من أنت يامن خلف قطرات ؟00

[مشاعر انثى]

كم جميل أن نجتمع هُنا وكم هو جميل ايضاً ان نعرف من أنت ومن أنا000؟
نعرف من هُم خلف تلك القطرات التي جمعتنا كاأسره وآحده0
حبيت اضع بين أيدكم هُنا بعض من تعبيئة البيانات الشخصيه:D
{ لاتخف لاتوجد هناك وظيفه :p0 ولاتوجد هدايااا;)0}
كل ماعليك ان تبصم هُنا بعض من مقتطفات السيره الذاتيه
فقط نُريد ان نعرف من خلف شاشة قطرات وماهي اطباعهم وماهي مؤهلاتهم
فقط من باب حُب الإستطلاع00

_ اسمك { لاتخاف فقط المستعار هُنا00:D}
_مؤهلك العلمي { موظف, طالب , دكتور 00}
_جنسيتك { حشى صارت خطبه 0 لاتخافون ماني مزوجه شباب قطرات مثل ماسوت لكم الرونق }
_عمرك { هنا بعد لاتخاف تراني اكبر منك:p}00
_متزوج
_ طبيعة عملك00
_ماهي أُمنيتك في الحياااه
_ ماالذي تخاف منه
_ ماذا تحب ان تقرأ من الكُتب أياً كان نوعها
_ موقع تتردد إليه ويعجبك
_ موقف ظريف حصل معك
_حكمه تؤمن بها وتُرددها دائماً
_ تحب السفر؟. وش الدول اللي سافرت لها
_وش يعني لك { منتدى قطرات} ومن دعاك إليه ؟
_أكله تحبها
_ اذا عندك لغز خفيف ممكن تطرحه هنا0
_ عندك ورده من ودك تعطيها لأعضاء قطرات عادي المجال مفتوح :p
_اذا عندك قصيده او خاطره وودك تحطها وترسلها لأحد كذالك مايمنع { عادي :D}
_ عندك نصيحه ودك تقولها { تفضل لايردك إلا لسانك ;)}

*****

اتمنى التفاعل { كل الأسئله اتمنى الإجابه عليها بدون حذف او علامة إستفهام :mad: يعني إني معصبه:p00}
ودمتم بحفظ الله

 

[مشاعر انثى]

عاد أنا ابغى ارد { اسمحولي }
اسمي { مشاعر أنثى } 0
مؤهلي { ماكملت تعليمي للأسف }
جنسيتي سعوديه
عمري مثل ماقلت لكم انا اكبر منكم عمري32 سنه { العمر كله يامشاعر }00 (^_^)
متزوجه { وأُم } يارب يحفظهم0
طبيعة عملي كنت مُدربه لإحدى المراكز { لذوي الإحتياجات الخاصه }
أُمنيتي في الحياه ان يتحقق حلمي الذي كل من حولي يدعون لي }
الذي أخاف منه { البر لأني مره ضعت فيه وسبّبّ لي خوف }
أقرأ الكثير منها { زاد المعاد0 الجرايد بإنواعها00}
المواقع { ماعندي موقع مُعين }0
موقف ظريف { يااااكثرهم 0 سالفة البر اللي حكيتلكم عنها 0 كنا من زمان في البر طلعنا من الصبح الى وقت المغرب 0 يوم جا وقت المغرب مدري شلون ابتعدت عن اهلي شوي والتفت مالقيت احد جلست ابكي وابكي مثل صياح الطفل وصراخ {0 هلحين لما اتذكر السالفه اموت ضحك 0} المهم شوي اشوف نور من بعيد نور سياره إلا هذولي اهلي جو عندي كفختهم وضربتهم بالصخر { عاد واحد من خواني ميت ميت ضحك علي قالي منو اللي ضاع ومنو اللي يمشي وضيّع طريقه انتي صح قتله ايه { قال وجعه اللي توجع عدوك اركبي في السياره بسرعه لابارك الله بعدوينك } يمااااا والله من خوفي من الهواش نسيت حتى اني ضعت في البر } صارت السالفه طاش ماطاش
حكمه أرددها دائماً { من حفر حفره لأخيه وقع فيها00}
احب السفر { بس ماقد سافرت للخارج إلا الكويت }
وش يعني لك قطرات { هو بيتي الثاني تلقوني 24 ساعه فيه { اللهم لاحسد} ومن دعاني إليه { الأخت الفاضله منى }
أكله أحبها { المطعم الصيني { وجبتهم اللي بالجمبري والخضار يم يم يمي0}
ماعندي لغز حالياً
عندي ورده احب اهديها للكل بس استثني منها { للرائعه منى }
قصيده او خاطره ماعندي هلحين شي بحاول اجيكم انتظروني0
نصيحتي { كُن دائماً مبتسم حتى لو بلغت هموم دُنياك الماً00}
مودتي

