[هيــام]

...
موضوع رائع جداً
أستمتعت بالمكوث بين طيات تلك الصفحات البريئة
سأشارك أيضاً فالذكريات تستفزني الآن كثيراً
سأسردها بالعامية
لأنني أشتهي أن أكون على سجيتي الآن ...!!
...
لا أحد يضحك عليا أحسن بفرجيكم :mad:
المهم بتزكر يوم كنت بالصف الرابع ابتدائي
و كنت أنا و أختي يلي أصغر مني بسنة و نص ( وفاء )
عاملين أجتماع طارئ جداً :D
كانت أمي بالبيت بترتب ومالها خلق ألنا و لمزحنا
كل ما نروح عندها تحكي برا أحسن بتنضربوا :(
<< بتشتغل بالبيت ومش رايقة
المهم طلعنا برا بحوش البيت و أقترحت على وفاء
نلعب كورة ..!!
و نادينا محمد و هناء أخواني الصغار هيك بس عشان يكترو الفريقين :D
محمد أجى معايا و هناء و وفاء مع بعض كمان
و أقترحنا نلعب كابتن ماجد :rolleyes:
عاد أنا بسام العصبي و وفاء ماجد
و بعد جهد جهيد أقتنعنا بالتقسيم :p
المهم لعبنا يمكن ربع ساعة و بعدها وفاء
كانت بدها تقلد ضربات ماجد بالتسديد
قال بدها تقفز بالجو الاخت متحمسة
وين راحت يا جماعة الخير
راحت على سيارتنا يلي بالحوش
و تركب عليها و تقوم تقفز بالكورة
و أن شاء الله يعلق طرف البنطلون
بهاي يلي على صدام السيارة <<نسيت أسمها شو :D
و طاحت على الأرض بقوة رهيبة
صارت تصرخ مره رجلي
و مره أمي الحين بتيجي يا ويلي منها :D
سمعتنا أمي العزيزة و أجت ركض يا بنات يا بنات
شافت وفاء واقعة و بتبكي و حالتها حالة
أنا عاد و محمد و هناء من يشوفنا طرنا من المكان
يوم سمعنا صوتها
و يا حرام يا وفاء فوق الطيحة أتبهدلت و انضربت من أمي :(
أخدوها ع المستشفى و جبصولها رجلها كانت فعلاً قوية الضربة
قعدت يمكن أسبوع أتفادى أمي من خوف ما تتفشش فيا
و مرقت ع خير الحمد لله ..!!
بتعرفوا هاد جزء بسيط من حركاتنا الصبيانيه و احنا صغار
يمكن أرجع كتير هنا خلتوني أضحك من قلبي و أنا بكتب
الله يسعدك يا خالد قول آمين ..!!
...