[حسين الشمري]

[QUOTE=النيــــزك;14139]

السلام عليكم
وعليكم السلام

حيا الله أخوي القرار
الله يحييك من أمس وأنا شايل همك أنت وأسئلتك إستجواب:o

الحقيقه ينطبق عليك المثل اللي يقول من حفر حفرة لأخيه وقع فيها صح ؟ ههه
صح ههه :mad:

طيب بما إنك أنت صاحب فكرة هالموضوع الشائق بدل الشيّق على قولة إختنا المنى ..
ايوه كمل وبعدين <<<<<< مقهور منك

سؤالي .. وش المناسبه اللي جابت فكرته براسك ؟
المناسبه ياطول العمر أولا قرادتي ، وثانياً أنبسط دايم على اللي مسوين نفسهم مثقفين بوسائل الإعلام ويتفلسف يعني يبي يبين أنه مثقف لا والله يعجبوني وإن كنت أضحك مرات على بعضهم لا زودها وأحس مرات أنه ما يدري وش يقول ، أما البيزنطيه سالفتها ياطول العمر أول ما تعلمت البلوت كنت مدمن على لعبها ومرات أسوي حريف وألعب لعبات مالها سنع فيعصب خويي لأني جبت العيد فيه وأقوله ما عليك هذي لعبه بيزنطيه فيقول لي لا تتفلسف إلعب زي الناس المهم صارت هالكلمه معي تعني الفلسفه بلعب الكوره وبكل شيء حتى لما نتحاور ونتناقش مع الشله مرات أجيب لهم موضوع ونقعد نتفلسف ونطلق على الحوار حوار بيزنطي ، بس هالكلام قديم أوي ومدري وش طراه علي ، ها إرتحت الحين:D

وهل توقعت إنك راح تحل ضيف فيه عند طرحك له ؟
ما كنت متوقع أصلاً أنه يستمر بهذا الشكل وما كنت ناوي أكمله كنت ناوي كم عضو وخلاص أما أنا لا وكنت ناوي أرفض لو طلب مني لكن الأخت متاهة الأحزان ما قدرت أردها ومثلها بعد لو أنت أو أحد من الأعضاء الجميلين هنا <<<< ماتشوفوني أغليكم هونوا علي

وما ما هو شعورك بعد أن تم اعتقالك واحضارك هنا مكبل اليدين مقيد الرجلين ساحل الرأس حافي القدمين

غائرالعينين عاقد الحاجبين مشنتر الإذنين ؟
أنواع التسحيب أما مشنتر الأذنين ههههههه شعوري لا يوصف مختلط بين حزن وفرح

سؤالي الثاني

بما إن عملك مدرّس أو معلم .. واللي لحد الآن مدري وش الفرق بينهم
مدرس يدرس ومعلم يعلم ههههههه

فما هي أطرف المواقف التي مرت عليك من أحد تلاميذك ؟

إذكر واحده منها ولو باختصار لو سمحت
طيب إسمع هالموقف يجوز لك ، أنا لما تعينت طبعاً بعد مده وتعرف بعض المعلومات لك عليها خاصة بالعواصم لبعض الدول كان عندي طالب نشبه من أدخل عليهم ما يمدي إنسلم إلا طلع لي بسؤال عن عاصمة الدوله الفلانيه وأقوله ، فمره سألني عن دوله نسيتها وكنت مضيع بعاصمتها المهم توهق البطل فما كان مني إلا أقرب مخرج لا تخاف أخوك يعرف يزبن عمره المهم قلت له ممتاز ياسلطان حتى ما نسيت إسمه <<< حاقد عليه قلت ياشباب اللي يجاوب على سلطان له خمس درجات فما عرفو كانت دوله بجنوب أمريكا المهم قلت لهم معاكم لبكره ولما رجعت وأنا بالطريق عرفتها وإنقهرت .

