عرض مشاركة واحدة
قديم 30-12-12, 12:57 PM   المشاركة رقم: 3
المعلومات
الكاتب:
 حورية  
اللقب:
:: قلم جديد ::
الرتبة:

بيانات العضو
التسجيل: 26-12-12
العضوية: 479
المواضيع: 7
المشاركات: 89
المجموع: 96
بمعدل : 0.02 يوميا
آخر زيارة : 04-04-13
الجنس :  أنثى
نقاط التقييم: 796
قوة التقييم: حورية is a splendid one to beholdحورية is a splendid one to beholdحورية is a splendid one to beholdحورية is a splendid one to beholdحورية is a splendid one to beholdحورية is a splendid one to beholdحورية is a splendid one to behold

الإعـــــجـــــــاب
عدد الإعجابات التي قدمتها: 6
وحصلتُ على 44 إعجاب في 30 مشاركة

الحــائــط الإجتمــاعــي

التوقيت
الإتصالات
الحالة:
حورية غير متواجد حالياً
وسائل الإتصال:
كاتب الموضوع : حورية المنتدى : قــطــرات الـقـصـة والروايــة
افتراضي

جاسم : والله فيك الخير ذكرتني فيها بدج عليها اشوفها وين غاطة ..
جاسم دج على رقم هاجر ( هاجر هذه حبيبة جاسم و يحبها وايد وناوي يخطبها بعد ما يخلص كليه بس تزوجت وانصدم وتحطم نفسيا لان اللي بينهم كان اكبر من الحب وصادق معها ..بس هي خطبها ولد خالتها دارس ف مصر بزنس وما انتظرت جاسم يخلص وتركته .. وكان مثل المجنون يبكي يوم عرسها ويتذكر اول مره تعرف عليها لما كانت تشتغل ف بنك مسقط فرع فلج القبايل .. وبعد زواجها اكتفشت انها فعلا ما تقدر بدون جاسم ورجعت له تكلمه يوميا لو مجرد تسمع صوته دجايج .. اما جاسم ناوي فيها على شر انه يخليها تبكي على اليوم اللي باعته فيه وجزء كبير من قلبه عافها خلاص من لما اجتمع اسمها بأسم غير اسمه .. من بعدها صار انسان مختلف طايش .. يكلم الف بنات بس عشان يحاول ينسى او بالاحرى يتناسى هاجر )




هاجر وصوتها كله نوم : الووو
جاسم بابتسامه خفيفه على جنب : هلا والله .. بعدج نايمه حبي
هاجر بغرور : هيه .. كنت نايمه جلبي
جاسم : اشوفج ما مداومه صح ؟
هاجر : اليوم السبت اجازة او نسيت ؟
جاسم : اوووه صح انتوا مال البنك.. ترا الحين جريب دوار فلج القبايل .. جلت بمر اشوفج .. بس ما مشكله مره ثانيه
هاجر : اها .. ساير تيب نوره من الجامعه
جاسم : هيه والله .. بصراحه حدي مشتاج لج والله
هاجر : وانا جسوم وايد مشتاجه لك ..
جاسم يلف من يمين دوار فلج القبايل : انا ياي اشوفج
هاجر قفزت من نومتها : لا لا بلييززززززز جسووم مابغا مشاكل
جاسم : يلا عاد خلي عنج زوجج مداوم .. وانتي بروحج بس بشوفج وبطلع اوعدج 5 دجايج
ماشفتج من شهر 6 من بعد زواجج
هاجر : يعني هالكثر تبغا تشوفني
جاسم وصوته بدأ يذبل : هاجر انتي ملكتي كل كياني
هاجر بدت تضعف قدام جاسم : طيب 5 دجايج ولا تحط احد من الجيران يشوفك بليززز .. اول ما توصل تحت اتصل بحط الباب مفتوح واطلع بسرعه ودش وسكره .. لا دج جرس الباب عسب ماحد يسمعك ..
جاسم : انا تحت يلا ياي
هاجر : هههههههه يعني كنت تحت ولا جلت من اول .. طيب تعرف الشقه رقم كم ؟
جاسم بحزن : لا ماعرفها .. بس اعرف البنايه
هاجر : رقم 15 الطابق الثالث .. بسرعه اطلع
جاسم نزل من سيارته بكل صفات الجمال اللي فيه ( لابس كندوره شناصيه زبده زيتيه فاتح وغتره بيضا ونظاره بنيه مايله على سواد كبيره .. مع لحيه خفيفه على خده بارزه خدوده الورديه )
دخل البنايه .. وهو يركب الدرج كانت كل خطوة بالنسبه له اثقل من الثانيه .. وصل عند باب الشقه وقف دقيقه ومسك باب الشقه غمض عينه وتنهد بقووووه تنهيده مثل طلعت الروح .. اااااااااااااااااااااااااااااااه بس ياهاجر ليش ما انتظرتيني
فتح الباب وليته ما فتحه .. وقتها تمنى يفتح باب يوديه لسجن ولا باب يصدمه بالي شافه




