صورة ثريا عشان تبقى الافضل .. اما هند طيبتها هي اللي ذابحه نوره لان هند ما تعاند نوره وتعرف طبعا عكس ثريا اللي ماتسكت على نوره اذا حاولت تجرحها بكلمها ..!!
وهذا المصطلح اللي كان منطبق عليها ( ليس كل مايلمع ذهبا )
رغم قوتها .. كان بداخل نوره حاجه ضعيفه يخليها مستعده تذل نفسها عشان تكسب شي واحد ومع تفاصيل القصه راح نعرف شو هو .. !!
نوره بطفش وجالسه رجل على رجل ف الكرسي : الوووووووووووووو
هند تلبس عبايتها : هلا نووووووورنووووو
نوره : وينج تأخرتي
هند بابتسامه : ياحياتي والله الحين صاحيه وشكلي بمر بيت ثريا ايبها الجامعه لا ماظن راح تيي الجامعه
نوره : والله .. طيب عندي رأي شرايج تروحين عندها وجوليلها بنطلع نتمشى نغير جووو وبكذيه دامها تعبانه بتنسى وجعها بسبب هذا الوليد الشين
هند : والله فكرة .. طيب نص ساعه وارد عليش خبر باي
نوررره : لحظة لحظة .. شفت خلوووووووود
هند جلست تتقفز بالغرفه : حلفي ؟ وواي فديته ...... ذبت
نوررره : ههههههههههههههه والله لحجي لحجي
هند : هاه شو بعد
نوره : معاهم واحد ووووووووواي يا هند يذبح لابس كندوره جطريه وكبوووس اول مره اشوووفه بغيت اموووووووت وعيوون خصر
هند : يمكن اخو خلووود ياي زياااره
نوررره : وععععععععععععععععععع لا لا ماظن هذا غير عيونه تذبح .. وايد كان يطالعني وراح الحمام وطلع ويداور علي ..
هند : من يجدر عليش انتي مابجى احد ما ذوبتيه بالجامعه من عيونش اخر شي لما ييوون عندش تسبيهم
نوره بثقه : هذا اللي ييننهم فيني اكثر .. يلا يلا خلصتي رصيدي
هند : زطيه ( يعني بخيله )هههههههههههههههههههه بايات
هند لبست سكني اسود وبدي ابيض طويل لين الفخذ وبالنص عليه ورده فيها لمع وشوز اسوود وعبايا واسعه مفتوحه لين الركبه وفيها كش كش عند الاكمام ( يعني فروا ) بلون الابيض وشيله بيضاء شيفوون تجنن وميكب حلو مع روج وردي فلاش وكحل بطريقه حاطه عيونها كبااار وايد وشنطه سودا .. تعطرت وطلعت برا اللي كان اخوها انور ينتظرها ..
ركبت وسكرت الباب
هند : هااااااااااي
انور وهو يحرك السياره : نروح بيت ثريا او الجامعه
هند : لا بيت ثريا
انور بهدووء : تصدجين هالبنت وايد ارحمها
هند باستغراب وهي ماده ايدها تشغل المسجل : ليش ؟
انور وعيونه بالطريق : ماعندها اخوان وبروحها يعني صعبه الواحد يعيش بروحه ..
هند : ههههههه ماعليك منها هاااي عفريته بسبع ارواح
انور : هههههههههه ماعليش بخبرها
هند : هههههههههههه اعرفك بتخبرها بس ماعليك اذا خبرتها .. بطلع فضايحك عند امي
انور بثقه : انا ماعندي فضايح يا شيخه
هند : قصدك يا جاسوسه انا عندي كل فضايحك مع بنات الجيران
انور بخوووف : لا لا لا خلاص بسكت وبعدين بت جيرانا هذيك راعيه الورقه هي اللي بدت
هند ضريته على كتفه : مالجيت الا وحده صف تاسع هههههههههههه
انور : والله عاد هذا اللي عندي اذا عندش احلى منها واكبر يبيها
هند تضحك : هههههههه لا ماعندي
بعد 5 دقايق
انور .. يلا نزلي بس انتظر شاو اروح ..