سؤالي الثالث

بما إن اخترت معرّف .. القرار .. فمنهو أكثر تأثير على اتخاذك قراراتك عقلك أم قلبك ؟
ما ضيعنا إلا القلب يالنيزك

وهل سبق أن إتخذت قرار في حياتك ولقيت نفسك جبت العيد فيه وانت ما تدري ؟
أوه عد وخربط

سؤالي الرابع

ماهي ملاحظاتك على المنتدى بوضعه الحالي بشكل عا م

ومن حيث مستوى المواضيع اللي تطرح فيه

و مستوى الأعضاء وأقلامهم بشكل عام
المنتدى منتاز والأعضاء بعد منتازين

وعلى طاري الأعضاء منهو العضو اللي ناشب لك في المنتدى ؟
أول ما جيت رونق ياهي نشبت بحلقي وإلى الآن ههههه

سؤالي الخامس واللي هو بالحقيقه عشر طعش سؤال مو سؤال واحد
عطن ماء أهلكتن

ما هو تعريفك لكل من :

الحب حالة من اللاوعي تصيب صاحبها بتفهية ربما يفعل أشياء لا يقصدها ودائماً ما تجده متقوقع حول نفسه

الصداقة الصداقة أعرفها بصداقة تمون وبومبه وهي كحبل الغسيل له فائده كلما كان متين كلما طال بقاؤه وهي كذلك كلما قوي ومتن حبل الصداقة طالت مدتها

الخيانة عبارة عن مصطلح يستخدمه من يفشل في علاقة مع الآخر

الكذب أنك تبرد وتبهر بالسالفه

الباطل زواج عتريس من فؤاده باطل :confused:

الغدر طعنت من الخلف ممن لا تتوقع أن يفعلها

السعادة تاريخ 25 كل شهر هههههه

الصرقعه ما تفعله بي الآن

الليل الليل بدموعه آسي ياويلي من سكاته

القمر يا هلابك ياهلا ياهلا ويامسهلا ياقمر خمسة عشر ياقمر خمسة عشر

الشمس قرص بالسماء وهاج

النهار النهار يعقب الليل

الظلام يعقب النور ههههههه

الفرا ق حل الفراق وقرب البعد يازين
حل الوداع وسامحي ياحياتي

أوووووف ما بغى يخلص هالسؤال:D

سؤالي السادس .. ونفس الشي من طقة السؤال اللي قبله
لاحووووووووووول وتاليتها مهاك:mad:

ماذا يحزنك بصراحه حال المسلمين اليوم

يبكيك إهانة مسلمة طاعنت بالسن من قبل يهودي أو صليبي

يفرحك نقلي لحائل

يضحكك غلاوي

يحرجك لو طلب مني أحد شيء وما قدرت عليه

يربكك السهر وقت الدوامات

يدهشك أطفال الحجارة

سؤالي اللي مدري كم .. من كثر ما سألتك ضيعت العدد ههههه
ما ألومك من كثرهن ههههه

ماهي ابزر عيوبك
جد يالنيزك فيني عيب ودي أتخلص منه ودي أصير غامض يا أخي أنا مكشوف وما أقدر أخبي على اللي أعرف

ما هي اجمل صفاتك
إحم إحم إني حلو<<< إي هين

شخص يعجبك
والدي أطال الله بعمره

شخص يزعجك
اللي شايف نفسه على الطل وهو ما عنده ما عند جدتي

شخص يتعبك
طالب مفهي طول الوقت وتحاول تساعده وهو ما يساعد نفسه وخصوصاً إذا يستاهل

شخص يؤثر عليك
ما أحد غيرها الوالده الله يحفظها

السؤال اللي بعده

لحظات تكون فيها مع من :

لحظه ود
مع منهو منهو قول يالنيزك قول أنت يالقرار لا قول انتا لا قول إنتا ملزم مع كم واحد شرواك بالبر

لحظه سعاده
لحظة سعاده لحظة سعاده مع منو يالقرار مع منو مع بناتي

لحظه حزن
مع روحي

لحظه عتااااب
هم بعد مع نفسي

لحظه صراحه
كانت مع صديقي الصدوق الله يذكره بالخير فرقتنا الدنيا والحين كل واحد بديره وكلن لاهي بحياته

لحظة تجلي
أما تجلي مع مدري منهو لأن هاللحظه ما تشرفت بها

لحظة ندم
مع الإستغفار

وأخيرا
ايه

ما هو شعورك لو وجهت ؟تهمة إليك ولديك الدليل المادي على برائتك لكنك ناسي وينك حاطه ؟ هههههه
كملتها بهالسؤال اللي مدري وشلون قايل
شعوري لا يوصف وراح أطق راسي بالجدار لأني وافقت
لمتاهة الأحزان بخوض هالتجربه:mad:

وعشان ما أثقل عليك أكتفي بهذه الأسئله القليله هههههههه
قليله هين أوريك أعلم عليك أبوي هههههه

يعطيك العافيه و ألف شكر لأختي متاهه على حسن اختيارها
الله يعافيك مستانس فيك وبمتاهه:mad: