[الــمُــنـــى]

[ALIGN=CENTER][TABLETEXT="width0%;"][CELL="filter:;"][ALIGN=center]

المشاركة الأصلية كتبت بواسطة مشاعر انثى

هلا بالغاليه منى
جيتك يامنى جيتك
منى وش تخافين منه { طبعاً من حيوانات او طيور } اي شيئ
الناس هلحين البعض منهم يقول انا صريح وهذاك يقول انا صريح طيب ليش صار كل شي فيه خدع 0هذا يكذب وهذا ينصب رغم انهم يتصفون بالصراحه؟
الواحد إذ اخطأ ليش يبقى أثر خطيئته عند الناس وماترحمه 0 ونسى ان الله يغفر وهوغفور رحيم ؟ }
احسن طبخه تجيدها المنى؟
ليش الحبيب نادر مايضحي 0 نجد المرأه هي اللي تضحي ؟ برأيك شنو السبب ؟ هل عشان المرأه ضعيفه وحساسه او00 ؟
عطلة نهاية السنه مابقالها شي 0 وين ناويه المنى تسافر ؟
البركان اللي نسمع عنه هالأيام وتأخر الطائرات 0هل تتوقعين راح يجينا من دخانه0 او اانا بعيدين عنه ؟ رغم انه جاللمغرب ؟
شنو يوقف الحروب برأيك ؟



المنى اعذريني على هالاسئله لأنها جت على هالظهريه وعلى الغداء الدسم0
بالمناسبه منى
{ شنو احلى آكله بحريه تحبينها }00
وبسسسسسسسسس
ترييني ان شاء الله لي عودات 0

/
\



هلا وغلا .. ومساء الفل والكادي .. وحياج ربي يا مشاعر

منى وش تخافين منه { طبعاً من حيوانات او طيور } اي شيء ..؟؟
والله يأ مشاعر أختج خوافة جدا .. من كل شيء أخاف بالذات الصرصور والفار .. ترى ما يغرج منى ( من ظلها تخاف ) :(

الناس هلحين البعض منهم يقول انا صريح وهذاك يقول انا صريح طيب ليش صار كل شي فيه خدع
هذا يكذب وهذا ينصب رغم انهم يتصفون بالصراحه؟؟
والله يا أختي كل الأمور فسادها او صلاحها مرجعها للدين . والأمر الثاني القيم والمباديء اللي تربى عليها الأنسان ، ممكن بلحظة يضعف وتهنتز قيمه بس الأكيد ان كل من يملك نفس لوامة حتما رح يتراجع عن تلك الأمور .

الواحد إذ اخطأ ليش يبقى أثر خطيئته عند الناس وماترحمه 0ونسى ان الله يغفر وهوغفور رحيم ؟
البعض يعتبر عمره ملاك ومستحيل يغلط ، من هالباب تعتبر أخطاء غيره كبائر يستحيل التسامح بها أو تناسيها .
البعض

احسن طبخه تجيدها المنى؟

شوفي يا اختي / ما في طبخة معينة أقدر أقول إني بارعة بيها / بس اللي أقدر أقوله أن الطبخ عندي ( نفس / ومتعة ) لهالسبب إذا دخلت المطبخ ولله المنة والحمد
أأحب أتفنن بالطبخ /.. وكل شيء أطبخه أشوفهم يأكلونه باستمتاع :D هذا يأكدلي إن الأكل عال العال

ليش الحبيب نادر مايضحي 0 نجد المرأه هي اللي تضحي ؟ برأيك شنو السبب ؟ هل عشان المرأه ضعيفه وحساسه او00 ؟
يمكن بحكم أن المرأة تفكر بعواطفها وقلبها أكثر ، تلقين كلمة وحدة ترفعها للسما وكلمة ثانية أتنزلها لسابع أرض . كلمة وحده اتخليها ترضى ( حتى لو كانت بقمة قهرها وزعلها ) بشكل العام المرأة قلبها هو اللي يحكمها وهذا اللي يخليها تتنازل عن أشيا وايدة لجل بس تستمر حياتها الزوجية وما تخسر بيتها أو عيالها . جذي تربينا وجذي شفنا امهاتنا ويداتنا يسون ( ممكن الوحدة منهم قلبها يدمع ) بس مستحيل تتنازل عن مملكتها وابناءها .


عطلة نهاية السنه مابقالها شي 0 وين ناويه المنى تسافر ؟
والله يا الغالية الأمر مو بيد منى لو عليّ كان رحت العمرة / هاذي فعلا السفرة الوحيدة اللي أتمناها بكل عطلة بس ربج للحين ما كتب ( الله يسهلها من عنده ) .
للعلم ما أحب السفر / وأتعب وايد منه علشان جذي ما فكرت بالأمر ولا خططت :p

البركان اللي نسمع عنه هالأيام وتأخر الطائرات 0هل تتوقعين راح يجينا من دخانه0
او اانا بعيدين عنه ؟ رغم انه جاللمغرب ؟

والله فديتج ما في شيء كبير على ربج / وممكن الشيء يصير بغمضة عين / ولو لاحظتي هالسنة التقلبات الجوية عندنا بالخليج كبييرة جدا / اقربها الأمطار اللي يتنا بشهر ( مايو ) وهالشهر معروف أنه من أشهر الصيف الحارة بس سبحان الله صار شيء ما كنا متعودين عليه قبل
يعني بالمختصر الشديد ( لا يعجزه شيء ) وإذا أراد أمرا قال له ( كن فيكن ) :o


شنو يوقف الحروب برأيك ؟
أن تحب لأخيك ما تحب لنفسك / وأن نطبق المفهوم الحقيقي للسلام قلبا وقالبا
( وهذا كل مما في الأمر )




المنى اعذريني على هالاسئله لأنها جت على هالظهريه وعلى الغداء الدسم0
معذورة يا فديتج / أخذي راحتج

بالمناسبه منى / { شنو احلى آكله بحريه تحبينها }00
لا تستغربين لو قلت لج ما احب السمك او الأكلات البحرية


.
.

على الرحب والسعة يا مشاعر متى ما بغيتي / اسعدتيني بهالطلة
لكِ الود والورد



[/ALIGN][/CELL][/TABLETEXT][/ALIGN]