سما بسم الله وفتح الباب مع اصوووات الطبوووووووول والاغاني وربشة الحريم دخل برجلة اليمين ..
طارق جالس في الشقه بغرفته يراسل على البي بي خالد اللي جالس بالغرفه اللي جنبه هههههههههههه
طارق بطفش : خلوووووووود جوعاااان
خالد يراسل الف بنت بهذه اللحظة ورسل لطارق بعد 10 دقايق من الزحمة اللي عنده هههههههه
طارق بعصبيه : خلووووووووود
خالد بدون تركيز:يا عيووون خلووووود.. حبيبتي شو تبغي اجيبلك عشا انتي طلبي روحي واجيبها لك لو تكون بالصين
طارق باستغراب طلع عيونه برا وبدأ يرسل بخبث : حبيبي انا ابغا بيتزا او برجراو اي شي من ايدك الحلوه شرايك نلتقي بالسفير موول ؟
خالد قفز من الفرحه : اوكي حبيبتي دقايق البس بس كيف بعرفش ؟
( طبعا طارق لما شاف ان خالد مدووخ ومو مركز غير نك .. حطة روحي لك .. وخالد ما عارف من هاذي بالضبط من كثر البنات بس اللي هامه بهاللحظة ان يشوفها وما عارف حتى اسمها .. حاول يعصر مخه الف مره يتذكر اسمها بس ماطلع عنده شي ..
طارق ميت ضحك : انا بلبس شيله صفرا وعبايا بروح عند المقاهي اللي بالسفير مول ونلتقي عند الكراسي شرايك حبيبي ؟
خالد يحاول يعصر مخه اكثر يتذكرها: طيب .. انتي وينك الحين ؟
طارق ماسك نفسه وهو يلبس كندورته البيضاء وكمته ( الجحفيه ) البيج : انا الحين في السفير يلا لا تتأخر علي حبي
خالد : طيب 5 دقايق واجيك
خالد ما هتم من هي البنت بس اللي يعرفه ان مايضيف اي وحده على البي بي يعني كل اللي عنده حلوات ولو راح لها ما بيخسر شي دامه عارف انه مارايح على فاضي حسب تفكيرة طبعا ..
خذ طارق مفاتيحه من فوق الطاوله وطلع قبل ما يطلع خالد وينتبه له .. عشان كذيه حب يسبقه وينتظر قبله وينكت فيه ..طلع باطراف رجوله بسرعه على الباب وراح لسيارته وركبها وسبق خالد ..
خالد يصحى سعود اللي بعده نايم .. وسعود يغطي وجهه : خيررر
خالد لابس كندورته وواقف فوق راسه : قووم نروح السفير نتعشى ..
سعود : مابغا اروح بس جيب لي عشا لما ترجع بتعشا
خالد : احسن بعد عندي ديت تايم بااايات
طلع وسكر الباب ومر على غرفه طارق وشافها فاضيه .. وطلع لسيارته اول ماركب فتح على صفحة بن كود طارق وشافه كاتب له : هاه حبيبي تأخرت واجد علي
خالد وهو يشغل المكيف : لحظات حبي تو طالع من الشقه .. مسافة الطريق لا تروحي قبل ما اطلع
وصل طارق السفير وراح جلس على الكراسي اللي جنب المقاهي ينتظر خالد وهو كل شوي يضحك بينه وبين نفسه واللي يشوفه على باله واحد مجنون ماعنده شغله ..
وصل خالد ووقف سيارته عند البوابه الثانيه اللي يسموها بوابة شناص وراح على طوول الطابق الثاني يتلفت على اي شي اصفر ورسل مسج لطارق : انتي وينك انا فوق عند المقاهي ؟
المكان كان شوي زحمه شباب وبنات وعوايل بكل مكان ..
طارق حط فونه سايلنت : انا هنيه عند المقاهي
خالد رجع يفرفر عيونه على البنات شاف وحده لابسة شيلة فيها اصفر واخضر وجلس يركز فيها بس ماعجبته لانه اول مره يشوفها لان اللي معه كلهن يعرف اشكالهن ورجع يفرفر عيونه وانتبه لطارق ضربه على الكتف وهو بعده على نياته يدور : هاااااااااي انت هنيه
طارق وفمه مليان اكل : ايوا هنيه .. انت وش جابك كنت نايم؟
خالد بطفش ويلفلف راسه يمين ويسار : والله مواعد وحده بس ماشوفها اكيد كذبت علي والله نسيت
اسمها ..
ورجع يرسل لها : اقولك انا جالس طاوله 7جنب مقهى بيتزا ان وربيعي معي لابسين ابيض ( لا وبعد يسوي عرض حق طارق ).. تعالي مري جنبي على الاقل عسب اعرفك ..
طبعا كان فون طارق يشب ضوء احمر من فوق .. بس خالد ما انتبه وطارق ماسك ضحكته وبكل براءه : طيب ارسلها مره ثانيه يمكن هنيه او هنيه
خالد بطفش : ياخي رسلت والمصيبه ناسي اسمها عسب اتصل على رقمها
طارق يأشر بايده : تعشى ابرك لك من ملاحق البنات هذه شكلها راحت
خالد رجع يتلفت شفت وحده لابسه اصفر بس ما عجبتني ما من جروووبي .. مستحيل هي
طارق رجع ظهره على ورا : احححححح شبعت الحمدلله ..
