بالخير رب البيت يابنت يجزيك
اخترتي ابياتك قدر واستطاعه
نومستي القاري بطرّاي مغليك
لاعاش هاجس ماينومس يراعه
في زحمة الافكار هذي وهاذيك
والفكر بحره يتسع باتساعه
-قلتي على امي- والقوافي تلبيك
ترفع كفوفٍ بالدعا والضراعه
ماكنها الا جات يالعاق تنبيك
تذكار ياقلب ٍ ملي بالقطاعه
ماهو غريبٍ ياجهنيه النعم فيك
لانك شربتي النعم وقت الرضاعه
ذا واسمحي لي في بيوتك اجاريك
مافي ضميري للجزايل مناعه
اماه نور العين فدوة خطاويك
كلي ومالي والاهل والجماعه
ياجعلني ياراحة القلب مبكيك
والله ماسلى عن طواريك ساعه
حبٍ برا بالقلب ماهو بيخطيك
مرفوع عن حب الهوى واللكاعه
وشلون وانتي باب لبيوتنا ذيك
اللي بجنة عدن وقت الشفاعه
الله يجعلنا ووالدينا من أهلها..آمين
جزاك الله خير..
تقديري