[النيــــزك]

السلام عليكم

أهلا باخواني واخواتي

شلونكم وشخباركم عساكم بخير؟

قبل ما أبدا موضوعي اللي أتمنى يعجبكم واشوف تفاعلكم ومشاركاتكم فيه

أحب اعتذر لكم عن طول غيابي وقلة مشاركاتي في الآونه الأخيره بسبب كثرة مشاغل

هالحياة اللي ما تخلص

ما علينا ... خلونا بالموضوع

الحقيقه كل ما دخلت النت وجلست اتصفح واتنقل من موضوع لموضوع ومن موقع

لموقع , وبمجرد كتابة العنوان بالقوقل , وبخلال ثواني .. ومن غير ما أقوم من مكاني

تفتح لي عشرات المواقع اللي تتضمن المعلومه أو المواضيع اللي ابحث عنها !!

أتسائل بيني وبين نفسي واقول :

و بعد كل هالتطور التقني الهائل والمبهر في مجال تقنيه الاتصالات

واللي ما كان يخطر لا على البال ولا على الخاطر !!

من نت إلى هاتف محمول إلى مسنجر إلى إيميل إلى إلى إلى

إلى أن صارالعالم كله وبكل ما فيه بين ايديك .. وتستطيع أن توصل لأي شي بكبسة زر وبلحظات وبالصوت والصوره بعد

وطبعا هذا غير التسهيلات الأخرى من تحميل وحفظ البرامج على السيدي أو الفلاش مومري وسرعة

الرجوع لها من غير جهد ولا تعب أو إضاعة وقت في البحث وضرب المشاويرعشان التصوير أوالطباعه أو

البحث في المكتبات والمحلات أرجع أقول

وشبقى ما ظهر ؟

وياترى وش الاختراعات أو الإضافات اللي ممكن أن نشوفها في المستقبل في هالمجال ؟

أنا من ناحيتي بصراحه ما أشوف بقى شي يمكن يعد إختراع أو إكتشاف جديد بمعنى جديد

أونقدر نقول عنه جديد !!

لكن كتطوير للموجود أو إضافات بسيطه ممكن

لإن إن جينا لتقنية الإتصالات ومحادثه أي إنسان وبالصوت والصوره وكأنك جالس معه

فهي اليوم أصبحت شي عادي جدا

والتطور فيها وصل لحد إنك تتابع اشغالك وتبيع وتشتري وتعقد صفقات حتى وانت بفراشك

وإن جينا لسرعة الحصول على المعلومه وفي كل المجالات فالعم قوقل ما يقصر أبد أبد ..

وهو مطبق المثل اللي يقول

إطلب تجد .. أو شبيك لبيك قوقلك بين ايديك !!

طيب وش بقى؟

أنا بالنسبه لي ما أشوف بقى شي ممكن يضيفونه في هالمجال ويعتبر جديد

إلا بعد إذا بيخلونك تمد ايدك وتصافح اللي تكلمه عبر النت وانت في بلد وهو في بلد ثاني !!

أو تصفقه كف إذا تزاعلت أنت واياه وتبرّد قلبك فيه :qtrat (8):

لأن بصراحه هذا الشي الوحيد اللي ما توصلوله لحد الان !!

طيب شرايكم ؟

كل واحد أو وحده منكم يقول لنا ابتكار أو فكره جديده ممكن أن تكون إضافه حقيقيه في مجال النت أو الإتصالات ؟

أو أي شي يتمنى لو يتحقق في هالمجال ؟

أو يرى إنه ممكن بس ما سووه لحد الآن ؟

حتى لو شفناه بالمستقبل نقولهم قديـــــــــمه سبقكم فيها صاحبنا العضو فلان أو العضوه فلانه ؟

يلا ورونا أفكاركم وخيالكم العلمي وكل واحد وش يقدر يضيف :qtrat (8):

همسه

الموضوع للفرفشه

ولكن للفائده ومعرفة إبتكاراتكم أيضا

وشكرا لكل من شارك مقدما

و تحياتي للجميع

ملحوظه صغنونه .. هذا الموضوع من كتاباتي ولكن تحت معرف آخر و في منتدى آخر

__________________