[نسيان]

رساله من الدايركت..

السلام عليكم استاذه
..انا حابه تنزلين قصتي للعضه والعبره💔

انا متزوجه من عشر سنين وعندي ولدين وبنت...
كنت اعيش حياه حلوه ومستقره..زوجي انسان مستقيم ويخاف ربه كان تقليدي ومحافظ ماكان يحب طلعه المطاعم والمولات كثير بس انا تعودت على طبعه خلاص ..لانه انسان حنون علي وعلى عياله..صحيح ماعمره فاجئني بهديه من نفسه بس انا تعودت بعد على هالشي كان يلبي طلبات بيته ومستلزمات عياله ..ماكان يعطيني مصروف بس مومقصر علي في حقي عليه..بيوم من الايام كنت في جمعه مع اهل زوجي وجلست جنبي وحده من جاراتهم..

هي بنت مو متزوجه بس كانت مرره كشخه وانا مثل غيري كنت اطالعها واقول ماشاء الله عليها..كان لبسها كله ماركات وطول الوقت تتكلم عن السوق والمطاعم.
.وانا مثل الاطرش بالزفه موفاهمه شي..بذيك اللحظه نقمت على زوجي لانه مايسمح لي اطلع مع احد مطاعم او مولات ..وجاني فضول اني اتعرف عليها اكثر..طلبت منها رقمها علشان نتواصل ..واخذت رقمها وبديت اتواصل معاها ومن محادثاتي معاها بديت ادخل عالم الموضه وكانت تصور حفلاتها مع صديقاتها بالسناب وترسل لي

..وغير طلعاتها للكافيهات والمولات..وكانت تقول يالله تعالي معانا راح تنبسطي..وانا ارد واقول لا لاني اعرف قناعت زوجي بهالموضوع.

.بدت هي تضغط علي وتقولي ليه انتي شخصيتك ضعيفه كذا ومهزوزه..لازم يكون لك شخصيه قويه..

افرضي عليه انه من حقك تطلعين وتستانسين ..انتي مو شغاله عنده بس تشتغلي عشان راحته وراحت عياله...وصارت كل فتره من هالكلام..انا بعد الصور اللي ترسلها ماكذب عليك بديت اكره حياتي..صرتي اشوف نفسي بس شغاله تطبخ وتنظف وتكرف له ولعياله...يتبع
بديت اصير عصبيه ومااتقبل اي شغله من عيالي..

صرت بس اصارخ واضربهم...خصوصا اصغر عيالي..بنتي فجر عمرها11شهر..صرت ماطيق اسمع صياحها..زوجي لاحظ علي هالشي وبيوم كنت اصارخ على العيال وجاني يصارخ
..شفيك تصارخي عليهم..قلت له ايش هامك مو انت رامي مسؤوليه التربيه علي..ومنه كلمه ومني كلمه ومد يده علي..عشر سنين متزوجته ماعمره مد يده علي..حبست نفسي في غرفتي وانا ميته بكا..وهو يحاول يراضيني وانا رافضه

كنت اكلم صديقتي ...اللي كنت اعتبرها صديقتي كانت توزني وتقول قولي له ابي رضوه طقم ذهب..وفعلا قلت له هالكلام وماقصر جاب لي طقم ذهب يراضيني فيه يقول انتي ام عيالي وانا مابيك تزعلي مني..وفعلا تراضيني ..

وكانت توزني على زوجي تقول طلبي منه يخليك تجي معانا تسهري وتنبسطي..فتحت معاه الموضوع ورفض رفض قاطع ومني كلمه ومنه كلمه واقتنع بشرط تروح معانا اخته لانها جارتهم وفعلا رحنا وشفت عالم ثااااااني بنات لبس وكشخه وتقديمات حلوووه ..عالم ماعمري شفته..ومن هالليله انقلبت حياتي..صرت اطالب زوجي اني اروح السوق واشتري كل اللي خاطري فيه..صرت طول الوقت اقوله ابي ابي احيانا يوافق واحيانا يرفض..

ونسيت اقولك استاذه اني هالفتره اهملت نظافه بيتي ودراسه عيالي انشغلت في نفسي..نفسي وبس ...انقلبت حياتي مع زوجي صرنا في مشاكل على طول لاني صرت افرض راي عليه بالقووه.
.صار همي الوحيد اني اكون على الموضه واطلع وانبسط مع اصدقائي الجدد..الى هذاك اليوم المشئوم...

اللي قررت اروح زواره وكان هو موموجود بالبيت كلمته وقلت له بطلع ..قالي وعيالك مين بيجلس معاهم انا بتاخر..قلت ماعليه فجر نايمه والاولاد يطالعون التلفزيون الين تجي انت...

هو رفض وقال لاتطلعين وانا عندت وقلت بطلع ..وفعلا طلعت وتركت عيالي في البيت...رحت وضحكنا واستانسنا مع الشله ..بس فجاه حسيت قلبي مقبوض...
بس قلت مافي شي طاير اهم شي الوناسه..هذي الكلمه اللي كانوا دايم يرددونها الشله..فجأه جاني اتصال من زوجي قلت اوووف الحين بينكد علي...

مارديت على الاتصال..وجلس يدق وانا مطنشه..الى ان حسيت ان المساله فيها شي من كثر الاتصال..رديت عليه الوو..قالي:لاعاد اشوفك راجعه البيت وانتي منتي كفو تكوني ام...فجر بنتك احترقت با الشاهي اللي كنتي مجهزته قبل تطلعين علشان تسكتيني وتضلين بوناستك..وانتي طالق.

استاذه قال هالكلمه حسيت ان الدنيا كلها تلف فيني جلست اصارخ مثل المجنونه ..ورجعت لبيتي اركض مالقيت احد..دقيت عليه مايرد..رحت لبيت اهلي اثاريه متصل عليهم وقايل لهم قبلي ..
وقالهم قولوا لها تنساني وتنسى عيالها..اللي باعتنا امس احنا اليوم نبيعها...
جلست بس اترجا يخلوني اشوف فجر ..مارضى اجي وحلف لو اجي اني بشوف شي ماشفته...اهل زوجي قالوا لي ان فجر احترقت رجلها من الدرجه الثانيه..
وبعدها قطعت اخبار عيالي لان زوجي حذرهم من انهم يردون علي...

استاذه انا على هالحال صار لي شهر ونص وقلبي محروووق على عيالي وخصوصا فجر..ابي فجرررر ..فجرررر فجرررررر...

استاذه قولي للبنات.

.لاتغركم الدنيا..ترا الحياه ماتسوى شي بدون عيالكم وطلبي منهم يدعون لي ربي يجمع شملي بعيالي...

انتهت قصة ام فجر واترككم بمداخلتين

الاوله تضيق الخناق و الحكره على الزوجه بسبب الخوف

انت كزوج قد لا تدوم فلماذا تدعها ترى الحياة بمنظور مختلف كان الاجدار ان ترى الحياة معاك يدك بيدها

المداخله بعض النساء يا هداهم الله ليش خراب البيوت

انت فاضية و مو متزوجه لك عالمك و حياتك

هي متزوجه و قانعة بحياتها

درس كبير و قوي من زوج لكن اتمنى انه يكون هدأ من نوبة الغضب فانت كرجل للمرأة حياة فيجب ان نتعاون و نتشارك

والترتيب نصف المعيشة

رتب مع زوجتك واجلس معاهما وتفاهموا و لكن لا تغلق الابواب و تحكم اغلاقها لان اقل فتحية ستجلب من خلفها الطوفان

بوركتم