مسك طارق فونه وبعده ماسك ضحكته بالغصب ورسل : حبيبي انا طلعت بعدك مباشره اختي كانت مستعجله واااجد
خالد بدأ ينافخ : اااااااااااف الله يهديك كنت ابا اشوفك اكحل عيني
طارق بعده متماسك لا ينفجر بأي لحظة : حياتي انت خلووودي تعشى .. خلها مرة ثانيه انا حاولت بس ما قدرت عليه
خالد رما الفون على الطاوله والتفت على طارق اللي جالس مقابله بالطاوله : غيبي والله مالت عليك .. بايخة وانا جاي طاير اخر شي تقولي شو اونه اختها مستعجله
خالد يكمل بعصبيه : عاد انا كاشخ لابس عماني .. الله ياخذها بنت الذين.. والله اذا ماخليتها ترسلي صورتها تو بتغيب مني
طارق بدأت كشخت اسنانه تطلع ( يالنذل لا تسبني ) : لا ما تسب البنت خلووود دامها حلوه
خالد بعصبيه رجع يرسل : طيب اقولك دام ما بشوفك بليزززز ودي اشوفك طرشي صورتي انا وووووواجد مشتاق اشوفك بليززز
طارق بلتفت يمين ويسار عشان ما يشك خالد ورجع يكتب : ليش حبيبي استحي
خالد : بليزززز قلبي.. يلا عاد لا تتغلي علي كافي جاي صاروخ ولا شفتك يلا عاد اوعدك ما بيشوفها غيري وبمسحها .. يلا انتظر وانا برسل لك صورتي اذا حابه
طارق : طيب حبيبي برسلها بس اوعدني ما تحط احد غيرك يشوفها وامسحها
طارق يأشر بايده على وجه خالد : يارجال نحن هنا
خالد مرتبش : بترسل صوووورتها .. وووووووووه فديتها
طارق بخبث : لو حلوه شرايك اخذ بن كودها ..
خالد يرفع حواجبه يغازل وحده ماره جنبهم وعينه عليها : لاوالله هذيلا انا مختارنهن .. وشفت الذل والتطنيش بانواعه وتحملت وصبرت بس عشان اخذ بن كوداتهن واللي اخوها سبني الف سبه وتحملت العناء والمتاعب ومشيت فوق الشوووك وانت بارده مبرده تاخذ حبيباتي مني ..
طارق بدلع : عشاني خلووودي بحافظ عليها ؟
خالد بغرور كأنه عنده كنز : والله لو تنسدح تو قدامي وتجيك السكته ما لحستك نص رقم من ارقامهن .. هذيلا بنات هاي هاي .. رتش يعني ..
طارق بابتسامه شاقة حلقة : يعني الحين تبغا تفهمني انك ما تحط احد يشوف صورهن .. دامك تلعب عليهن ليش ما اخذ وحده ؟
خالد : ههههههههههه طروق لعلمك بس ترا انا صح اكلم واجدات لكن ما افضحهن .. قلبي بعده حي لو قلبي ميت كان من زمان شايفني معطيك وحده من عصفوراتي .. لكن تعرف في وحده بالجامعه ما قدرت اجيبها رغم محاولاتي الجريئة ..
طارق : يعني البنت حلوووه ؟
خالد : ابو الحلا بعد .. تغازلني وتشوفني ولما اشوفهم تتخبل هي وربيعتها لكن عنيدات
طارق : خلوووود انت تحبني والله ما تحبني
خالد بنذاله : احبك بس ما كثر عصفوراتي ههههههه
طارق : يلعن ابو النذاله .. طيب خلني اشوفها من بعيد يمكن تحبني
خالد وماسك علبة البيبسي : بذا القوطي اذا ما سكتت لا تقرب صوبها
طارق : ههههههههه زطي والله ماعليك مصيري اشوفها واسرقها منك .. من صحار او من وين ؟
خالد : اسمها هند من صحار ودايم اعلق عليها في الكلاس بس اللي استغربه ربيعتها ترتبش اكثر منها لما تشوفني ماعرف ليش
طارق : من قدك يابو الشباب البنات حولك من كل صوووب .. ما انا مسكين فقير
خالد : تراك ما تجلس في الجامعه نفس الناس تخلص محاضراتك وطيران على الشقه تنخمد او تروح النت
طارق يتكلم بهدوء : بيني وبينك انا مرتاح كذا ما معور راسي مثلك من شارع لشارع ومطعم لمطعم
خالد بصدمه : معقوله ماعندك بنات ؟
طارق يحرك الفون بين ايده : والله ماعندي .. بس بنات اهلنا ماحصلت وحده تدخل مزاجي .. كلمت ما قول ماكلمت بس كلهن ما عجبوني واعتزلت الساحه العشقيه
مسك خالد فونه جلس يضحك : هذا سعود يسوي رنات حشرني .. قوم اجيبله عشا وبنروح اخاف الحين يطلع لي من الفووون
ضحك طارق وراحو يشتروا له عشاء عشان يرجعوا الشقه ...............