمت بألق

[مشاعر انثى]

الأخ سلطان الشمري
ربي يبعد عنك العين وين مارحت لروعة تلك الأبيات التي تكلمت من ضمير0
موفق

[نايف الشمري]

ابو شوق ..

عانقت بنا سمآ الإبداع

هكذا انت ..

فعندما تكتب لاترضى الا بالجزاله

صح لسانك مددا ً

لك كل جل واحترام

[حسين الشمري]

أبو شوق شاكر لك كرم هطولك

من يقرأ لك ينهل شعراً ويشبع .

لا أملك إلا أن أقول لك صح لسانك فمهما تكلمت لن أفي هذا النص حقه .