اخوي حسين
صباحك سكر
بالنسبه لي كنت أتوقع أول يوم من رمضان راح يكون الخميس ومبعد انهم راح يعلنون عنه ليلة الأربعاء
ويوم أعلنوه قالوا الأهل نبي العثيم .. السوبر ماركت ..
طبعا ا ليلة الأربعاء بعد صلاة العشاء وبعد ما أعلنوا عن رمضان في التلفزيون
والساعه تقريبا وحده اتصلوا فيني قالوا تعال اخذنا
يوم رحت والا وش اشوف ؟
صدقني حسبت أهل الرياض كلهم جايين لذاك الفرع هذيك الليله
أمّة الثقلين في ذاك السوبرماركت
وكل وحده تدف عربيه تبيلها تربيط من كثر ما فيها من مقاضي
هذا والساعه وحده في الليل .. أجل الساعه احدعش كيف كان الوضع ؟
المهم اتصلت عليهم جوال وقلت انا انتظركم في السياره ماني بداخل أخاف ما فيه أوكسجين هههههههه
وهالايام عاد لا تسولف سالفة الأسواق
الكل يبي يلحق يشتري ملابس وحاجات العيد الله يلحقنا خير
بس والله اعتقد إن احد أسباب هالإزدحامات هو إن الناس معتبرتها حج وبيع مسابح مثل ما يقولون
هي للمشتريات و بنفس الوقت للتمشيه وتقضية الوقت مع هالناس والدليل بعض الزباين تشوفهم طالعين طرق الأيس كريم والا كيس الفشار بيد الولد :qtrat (8):
اسأل الله أن يرزقنا حمده وشكره على ما ما نحن فيه من نعم وخير كثير اللهم ربي لك الحمد
أبو علي
الحين ما تقولي وش المناسبه يومني نسيت نفسي وقمت اسولف وكني بمجلس ؟
ههههههههههههههه
ربي يسعد أيامك ولياليك قول آمين