[عبدالرحمن منصور]

المشاركة الأصلية كتبت بواسطة الصوت المسموع

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

هذي حروفي عطرها ينعش الروح = وادري تحبين الشعر والقصايد

وادري بعد أنك من البعد مجروح = مثل السجين وكبلته الحدايد

كلي جمر والأه من صدري تفوح = وانتي ماهمك غير لبس القلايد

يعني ماجربتي ظما الروح للروح؟= والا كفاك البوح لاحد الوسايد ؟!

خايف لا اخربها معك قبل الا اروح = والا العوايد مثل ماهي عوايد

شاعر وابخربط وابقول مملوح = ولو كنت مثل العود يابس وبايد

والليل هذا جدد جروح وجروح = وانا نعيمك في جحيم الوقايد

صحيح بعض الهرج مافيه مصلوح = لكن كتبت وفيني الشوق زايد

يرضيك عذري كل ما جيت ابي البوح = بعيد عن ثقلي وشغل الركايد

كذا خذيني صافي النفس بوضوح= وكذا اعرفيني لا كتبت القصايد
[/poem]

الصوت المسموع
شعر جزل ورائع
ومعاني مشرقة وخلابة
صح لسانك ولا هنت
ولا هانت حروف
عطرها ينعش الروح
يالي كتبت احلى القصايد

تحيتي لك