[حورية]

نوره رسلت لهند : انا خست برا صرت ديايه مشويه
هند تضحك : ثرررثر نوووره تجولش نضجت برا روحي طلعيها
ثريا بعدها ماسكه عمرها ونزلت وراحت للبوابه وطلعتها
نوره تمشى جنب ثريا : اجولش هذا منوو؟
ثريا : مايد ولد ريل امي .. يعني اخوي
نوره ببراءه وصوت كله همس: والله .. بصراحه يذوب الصخر .. اللي بعيد الميلاد
ثريا التفتت عليه : والله متى نزل الوحي عليش ركبي وانتي ساكته تراه نذل لاتعطيه ويه اووكي
نوره ركبت السياره جلست ورا ماجد وسلمت : هلااااوي يميع
هند التفتت عليها : فديت البرتقالي
ابتسمت نوره وعيونها على ماجد
ماجد وده يتشقق من الفرحه : هلا والله .. نورتي السياره
هند صرخت : وانا مانورتها ؟
ماجد : والله انتو الثنتين منورات الدنيا مو بس السياره .. صح ثريا ؟
ثريا رفعت حاجب واحد وشافت ورا على نوره وهند وطنشته
نوره بخبث : سلامتج ثريا جالولي انش مريضه والله حبيبتي كل شوي ادج على هند اسالها عنش
هند فتحت عيونها من الصدمه بس سكتت
ثريا : والله فيش الخير بس ماشفت مس كووول منج
ارتبكت نوره .. ماجد حاول يغير الموضووووع
ماجد : بس شوفيها الحين مثل الحصان واقوى بعد .. هاه وين بنروح
ثريا ماردت عليه
نوره بدلع : مادري الشور شورك
هند : شرايكم نروح مطعم السرايا
ماجد : اوكي فكرة حلوة

هند تهمس على نوره : اخوووش جسوووم عن يشوفش
نوره بثقه : لا تحاتي بتغشى وبعدين هو بمسقط مودي ابوي مشفى وبيمروا يتغدوا بيت خالي
هند هزت راسلها ورجعت تشوف بالدريشه .. اما نوره عيونها على المرايا اللي قدام ماجد تشوفه فيها وهو نفس الشي ويبتسموا لبعض
ثريا اللي تشوف بنص عين لاحظت هالشي .. ماجد صلح المرايا عناد حق ثريا
بهاللحظة وصلوا المطعم ..









جاسم وصل المشفى..
ابو جاسم : مابتنزل
جاسم : بنزل بس بجلس انتظرك في الانتظار مابدش داخل
ابو جاسم وهو ينزل انا ما اعرف اذا بتأخر او لا عندي اشعه اليوووم
جاسم نزل من السياره وسكر الباب ..: طيب ااذا خلصت بتلجاني بالانتظار
هو وداخل شاف بنت تشوفه وتضحك .. جاسم استغرب شفيها ذي
ابو جاسم : انا بروح من هذا الصوووب
جاسم : عندك كرتك
ابوجاسم : هيه .. وراح لقسم القلب
جاسم رجع يشوف البنت باستغراب بس ما عطاها اي اهتمام وحاول يعصر مخه يذكرها من ذي رغم انه حاس نفسه شايفنها بس ما متذكر ..
راح وجلس بالانتظار ..

رن تلفووون جاسم شاف على الاسم واستغرب : هذه حيه والله من زمان مااتصلت خير ان شاء الله

رزان بدلع : الوووووووووووووو
جاسم بتجاهل : هلا والله .. كيفج
رزان : انا تمام انت اللي مالك شوف ولا حس ولاخير
جاسم : انتي رزان مال مسقط صح ؟
رزان : ايوووووووووا .. شخبارك وشخبار الكليه
جاسم شاق الحلق : تمام والله .. عاد تصدجين انا بمسقط
رزان : والله توها نورت مسقط .. اسمع ضجه انت وين بمسقط ؟
جاسم : فديتج من ذوقج .. والله انا بالمطار ابوي يايب بضاعه من ايطاليا وانا يت استلمهم .. عاد تعرفين الوالد وايد مشغول من شركة لشركة
رزان : ماشاء الله اي نوع من البضاعات
جاسم حط رجل على رجل وكأن بدأ يصدق كذبته : والله شوفي هي وايد انواع .. في جواتي ماركات وملابس جلد واشياء فاخرة



