[نسيان]

[ALIGN=CENTER][TABLETEXT="width0%;background-color:black;"][CELL="filter:;"][ALIGN=center]أنا مدري وش إحساسك
ومدري وش تظنيني
أنا الصادق في عينك كنت
و صرت الكاذب الخوّان
أنا أخطيت ما انكر ولافيه عذر يكفيني
سِـوا اني احبك حيل واني دايما ً انسان
انا ادري بمدى جرحك
وادري الحظ جافيني
يطول الوقت ما أخطي
وإذا أخطيت كل شي ٍ بان
انا شفت الزهر مايل
وظنيته يناديني
قطفته .. يوم ضميته .. لقيته للأسف ذبلان
عرفت انك زهر عمري
عرفت انك بساتيني
وغيرك قيض مايروى .. سرابٍ يشقي العطشان
انا لو ماحصل ماكان وشهو اللى يدرّيني
بأنك ماسواك انتى .. سكنتى القلب والوجدان
انا اسف على اعذاري
عجزت ألقى عذر فيني
يليق بغلطتي في حقك ويرجع كل شي ٍ كان
احبك كثر أخطائي
وادري انك تحبيني
وادري لو تفارقنا فلا نقدر على النسيان
اذا تقوي على فراقي وبعدي عنك .. خليني
انا مليت من دور الكرامة
ولعبت الغفران
قليل العمر ياللي انتي دموعك ما تساويني
حرام انه يضيع فراق
هي من قلها الأحزان ؟؟[/ALIGN][/CELL][/TABLETEXT][/ALIGN]

عبدالرحمن بن مساعد بن عبد العزيز آل سعود (ولد في سنة 1387 للهجرة الموافق 1967) هو رئيس نادي الهلال السعودي السابق منذ 2008 وحتى فبراير 2015. أثناء فترة رئاسته للنادي، حقق نادي الهلال لقب الدوري السعودي مرتين وحصل على دوري كأس ولي العهد خمس مرات. الأمير هو أحد الشعراء وأقام العديد من الأمسيات الشعرية في الرياض و جدة و عدد من العواصم الخليجية والعربية.عبد الرحمن بن مساعد متزوج من الأميرة البندري بنت هذلول بن عبد العزيز آل سعود وله ثلاث بنات.