[خالد العبدالله]

السلام عليكم

أختي مشاعر أنثـى

كثيرون لن يستطيعوا البوح بالإجابات بشكل دقيق .. وحق لهم ذلك
رغم أني أكثر من يبطنون أمورهم بالـ ( غموض ) لكني أكثرهم شفافيه !!

_ اسمك
خالد سليمان عبدالله الشمـري

_مؤهلك العلمي
مؤهلي العلمي / دبلوم ملاحه
عسكري في القوات البحرية الملكية السعوديه
<---- جاب كل العايله ههههههههههههههههههههه

_جنسيتك
سعودي الأصل و المنشـأ

_عمرك { هنا بعد لاتخاف تراني اكبر منك:p}00
29

_متزوج
نص متزوج خخخخخخ
متملك يعني

_ طبيعة عملك00
صيانة طيران ( هيلوكبتر )

_ماهي أُمنيتك في الحياااه
أن أكون كما أراد لي أن أكون !!

_ ماالذي تخاف منه
أكثر مايخيفني أن أكون من ( الذين ضل سعيهم في الحياة وهم يحسبون أنهم يحسنون صنعا )

_ ماذا تحب ان تقرأ من الكُتب أياً كان نوعها
كتب القصص .. خااااااصة التاريخيه منها

_ موقع تتردد إليه ويعجبك
موقع النصر
<--- يبي يقهر بعض ناس
:p

_ موقف ظريف حصل معك
ألحين خليني أنام ما أقدر أفكر
لكن بإذن الله ان قمت الصبح مصحصح بأتذكر وأرجع هنا أعدل ردي وأكتب لك موقف

_حكمه تؤمن بها وتُرددها دائماً
ماطاح من النجوم .. اخف للسما

_ تحب السفر؟. وش الدول اللي سافرت لها
أحبه جدا" أوي ..
ماسافرت إلا للكويت ..

_وش يعني لك { منتدى قطرات} ومن دعاك إليه ؟
يعني لي صدق .. حاره قديمه
مادري ليه أحس إننا كنا بحاره قديمه يوم حنا صغار .. وإلتقينا بعد غربه
أول منتدى أشوف فيه الكل يحب .. الكل يحترم .. الكل يبحث عن الثانين
حرم الله وجهكم آل قطرات على النار .. والمسلمين أجمعين

اللي دعاني نايف .. بمساعده من القرار

_أكله تحبها
الجريش
تصدقيني ذكرتيني ( بوه ) !!
بحول الله لأخلي أمي تضبطه لي بكرا ..
الله يسعدك يا أم نايف .. ويرزقك بكرا شي تحبينه

_ اذا عندك لغز خفيف ممكن تطرحه هنا0
وش بين السماء و الأرض !!

_ عندك ورده من ودك تعطيها لأعضاء قطرات عادي المجال مفتوح :p
ورده من نور .. مغلفه بكيس من إخاء .. ولها رائحة الصدق
أقدمها لك على عجل أم نايف .. فأنتي من اطهر القلوب التي عرفتها في عالم النت

_اذا عندك قصيده او خاطره وودك تحطها وترسلها لأحد كذالك مايمنع { عادي :D}
ماعندي إلا النوم يا أم نايف
:(

_ عندك نصيحه ودك تقولها { تفضل لايردك إلا لسانك ;)}
من يتمادى في أخطاءه .. فلا يظن أنا باب التوبه مغلق
كلما أذنبت .. عد وتب ليفرح الله بك

هذي النصيحه لي قبلكم

خ.ألـد

[مشاعر انثى]

