عرض مشاركة واحدة
قديم 01-01-11, 11:09 PM   المشاركة رقم: 1
المعلومات
الكاتب:
 نايف الشمري  
اللقب:
:: قلم ماسي ::
الرتبة:

بيانات العضو
التسجيل: 31-10-09
العضوية: 15
المواضيع: 70
المشاركات: 1098
المجموع: 1,168
بمعدل : 0.22 يوميا
آخر زيارة : 07-01-17
نقاط التقييم: 1546
قوة التقييم: نايف الشمري has a brilliant futureنايف الشمري has a brilliant futureنايف الشمري has a brilliant futureنايف الشمري has a brilliant futureنايف الشمري has a brilliant futureنايف الشمري has a brilliant futureنايف الشمري has a brilliant futureنايف الشمري has a brilliant futureنايف الشمري has a brilliant futureنايف الشمري has a brilliant futureنايف الشمري has a brilliant future

الإعـــــجـــــــاب
عدد الإعجابات التي قدمتها: 43
وحصلتُ على 32 إعجاب في 19 مشاركة

الحــائــط الإجتمــاعــي

التوقيت
الإتصالات
الحالة:
نايف الشمري غير متواجد حالياً
وسائل الإتصال:
المنتدى : قـطــرات النـثـر و الخواطــر الأدبـيــة
افتراضي أو على الذكرى بـ اعيش

[ALIGN=CENTER][TABLETEXT="width0%;background-color:black;"][CELL="filter:;"][ALIGN=center]

على الموعد

اجي في شوق

وفي نفس المكان القاه

ونتقابل ..

واهلي به

وانا ملهوف في شوفه

ونبحر في عواطفنا

واغرق في الغلا اكثر

ويكبر حبها ويكبر

ابيها بين كل الناس

ابي حلوه .. ابي مره

ابي حبه .. ابي كرهه

ابي كل شي انا منه




لو الشقاء بيده رجيتـه عطينـي
*** من الغلا مــابي لاحـد شـي تعطيـه
ولو ان روحي فوق راحـة يدينـي
*** بمدهـا لـه فـــدوةٍ فـي ايــاديــــه
سبحان من ابدع جمالـه بعينـي
*** بعيني كمل مااشوف شي نقص فيه




...

..

.

غريبه ..!!

ليش اذا كنتي معي انتي

احس الوقت يستعجل

يكون اسرع من الخافق

ماهو وقتي اذا غبتي

يكون العكس

ويسير ببطء




كن الدقيقه يـوم لاغبـت عنـي
*** ولا صرتي عندي صار يومي دقيقه
مدري علام الوقت فيـك امتحنـي
*** ان صـرت انا واياك .. بــدل طريقـه
يمكن عرف !! وبياخذ الثار منـي
*** لأني بـغــيابـك !! لحـظـةٍ مـاأطيقـه




...

..

.

حبيبتي ..

ودي اتكلم

ابين لك غلاك

ارسمه .. احدده .. اوصفه

بس من كبر الغلا

اخشى اني اظلمه

ولا استطيع اعبره

لانه يعني لي كثير

شي اكبر من كبير

شي يصعب اوصفه




والله ان جمرة غلاك .. لو تطب وسط البحر
*** ينقلب صحراء جفاف ومن سكن به هالكين
فاق كبر الحب حده .. وبان له فينـي اثـر
***ان خفيته وسط قلبي !! في نظر عيني يبين




...

..

.

ومثل ماحنا التقينا

دون موعد

حانت الفرقاء علينا

ودون موعد

الزمن !! وقف لنا

وقرر انّ نبتعد

ونفترق

وكنت احسبه ابتسم

وجاد من بخله شوي

وهو !! ناوي لي عذاب





الزمن قيد الشقـاء حطـه بكفـي
*** صار لي صاحب مشيت او مامشيت
صار ياخذ صـار يبعـد مابشفـي
*** مااذكر اني منه انا شـي ٍ خذيـت




...

..

.

وابتعدنا .. غصب عنا

وصرت انا عنها بعيد

وهي بعد راحت بعيد

وابتداء شوقي يزيد

آه من نار اشتياقي

سيلت دمعي غصب

وكنت احسب اني قويته

الين !! غابت

غصب دمعاتي ذرفت





الدموع اللي ذرفت ماعاد لي بـه مقدريـه
*** حطمت قو الأراده واستهلـت فـي مطرهـا
استثارت ثم ثارت ونزلـت غصـب ٍ عليـه
*** وسالت دموع ٍ بخدي من عنا النفس وكدرها
والدموع اللي ذرفت ماهي مذله !! عاطفيه
*** دمعة ٍ في عين عاشق زاره الشوق ونثرها
والله انه وان لفاني الشوق كنـي بالمنيـه
*** لعنبوه سموم احسه داخل عروقي نشرهـا



...

..

.

وآه .. منك يالجروح

كيف اداويها وتروح

عذبتني

واتعبتني

بس !! انا بتحمله

وليتها فيني تزيد

علها تحرق حشاي

والغلاء..

وحبي الكبير

لجل يتحول رماد

ويسهل اني ابعده





يالجروح اللي نزفتـي مـن الحشـاء لاترحمينـي
*** كـل حزنـك كـل همـك ياجـروحـي انزفـيـه
خوذي قلبي .. خوذي حبي .. احرقيهـم واحرقينـي
*** طيبتي ..! عطفي ..! حناني ..! كل شي فيني احرقيه




...

..

.

وبنتظر !!

دامني عايش واشوف

وش يصير

اقدر انساء !!

اقدر اصبر !!

او ..

على الذكرى بـ اعيش .








للجمال معنى آخر .. " لنرتقي نَحو سماء الإبداع , وَنبث الضوء في زوايا المكان كَـ الشمس تماماً "


[/ALIGN][/CELL][/TABLETEXT][/ALIGN]

 

لا يسمح بنشر هذا الموضوع إلى المواقع الأخرى الا بذكر اسم صاحب الموضوع ومصدره الأصلي ../ الـموضـوع ://: : أو على الذكرى بـ اعيش     -||-     المصدر : قطرات أدبية     -||-     الكاتب : نايف الشمري














عرض البوم صور نايف الشمري   رد مع اقتباس