جاسم في السياره قدام بوابه البنات ضاربه فيوزاته معصب على نوره ويسوي كل دقيقه رنه لها .. نوره قدام البوابه تأشر له ينزل يجيب بطاقته الشخصيه .. نزل وطلعت وراه ركبوا السياره ..
ثريا بكل جمال توري السكيرتي تصريحها وتطلع وتلتفت على نوره وتأشر بأيدها برقه حركة وداع وتبتسم بدون ما تشوف لملامح جاسم وراحت لسيارتها تفتح الباب
نوره وهي تلتفت على جاسم : يلا تحرك
جاسم مثل المصدوم يشوف على ثريا وكأن كل شي فيه تجمد الا دقات قلبه اللي ما هدت : نوره شفتي هذيك البنت تسويلي باي باي
نوره طلعت عيونها لبرا والتفت صوب جاسم : ووووووووووووووع يالحول هي ثرثر ربيعتي ما لجت غيرك انت تسويله باي باي ..
لوحت بايدها على وجه جاسم : تسويلي انا باي باي مو انت في فرج يعني
جاسم بدأ يلف السياره على ورا : ثريا ثريا ( وجلس يهز راسه )
نوره : بليزززز جسوم الا هذي لا تجرب صوبها بليز
جاسم : هذه اللي من الزعفران صح ؟
نوره : بليز جاسم مالك شغل فيها ..
جاسم : اصلا انا ما حطيتها ف بالي كافي هجور
نوره : هاجر تزوجت وش لك فيها
جاسم : صح صح
نوره تلتفت صوب جاسم : لايكون ؟
جاسم هز راسه بالنفي : لا تخافي ما اكلمها
نوره طالعته بقوووه : جاسم متأكد ؟
جاسم : هيه هيه .. لاعت كبدي سكتي شويه
نوره قفزت على المسجل تشغل اغاني .. طلعت اغنيه الجسمي ( الموعد )
لا تسألي جلبي عن الموعد الجاي
انسي خلاص اليوم لا تذكريني
حبك نهيته من حياتي ودنياي
ماعاد شي اليوم بينك وبيني
عفتي حياتي له وزديتني بلواي
اشكي همومي لج وماتسمعيني
واليوم لي راي بحياتي
ولج راي عن دنيتج برحل وربي يعيني
في عالم الحرمان لو صرت منفاي
حرام ما تنظر لج اليوم عيني
اه من يكتب اماله على الماي
ما نال مطلوبه ولو في سنيني
اول ما خلصت بندها جاسم .. نوره ما التفتت له وحطت عينه على الدريشه فهمت قصد جاسم ما ناقص جرح زياده ..
.................................
الساعه 8 بليل
الغرفه مظلمه مافيها الا ضوء التلفون اللي ماسكت من كثر الاتصال .. ثريا تتقلب على السرير بكسل شالت الشعر اللي على عينها وشافت الاتصال ( ملاك قلبي) يتصل بك
فتحت السماعه بدون ما تنطق ولا حرف
وليد بضيق : ثريا
ثريا تتنهد بقوووووه والدموووع ماليه عينها : .................
وليد : تكفين ردي
ثريا : اررررررررررررررررررررررررحمني وليد روح روح
قالتها مثل طلعت الروح
وليد : ثريا انا امووووووووووت بدونك
ثريا صلحت جلستها وبدت تنوووح مثل اللي مات له احد : بعتني عشانها بعتني عشانها
وليد تنفس بقووووة مثل اللي مالقى هواء ومثل الموووووجوووع يدور نسمه هوووا تملي رئته : كنت بردان ورررررررررررربي صوتك دفاني
ثريا تبكي بقوووووة مثل اللي كتم انفاسها : ليش رجعت ليش
وليد : ماجادر ادخل على الموت برجولي ذي
ثريا تمسح دموعها باطراف اصابعها : ابوووك ذبحني
وليد استند على الجدار رجوله ما شالته : هذا اللي كاسر ظهري يا ثريا .. لانه ابووي
ثريا : هي وينها الحين ؟
وليد : في المشغل مع ريم ومنى
ثريا باستغراب : ريم بعد معها ؟
وليد : ريم سوت اللي عليها وربي يا ثريا انتي اكثر وحده عارفه اهلي
ثريا : هيه
وليد براحه : ثريا انتي هنا بالجــلب .. مكانك محفووووور وهذه بنت عمي لاراحت ولاجت مكتوبه لي من صغر وانتي عارفه
ثريا : اليوووم داومت والله امشي مثل الميته .. امشي بين الناس وريولي مو شايلتني كل ما اشوف على احد اشوف ويهك انت ..
