السلام عليكم
أسعد الله مساءك وكل أوقاتك أخوي خالد
وعدتك بالعوده وتأخرت شوي معليش
أما ملك مره وحده هههه
مع ذلك .. أنا شايف إنك تحقق طموحك فعلا
لأنك ملك بأخلاقك وذوقك صدقني
/
أما بالنسبه لي فما أكثر الأحلام والأمنيات اللي تمنيتها وانا صغير
واخاف أقول لك وحده منهم وتضحك علي بعدين
بس يلا ماعليه بقولها لأني ساعتها كنت طفل ولا أدري وش السالفه
/
وانا عمري خمس سنين يمكن
كنت مع أخوي الكبير في المجلس وكان يسولف مع أحد أصدقائه
صديقه تطرق لواحد من معارفهم وعن حالته الماديه وعن ثروته وانه أصبح من اصحاب الملايين ومن هالكلام
رد أخوي قال .. بس انا خابره موظف بسيط ولا أذكر إنه اشتغل في شغله فيها دخل كبير
رد عليه الضيف وانا اسمع
قال بلاك صحيّح وعلى نياتك ولا تدري عن شي
هذا طال عمرك مرتشي كبييير
أنا هنا على طول لقطت الكلمه ورحت عند الوالد
وقلت له يبه
ترى انا قررت إذا كبرت ابشتغل
قال عفرم والله
بس ما قلت لي وش ودك تشتغل ؟
قلت مرتشي كبير :d
ماااا شفت الا ابوي بغى يغمى عليه من كثر الضحك هههه
قال طيب تعرف وشو مرتشي أنت ؟
قلت لأ .. بس سمعت أخوي وخويّه يسولفون عن واحد
ويقولون انه اشتغل مرتشي و صار عنده
فلوس كثييييير عشان كذا أنا ودي أصير مثله ههههههه
قال أقول قم بس قم الله يخلف على أمٍ جابتك ههههه
/
معليش اخوي خالد اعذرني على الإطاله
بس موضوعك أعجبني و شدني جدا وذكرني هالسالفه
/
تحياتي لك