القصـــــــة
في الجامعه .. الساعه 8 الصباح ..
جنب المبنى أ قدام المكتبه ..
هند لابسه بنطلون جينز ازرق فاتح ضيق وقميص ابيض شيفون لين نص الفخد وفيه اكمام وساع قصيره وفوقهم عبايه واسعه مفتوحه لحد الركبه وشوز ابيض فيه كعب ضعيف ولابسه شيله سودا مليانه كريستال من قدام على طول الشيله ومغطيه شعرها وحاطه كحل خفيف فوق عينها ومسكرا وبلاشر وردي فاتح على خدودها ومرطب شفايف وردي فاتح على لون شفايها ..
هند وهي مكتفه يدها قدام المكتبه بعصبيه واقفه : يوووووووووووه هاذي ليش تاخرت وايد
نوره جايه من غرفه الاستقبال تمشي بسرعه وكتبها ماسكتهم وشوي بيطيحوا .. لابسه عبايه واسعه ومسكره ماواضح شو لابسه تحت بس اكمام العبايه وساع وباين انها مالابسه قميص اكمامه طوال ولابسه ساعه بحريه وشيله بحريه شيفون لافتها على الخفيف ورافعه شعرها من قدام ومطلعته شوي وحاطه اي شدو بحري خفيف فوق عينها وبلشر وردي فاتح وجلوس هادي يلمع وشوز بحري مافيه كعب سطحي
نوره وصلت عند هند : والله يايه اركض بطني عورني
هند : يلا بسرعه المحاضره اظن بدت
وهما يمشوا صوب الكلاس ويركبوا الدرج حق المبنى أي
هند :كأنش جصيره اليوم شو السالفه
نوره بشماته : لاوالله وانتي لابسه ذا الكعب كأنج لابسه برج ايفل
هند ترفع كتف واحد بغرور وتلف وجها صوب نوره وترمش بسرعه : فديتني ما طالعه جمر ؟
نوره ما تلتفت صوبها : هيه هيه خلاص وصلنا دخلي
هند وهي تشوف من زجاجه الباب : لحجي لحجي خلووووووووووووود مدوام ويالس جدام
نوره : حلفي حلفي واااااااااااااااااي بطني بروح الحمام
هند تمسك يدها بقوه : صبري بشرررد معاش مابحضر ههههههههههههههههههههههههههههههههه
هههههههههههههههههههههههه
جا الاستاذ من وراهم : فوتوا يا بنات
هند حست وجها طاح ودخلت هي ونوره وسحبوا كرسي من قدام حطووه ورا وجلسوا .. رغم انهم اول يوم يداوموا من السنه الجديده وسجلوا نفس المواد عشان يصيروا بنفس الجروب والكلاس ..
خالد ( كان بنفس جروب هند ونوره وحاط دوبه من دوب هند ونوره مطلع عيونهم من التعليقات بس بينه وبين نفسه حاط عينه على هند وهالشي اللي ماحد يعرفه غير سعود صديقه )
( خالد من مسقط .. طويل وبشرته برونزيه وانفه حلو وعيونه وسط بس لهم لمعه تجنن ونظراته للبنات حاده وحاط لحيه خفيفه على خده ورشيق وشعره طويل لين كتفه وعريض على وسامه ..