والنعم والله بالشمري
{هلابك اخوي خالدالشمري :eek: توي ادري انك شمري}
اجل انت تخوف ياخالد أسلحه وغيرها 00 ياربي استر:D
شفت شلون هذاالموضوع خلانا نعرف مين ولد العم من ولد الخال
عاد ياخالد { حتى هنا فيه نادي رياضي ياااااربي }

اسعدك ربي ياخالد وشكراً على هديتك الطيبه ربي يحفظك
ونوم العوافي
بس ها موتخلي باقي الأسئله من المواقف وغيرها
وإذا تبيني احل لغزك عادي احله { مو حرف الواو صح ;)}
يله ننتظرك عاد مو تتأخر :D
الله يحفظك
يله عسانا نشوف بطاقة شخصية الباقين :rolleyes:

[نايف الشمري]

_ اسمك { لاتخاف فقط المستعار هُنا00:D}
نايف الشمري

_مؤهلك العلمي { موظف, طالب , دكتور 00}

موظف

_جنسيتك

سـعـودي

_عمرك { هنا بعد لاتخاف تراني اكبر منك:p}00

32 سنة

_متزوج

وعندي ولد وبنت

_ طبيعة عملك00

حكومي

_ماهي أُمنيتك في الحياااه
كثيره ..


_ ماالذي تخاف منه



_ ماذا تحب ان تقرأ من الكُتب أياً كان نوعها
الشعر

_ موقع تتردد إليه ويعجبك
قوقل خخخخخ

_ موقف ظريف حصل معك
الحين ناسي خخخ

_حكمه تؤمن بها وتُرددها دائماً
مافيه حكمه محدده

_ تحب السفر؟. وش الدول اللي سافرت لها
يعني ماهو لذيك الدرجه .. الكويت .. الاردن ..

_وش يعني لك { منتدى قطرات} ومن دعاك إليه ؟
بيتي الثاني .. ورونق هي من دعتني اليه .

_أكله تحبها
الجمريه .. ( وماراح اقول لكم وش هي الجمريه )

_ اذا عندك لغز خفيف ممكن تطرحه هنا0
ايهم أطول أنا أو خالد ؟ خخخخ

_ عندك ورده من ودك تعطيها لأعضاء قطرات عادي المجال
مفتوح :p
لرونق .. التي جمعتني بكم هنا

_اذا عندك قصيده او خاطره وودك تحطها وترسلها لأحد
كذالك مايمنع { عادي :D}
بيتين كتبتهم ودائما ً أرددهم بيني وبين نفسي ..

يبقى غلاها شامخ ٍ دامني حي
يعجز زماني لايزحزح غلاهـــا
/ \ / \
هي السعاده والدفاء والوطن لي
وانا فـرحهـا والحـنـان ودفـاهــا

_ عندك نصيحه ودك تقولها { تفضل لايردك إلا لسانك ;)}
خخخخخخخخخ لا والله ماعندي



في الاخير ..

يعطيك الف عافيه اختي مشاعر انثى

على هذا الموضوع الرائع

ارجو ان اكون وفقت في إجاباتي

تقبلي كل ود

[مشاعر انثى]

هلابك اخوي نايف
وشاكره لك على الإجابات الرائعه
انا ماراح اعلق فقط إلا على الاكله { جمريه }
تراني اعرفها :p
اقولك اياها هي خبز بالناااار ;)
صح :D
كنت برد على كل ردك لموضوعي بس يوم شفت انك منت معلمنا على الجمريه قلت لازم ارد عليه واقول تراني ماني هينه :p:p
بس ابغى اعرف هل الجمريه نفس اللي قتلك عليه اوانا غلطانه:eek:

أما من أطول أنت أو خالد
اخاف اقول نايف أطول رغم أني مااعرف شي { يجي خالد ويحلف ويقسم أنه أطول :p:D }

بس ها لاتنسى اخوي نايف فيه بعض الاسئله مارديت عليها ننتظرك
بحفظ الله

[مشاعر انثى]