ثريا وهند كانوا في غرفه القبول والتسجيل يخلصوا اوراق صاحبة ثريا ..
ثريا بهمس على اذن هند .. بجولج شي بس امانه وربي امانه ما تجولين لأحد
هند التفت صوب ثريا : اوعدش شو صاير
ثريا وهي تمسك يد هند وصارت يدها تعرق : لا لا خلاص انسي ولاشي
هند بأستغراب : ثرثر شفيش .. انتي من لما داومتي ما طبيعيه ابد ..
ثريا تنتهدت بقوة : ولاشي .. شكلها خلصت هذه بروح اخذ الاوراق ..
البنت : تفضلي هذه الاوراق
ثريا وهي تاخذ الاوراق منها : مشكوره
طلعن وراحن الخيمه مع نوره عشان يتغدن .. وهند اللي عينها ماشالتها عن ثريا شايفتنها غريبه ومتضايقه من الصباح بدون ما تقول لأحد وهذه طبيعيه ثريا انها كتومه وهاديه وتستحي تقول اللي بقلبها لأحد
نوره تحط الانبوب في البيبسي .. جاها مسج
نوره تجننت وربشت الدنيا معها : ووووووواي رسل رسل
هند فاتحه عيونها ع الاخر : منووووووووووووو ؟
ثريا : عشقي انتي صح ؟
نوره تهز راسها : هيه هووووووووووو .. وه وه قلبي طاح حاط صورته يذبح كاتب هاي
ثريا : ردي ردي جولي له من وين جبت البن كود حجي
نوره حطت نفسها مغمى عليها ورمت نفسها فوق هند : يذبح اه يا جلبي
هند بعصبيه : وانا دايما الضحيه كل ما تعبتي رميتي نفسش فوجي كأني ريلش
ثريا ونوره : هههههههههههههههههههههههههههههههههههههههههههههههههه ه
نوره تأشر بيدها : اوووووووووش سكتن رد .. انا جبت بن كودج من عند ناس بس بالاول احلفي انج ما تزعلين نوره
ثريا : وووووووواي يعرف اسمج
هند : ردي ردي بسرعه
نوره : انا حاليا متجمده ممكن هواء
هند تشب بايدها على وجه نوره : ههههههههههههههههههه هاه رجعت انفاسش
ثريا وفمها مليان اكل : كتبي انا اسفه بسويلك دليت من البي بي .. ماحب احد يلعب بي .. اما تجول او اسوي دليت
نوره : خلاص جلت له كذيه
هند : تتوقعين من طرف منو
نوره : وربي مادري .. اللي اعرفه انه حلو .. حتى احلى من بشكارتنا ( البشكاره يعني الشغاله )
ثريا بإشمئزاز : يععععععععععع عزالله تشبيه مالت عليج وعلى ذا الويه اللي اكبر منج ومن ذي الشباصه اللي كبر بيتنا
نوره :هههههههههههههههههه حماره .. وووووووووه مارد طنشني
هند : سوي له دليت احسن لش يمكن جسوووم
نوره : لا لا مستحيل جسوم ينكت فيني كذيه .. تخيلن طلع ميود
ثريا شهقت : وووووووووع سديتي نفسي الحين ردينـا تلوعي كبودنا فيـه
نوره فرفرت عيونها : فديته .. ماشفناه من يوم عيد الميلاد .. متى بيشرف
ثريا تشوفها بحقد : اجول سكتي جبـل مافجع عينج انتي وياه وهند معكم
هند شهقت بضحك : ههههههههه وانا شذنبي







جاسم فتح الباب وقف مثل وقفة الجسد اللي تطلع روحه مع كل نظره يشوفها فيها بدت كل افكار الجن تحوس براسه ( ليش كذيه يا هاجر .. والله كنت شاريج وشاري كل عمري عشانج دست على كرامتي وعرفت اختي لج عشان ما تجولي يالس يلعب اخرتها حتى وانتي على ذمت ريال ثاني طعنتيه بظهره .. جلت ما تبيني انا واخترتيه اهو بس ليش ما حشمتي نفسج لو شويه .. ااااااااااااااااااه بس ياهاجر طلعتي مثل باجي البنات ماتسوي نعالي هاذي .. ياحسافه والله ياحسافه .. خلاص جاسم امسك نفسك تراها والله ما تستاهل دمعه من عينك .. وناااااااااااار جلبي من يطفيه من بعد كرهي لج والله طحتي وطاح جدرج )

هاجر كانت لابسه قميص نوم ابيض حرير لين نص الفخذ ومن فوق عليه شريط خفيف ماسك به اللبس

هاجر متشققه فرح : جاسم الو وينك
جاسم بدأ يصحصح شوي شوي ويشوفها من فوق لتحت : معج وش هالجمال تغيرتي هاجر
هاجر لفت قدامه لفه بسيطه : شكرا فديتني
جاسم : ما بتضيفيني شي
هاجر : جاسم ليش حاط نفسك طبيعي ولا كأن كانت بينا قصة حب
جاسم (الله ياخذج جـولي امين ) : لا فديتج بس خفت اضايجج .. لاتنسي هاجر انتي صرت شايله شرف ريال
هاجر بدت ابتسامتها تذبل : جاسم ماجدرت احبه ..صدجني جلبي بعده معك
جاسم وعيونه تتلفت حوله : عادي اشوف شجتج؟
هاجر بتوتر : هيه بس غرفه النوم فوضى ما رتبتها
جاسم ( سكتي لله ياخذج لا تجتليني اكثر من اللي يالس اشوفه ) : لا عادي انا مو غريب والا عندج راي ثاني ؟
هاجر تمشي قدامه : هذه الصاله طبعا وعلى يمينك غرفه النوم
مشى جاسم صوب غرفه النوم ويبن كل خطوه وخطوه يضغط على تلفونه بقووه من وجع قلبه .. دخلها وشاف لونها بنفسجي وبنص الغرفه سرير ابيض ومخداته بنفسجيه تلمع والبطانيه معفوسه وتسريحه بيضا كبيره على زوايا المرايا لمعه بنفسجيه وكرسي التسريحه بنفسجي والغرفه مليانه شموووع ورديه وبنفسجيه بكل الاحجام
مسك البطانيه وسحبها من السرير وشاف شراشف السرير متلعوزه والتفت صوبها : انتي وزوجج تتضاربون .؟؟؟
هاجر اتكأت على طرف الباب ونزلت راسها : ..................
جاسم : هاجر اكلمج او هذا الحب اللي تجولي عنه ما جدرتي تحبيه
هاجر : ...........................
رمى البطانيه على الارض ومشى صوب التسريحه جلس يلمس كل عطر ولوشن ومي كاب بأطراف اصابعه : اي عطر استخدمتي له امس ؟
هاجر : جاسم خلاص
ما التفت صوبها .. راح صوب الشموع طلع ولاعه من جيبه لانه كان يدخن من بعد ما تركته هاجر وتزوجت
ولع اصغر شمعه : هذه هي الشموع اللي كنتي بليل تسولفيلي عنها جبــل انج بتشغليها لي بليل لين ما يذبل كل الشموع ومايبقى الا لمعه عيني عشان تشوفي الحب فيها
هاجر : جاسم اطلع

جاسم بابتسامه على طرف : طالع طالع
مشى ولما وصل جنبها عند الباب مسك يدها : هاجر
هاجر تمنت الارض تنشق وتبلعها عينها مليانه دموووع : ...............
جاسم شدها بقوه وضمها بحضنه وهي مثل الطفل تبكي بقوووه بين حضنه وتشد كندورته باطراف اصابعها من قوووه البكي
مسح على شعرها اللي حاطته سايح لين كتفها وصابغته عسلي : اششششششششششششششش
انا اسف ماجصدي هجورتي بس خلاص
رن تلفونه : خلاص اجولج انا بروح هذه اكيد نوره تنتظرني
سحبت نفسها من بين احضانه .. وجلس يمسح دموعها باطراف ايده وماقال ولا كلمه وطلع بسرعه صوب سيارته فتح الباب وشغلها وتنهد بقوه وشغل

باحلامك تبي حبي .. باحلامك تبي قلبي .. باحلامك تبي جربي

جاني يبي حبي .. جاني يبي قلبي .. جاني يبي جربي
مارد مهما كان
يحسبني ما اجدر وفي بعاده ما اصبر
مارجع لو يتعذر او طال الزمن
خلاص ارجوك انا بنساك
ابي ترحل. .. الله معاك


غيرك في مليون
في هالدنيا وفي هالكون
امثالك ما يسون اعطي جلبي لهم
كل مره تتأسف .. واجول شكله تحسف
انا سامح وانت عارف
مايجيني غيرك
خلاص ارجوك انا بنساك .. ابي ترحل
الله معك

باحلامك انا ارجع
او اني لك اشفع
خلاص جلبي تشجع
وعنك تشجع
عشجتك ما انكر
واهويتني ما اذكر
موج ادر انا اصبر
خلاص بهديك الجروح
خلاص ارجوك انا بنساك .. ابيك تروح
الله معك



نوره وهند وثريا في حمام البنات ..
نوره تصلح شعرها : تأخر جسوم جال ما بيتأخر من وجت طالع من الكليه
ثريا تغسل وجها وتلتفت ل نوره : اجولج انا حاطه سيارتي عند بوابه البنات بطلع معاج لا تسبجيني
هند : مالت عليكم وحده بتروح ويا اخوها والثانيه بسيارتها .. اما انا ياويل حالي حدي باص لاه وبعد ريحة البنات اخر الدوام واصله هولندا .. يعني استشق اطيب الروائح .. وراعي الباص كل خمس دجايج يغير المرايه اللي جدامه عشان يركز على كل البنات

ثريا جات وباستها من خدها : فديتج يا بعد عمري ولا يهمج من باكر انا بوصلج خلاص جلبي وجعي التصريح عند الشيح ومايصير خاطرج الا طيب ووين ما تبين بويدج .. كم هنوووده عندنا
نوره حطت يدها على خصرها : لاه وانا يعني مالي رب ..تحطوني مع جاسم يعذبني نفسيا وجسديا وكل شي حج نفسه حلال
ثريا وهند : ههههههههههههههههههههههههههههههه عاد هذا اخوش مالنا امر عليه
نوره تمسك فونها : جبنا طاري الاط وجانا ينط .. يلا باي حبي
هند : وووووووووووووه فديته بليز نووووره سلمي عليه
نوره : اااااااااااااااااخ بس يالحراميه انتي اي واحد حلو عاد عينج عليه
ثريا : ههههههههه حرام عليج خليها تحلم على الاقل الاحلام ببلاش
ثريا تمسك يد نوره : يلا هنووووده سي يو نشوفج باكر
هند رجعت تصلح ميكبها بكل براءه













توقيع : حورية

حورية

عرض البوم صور حورية   رد مع اقتباس