(1)
ويجي باكر
يطيح التعب منّي
ولا يهمّك
أجيك أحسن من الأول
كأني طير
(2)
وأنا فاكر
إذا طاح التعب منّي
تطيح من السما غيمة
تبلّلني ...!
وأصير بخير .
(3)
على الموعد تلاقينا
وغرّد فالحشا عصفور
أشوفك طيبة وبخير
مساءك نور
وبيّن لي بقايا ضحك
وشي من الفرح مدسوس بيدينك
وكحل من البارحة سهران
على بوابة عيونك
وحتى الروج
تلعثم من لمست إشفاك
جليدٍ و إلتحف تنور
لمست آخر تفاصيلك
تصوّرت الحياة البور
حياتك إمتلت بعدي
سنابل عشق
غيوم و برق
لقيتي للفرح عنوان
سألتيني ..!
وش أخبارك ..؟
أنا بخير .. بس أنتي
صرتي غير ..!!!