هلابك اختي رونق
إما دكتوراه في شغل البيت { اجل مثلي ماشاء الله }
اجل هنا انكشفنا كلنا شياب وعجايز { وانا احسب عمري اني الكبيره هنا } ههههه
بس ليش منقرده بسم الله عليكِ اختي { اذا مسألة منقرده يمكن حتى انا بعد منقرده }
ومسألة القيمزرر { ياخطيره انتي اجل خلينا نتبارى انا معك ونشوف من الشاطر تراني عاشقة البلياردو { اعجبك }:D
الرونق شااااااااااااكره لك مرورك { لاتنسين تتدربين على البلياردوا عشان التحدي :D

رغم انك ماجاوبتي على اكمال البطاقه بس يلله مسامحتك :p

{ اخر شي اقول الله يخليك لعيالك وتشوفينهم متزوجين ومعيلين ياااارب 00 صرنا عجايز :p }

[حسين الشمري]

_ اسمك حسين مرشد الشمري
_مؤهلك العلمي { موظف, طالب , دكتور 00}
تبين المؤهل ولا الوظيفه <<< يعني لازم تعقيد قل معلم وخلاص
_جنسيتك سعودي
_عمرك طقينا 31
_متزوج يس
_ طبيعة عملك .. أدرس إجتماعيات ، تاريخ وجغرافيا
_ماهي أُمنيتك في الحياااه حالياً النقل لحائل
_ ماالذي تخاف منه الله سبحانه وتعالى
_ ماذا تحب ان تقرأ من الكُتب أياً كان نوعهاكثير وليس نوع معين السير والكتب الدينيه والقصص وجميع أنواع الكتب
ما يقع بين يدي أقرأه ولكن هذا سابقاً للأسف لم أعد أقرأ إلا الجرائد ، وهذه لا تسمن ولا تغني من جوع .
_ موقع تتردد إليه ويعجبك قطرات دون مجامله
_ موقف ظريف حصل معك كثير وذكرت منها في احد المواضيع عن المواقف عاد انا جيت كلي هكالحين وخلصن وما يصلح أعيدهن ولكن لو حصل شيء جديد ابرجع احطوووووه هنا
_حكمه تؤمن بها وتُرددها دائماً لو دامت لغيرك ما وصلت إليك
_ تحب السفر؟ وين سافرت ؟ يعني أحبه ولا أحبه من كثر ما نمتر خطوط ما شاء الله دولتنا قاره ، فتجدينا كل كم اسبوع جالدين الخط لذلك لست كالسابق على السفر أكثر سفراتي أيام الجامعه ، سافرت لأغلب دول الخليج ولبلاد الشام ومصر ، وبس .
_وش يعني لك { منتدى قطرات} ومن دعاك إليه ؟ يعني لي أن أعبر عن ما أومن به وكذلك الإستفاده من كل الأقلام والتجارب الأدبيه والمقاليه هنا .. دعاني ابو ياسر نايف الشمري .
_أكله تحبها التشريب يمكن البعض ما يعرفها وادري يا مشاعر الحين تدخلين وتعلمين هههه:D
_ اذا عندك لغز خفيف ممكن تطرحه هنا0 ما سبب الفجوة القائمه بين كل من الأطر الدبلوماسيه بوجه عام وما يقوم به الفرد على المستوى الشخصي من خلال طرحه لعدة قضايا عالقه من قدم العصور التي ربما تصل للعصر الديناصوري وبالتالي عدم وجود حلول لها إلى وقتنا الحالي ؟:confused:
_ عندك ورده من ودك تعطيها لأعضاء قطرات عادي المجال مفتوح :pوالله ما أستثني أحد كلكم حبايب لكن تدرين لازم أعطي واحد أهديها للنيزك وأقوله طال غيابك .
_اذا عندك قصيده او خاطره وودك تحطها وترسلها لأحد كذالك مايمنع { عادي :D}عاد هنا انا مالي دخل تبين هذره حاضر غيره ما عندي :p
_ عندك نصيحه ودك تقولها { تفضل لايردك إلا لسانك ;)}
النصايح واجد وكثير ولكن أقولها لنفسي قبل الكل ، الصلاة نحن مقصرين فيها وأنا أولكم .

مشاعر شاكر لك تلك المساحة لنتعرف على بعضنا أكثر ، دمتي والخير حليفك

[شادي الثريا]

مشاعر ..

موضوع رائع ولي عودة ..!!

[شادي الثريا]

القرار
\
/
وش هو التشريب ..؟؟
جوعتن والأسم عجبني