السلام عليكم ورحمة الله ..
أيام دراستي كنت أكره المدرسة والعالم الله أني كنت أروح للمدرسة
بس على شان البنات وطق الحنك والسوالف ..
وأشياء كثيرة يامنى كانت تكرهني بالمدرسة
أولها القومة من صباح الله خير وأنا من عشاق المخدة .. وخصوصا أيام البرد والمطر
ثاني شي والأهم هو بعض المواد اللي تعقد الواحد رياضيات وأنجليزي هالمادتين اللي تخليني مدلخة بالحصة حد التناحـة .. وأشيل هم الواجب والأمتحان والتفكير فيهم يقضي على حالي
أصير قلقة ومزاجي متعكر بالحصة إلى ان تبلد الإحساس عندي وصرت ما أجيب لاكتاب ولادفتر ولابطيخ طبعا هالكلام بس لمادة الريضيات والأنجليزي .. والغريب بألامر أني أنجح فيهم
وأطلع دور ثاني بالمواد اللي أحبها الجغرافيا التاريخ العربي الدين ..
وطبعا معاملة المدرسات و( النفسيات ) لها دور كبير في حب المدرسة والمادة وكرهها ..
أما الآن لما صرت أم وأولادي صاروا بالمدرسة
فصرت أكره المدرسة أكثر وأولادي بعد يكرهونها .. والسبب هو الضغط اللي يعانيه الطفل
ولاسيما بمراحل الأبتدائية من مواد ومناهج سامجـة ومعقدة وسوء معاملة من بعض المعلمين
للأسف الشديد تجاه الطالب من ضرب وعقاب
أكرهها يامنى لأني أتعب بمراجعة وتحضير الدروس والواجبات معاهم
نبدأ من العصر ماننتهي إلا المغرب .. وخصوصا لما تصير الأم راعية صراخ وصدرها ضيق بالتدريس وعندها ستين شغلة بالبيت لازم تخلصها ومنتدى قطرات شاغل فكرها فشيء أكيد بيكون الوضع متوتر وقلق وضغط على الأعصاب سواء كانت الأم أو الاولاد
أضيفي إلى ذلك الطلبات اللي مانخلص منها على مدار السنـة
وكأن رب الأسرة ماعنده شغلة إلا بس يلبي طلبـــات المدرسة .
كما لا أنسى الإنضباط والنظــــــام والروتين اللي يبعث للنفوس الملــل والضجر
نام بدري قوم بدري مدرسة بيت غدا مذاكرة عشاء نوم .. وإلى أن تحين الإجازة الصيفية
وتبدأ رحلة السهر والسفر والفوضى .(ماورانا شي )
الله يوسـع صدورنــــا بس .. ويهدي وزارة التربـــية والتعليــم على هالمــنــاهج التعـــــابة ..!
تحيتـي لك منى وكل شكري وامتنـــاني ..!