اقتباس:
المشاركة الأصلية كتبت بواسطة شادي الثريا
بداية اود قول ماشاء الله تبارك الرحمن
هنا وجد ت حاله ابداعية متفرده وحقيقة انني ادركت اني امام شاعر فذ
سواء كان طرحك للقصيده او حتي ردك على الأخت الورده الظامية بقصيده
والله العظيم امتعتني هنا ايما امتاع
\
/
لملم العامري
سألتك الرب الا ينقطع عنا نور هذا القلم
|
على وجه العجل اكتب وقل ياخاطري ماشيت
تلمح بالسما نجم الثريا وساكنه شادي
وعلى ظهر المجله حط له صوره معا منشيت
وخل كل العرب تقرا لابداعه وهو بادي
نويته بيت من شعري وجر البيت كم من بيت
تماتيك الهجوس اللي تفزازه على العادي
تبحّر فيه ياشادي ليا من جيت تبغى تبيت
ولاتطري به استجداء ولامامي ولادادي
لانك مرتفع اصلا وقلبك ياولد شربيت
وانا قلبي مع الهاجوس يتوقد توقادي
جعل عمرك طويل وخير اماسي هالشتا مسّيت
وعسى بالك دوام الدوم مرتاح وهني وهادي
ولولا الوقت واحكامه وتشتيت الزمن، تشتيت
لادوّن لك من اطوال القصايد مقصد الحادي
تقبل مامضى واعذر وغض الطرف لازليت
وكيّف من دلال البن ودومي بخير يابلادي