السلام عليكم
أختي مشاعر أنثـى
اللي مروا على هالموضوع .. خمسه ( غيري و غيرك )
لذلك .. أتمنى أنهم يقرأون ما سأكتبه ويطبقونه إن كانوا فعلا" يحتاجون للعلاج من الإكتئاب
قبل إلتزامي .. كنت أعاني من قلة النوم
أو على الأقل الأرق .. أتقلب بفراشي لين أتعب .. ولا يجي نوم !
لذلك .. ولأن النوم هو أول الطريق لـ ( يوم جديد )
فسأبدأ منه .. و أعطيكم تجربتي الشخصيه في هالأمر !
..,,..,,..,,..,,..
كنت أجي و أنام وأنا شبعان أكل ..
لكن ألحين ولأني عرفت قوله صلى الله عليه و سلم
( ولبدنك عليك حق )
صرت قليل أنام وبطني مليان .. على الأقل آكل قبل النوم بساعه
قبل أنام .. أقرأ المعوذات وآية الكرسي .. ودعاء النوم
( اللهم إني وضعت جنبي .. و أسلمتك نفسي .. فإذن أخذتها فأرحمها و اف عنها .. وإن أرسلتها فاحفظها بما تحفظ به عبادك الصالحين )
إن كان فيني نوم نمت .. وإذا حسيت تو النوم أبدأ أستغفر .. وأكرر الإستغفار
لو أوصل ألف عادي .. استغفر وأكثر من ( لا إله إلا الله )
لو مافيني نوم بنام .. لأن ( شيطون ) بينشب لي وينومني عشان ما يكثر استغفاري
( واللي ينام على وضوء .. أحسن بكثير )
طبعا" النومه تكون بدري .. يعني قبل 12 أو وحده ع الأقل
اللي يقوم لصلاة الفجر .. خير و بركه
واللي مايقوم .. يحاول يقوم مره ثانيه لأعض خشمه
الصبح .. أقرأ أذكار الصبآح
وبعدها ( بسم الله الذي لايضر مع اسمه شئ في الأرض ولافي السماء .. وهو السميع العليم )
انا من هالنقطه أبدأ كل يوم ..
ولأني مؤمن بأن كل شي مكتوب لي سواء خير أو شر
ولأني مؤمن بأني مؤمن بالله .. وأن المؤمن أمره كله خير .. سواء حلو وإلا مو حلو
ولأني متيقن بأن ماعند الله لايضيع
أجد نفسي دااااااائما" .. لا أفكر بما سأفعله غدا" .. !
مثلا" العرس .. اللي مثل حالتي يمكن يتضايق .. ليه !
شوفي .. انا ملكت برمضان .. على إن دورة باكستان قريبه
ماكتبها الله للحين .. والمشكله كل شهر يقولون الشهر الجاي
يعني مافيه شي رسمي .. وكل ماتأجلت أجلت عرسي
لأن ماودي أعرس .. وبعدها اطلع باكستان
الدوره بباكستان تقريبا" 7 شهور
بالله لو واحد بمكاني .. بيبقى به عقل !
أكيد بيتعب .. وأكيد بيفكر قبل ينام بأنواع الأفكار
( ليه تأخرت الدوره .. طيب لو اخروها شوي أعرس وإلا لا .. طيب لو أعرست أقدر آخذ حرمتي معي )
كلها أفكار و هواجيس ..
لو فكرت بها الأشياء كل ليله .. بتنحل المسأله !!
لا
دام إنها لا .. ليش أفكر .. وأصلا" كل ليله نفس الأفكار تجيني
طيب ليه أدوخ نفسي بها وهي مالها حل !!!!!!
قلت لك .. أنا عن نفسي مؤمن بأن أموري كلها مكتوبه .. عشان كذا أشيلها من راسي
وأذكر جاوبت من فتره على سؤال ( هل تفكر بمستقبلك )
قلت لا .. لأني ما أدري وش بيصير لي بكرا
عشان كذا ألقاني أعيش يومي .. وبس
هذي يا مشاعر أنثى .. أول النقاط
سأعود بثانيها قريبا" .. وجدا"
فقط أتمنى متابعة الكثييييييييييييييييير هنا .. لعلنا نعيش أياما" بطبيعتها
(^_^)
خ.الـد