هند وهي تمسك شنطتها تبغا تنزل : لا روووح انا بروح عندها .. معاها سياره
انور : طيب يلا بااااي وسلمي عليها وتسلم بعد على شغالتهم الفلبينيه ذيك ام شعر اشقر
هند وهي تسكر الباب : ههههههههههههههه بايخ
ثريا فتحت عيونها بعد ما سمعت احد يدق الباب الف مرره : ادخل
هند فتحت الباب : يلا يلا جووووومي بسش نوووم
ثريا بكسل وترفع ايدها فووق بقووة من كثر الكسل : ليش الساعه كم اصلا الحين؟
هند وهي تشوف تلفونها : الحين ساعه 10 يلا جوووومي
ثريا قامت من سريرها بسرعه ودور بين المخدات : تلفووووووني وينه
هند باستغراب : يعني ما حسيتي ان تلفونش مبند ؟
ثريا واقفه وحاطه ايدها بخصرها : راحت على نومه امي عطتني حبوب منووم وماحسيت ؟ وينه دوريه عندي
هند راحت صوب الطاوله وجابته : خذي هذا هو
ثريا بسرعه تحاول تشغله وتشوفه خفيف : مايشتغل شسالفه ..
هند فتحت شنطتها وعطتها البطاريه والمودم : كانوا عندي
ثريا تشوف هند بنص عين : لااااااااا وبعد تعترف .. وليد اكيد الحين بلجاه ين
هند : لاتحاتي وليد حي وبكل قواه العقليه بعد .. واتوقع يكلم الحين زوجته اجصد خطيبته
ثريا تنهدت وجلست على السرير ولا دخلت البطاريه .. عينها بدت تدمع
هند جلست جنبها وحضنتها : ثرثر حبي خلااااااص لاتعوري جلبي والله انسيه وليد انتهى
ثريا تمسح دموعها باطراف اصابعها : ياليت اجدر انساه .. ياليت
هند مسحت على شعرها : بتنسي وانا بوجف وياش لاخر يوم بعمررري
ثريا رجعت تبكي بحضن هند .. ارجوووج ساعديني
هند : لازم نعير رقمش وايميلش
ثريا فتحت عيونها وابتعدت عن هند : شووووووووووووووووو
هند : والله عشان شانا بغير حياتش .. انتي طول عمرش حاكره نفسش من النت لين السرير هذا حالش كل يوم .. واذا يتي الجامعه تحضري محاضرتش وترجع طيران للبيت عشان تكلمي وليد .. حتى الناس اللي بالجامعه محد يعرفش .. ثريا ترا مو هاذي الحياه .. الحياه احلى من كذا بكثير
ثريا : ووليد وحبي له
هند : ثريا هذا مو حب هذا فررررراغ وجلة شغل .. هذا وهم .. رابطة نفسش بالنت .. ثريا الحب مو كم كلمة تنكتب وكلام حب ووهم .. الحب تجربه نعيشها نعاشر الشخص بالواقع نشوفه نلتقي فيه نعرف جوانب شخصيته نتكلم ويه بويه بصراحه بدون اي خطأ .. والنوع من الحب اللي نفس حبش انتي ووليد بسرعه ينتهي لان فاااضي مافيه مواقف تنذكر او نظرات تنوصف او شي ينغرس بالذاكره .. اللي يذكرش ف وليد كلام ف كلام من الصباح لليل بلا فايده
ثريا وكأنها بدأت تقتنع : بحاووول انساه
هند : انتي حاولي تخالطي الناس تعرف الحياه بحلوها ومرها .. ترا الحياه مو وليد ونوم واكل وبس انتي حتى ماصرتي تشوفي الناس عجلش مع وليد في الف واحد يتمناش بس انتي ما عطيتي احد فرصه يدش جلبش