سعود اقصر بشوي من خالد .. وابيص بس ملامحه شوي مو حلوه ومن مسقط نفس الشي .. بس طيب وقلبه رحووووم)
سعود قرص خالد اللي جالس جنبه قدام .. : خلووود العصفوره مالتك وصلت
خالد ماسك التلفون مندمج على البي بي والتفت بسرعه يدورها وابتسم ابتسامه خبث حق هند وشاف وش لابسه من فوق لتحت
هند بدأت تشمئز : نوره بدأ هذا يسوي حركاته
نوره : شفته الله ياخذه اول ما نطلع من المحاضره ما بيرحمنا من تعليقاته استعدي يعني
هند : مسعتده حبيبتي اليوم انا مداومه بكل قواي الجسديه
الدكتور جالس بروحه يشرح حق الطلاب عن الشبترات اللي بيدرسوها وعن عدد اختبارت الفصل ودرجاتهم .. ومحد ومعطيه وجه الكل مشتاق الثاني ويسولفون مع ربعهم بس البنات يسولفن بهدوء
خالد مندمج ع البي بي ما يسولف مع سعود
نوره عيونها ما شالتها من خالد : شت هذا اكيد يراسل نص بنات مسقط ياي شابع ترقيم بنات السيتي
هند بمصخره : اكيد وهذاا ويهه ويه واحد مال هندسه
نوره: برسل حق ثريا اكيد منخمده
هند : صح ما خبرتش امها شرت لها سياره انفينيتي اليديده لونها اسود كشخه
نوره : والله ماخبرتني
هند : ايوا ترا من 3 ايام طلعت ليسن وشرتها حج الدوام .. خلاص ماتبغا تروح وتيي مع السايج
نوره : ايوا احسن على الاقل انا بروح معها اذا اخوي الوسيم جسوم وافق .. طبعا دي حاجه مستحيله
هند : هههههههههههههههههه
ههههههههههههههه
خالد يلتفت صوب هند ونوره ومد بوزه على قدام
سعود قرص خالد بقوه من فخذه
خالد بصوت عالي فتح فمه : اااااااااااااااااااااااااااااااااااااااي
سعود بصوت ضحك : فضحتنا شو تبفالهن
الدكتور عصب : خلاص اطلعوا ماراح نحكي شي اليوم انا معاكون يوم الاربعاء من الساعه 2 لحد 4 وشال كتبه ومالحق يوصل الباب
الا وخالد قافز من فوق الكرسي وطاير صوب الباب : يلا شباب نلتقي باكر
سعود يمشي وراه
هند وهي تشوف خالد وسعود بحقاره : وذا السموم لازم وراه
نوره : ههههههههههههه حرام عليش سعود سمسموم
هند : ايوا ماتشوفيه السكرتير ماله فالح بس يضحك ويشوف
ثريا ف هذا الوقت نايمه ف سابع نومه بغرفتها .. وحاطه تلفونها ع الصامت ماسمعت مسج نوره بدأ المنبه يرن مرة ومرتين وثلاث ..
ثريا فتحت عيونها كأنت نايمة مثل الملاك منثور شعرها بكل مكان على المخذه .. شالت الشعر من على عيونها : يووه كم مسج هذيلا راسلات .. ياربي اول يوم دوام مالي نفس
قامت وراحت تنادي الشغاله
ثريا : سيتي كوي لي عبايتي اللي فيها شك بنفسجي انا بدش اتسبح
سيتي : انشين شريا
دخلت الحمام تتسبح
في كافتيريا خالد جالس يشرب بيبسي وفطاير وكل شوي يشوف صوب بوابه البنات لان ما يفصلهم الا حاجز بسيط وهو مقابل باب البنات والشباب
طارق جاء من وراه وضربه على كتفه وجلس
طارق : هلا خلووود .. كيف الاجازه .. اشوفك متنان شوي
خالد : لاوالله ما متنان ولا شي بس لانك ما شفتني من زمان لما كنا ف مسقط
طارق : الله يعينك هالفصل .. المواد دسمه يبغالها دح
خالد : ههههههههه الله يخلي الرشوه تسوي عمايل بنجح بنجح اطمن حبيبي
طارق : والله ما يندرى عنك .. مالت ع الجروب اللي طحت فيه مافي بنات حلوات عاد احنا مال الحاسوب ما وايد حلوات معنا ياليت مانتقلت من كليتي
خالد : ههههههههههههههه سير عند بنات البزنس والهندسه ابو الدلع هناك
طارق : ترا انا تو شفت المعاناه بس الحين خلاص ماقدر اغير دشيت الجامعـه
خالد " انت سوا بنات حلوات او ما حلوات ما فالح " : هههههههههههههههههههه خلك ف دراستك ابرك لك
طارق : يلا يلا بروح بدت محاضرتي الحين س 10
( طارق زميل خالد وسعود بس من بعيد لبعيد درس بمسقط وانتقل جامعه صحار يخلص بكالوريس.. ومع مرور الوقت راح نعرف تفاصيل جديده عنه بحكم انه زميلهم بنفس الشقـة ويعرف خالد من زمان
طارق بشرته برونزيه بس ملامحه تذبح عيونه لونهم مايله على اخضر وشعره طويل شوي وفيه غمازات بخدوده .. وابتسامته تطيح الطير من السماء من مسقط وخبل بس اعقل من خالد بألف مره .. وحساس ما يحب يشوف احد ينظلم او ينجرح قدامه قليل يجي الجامعه يحضر محاضراته ويرجع رغم ان البنات ميتات عليه بس مايعطيهن وجه )
طلع خالد من كافتيريا بعد ما اتصل على سعود الف مره بس مارد ..
