[نسيان]

المشاركة الأصلية كتبت بواسطة مــنــــــآل

//
\


أهلا وسهلا أختي نسيان ..
عندي سناب .. وأحب التصوير
سواء تصوير شخصي أو تصوير يومياتي
وبالعكس أحرص على متابعة سناب أهلي .. خواتي واخواني و أولادهم
واحرص أختي تصور غدا أمي يوم الجمعة لما يجتمعون عندها ..
عموما .. السناب مثله مثل أي طفره يهبون فيها اليوم وينسونها بكرة
زي البلوتوث أول و المسنجر و قبل أول ما طلعت جوالات نوكيا
طلعت موضة يحطون نغمات الأغاني بالجوال
قسم بالله جلست على بساط الفقر من كثر ماحط واشيل واغير
كانت النغمة بعشرة ريالات واحتار أي نغمة أحط
آخر شي أعطيت راعي المحل 200 ريال
قلت حط لي عشرين نغمة .. والحين إذا تذكرتها
أحس تخنقني العبرة ... هههههههههههههه
المهم .. سناب تشات زين شين مرة صار لي موقف
كنت عند جارتي وصورت دلة القهوة مع القدوع
وكتبت قهوتي عند أم فلان .. وحطيتها بالستوري
وقامت وحدة من جاراتنا شافت السناب واتصلت على جارتي أنتي ياللي عندها القهوة ..
تعاتبها تقولها شدعوة ماقلتوا لي أجي أتقهوى معكم
عادم قامت اللي عندها القهوة وزفتني .. قالت ليش صورتي
وكله منك ومن تصويرك وسنابك عرفت وزعلت
قلت أبوكم أبو قهوتكم واللي يصوركم
ومن عقبها ماقمت أصور قهوة ولا عشا ولا غدا ولا بطيخ
أصور عمري وغداي وعشاي وقهوتي وبنتي و بسسس
عاد أحيانا أزهق منه وأسكره
وأحيانا أدخله مندفعة ..

وفيه حسابات حلوة
وفيه حسابات سامجة و غبية ..

/
\


نسيان ..
أتمنى لك التوفيق دائما ً
شكرا ً .

هلا بج مليون وعساهم يسدون هلا منوله اي حسابات سامجه
كلن يطبخ كلن يحوس ببطن الجدر اتوقع لو تطلع الاحصائيه كان عرفوا عدد
الاكل اللي انرمى من كثر ما جربوا البنات حطي سكر حطي ماي حركي ضيفي
هيل ورشة ملح وعليكم بالعافيه
و الناس تقلد و تفشل الطبخه وارمي ارمي و يا زبايل وسعي من بطونج المرمي فيك
اكثر من المرمي بحلوق الخلق
تراه نفس
وحتى طبخاتنا اختربت واحنا نشوف الخنبقه اللي يحطونها ويرزونها على النار
اما اصحاب الاكونتات المكياج صار عندي 34 كحل سايل كل شوي وحده تعمل دعاية واحنا اشتر اشتر
مدري ايش صار بنا كل بلا ومن غير ادراك
فقررت اوقفه و السبب اللي يشوف وما يصور لنا الستوري حذف
سبب مشاكل ليش حذفتيني
ليش ما مشنتسني و بلاوي
من وين شريتي دلة القهوة حقتج
ما تبي تعلمنا
اكيد من رامز
ونقل الحكي
بس الصراحه الللي يبي يربح يشتغل بشغلات للحريم وعيالهم وماعينهم
يستغني يناطح التجار الكبار و الهوامير

اما عاد نغمة النوكيا صرنا لهم حنا البنك و البقرة الحلوب
كل ينزلون نغمات واحنا ادفع ادفع

بس الصج علينا الاختيار و بنفس الوقت علشان ما نتابع السمج
ونختار
بس من قررت ابعد وانا مرتاحه وخف الهوس من الشراء
حييتي ونورتي وطاب مسعاك يا قمر