[QUOTE=خالد العبدالله;14081]
السلام عليكم
وعليكم السلام ورحمة الله وبركاته
أخوي القـرار
هلا أخوي خالد
والله صدقتك .. لكن هين
إن ماطلعت هالحركه عرض .. ماكون خالد
أقول أنت مو تبي تروح الرياض وش عندك ناشب هنا:o
1
تخيل طاحت عليك تفاحة نيوتن قبل يكتشف الجاذبيه ..
هل كنت تفكر وقتها بالقانون نفسه !!
ياليل نيوتن هو وتفاحتو ، يمكن لو برتقاله أكتشف عصير البرتقال
والله يستر لو طاحت علي برتقاله يمكن آكلها بقشورها وكان ماتهنيتوا بالبرتقال وصار من هذاك اليوم إكتشافي لطريقة أكلها وتمشون عليها:D
2
في خضم المعارك القديمه بين العرب و الصهاينه ..
يقول الشاعر خلف المشعان
( أصلا" لو صلاح الدين عايش .. يسكت إجبـاري ):D
أقول لأبو مشعان غلطان يمكن يسكت ما يتكلم مثلنا لكنه يفعل
يابو وليد يقال ما رؤي صلاح الدين متبسماً والقدس محتله
حنا وين وصلاح الدين وين وأبو مشعان مبرد وجالس يقول يسكت
إجباري إلا إن كان له فلسفه وقصد آخر ترى أبو مشعان مو هين
بيزنطي بعد :D
فهل أنت معه !!
لا يا خالد إن كان قصده السكوت يعني الخنوع صلاح الدين الله وأكبر
بس لو فيه واحد بربع صلاح الدين ما كان هذا حال الأمه الله المستعان
3
طيب .. هل تتوقع صلاح الدين لو طلع .. بيكون لابس شماغ وإلا بدله وكرفته !!
بيكون لابس لبس الجهاد والحرب ليرعبهم
4
بما أنك قريب جدا" من الكويت ..
ما أكثر شئ أعجبك فيها !
أكثر شيء أعجبني فيها الدواوين الدواوين للي ما يعرفها مجلس الرجال
والمخيمات عندهم شيء تقليدي بالشتى
يعني اللي عجبني فيها الجمعه
5
وش الأحسن بالسعوديه عن الكويت
والعكس
الجد وقت الصلاة تسكر المحلات بالسعوديه وفيه كثير بالسعوديه حلو
وأحسن مثل ما فيه بالكويت لكل مجتمع عاداته وتقاليده
واللي بالكويت أعجبن عن السعوديه صغيره الكويت
ما فيه غربه عندهم مثلنا:( الله يتمم عليهم
منين جايب هالسؤال :mad:كله إحراج خلصت الفاين من العرق:D
6
عضو .. تجده يستحق أن يكون خليفة للقرار إذا مات !
أما خليفة للقرار والله لوني يوسف الثنيان على غفله:D
يمكن القرار الصغيرون إذا جا
7
على طاري الموت .. إن أحسست إنك ستموت هذه الليله
فماهي وصيتك !!
ياساتر هههههه
وصيتي ما أحد يبكي علي عن جد هذا اللي أتمناه ما أسبب حزن لأحد
وخصوصاً أمي
8
الجنادريه .. أهم ويمكن أحسن موروث شعبي للسعوديه
هل ستزوره .. وإلا بتخليه لين أقرب منك أنا أكثر
كح كح
وش دخلك أنت ليه أنت تراث من الجنادريه عشان إذا قربت
أزورك وأتفرج عليك هههه
9
غلا .. أخبرتني أنت أنك تحبها وهي ( ساحبه )
بينما الصغنونه تحبك .. وإنت ( ساحب ) عليها
هل هذا هو المبدأ الحقيقي للعلاقه بين الرجل والأنثى !!!
تصدق عاد آمنت ببيت الشعر الشهير اللي يقول
اللي بغانا عيت النفس تبغيه ... واللي بغيناه عيا البخت لا يجيبه
شكلي جبت العيد بالبيت لكنه حول المعنى
خالد تصدق الصغيره المسكينه من تسمع صوتي تطير من الفرح
والثانيه النصابه إذا سمعت صوتي تسوي نفسها فرحانه عشان البقاله
وفوق هذا إذا خلصت مصلحتها طنشتني لكن هالأيام بدت تحن علي
فهمت شوي وانا بعد كسرت خاطري الصغيرونه وبديت أحن عليها
10
لو أغلق المنتدى .. لأنه مطلوب ماليا" .. وفي ظل عدة مقدرة الوجيه على الدفع .. فسيضطر لإغلاقه
فما الذي ستفعله وقتها .. ؟
من الحين أقولك الوجيه أنا مالي دخل ، تبي قرقه مواضيع ردود حاظر
عند وجهك لكن دراهم الوجه من الوجه أبيض لا تقول ما علمتك:D
خ.ألـد
ومن قال إنك جوزيف أدري إنك خالد ومستانس بإسمك حاطه لي بآخر الصفحه <<<< مقهور منك شيبت بي بهالأسئله
لا والله يالربع كلكم مستمتع بأسئلتكم بس هونوها شوي