خالد يتخرطم : مالت عليك ماترد بعد هاه .. احسن اروح اشوف بنات الفاونديشن يمكن اكحل عيوني بوحده حلوه .. جلس يدور وحده ف الجامعه ويدحر بنات خلق الله اللي ما يعجبه لبسها
عند مكتب عميد كلية الهندسه هند ونوره واقفات ينتظرن الدكتور عشان يبغن منه يغيرن دكتور مادة الكيميكل ويحضرنها مع دكتور راجوند ..
وسمعن صوت من وراهن واحد يعلق: حاله الطقس اليوم هائج الموج على معظم مناطق السلطنه مع احتمال سقووط امطار خفيفة
التفت هند وفيها ضحكه مليانه بفمها لانها عارفه نوره المقصوده لابسه بحري وشافت خالد شاق الحلق
نوره بعصبيه : انت ماتستحي اذا ما اشتكيت عند شؤؤن الطلبه ما اكون انا
مر خالد من جنبهن وكأن ما سمع شي وكمل يراسل على البي بي
هند : ههههههههههههههههااااااااهااااااااااا حلوه حلوه الصراحه
نوره حطت يدها على خصرها وتهز راسها : لاه .. تضحك وايد صح
هند : فديته خلوووودي ماجال شي .. لابسه المحيط الاطلسي فوج راسش مثلا
نوره : بروح اشتكي العماده
هند مسكت يدها بسرعه : حرام حرام بيطردوه وايد عنده انذارات يسلينا
نوره : اصلا اعرف انه نذل لو شكيت بيجول انا يالس اجرا حاله الطقس من تلفوني وهما حسبوا نفسهم اقصدهم .. وبعدين ترا اسمع دجات جلبج لما يمر وهو طايح تعليق فيني عشان يلفت انتباهج وانا الضحيه فديتني
هند شاقه الحلق مابقى ضرس ماطلع : هههههههه هههههههههههههه يعني حاسه فينا
هند وهي طلع تلفونها من شنطتها
نوره : من هذا محمد اكيد
هند وعينها على فونها وتهز راسها بالنفي : لا هذه ثرثر راسله تقول محاضرتها س 12 بس الحين بتطلع من البيت
نوره : اها .. يوووووووووووه تاخر هذا الدكتور .. يلا بنروح الخيمه شكله ماراح يجي الحين
راحن يجلسن في خيمه البنات ينتظرن ثريا تجي ..
ثريا لابسه جينز ازرق غامق مع بدي اخضر غامق وسلسله ذهبيه رقيقه قصيره فيها حرف T وشوز اسود فيه كعب وعبايا واسعه مسكره واكمامها وساع وايد وعلى جوانبها شك بنفسجي فيهم فصوص تلمع لونهم فضي وشيله سودا عليها من فوق نفس الشك اللي بالعبايا بس بشكل اقل واصغر .. حاطه اي شدو فضي فوق عيونها وكحله على اخر عيونها موضح وسعهم وبلاشر زهري وجلوس زهري يجنن عاطيها الشكل الطفولي الناعم ..
وهي توقف سيارتها عند بوابه البنات اللي قريبه من خيمه البنات عشان بسرعه توصل حق هند ونوره ماتشوف الا سعود واقف مبلم وجنبه 2 شباب ماعطته اي اهتمام نزلت من سيارتها وطلعت بطاقتها الجامعيه ورتها السوكيرتي ..دخلت الجامعه راحت الخيمه .. شافت هند ونوره ..سلمت وانسدحت على مخدات الخيمه
نوره : بسم الله توش واصله عاد انسدحتي
هند : هههههههههههههههههه
ثريا ترد بتعب : حبيبتي انا تعبانه ماشبعت من الاجازه
هند تضرب نوره من فخذها بقوه : خوزي رجولش من فوجـي
نوره فارشه رجولها فوق فخذ هند : وانا بعد تعبانه
نوره : صح ثرثر مبروك السياره
ثريا رفعت راسها والتفتت صوب نوره : يووووووه والله نسيت اخبرج .. الله يبارك فيج
هند : ايووووووووووا من جدش الحين روحتنا وييتنا ترا مع بعض بسوي لش تصريح عسب اطلع معاش بعد المحاضرات
ثريا : ايوا صح .. خلاص ولا يهمج ونوره بعد ؟
نوره رفعت شفايفها على فوق بزعل : والله جسوم بيذبحني ماجدر تعرفوووه هو اللي ييبني ويشيلني
ثريا : خليه ياكل تراب .. مو على كيفه انا ولية امركم حاليا
نوره : ههههههههههههههههههههه ههههههههههههههههههههههه عزالله وليه امر دام منسدحه 24 ساعه تعبانه
نوره وهي تتصل على جاسم : اااااااااااااااخ هذا الولد خاطري اشوف تلفونه لو مره وحده ما انتظار
هند : اكيد يكلم مال نزوى..
