[حسين الشمري]

أخوي خالد السلام عليكم

بما أن يوم الجمعة لم ينتهي لحد الآن اليوم أرسلت الرساله لبعض

الأصدقاء والأحبه وحقيقة لم أتخيل ما أضفته علي الردود من بسمة

وسعاده ، إليكم ما وصلني برسائل الجوال .

1- أسرق ملحك عشان عيالي يطلعون كلهم ملح وقبله >>>> المرسل خالد العبد الله
2- أسرق أمك أم حسين لأنها أحلى أم عرفتها >>>>> جار قديم
3- أبو غلا أتمنى آخذ منك صفة حب الخير لغيرك >>>> ولد عمي أبو رغوده
4- أسرق منك الركبه عشانها سليمه ههه (يقصد ركبة رجلي ) >>> أخوي أبو خليل
5- أسرق منك قلبك لطيبة قلبك >>>>>> ولد عمتي فهد
6- اسرقك كلك لأنك أنت الحياة >>>>> شخص غالي
7- أسرق جبهتك عشان تذكرن بشهودي >>>> اخوي سامي
8- اسرق الحلا والطيب والحبابه وأسرق خشمك عشان أحبه >>> دنيتي أمي
فديتها أحلى رساله هذي
9- اسرق رقمك لو أني ما عرفتك يمكن اذا عرفتك اسرق شيء ثاني ما يعرف رقمي الجديد > ولد عمي مهدي
10 - أسرق طموحك >>> من زملاء الدراسه .
11- أسرق الكنكت حقك >>> أخوي أبو هاجر.
12 - عوذه منك ومن طاريك الرساله تقول تبادل الصفات مو السرقه
يا أهل حائل ! >>>> مشعل من حفر الباطن من الجماعه .
13- ما أسرق منك شيء ، لأن ما فيه شيء ينسرق منك >>> أبو ياسر هههههههه
14- أسرق منك قلبك الطيب لأن ما فيه مثله أحد >>> ما أدري يمكن من اللي ارسلت لهم بس من رقمه الثاني وتوه وصلت متاخره ودخلت وعدلت بإظافة هالمسج الأخير ربما .

طبعاً كتبت ما وصلني كما هو ....

أبو الوليد دائماً ما تتحفنا بجديدك المتفرد بالتميز ، وجزاك الله خير لأني
إكتشفت بعض الأشياء فيني عند الغير .