[النيــــزك]

السلام عليكم
وعليكم السلام ورحمة الله وبركاته

أخوي النيزك
نعم ياخويا

سعيد أني آخرهم .. وبآخر الوقت بعد

طبعا .. سان السكين علي وجاي حامي شلون ما تكون سعيد ومبسوط ؟

1

وش اسمك ( اسمك مو لقبك )

النيزك ..الملقب بال .. النيزك

2

في خضم التعارض بين السعودية وإيران تقريبا" .. وبعد أن مات الطنطاوي شيخ الأزهر قبل أيام رحمه الله .. أي إسم بين اسماء المنتدى من الرجال جذبك .. وأي إسم من النساء شدك
( بالإسم وليس صاحب الإسم )

ههههههههههههههه

الحين تبيني أجاوب على أيران والا على بيت الجيران ؟

أقصد على موضوع إيران والا على أي إسم شدني؟

والله ياخوي خالد ماشاء الله عليكم كلكم خير وبركه
وكل واحد فيكم شدني وجذبني بسمو خلقه قبل كل شي
ثم بإبداعه في مجاله
ومن الجنسين وبدون مبالغه ولا مجامله صدقني

(الحين يقول تنحش من الإجابه ... .. والله مشكله )

3

أين تجد نفسك .. بين كل أخوانك !!

إن كنت تقصد أخواني يعني أشقائي .. فأنا ما قبل الأخير
وان كنت تقصد أخواني فيي المنتدى ..
فأجد نفسي أصغركم إبداعا وأكبركم حبا لكم

4

أجمل مدينه زرتها ..

مدينة العاب الحكير

وليه !

رحت آخذ أهلي

لا عاد تبي الجد ؟

لندن ... لأني زرتها أكثر من خمسه وعشرين مره فحبيتها ليس لأنها الأجمل ولكن لأني تعودت عليها
ويمكن تتسائل عن وش سبب كل هالزيارات ؟
فتراها كلها زيارات عمل ماعدا ثنتين سياحه عشان يقولون عني ولد نعمه ههههه

5

ماذا لو أظلم القمر للأبد .. فمن تتوقع أن يسد بمكانه !!

شركة الكهرب

6

ماذا يوجد في الجزء المظلم من القمر !!

ماقدرت أشوف ماذا يوجد .. لأنه ظلما

خ.ألـد