نوره: هههههههههه سكتي على طاري مال نزوى ..اتصلت فيني
ههههههههههههه اكيد كانت طالعه معاه وخذت الرجم من فونه.. اونها تبا تتعرف علي وع ما فهمت ولا كلمه من رمستها
ثريا : ودي بصراحه اشوف هالجاسم ..هههههههههههههههه اكولكن تبون نطلب غداء
هند ونوره : كولي هههههههههههههههههههههه
ثريا : تراني خلاص كلت .. يلا عاد صدج تبون نطلب ؟
نوره : عن نفسي ميته يووووع ... حده بطني لازج بظهري
هند : اوكي انا بدج ع كنتاكي .. طبعا بنطلب مطافي
ثريا : ع حسابي طبعا بمناسبه السياره
نطت نوره فجأة من جلستها : ياتني اضافه ع البي بي
ثريا : سوي قبووول
نوره : سويت قبول بس غريبه ما اعرف هالبن كود ولا النك نيم ( عشقي انتي) ما يذكرني بأحد ؟
هند : خلاص طلبت 3 مطافي بس ثرثر انتي متى محاضرتج
ثريا : محاضرتي س 12 بس ماراح احضر وربي مشتاجه لكم وايد خلوني منسدحه بلا وجع راس
نوره : رسلت له منو معاي وللحين مارد
ثريا وهي تعدل جلستها وتلبس شيلتها : بنات انا بروح التسجيل والقبول .. بنت طرشتني اخلص كم ورجه .. تعالوا معاي
هند تقوم من جلستها : انا بروح معاش يمكن اشوف خلووودي
نوره تمسك عبايه هند وتشدها لتحتها : ههههههههه كانت لازجه في الجينز فوج عشان خلووود يلجى شي يعلج عليش
ثريا : وويع وش هالخالد ما بلعته .. حليو بس حده نذل
نوره ترفع تلفونها : جسوووم يدج بلحج عليكن عجب اوووكي
هند تمسك ثريا من يدها : تعالي ماراح تخلص لين باكر
طلعوا هند وثريا للقبول والتسجيل ..
نوره رجعت تنسدح على المخدات : هااااي
جاسم يفتح باب سيارته وحاط الفون على كتفه ومنزل راسه عليه : هااايات
نوره : هاه خلصت محاضرتك
جاسم يشغل السياره ويطلع من مواقف الكليه : هيه .. بس اجولج خلصتي او بعدج .. ابغا اروح انام
نوره : خلصت بس طالبين غدا .. يوووعانه بتغدا عجب تعال
جاسم : سيري لعبي لاه والله الحين ياينج اول ما اوصل دوار الكره الارضيه بدج عليج وطلعي بسرعه عند بوابة البنات
نوره : جسوووم .. بليز بطلب طلب
جاسم بعصبيه : طلبي خلاص ترا بديت اعصب ابا ارجع انام
نوره : رفيجتي ثريا عندها سياره سويلي تصريح اطلع عندها .. حرام كل يوم تيي من شناص لحد هنا عجب نرجع شناص وانت تعبان من الدوام
جاسم : والله صراحه تأثرت .. حاولي مره ثانيه
نوره : بليز جسومي
جاسم : اجووول جلبي ويهج .. باي باي انا في الطريج وسكر الفون
جاسم : هذا اللي ناجص بعد .. يزيد الخنث
ومد ايده على المسجل شغل اغنية راشد الماجد ( جاني حبيبي )