[الــمُــنـــى]

[ALIGN=CENTER][TABLETEXT="width0%;"][CELL="filter:;"][ALIGN=center]

المشاركة الأصلية كتبت بواسطة مشاعر انثى

صباح الخير اختي منى
جايتك بأسئله { اربطي حزام الأمان }
سؤالي على طول مافيه لف ولادوران { مقهوره } ليش الرجال معظمهم يتهمون النساء بإنهم مغرورات ومو كفو لتربية اجيال هالوقت0
_ منى فرضاً انتِ مسجله بكذا منتدى تفضلين اسمك هذا او تحبين تغيرين النك؟
_ليش بعض المدارس يسمونها على اسماء صحابيات وصحابيين0 حتى لوحات الشارع فيها بعض من اسمائهم؟ برأيك ليش؟
ليش للحين البعض منهم يتابع تومي وجيري ؟ اقصد الكبار من رجال ونساء { هل عشان يتذكرون ايام اول ؟ ههههههه }
_احيانا اكون واقفه عند الشباك واشوف مثل ذراااات صغييييره وقت الظهر والشمس طالعه يقولون هذي جراثيم انا خابره الجراثيم محد يشوفها بالعين المجرده ؟ وشو هذا بالضبط؟ عساكِ فهمتي عليّ ؟
_وسلامتك يامنى
شايفه شلون اسألتي خفيفه وسهله {خخخخخخخ}
وتحياتي لكِ0

صباح الخير اختي منى / جايتك بأسئله { اربطي حزام الأمان }
مساج فل وياسمين يا الغالية .. وحياج الله دائم الدوم

سؤالي على طول مافيه لف ولادوران { مقهوره } ليش الرجال معظمهم يتهمون النساء بإنهم مغرورات ومو كفو لتربية اجيال هالوقت0
والله يا مشاعر يا الغالية في مثل يقول ( كلِ يرى الناس بعين طبعه ) ودام إنه يشوف النساء يهالصفة فحتما هو من أهلها :D
أما عن أن النساء مو كفو لتربية الأبناء / فالكلام مردود على صاحبه لأن ( الخيل من خيالها )
فديتج ، هذا من جانب / من جانب آخر منو قال إن تربية الأبناء على الأم أو الزوجة فقط ، تربية الأبناء من مسؤلية الزوجان وليس أحدهما فقط . وأي خلل في تربية الأبناء سيكون ناتجا من تقصير أحدهما او كلاهما بالأمر .
للأسف الشديد في وقتنا الحالي / الكثير من الأزواج أتخلى عن دوره الرئيسي وصار دوره ينحصر في العمل فقط وجلب المال / أما الأبناء والأهتمام بتربيتهم ومستلزماتهم ودراستهم .. الخ فقد أصبح يقع على عاتق الزوجات المسكينات / ليتهم يتذكرون قوله عليه الصلاة والسلام
( كلكم راعٍ وكلكم مسؤل عن رعيته ) لكان الحال غير فديتج :(

_ منى فرضاً انتِ مسجله بكذا منتدى تفضلين اسمك هذا او تحبين تغيرين النك؟
أحب أسمي الحقيقي / منى ، وما أفكر أسجل بغيره يا الغاليه .
وصدقيني سجلت باسماء اخرى غير منى بس ما قدرت أتاقلم مع تلك الأسماء وبقي اسمي في تلك المنتديات حبرا على ورق ( يعني بدون أي مشاركة )

_ليش بعض المدارس يسمونها على اسماء صحابيات وصحابيين0 حتى لوحات الشارع فيها بعض من اسمائهم؟ برأيك ليش؟
والله يأختي / أشجع هالأمر كثيرا يا الغالية وأستانس وايد يوم فعلا اشوف اسم شارع أو مدينة أو مدرسة تحمل تلك الأسماء ذات الدللات الإسلامية الجميلة / أقل ما فيها عيالنا وأخوانا وطلابنا وطالباتنا يعرفون شيء عن الصحابيات والصحابة ، يعرفون القدوة الحسنة ، يعرفون تاريخهم الإسلامي . خاصة أن أيناء هالجيل قدوتهم الممثلين والمطربين والشعراء ولاعبي الكرة / وما يعرفون عن ماضيهم الإسلامي إلا القليل .

ليش للحين البعض منهم يتابع تومي وجيري ؟ اقصد الكبار من رجال ونساء { هل عشان يتذكرون ايام اول ؟ ههههههه }
تصدقيني لو قلت لج / أكره توم وجيري أحسه سخيف وايد ويرفع لي ضغطي وما أحب أشوفه مطلقا والله / أحسه يولد البغض والكراهية .
علشان جذي ما أقدر أجاوبج :D

_احيانا اكون واقفه عند الشباك واشوف مثل ذراااات صغييييره وقت الظهر والشمس طالعه يقولون هذي جراثيم انا خابره الجراثيم محد يشوفها بالعين المجرده ؟ وشو هذا بالضبط؟ عساكِ فهمتي عليّ ؟
/ فهمت يا مشاعر .. بس لا تنسين أن المبيدات الحشرية خلت الخضار والفواكه الصغيرة الحجم في حجم فيل علشان جذي ما استنكر ولا استغرب ان الجراثيم بعد صار حجمها أكبر من الحجم المتعارف عليه سابقا . تراه زمن العجائب فديتج / الذرة صارت بحجم فيل
( وهذا كل ما في الأمر ) والعلم عند الله



وسلامتك يامنى
ربي يلسلمج من كل شر ويسلم غاليج فديتج :p
ممنونة واااااااااااايد لهالتواجد الحاتمي الكريم
محبتي ومودتي


[/ALIGN][/CELL][/TABLETEXT][/ALIGN]