رزان ماسكة ضحكتها : والله ؟ عاد تصدق هالايام المطار انا وايد اروح له بس انت الحين في قاعة القادمون او المغادرون ؟
جاسم يكمل الكذبه : انا ف قاعه القادموون انتظرهم ييوووا
رزان : اها .. طيب اول ماتوصل البضاعه مر علي يمكن اشوف شي يعجبني
جاسم : انتي بدون ما تجولي انا بنفسي بهديج من كل نوع جطعة
رزان : والله فديتك جسووومي .. بليز وبعد حال ربيعتي
جاسم : بعد حج حارتكم كلها لو تبين
رزان بخبث : لا لا بس ربيعتي مابغا اثقل عليك لاتنسى هذه بضاعه ماركة واكيد سعر القطعه الوحدة فوق 100 ريال لان جلد اصلي .. بس اي نوع من الجلود .. حوت او تمساح او افعى
جاسم ( تمساح ياكلج جولي امين ) : لا هذا جلد نمررر
رزان : وووووواووووووو انا امووت ف النمووور
جاسم ( انتي بكبرج نمر ) : مايغلى عليج شي حبي من عيوني الثنتين
رزان : عيل شوف وراك يمكن جوووا من قاعه القادمووون
جاسم مالتفت لان عارف نفسه ما ف المطار ويحسبها تسولف معه عادي : شفت بعدهم مايوووا
رزان : لا لا جاين ماعليك تأكد مرة ثانيه
وبهاللحظة من جد التفت جاسم وراه تمنى الارض تنشق وتبلعه من كذبته اللي كبر راسه
رزان وهي واقفه وراه بعد ماخبرتها ربيعتها اللي شافت جاسم قبل10 دقايق .. هي كانت شايفه جاسم من زمان مع رزان وتعرف شكلة زين
رزان : في المطار اه
جاسم تسخبط وجهه و ضحك وراح يسلم عليها : ههههههههههه هههههههههههه عاد انا مابغيت اخوفج واجولج اني بالمشفى ( يحاول يطلع نفسه برئ)
رزان :والله بصراحه عندك ذوووق خايف احاتيك بس عاد ماتكذب كذبه كبر راسك ونمووور وجلووود وتماسيح وافاعي لوعتبي من الصبح
جاسم : هههههههههههه ههههههههههههههه انا مظلوووم


جلسوا يسولفوا مع بعض لين خذتهم السوالف واستأذنته رزان وراحت البيت لان ربيعتها معها ..


.........
......
..





طارق وسعوود وخالد ف الكافتيريا
طارق يتأفف : عورتني رجلي قوووموا نطلع
خالد مشغووول ع البي بي : انا ماعندي مكان اروح له وهذا اول اسبوع نداوم ونص الشباب مطنشين شفت حالة الكلاس حتى عصفورتي ما مداومه
سعووود وقف : انا طالع برجع الشقه محد حاضر .. بشوف واحد من الشباب يرجعني
طارق رفع راسه على سعووود : شرايكم نروح نتمشى ؟
سعود خذ الفوون من يد خالد : قوووووووم تراك غثيتنا
خالد بعصبيه : يالغبي اراسل وحده تبي تجي عندي صحار تقوووول مشتاقه لي
سعود وطارق بحزن : واحنا ماحد يشتاق لنا
خالد يشوووف على طارق : والله انت نص بنات الجامعه ميتات عليك بس انت ما عاطيهن وجه .. فالح تقول ابغا اكلم وحده ولما يجي الجد اعرفك طير اسرع من الحصااان وتنزل راسك تحت لو كلمتك وحده من بنات كلاسك كأنها تعضك

سعوود : ههههههههههههههههههه
طارق ضربه على راسه : صح انك نذل .. انا وسعوود بنروح معك تشوف ربيعتك هذه قولها تجيب ربيعتها معها بعد بس تراها حال سعووود اخاف تطلع وحده قوطي وابتلش فيها بعدين من يبطلها عني

خالد : ههههههههههههههه عينك اصلا انا اللي عندي ملكات جمال
طارق / تراك ذليتنا ملكات جمال وملكات جمال وانا مسكين فقير على باب الله حدي اشووف سعوود ولا بعد يتغلى علي .. اما ذيك راعيه الخدود الورديه اححححححححح بس
خالد قفز يبي يعطيه كف بس طارق رفع كندورته وررركض بسرعه عنه وميت ضحك
خالد بصراخ : ماعليك ماعليك
سعووود : والله طرووووق شكله يبا وحده ماركه

خالد يضحك : ماعليك يا طروووق اذا ماخليتك تشبك ف نوووره هي بتأدبك .. ماركة بس تقليد هههههههههههههههههههههههههههه
سعوود : عزالله راح فيها

طارق رجع .. شو قلتوا من وراي
خالد : ماشي ماشي يلا بنرووح نتغدا لاعت كبدي من ذي الجامعه
طارق : وربيعتك متى بتجي ؟
خالد : هههههههههه اذا لحستك اياها .. يلا امشوا خلوني بحالي ترا ذليتوني انا وعصفورتي
سعوود : هههههههههههه حرام طروووق خف عليه
طارق : والله تبون الصراحه انتوا ضيعتوني بعد ماكنت مواطن جالس بحالي ولحالي اشوف القمر والنجووم واعززف على جيتاري الودود

طاااارق يعشق شي اسمه جيتاااار يحب يعزززف على البحر كل اربعاء وجمعه لان قليل يرجع مسقط عشان كذيه يجلس بصحار ..!!

خالد : انت رومنسي .. شو رايك نعقد اتفاق
طارق يشوفه بخبث : عااااااااااااااش ابووووووو النصب
خالد يضحك : انت اعزززف وانا بقووول لحبيبتي مال البريمي اني انا اعرف .. لانها رومنسيه وايد وكل يوم تقولي اونها ذايبه وتغني ذلتني تحسب صوتها حلو والله صووت جدي اللي مات من 40 سنه احلى

سعووود : يلا افتح السياره اشتويت
ضحك خالد وفتح السياره وركبوا كلهم .. وراحوا يدوروا في السياره ..