وليد : ثريا ليش ما اتصلتي من الصباح وربي دخنت جوالك من كثر ما ادج عليك ..
ثريا رجعت ترمي نفسها على السرير وتشوف السقف المظلم : من بعد مسج ريم ما شالتني الدنيا امس شفت طلعت الروح بعيوني .. بس اللي خلاني اداوم اوراق بنت جيرانا وتسجيل موادي بس والله انا ما اشوووف الا السووواد
وليد : يا بعد جلبي وعمري وروحي .. انتي حياتي كلها وبنت عمي ولا الف بنت بالكووون تجدر تغيرني عليك وربي شاهد على كل هرجي لك .. وانا ورب الكووون ما جدرت اروح بيت عمي جبل ما اكلمك واريح جلبي لو بهمس منك ..
ثريا : اوعدني وليد
وليد بثقة قويه : اوووعدك بدون ما اعرف علي ايش .. بس جووولي على ايش ؟
ثريا : ما تلمسها اليوم
وليد غمض عينه وحط اصابعه بين شعره ورجعهم على ورا : اووووووووعدك
ثريا : وعد الحر دين صح وليد
وليد : ايه .. وانا قد جبل كذا خلفت وعدي .. وانتي عارفه اهلي والشياب اللي عندنا مدري من وين تكفيرهم ذا لازم بنت عمي ومن نفس الجبيله واجل وشلون دروا اني احب وحده مو سعوديه وربي لاالقى نفسي وسط الصحرا ضايع
ثريا بدت تبتسم بلا صوووت : هههههههه
وليد : ايه كذا وووووووووووربي فرحتي جلبي عسى ما انحرم منك .. ثريا اوعديني ؟
ثريا : على؟
وليد : بكرا بخبرك
ثريا : لا لا دحين على جولتك ؟
وليد : هههههههههه الله يرج بليسك
ثريا : هاه على شو اوعدك
وليد : لحظه احد يدج الباب
دخل مشعل على وليد اللي مبند ليت غرفته وواقف على الجدار ..
مشعل بعصبيه : وش ذا يلا يلا جم البس اعمامي على وصوول لبيت عمي وانت لسى ماوصلت
وليد يأشر على مشعل انه يرمس على الفووون
ثريا : هذا مشعل صح يبه يبه
وليد يمد الفون لمشعل : خذ يبي يكلمك
مشعل باستغراب : ميييييييييييين؟
وليد : شف مين
مشعل : هلا
ثريا بعصبيه : تدري والله لو انت جدامي الحين كان رميتك من فوج السطح .. وبعد امس شفتك بالمسن وما جلت لي على ملكة وليد .. ريم خبرتني
مشعل فتح عينه وسكر على السماعه عشان ما تسمعه ثريا : ياحمااااار ليه خبرتها حراااام
وليد ياشر بيده اسكت
مشعل شال يده من السماعه : ثريا وربي انتي عارفه الاهل احنا غير عنكم وانتي عندك خبر من زمان عن بنت عمنا انها من زمان محجوزه له وذي سوالف شيابنا اللي جالوا امس بالمجلس كله جدام عربنا كلهم انهم قراروا يخطبوهم رسمي وانا انصدمت اكثر من وليد لان كنا حنا مفكرين نقنع فيهم نكنسلها بس مافي احد سمعنا .. حتى ريم قالت انه هنادي مالها ذنب ووقفت مع اهلي لانها تحب هنادي
ثريا بحزن : ولو مشعل انت عارف اللي بينا انا ووليد مو يوم ويومين ذي 3 سنين يا مشعل
مشعل : وربي داري بس وانتي اكثرنا عارفه من الاول ان وليد محجوز لبنت عمي
ثريا : والله نسيناها انا ووليد
مشعل : لا وبعد يبي يجهرهم جالهم باكر انا رايح لدبي والنذل يبي يجي عندك
وليد بصراخ : حررررررررررام كنت حاطها مفأجأه
ثريا باستهزاء : لاوالله عن جد صراحه رحمتك تبي تكفر عن اغلاطك مثلا
مشعل ميت ضحك .. اخذ وليد الفووون من يده
وليد : هاذي احلى بوووووسه اموووووووووووووووووح
ثريا : مشكلتي انك نجظه ضعفي
مشعل يضرب كتف وليد : يلا يا رجال بطينا ترا
ثريا بدت تنهار : وليد حطني على الخط لا تسكره
وليد : حبيبتي ما يصير وربي صعبه الرجال كلهم هنا وانا لاسرت بيت عمي ماني بجالس هناك بس ساعه ولا راح اطلب اشوفها عشانك وربي
ثريا : طيب راسلني على البي بي
وليد : ههههههههههههه طيب طيب ايش بعد تبين تدخلين في جيبي عشان تشوفين كل شي بعد
ثريا بضحكه هاديه : ههههه لا شكرا مابغا
وليد : طيب حبيبتي ساعه ونص وارجع اراسلك
ثريا : لاتلمسها وعدتني
وليد : هههههههههههههههههه هههههههههههههه طيب ما بلمسها يا غيوره
ثريا تنهدت : باي
عضت دبدوبها وجلست تبكي ماتبي احد يسمعها وتهلوس مع نفسها ( اااااااااااااااخ بس ياوليد ليتني ماشفتك اول ما التقينا .. ليتني ما ضحكت عليك لما شفتك .. ليتني وليتني وليتني انت بدوله وانا بدوله واحسك معي حتى انفاسك احسها ف غرفتي حتى ضحكتك ما دفنتها الايام والشهور .. )
مسكت فونها واتصلت على هند
هند مستانسه : الوووووووووو بحبي كله
ثريا تشاهق : هند انا اموووووووووت اموووووووووووووووت
هند بخووووف : شفيش الووووووو ثريا ردي علي شصاير
ثريا : ولللللللليد هند راح راح
هند طلعت عيونها برا : مااااااااااااااااات ؟
ثريا ماراضيه الحروف تطلع من فمها
هند : رررررررررردي علي ماااااااااااات ؟
ثريا تهز راسها بالنفي : لا امتلك
هند : شووووووووووووووو متى ؟
ثريا رمت الدبدوب بقوه على الجدار ف غرفتها المظلمه : انا امووووووووووت تعالي روحي احسها تطلع
هند : والله حبيبتي ما جدر ايي الحين صعبه .. بليز هدي نفسش اخذي نفس عميق
ثريا بدمووووووووووع وسطها صراخ : راح لها الحين
هند بدت دور ف غرفتها ما عارفه شو تسوي : لحظة بشوف اخوي انور
ثريا : بسرعه تعالي
وسكرت
.................
في بيت ( ابو محمد )
هند ايدها ترتجف وهي تتصل على انور :
انور بطفش : خيرررررررر
هند : انت وين ؟
انور : جدام البيت ليش ؟
هند : تعال بسرعه ابا اروح مع ثريا مريضه وايد وتقولي بتموووت
انور : لحظة تو ياي لبسي عباتش وطلعي
هند لبست عباتها وشيلتها بسرعه ونزلت تحت وشافت امها على التلفزيون جالسه ..
ام محمد : وين طالعه الحين
هند وهي تفتح باب الصاله : امايه ثريا وايد تعبانه بروح ليها
ام محمد : عسى خير .. طمنيني امايه عليها
هند راحت تركب سيارة انور .. وانور داخل سيارة ينتظرها
انور : سلام
هند : هلاوووي .. روح بيتهم تعرفه صح
انور : هيه .. علامها ؟
هند ترفع كتوفها : مادري مادري
والتفتت تشوف في الدريشه وتدعى بقلبها ان ثريا ما يصير ليها شي ؟
في الرياض ..
الساعه 10 بليل .. في مجلس الرجال ( بيت عم وليد ) .. ابو ثامر
اعمام وليد واولادهم جلسوا يسلموووا على وليد اللي واقف جنب مشعل والكل يهنية بمناسبة خطوبته على بنت عمه ( هنادي ) عمرها 19 سنه تدرس ف جامعة الملك سعود اول سنة لها .. الكل حوله يهني ويضحك ووليد ملامحة متبلدة ما تتحرك الا عيونه تلتفت بين الناااس كأن يدور شي فاقدة .. شده وليد من كم كندورته .. انتبه له وليد والتفت
مشعل يضغط على اسنانه : فضحتنا انسى اعمامي ملاحظين والله بيطيح وجه ابوي بسببك
وليد بهمس : والله لا تلومني يا خوي ما جادر افكر احس اني بحلم
مشعل : اشششششششششششششششششش
جاء هاني بفرح بعد ما تقهوا الرجال : مبررروك مرة ثانيه مين جدك يالنسيب .. جم مجلس الحريم ينتظروك
وليد بغصة وصوت مبحوح : الله يبارك فيك .. ان شاء الله الحين رايح
وطلع ومعاه مشعل وهاني اللي كانوا بنتظروه برا لين ما يطلع .. اخذه مشعل على جنب
مشعل : لاتنسى يا وليد انك انت حجزتها اول وكنت تحبها من صغرك .. لا تخلهم يحسوا بشيء يكفي هاني حاس بس ماوده بحرجك
وليد بتوتر : والله من عرفت ثريا مشاعري انجلبت 180 درجه .. مالي خاطر ف هنادي ياخوي مالي خاطر فيها
مشعل : اسكت الله يرحم والديك .. لو تموت الف موته مالك نصيب ف ثريا .. ثريا عالم وحنا هنا عالم ثاني تكفى ياخوي لا تزودها علي .. انا حاس فيك بس ما فاليد حيله
هاني باستغراب اقترب : وليد فيك شي منت طبيعي بالمرة ؟
مشعل يغطي على الموقف : مافيه شي بس مستحي وخايف ويجولي بطنه يعوره
هاني ابتسم وضرب على كتف وليد : يارجال عاد انت من صغرك رابشنا هنادي لي وهنادي لي توك لما صار بينكم خطوتين عورك بطنك
وليد بدأ يغير الجو ومايحسسه بشي : طيب كم مسموح لي ااجلس داخل ؟
هاني : هههههههههههه ياخوفي ما ترضى تطلع .. ادخل بس لاتبطي ترا حنا هنا ننتظرك سمي بسم الله وادخل ..
وليد (لو تدري يا هاني كان عذرتني) : ان شاء الله ما بطوول
مشى وليد وكأن ثريا كانت تمشى وياه .. كان يحس بكل نفس تتنفسه .. بكل دمعه تنثرها هاللحظة على سريرها .. بدأ قلبه ينبض مثل الطبووول .. امتزجت مشاعر الحزن والخووف والفرحة مايبي يعاند قلبه اكثر من كذا ووده ينسى او بالاحرى يتناسى ثريا هالدقايق القليله ..
مسك جواله قبل ما يدخل بمجلس الحريم يشوف بنت عمه وفتح صفحة الرسايل ( يهنوني وانا والله على بالي طاريك .. تمر الثواني والدجايج مثل الشهور والسنين .. بلهفة شووج اناظر حولي وكأني مرمي وسط صحرا مالها اخر .. تمنيت لاجابوا لي طاريك التفت والجى اسمك ارتبط بأسمي من كثر دمعي اللي سال على خدي .. يحسبوني من فرحتي وانا والله من جرحي .. واجف بوسطهم ولا كأني أشوف غيرك ) .. ضغط ارسال بكل صمــت ..؟؟؟؟؟؟!!!!!!!!!!!!!!