اقتباس:
المشاركة الأصلية كتبت بواسطة رونــــق
القرار .. ها أنــــا أعـــــود ....
القرار اريد منك أن تكتب لنفسك رسالة ماتقل عن عشرة سطور
هذه الرسالة تذكر بها ماتعلمته وفهمته من تجربه مررت بها .. ومالذي تدين به لنفسك ..
ومالذي كنت شجاعا ً فيه ..ومالذي تسامح نفسك بفعلــه ..!!
القرار أنتبه أرجوك .. الرسالة ان لم تعجب 3 على الاقل من الاعضـــاء سيمدد لك يوما ً آخر
بـ البيزنطيــــة ...
|
التجارب كثيره رونق
كانت لي تجربة ذكرتيني فيها عندما كنا نسكن شقة عزاب بالرياض أيام الجامعه ، كنا مجموعة متفاهمين وأتى إلينا أحد الشباب يريد أن يسكن معنا وكان قريب لأحد الشباب وكان مستحي منه وقال لنا وش رايكم قلنا بعد ما يبيلها شور حياه دامه من طرفك العين أوسع له من المكان المهم جانا الولد والمفروض أنه يكون محترم هو فعلاً محترم بس عليه تصرفات نفسه شينه وإذا جانا ضيوف ماد البوز ويغير على كيفه ماسك هالريموت المهم ما أطول عيوبه واجد إبن الحلال ، فكثر الكلام عنه فقلت للشباب ياشباب ما هي حلوه نتكلم بظهر الرجال مع إن الشباب ما كانوا يحبون الغيبه والنميمه بس كانوا يدورون حل ، المهم أتفقوا على أنهم يقولون له يدبر نفسه ويسكن مع ناس ثانيين ولا يروح لسكن الجامعه ، الحقيقه عطيناه فرصه وقلنا له بعض عيوبه بس ما أحد تجرا وقاله الشباب ما يبونك ، المهم أنا عشانه قلت له بقوله يا يتعدل ولا يطلع من الشقه لأن الوضع زاد عن حده وحنا أول مبسوطين مع بعض وصارت مناوشات المهم طولت عليك ما أدري شلون أخليهن عشره لكن الزود ولا النقص المهم رحت له وقلت يابو الشباب أنا ما أتكلم من وراك الوضع كيت كيت ( كيت كيت يعني اللي فات ) والشباب ما يبونك بالعربي وأنا أقوله هالشيء لصالحك عشان ما تكون مع ناس ما يبونك وهم مصيرهم راح يجي اليوم اللي يقولون لك لكن ليش تطول عندهم وانت منبوذ ، هو كان حاس بس ما أدري وش فيه ما زعل إلا علي وكان يقول كله من حسين مني أنا يعني وكان يقول ما توقعتها منه ...
المهم هذي التجربه يارونق عاد مدري وش لون رساله ، يعني لازم فضايح يارونق وتجارب
تعلمت من التجربه إن ... الناس ما تبي اللي سيده
أدين لنفسي بـ ...أني ما كنت اتكلم من ورى الرجال واجهته
كنت شجاع في ...أني طقيته بوجهه:D
أسامح نفسي بـ ... مع أني تحسفت بعض الشيء لأني أنا الوحيد اللي إنلمت بهالسالفه
إلا أني أسامح نفسي لأن هذا هو الصح
إن شاء الله تعجب ثلاثه طيب لو ثنين مع الواسطه يمشي:cool: